Likezo 19
19
1Helili Apolosi wudi kuKorinda, Pawulu hakuhita mwituŋa dakundundamu, hakushika kuEfwesesa, hakuwana atumbanji amu. 2Hakuyihula nindi, Enu chimwetiyili, mwatambwili Spiritu Wajila? Hiyakumwila nawu, Nehi, hela tuhu kutiya nawu Spiritu Wajila anamuhani dehi, hitunatiyuku. 3Yena nindi, Indi ayipapatishili nachipapatishu chanyi? Nawu, Nachipapatishu chaYowanu. 4Pawulu hakwila nindi, Yowanu wapapatishilaŋa nachipapatishu chakubalumuka mumuchima; walejelaŋa antu nindi amwitiyi yowu wukumulondela munyima, yowu Yesu. 5Chanatiyuwu mwenimu, hiyakuyipapatisha mwijina daMwanta Yesu. 6Pawulu chanayinaŋikiyi makasindi, Spiritu Wajila hakwinza hadi wena; hiyakuhosha madimi cheŋi nakuprofweta. 7Kuyichinda wejima wawu, adiŋi amayala kwiji ikumi nayedi.
8Hakwijila mushikola, hakuhoshaŋa chakadi woma mwahita tukweji tusatu, nakutadika nakushinjila mwaya nsaŋu yawanta waNzambi. 9Chanadikaŋuwu amakwawu, kwonti kwawu kwovwahila, hiyakutena Njila chatama, iku izaza dawantu ditiyaloŋa, Pawulu hakufuma kudi wena, hakufumishaku atumbanji, hakutadikaŋa mushikola yaTiranusa hefuku hefuku. 10Welilaŋa mwenomu nyaka yiyedi, chakwila aYudeya nawaHeleni ejima ashakama muAsiya hiyakutiya mazu aMwanta.
11Nzambi wakoŋelaŋa nyidimu yaŋovu yacheŋi hohu kumakasa aPawulu. 12Akata ayitwelelaŋa hela malesu hela mahina akufuma kumujimba windi, nyisoŋu yawu hiyikuyifuma, niademoni azakukilaŋawu hiyakuyifuma. 13Hakwila aYudeya amakwawu, akwakutambatamba, akwakufumisha ademoni, hiyakukwata Ŋovu jakutenena antu azakukilaŋa ademoni ijina daMwanta Yesu, nawu, Tunayisanyikishi mwijina daYesu ashimunaŋayi Pawulu, netu fumaku. 14Mukulumpi wawatupristu wumu ijina dindi Seva, kaYudeya, wadiŋi nawanyanindi amayala atanu nayedi elilaŋa mwenomu. 15Demoni hakuyakula nindi, Yesu namwiluki, Pawulu nawa namwiluki, ilaŋa enu yenu anyi? 16Owu iyala wazakukili demoni hakuyimotokela, hakujama nawu; ayimika nimushindu wejima wawu, hiyakutemoka mwitalodu nzekesi, ayikatisha dehi. 17Chumichi hichikutiyakana kudi aYudeya nawaHeleni ashakama kuEfwesesa ejima; wejima wawu hiyakutiya woma, ijina daMwanta Yesu ditoha nikutoha. 18Chanetiyuwu antu amavulu, hiyakwiteja mwatamishiluwu, nikushimuna mweliluwu. 19Amakwawu amavulu elilaŋa tufuta twacheŋi nitwacheŋi, hiyakupompesha nyikanda yawu nakuyochela hatooka; kweseka wuseya wanyikandoyu kumona wunashiki mumakombakaji asiliva makumi atanu. 20Dichi mazu aMwanta hiyakukula nikwimika mushindu.
21Kulondela hayumiyi, Pawulu hakutoŋojoka mudi Spiritu nindi, Neyi nahiti dehi muAkaya nimuMasidoniya, nakaya nikuYerusalema; chinakela nayi dehi kwenoku, chiŋa nimona kuRoma nawa. 22Chanatemeshiyi muMasidoniya ankwashi jindi ayedi, iwu Timotewu, iwu Erasitusi, yomweni hakulabila muAsiya mafuku amakwawu.
23Hamafuku wowenawa hikukuvulumuka ipumba dadeni nansaŋu yaNjila. 24Muloŋa iyala wumu, ijina dindi Demeterusa, muchi wasiliva, wachililaŋa mukishi waDiyana wasiliva, hakuheteshaŋa ankoŋi maheta amavulu; 25hakupompesha ankoŋi owu, hamu nawakwawu akoŋelaŋa mudimu wowumu, hakuyila nindi, Enu akwetu, mweluka nenu kumudimu iwu diku kutwahetelaŋa. 26Munamoni, munatiyi, hikuEfwesesa hohuku, ilaŋa kunashali kwanti nakwila mwahita Asiya mwejima, iwu Pawulu wakanjikŋa dehi antu amavulu, nakuyibalumuna munyichima yawu, nindi akishi akutuŋa namakasa hidiwu Nzambuku. 27Chuma chitukukeŋa kumona kukala, chakwila mudimu wetu iwu keŋa wuseki; himwenomu hohuku, tembeli yambala yamukishi wamumbanda walema Diyana, keŋa eli chimwaŋaji. Kudi chuma chikwawu nawa, wanta windi waweni walemeshaŋawu muAsiya mwejima, chalala hela mumpata yamunu mwishina yejima keŋa wusawuki.
28Chanatiyuwu mwenimu, nyichima yawu hiyikukuma mbe nakuzuwa; hiyakuvwakuka nawu, Diyana wawaEfwesesa muneni! 29ŋanda yejima yiluwaŋana nikuluwaŋana; hiyakulotokela mwibulu dawu deneni namuchima wawu wumu, anakwati dehi aGayusi naArisitaka, amayala akuMasidoniya akwakwenda naPawulu. 30Cheliliyi Pawulu nindi epili mwibulu mwanapompeluwu antu, atumbanji kumwiteja nehi. 31Atulamba amakwawu akuAsiya, adiŋi amabwambu jindi, hiyakumutemeshela izu dakumulembelela nawu, Bayi weseka kwijila mwibuluku. 32Amakwawu hiyakubideka chuma chimu, amakwawu chuma chikwawu; muloŋa chipompelu chejima chaluwaŋana dehi, amavulu nikwiluka nsaŋu yanapompeluwu nehi. 33Hiyakufumisha Alesanderi mwizaza dawantu, aYudeya hiyakumusha kumbidi. Alesanderi hakweseka kuyimwenesha nachikasa chindi, nindi akwati kukulumbulwila antu nsaŋu oyu. 34Ilaŋa chanelukuwu nawu hikaYudeya, hiyakuvwakuka wejima wawu izu dawu dimu hohu, mwahita ora jiyedi, vwakuke-e, nawu, Diyana wawaEfwesesa muneni! 35Kalala kaŋandoyu chanamweneshiyi izaza hakwila nindi, Enu akwetu amayala aEfwesesa, hadi muntu wayamba ŋanda yawaEfwesesa chiyahembaŋa tembeli yaDiyana muneni, nimukishi waholokeli kwiwulu kudi Zewusi, tahindi? 36Chineli yumiyi, kwosi muntu natweshi kutadika mwokuku, komana enu mwadi kumwena, himwadi kunyakala kwila chumaku. 37Munaleti kunu awa amayala anabuli hela kwiya yuma yamumatembeli, hela kutena chatama mukishi wetu wamumbanda. 38Dichi Demeterusa nawantu akoŋelaŋa mudimu wowumu, neyi akweti nsaŋu yakudiholokela, yota yidi kwoku, nianyanta aboma adi kwoku, adiholokeli kwawu. 39Ilaŋa neyi munakeŋi kuhosha nsaŋu yacheŋi, akuyisompeshela muchota chawawakulumpi awantu ejima chalumbuluka. 40Muloŋa keŋa tumoni muloŋa nansaŋu yandombu yalelu; neyi twakamona mwenomu, hitwakatwesha kulumbulula chachiwahi nsaŋu yitunapompeluku. 41Chanahoshiyi mwenomu hakumwaŋa antu.
လက္ရွိေရြးခ်ယ္ထားမွု
Likezo 19: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 19
19
1Helili Apolosi wudi kuKorinda, Pawulu hakuhita mwituŋa dakundundamu, hakushika kuEfwesesa, hakuwana atumbanji amu. 2Hakuyihula nindi, Enu chimwetiyili, mwatambwili Spiritu Wajila? Hiyakumwila nawu, Nehi, hela tuhu kutiya nawu Spiritu Wajila anamuhani dehi, hitunatiyuku. 3Yena nindi, Indi ayipapatishili nachipapatishu chanyi? Nawu, Nachipapatishu chaYowanu. 4Pawulu hakwila nindi, Yowanu wapapatishilaŋa nachipapatishu chakubalumuka mumuchima; walejelaŋa antu nindi amwitiyi yowu wukumulondela munyima, yowu Yesu. 5Chanatiyuwu mwenimu, hiyakuyipapatisha mwijina daMwanta Yesu. 6Pawulu chanayinaŋikiyi makasindi, Spiritu Wajila hakwinza hadi wena; hiyakuhosha madimi cheŋi nakuprofweta. 7Kuyichinda wejima wawu, adiŋi amayala kwiji ikumi nayedi.
8Hakwijila mushikola, hakuhoshaŋa chakadi woma mwahita tukweji tusatu, nakutadika nakushinjila mwaya nsaŋu yawanta waNzambi. 9Chanadikaŋuwu amakwawu, kwonti kwawu kwovwahila, hiyakutena Njila chatama, iku izaza dawantu ditiyaloŋa, Pawulu hakufuma kudi wena, hakufumishaku atumbanji, hakutadikaŋa mushikola yaTiranusa hefuku hefuku. 10Welilaŋa mwenomu nyaka yiyedi, chakwila aYudeya nawaHeleni ejima ashakama muAsiya hiyakutiya mazu aMwanta.
11Nzambi wakoŋelaŋa nyidimu yaŋovu yacheŋi hohu kumakasa aPawulu. 12Akata ayitwelelaŋa hela malesu hela mahina akufuma kumujimba windi, nyisoŋu yawu hiyikuyifuma, niademoni azakukilaŋawu hiyakuyifuma. 13Hakwila aYudeya amakwawu, akwakutambatamba, akwakufumisha ademoni, hiyakukwata Ŋovu jakutenena antu azakukilaŋa ademoni ijina daMwanta Yesu, nawu, Tunayisanyikishi mwijina daYesu ashimunaŋayi Pawulu, netu fumaku. 14Mukulumpi wawatupristu wumu ijina dindi Seva, kaYudeya, wadiŋi nawanyanindi amayala atanu nayedi elilaŋa mwenomu. 15Demoni hakuyakula nindi, Yesu namwiluki, Pawulu nawa namwiluki, ilaŋa enu yenu anyi? 16Owu iyala wazakukili demoni hakuyimotokela, hakujama nawu; ayimika nimushindu wejima wawu, hiyakutemoka mwitalodu nzekesi, ayikatisha dehi. 17Chumichi hichikutiyakana kudi aYudeya nawaHeleni ashakama kuEfwesesa ejima; wejima wawu hiyakutiya woma, ijina daMwanta Yesu ditoha nikutoha. 18Chanetiyuwu antu amavulu, hiyakwiteja mwatamishiluwu, nikushimuna mweliluwu. 19Amakwawu amavulu elilaŋa tufuta twacheŋi nitwacheŋi, hiyakupompesha nyikanda yawu nakuyochela hatooka; kweseka wuseya wanyikandoyu kumona wunashiki mumakombakaji asiliva makumi atanu. 20Dichi mazu aMwanta hiyakukula nikwimika mushindu.
21Kulondela hayumiyi, Pawulu hakutoŋojoka mudi Spiritu nindi, Neyi nahiti dehi muAkaya nimuMasidoniya, nakaya nikuYerusalema; chinakela nayi dehi kwenoku, chiŋa nimona kuRoma nawa. 22Chanatemeshiyi muMasidoniya ankwashi jindi ayedi, iwu Timotewu, iwu Erasitusi, yomweni hakulabila muAsiya mafuku amakwawu.
23Hamafuku wowenawa hikukuvulumuka ipumba dadeni nansaŋu yaNjila. 24Muloŋa iyala wumu, ijina dindi Demeterusa, muchi wasiliva, wachililaŋa mukishi waDiyana wasiliva, hakuheteshaŋa ankoŋi maheta amavulu; 25hakupompesha ankoŋi owu, hamu nawakwawu akoŋelaŋa mudimu wowumu, hakuyila nindi, Enu akwetu, mweluka nenu kumudimu iwu diku kutwahetelaŋa. 26Munamoni, munatiyi, hikuEfwesesa hohuku, ilaŋa kunashali kwanti nakwila mwahita Asiya mwejima, iwu Pawulu wakanjikŋa dehi antu amavulu, nakuyibalumuna munyichima yawu, nindi akishi akutuŋa namakasa hidiwu Nzambuku. 27Chuma chitukukeŋa kumona kukala, chakwila mudimu wetu iwu keŋa wuseki; himwenomu hohuku, tembeli yambala yamukishi wamumbanda walema Diyana, keŋa eli chimwaŋaji. Kudi chuma chikwawu nawa, wanta windi waweni walemeshaŋawu muAsiya mwejima, chalala hela mumpata yamunu mwishina yejima keŋa wusawuki.
28Chanatiyuwu mwenimu, nyichima yawu hiyikukuma mbe nakuzuwa; hiyakuvwakuka nawu, Diyana wawaEfwesesa muneni! 29ŋanda yejima yiluwaŋana nikuluwaŋana; hiyakulotokela mwibulu dawu deneni namuchima wawu wumu, anakwati dehi aGayusi naArisitaka, amayala akuMasidoniya akwakwenda naPawulu. 30Cheliliyi Pawulu nindi epili mwibulu mwanapompeluwu antu, atumbanji kumwiteja nehi. 31Atulamba amakwawu akuAsiya, adiŋi amabwambu jindi, hiyakumutemeshela izu dakumulembelela nawu, Bayi weseka kwijila mwibuluku. 32Amakwawu hiyakubideka chuma chimu, amakwawu chuma chikwawu; muloŋa chipompelu chejima chaluwaŋana dehi, amavulu nikwiluka nsaŋu yanapompeluwu nehi. 33Hiyakufumisha Alesanderi mwizaza dawantu, aYudeya hiyakumusha kumbidi. Alesanderi hakweseka kuyimwenesha nachikasa chindi, nindi akwati kukulumbulwila antu nsaŋu oyu. 34Ilaŋa chanelukuwu nawu hikaYudeya, hiyakuvwakuka wejima wawu izu dawu dimu hohu, mwahita ora jiyedi, vwakuke-e, nawu, Diyana wawaEfwesesa muneni! 35Kalala kaŋandoyu chanamweneshiyi izaza hakwila nindi, Enu akwetu amayala aEfwesesa, hadi muntu wayamba ŋanda yawaEfwesesa chiyahembaŋa tembeli yaDiyana muneni, nimukishi waholokeli kwiwulu kudi Zewusi, tahindi? 36Chineli yumiyi, kwosi muntu natweshi kutadika mwokuku, komana enu mwadi kumwena, himwadi kunyakala kwila chumaku. 37Munaleti kunu awa amayala anabuli hela kwiya yuma yamumatembeli, hela kutena chatama mukishi wetu wamumbanda. 38Dichi Demeterusa nawantu akoŋelaŋa mudimu wowumu, neyi akweti nsaŋu yakudiholokela, yota yidi kwoku, nianyanta aboma adi kwoku, adiholokeli kwawu. 39Ilaŋa neyi munakeŋi kuhosha nsaŋu yacheŋi, akuyisompeshela muchota chawawakulumpi awantu ejima chalumbuluka. 40Muloŋa keŋa tumoni muloŋa nansaŋu yandombu yalelu; neyi twakamona mwenomu, hitwakatwesha kulumbulula chachiwahi nsaŋu yitunapompeluku. 41Chanahoshiyi mwenomu hakumwaŋa antu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.