Likezo 18
18
1Kulondela hayumiyi, Pawulu hakufuma kuAtenisi, hakushika kuKorinda. 2Kwenoku hakuwanaku kaYudeya wumu, ijina dindi Akwila, wavwalikili muPontu, yena mwomukufuma kuItaliya naŋodindi Pirisila; muloŋa Kaludusa naleji dehi aYudeya ejima, nindi afumi muRoma. Dichi yena Pawulu hakuya kudi wena; 3hakushakama nawu muloŋa mudimu wawu wowumu nayena. Hiyakukalakela hamu, muloŋa mudimu wawu wowu wakuchima matenti. 4Hakutadikaŋa nawantu mushikola sabata jejima; hakushinjilaŋa aYudeya nawaHeleni.
5Cheliluwu aSilasi naTimotewu anafumi dehi kuMasidoniya, nsaŋu hiyikumutiyisha Pawulu iyena kuspiritu, busu. Hakushimwina aYudeya nindi Yesu diyi Kristu. 6Chanadikaŋuwu nakuhosha chatama, hakutotomona mahinindi, hakuyila nindi, Mashi enu ayikumini enu aweni, ami kwami hinikweti muloŋaku. Kufumisha kulelu nukuya kwami kudi aJentili. 7Hakufumaku, hakwijila mwitala damuntu wumu, ijina dindi Titusa Yusitu, mukwakuhameka Nzambi, wukweti itala dindi dadikuma nashikola. 8Nyuli yashikoloyu Kirisipu hakumukuhwelela Mwanta nawakwetala dindi ejima. AKorinda amavulu niwena chanatiyuwu, etiya nikwitiya, hiyakuyipapatisha. 9Mwanta hakumwila Pawulu muchimwenu nawufuku nindi, Bayi wutiyaloŋa womaku, hoshaŋa kweyi, bayi wumwenaŋaku; 10muloŋa ami nidi naneyi, hikukwi kala muntu wakukuzuŋisha hela kukukatishaku; ni kweti antu amavulu muŋanda yinu. 11Hakushakama kwenoku mwaka wumu natukweji tutanu nakamu, nakuyileja mazu aNzambi mukachi kawu ho-o.
12Hadiŋiyi Galiyo mwanta waboma yamuAkaya, aYudeya hiyakumunyamukila Pawulu namuchima wawu wumu, hiyakumutwala kwitanda dakusompela. 13Nawu, Iwu iyala wudi nakushinjila antu kudifukula kudi Nzambi mwacheŋi, mwabula kuya nshimbi. 14Heliliyi Pawulu nindi akwati kuhosha, Galiyo hakuyila aYudeya nindi, Enu aYudeya, iyi nsaŋu neyi yadiŋi yakwila chatama, hela yakubajama, nadi kwiteja tuhu kunkabisha kudenu; 15kwinzichi chiyineli nsaŋu yamazu namajina nanshimbi jenwenu aweni, yiketulenu enu aweni; ami naleki kusompesha nsaŋu iyi. 16Hakuyihaŋa kwitanda dakusompela. 17Wena ejima amukwata ninyuli yashikola Soseteni, amwetela nikwenoku kwitanda dakusompela. Ilaŋa Galiyo kubaŋaku nehi.
18Kufumisha henaha heliluwu yumiyi, Pawulu hakulabilaku mafuku amakwawu amavulu. Nkumininaku hakushalika ana kwindi, hakuya kuSiriya muwatu, wudi nawaPirisila naAkwila; watewula dehi namutu windi muKenikiri, muloŋa wadiŋi nansaŋu yadishiililiyi. 19Chanashikuwu kuEfwesesa, hakushiya akwawu kwenoku, ilaŋa yena yomweni hakwijila mushikola, hakutadika nawaYudeya. 20Chanamulombuwu nawu ashakamuku mafuku amakwawu, yena kwiteja nehi. 21Hakuyishalika nindi, Neyi Nzambi neteji, nakafunta kunu kudenu. Hakufuma kuEfwesesa muwatu.
22Chanashikiyi kuKesareya, chanafumiyi muwatu owu, hakukanduka kuYerusalema nakwimwisha chipompelu; hakukunkumuka kuAntiyoki. 23Chanashakamuku mafuku, hakufumaku, hakuhita mwituŋa daŊalija nidaFwirŋiya, nakukolesha atumbanji ejima hamukala hamukala.
24KuEfwesesa hikukwinza kaYudeya wumu, ijina dindi Apolosi, wavwalikili kuAlesanderiya; muntu wasweja maana nankashi, wasweja Ŋovu jakwiluka mwalumbulukila nyikanda yajila. 25Yena amuleja dehi mwaya njila yaMwanta; wekala neyena muspiritu yindi. Hakuhosha nakuleja antu nsaŋu yaYesu chakashinshi, weluka kwachipapatishu chaYowanu hohu. 26Hakutachika kuhosha mushikola chakadi woma. Chanamutiyuwu aPirisila naAkwila, hiyakumutwala kwitala dawu, hiyakumulumbulwila mwaya njila yaNzambi, chakashinshi hanashali hanashali. 27Chakeŋeliyi kuya muAkaya, ana kwindi hiyakumukwashaku nakumusonekela mukanda wakuleja atumbanji nawu mutambulenu. Chanashikiyi hakuyikwashaku nankashi antu anetiyi naluwi lwaNzambi. 28Muloŋa waswejeli kuyibayisha aYudeya naŋovu hatooka, nakuyilejela kunyikanda yajila nindi Yesu diyi Kristu.
လက္ရွိေရြးခ်ယ္ထားမွု
Likezo 18: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 18
18
1Kulondela hayumiyi, Pawulu hakufuma kuAtenisi, hakushika kuKorinda. 2Kwenoku hakuwanaku kaYudeya wumu, ijina dindi Akwila, wavwalikili muPontu, yena mwomukufuma kuItaliya naŋodindi Pirisila; muloŋa Kaludusa naleji dehi aYudeya ejima, nindi afumi muRoma. Dichi yena Pawulu hakuya kudi wena; 3hakushakama nawu muloŋa mudimu wawu wowumu nayena. Hiyakukalakela hamu, muloŋa mudimu wawu wowu wakuchima matenti. 4Hakutadikaŋa nawantu mushikola sabata jejima; hakushinjilaŋa aYudeya nawaHeleni.
5Cheliluwu aSilasi naTimotewu anafumi dehi kuMasidoniya, nsaŋu hiyikumutiyisha Pawulu iyena kuspiritu, busu. Hakushimwina aYudeya nindi Yesu diyi Kristu. 6Chanadikaŋuwu nakuhosha chatama, hakutotomona mahinindi, hakuyila nindi, Mashi enu ayikumini enu aweni, ami kwami hinikweti muloŋaku. Kufumisha kulelu nukuya kwami kudi aJentili. 7Hakufumaku, hakwijila mwitala damuntu wumu, ijina dindi Titusa Yusitu, mukwakuhameka Nzambi, wukweti itala dindi dadikuma nashikola. 8Nyuli yashikoloyu Kirisipu hakumukuhwelela Mwanta nawakwetala dindi ejima. AKorinda amavulu niwena chanatiyuwu, etiya nikwitiya, hiyakuyipapatisha. 9Mwanta hakumwila Pawulu muchimwenu nawufuku nindi, Bayi wutiyaloŋa womaku, hoshaŋa kweyi, bayi wumwenaŋaku; 10muloŋa ami nidi naneyi, hikukwi kala muntu wakukuzuŋisha hela kukukatishaku; ni kweti antu amavulu muŋanda yinu. 11Hakushakama kwenoku mwaka wumu natukweji tutanu nakamu, nakuyileja mazu aNzambi mukachi kawu ho-o.
12Hadiŋiyi Galiyo mwanta waboma yamuAkaya, aYudeya hiyakumunyamukila Pawulu namuchima wawu wumu, hiyakumutwala kwitanda dakusompela. 13Nawu, Iwu iyala wudi nakushinjila antu kudifukula kudi Nzambi mwacheŋi, mwabula kuya nshimbi. 14Heliliyi Pawulu nindi akwati kuhosha, Galiyo hakuyila aYudeya nindi, Enu aYudeya, iyi nsaŋu neyi yadiŋi yakwila chatama, hela yakubajama, nadi kwiteja tuhu kunkabisha kudenu; 15kwinzichi chiyineli nsaŋu yamazu namajina nanshimbi jenwenu aweni, yiketulenu enu aweni; ami naleki kusompesha nsaŋu iyi. 16Hakuyihaŋa kwitanda dakusompela. 17Wena ejima amukwata ninyuli yashikola Soseteni, amwetela nikwenoku kwitanda dakusompela. Ilaŋa Galiyo kubaŋaku nehi.
18Kufumisha henaha heliluwu yumiyi, Pawulu hakulabilaku mafuku amakwawu amavulu. Nkumininaku hakushalika ana kwindi, hakuya kuSiriya muwatu, wudi nawaPirisila naAkwila; watewula dehi namutu windi muKenikiri, muloŋa wadiŋi nansaŋu yadishiililiyi. 19Chanashikuwu kuEfwesesa, hakushiya akwawu kwenoku, ilaŋa yena yomweni hakwijila mushikola, hakutadika nawaYudeya. 20Chanamulombuwu nawu ashakamuku mafuku amakwawu, yena kwiteja nehi. 21Hakuyishalika nindi, Neyi Nzambi neteji, nakafunta kunu kudenu. Hakufuma kuEfwesesa muwatu.
22Chanashikiyi kuKesareya, chanafumiyi muwatu owu, hakukanduka kuYerusalema nakwimwisha chipompelu; hakukunkumuka kuAntiyoki. 23Chanashakamuku mafuku, hakufumaku, hakuhita mwituŋa daŊalija nidaFwirŋiya, nakukolesha atumbanji ejima hamukala hamukala.
24KuEfwesesa hikukwinza kaYudeya wumu, ijina dindi Apolosi, wavwalikili kuAlesanderiya; muntu wasweja maana nankashi, wasweja Ŋovu jakwiluka mwalumbulukila nyikanda yajila. 25Yena amuleja dehi mwaya njila yaMwanta; wekala neyena muspiritu yindi. Hakuhosha nakuleja antu nsaŋu yaYesu chakashinshi, weluka kwachipapatishu chaYowanu hohu. 26Hakutachika kuhosha mushikola chakadi woma. Chanamutiyuwu aPirisila naAkwila, hiyakumutwala kwitala dawu, hiyakumulumbulwila mwaya njila yaNzambi, chakashinshi hanashali hanashali. 27Chakeŋeliyi kuya muAkaya, ana kwindi hiyakumukwashaku nakumusonekela mukanda wakuleja atumbanji nawu mutambulenu. Chanashikiyi hakuyikwashaku nankashi antu anetiyi naluwi lwaNzambi. 28Muloŋa waswejeli kuyibayisha aYudeya naŋovu hatooka, nakuyilejela kunyikanda yajila nindi Yesu diyi Kristu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.