Likezo 16
16
1Hakushika kuDeribi nikuLisitira. Kutala kudi kambanji wumu kwenoku, ijina dindi Timotewu, mwana kamumbanda wakaYudeya wetiya; hakwila tata yindi wadiŋi kaHeleni. 2Himuntu ahamekawu kudi ana kwindi adiŋi kuLisitira nakuIkoniyumu. 3Hiyakumukeŋa kudi Pawulu nindi ayaloŋa nindi. Chanamutambuliyi hakumwalamisha, kuchina aYudeya adiŋi munyikala yakwenoku, muloŋa antu ejima eluka dehi nawu tata yindi kaHeleni. 4Chayilaŋawu nakuhitahita munyikala, hiyakuyilejaleja yijila yayilejeluwu kudi apostolu nawawakulumpi kuYerusalema, nawu ayovwahili. 5Yipompelu hiyikudikolesha mukwitiya kwakukuhwelela, akwakwitiya hiyakuya nakusemwaŋana hefuku hefuku.
6Hiyakupandakana kuFwilipa nakuFwilipa, muloŋa Spiritu Wajila wayilekesha dehi kushimuna mazu muAsiya. 7Chanashikuwu kwatalaŋana naMisiya, nawu eseki kuya kuBitiniya, Spiritu yaYesu kuyiteja nehi. 8Hiyakupandakana haMisiya, akunkumukila nikuTirowasi. 9Pawulu hakumona chimwenu nawufuku; hakumona iyala wakuMasidoniya, nemani nakumulembelela nindi, Zambukilaku kunu kuMasidoniya, wutukwashuku. 10Chanamoniyi chimwenu ochu, hohenohu tukeŋa nikuya kuMasidoniya, tuneluki dehi netu Nzambi natutambiki, kulonda twakashimuni nsaŋu yayiwahi kudi antu akwenoku.
11Dichi hitukufuma kuTirowasi muwatu, twimakana zwa nikuSamotirasi; chikunachi tushika nikuNeyapoli. 12Tufuma nikwenoku tuya nikuFwilipi, yoŋanda yamuMasidoniya yalema, mwatuŋishawu dehi aRoma mashidikawu. Hitukulabila muŋandoyu mafuku amakwawu. 13Hitukwidika kuchisu chamuŋanda hasabata, hitukuya kuchi kumu chakaloŋa, kutwatoŋojokeli netu kwiji diku kwapompelaŋawu nakulomba. Hitukushakama nakuhoshahosha nawambanda apompeli kwenoku. 14Mumbanda wumu, ijina dindi Lidiya, wakumukala waTiyatira, mukwakulandisha mahina awusombu, mukwakuhameka Nzambi, hakututiya. Mwanta hakwenzulula mumuchima windi, kulonda atiyi nsaŋu yakuhoshayi Pawulu. 15Chanamupapatishuwu niyena niakwetala dindi, hakutulembelela nindi, Neyi munanmoni nenu netiyi Mwanta, iŋilenu mwitala dami tushakami nenu. Hakutushinjila chakutushinjila.
16Chelili hitukuya kwalombelaŋawu, hiyakutubulakana kudi chaŋadima chamumbanda, wazakukaŋa demoni wakuhoŋa; ŋombu yindi diyi yaheteshaŋayi nachu anyanta jindi. 17Yenowu hakulondaŋa Pawulu nanetu nakubidika nindi, Awa amayala hiyaloŋamba jaNzambi Mukwakubadika, hiyakuyishimwina njila yakuhandila. 18Hakwilaŋa mwenimu mwahita mafuku amavulu. Ilaŋa Pawulu hakutiya kumuchima bwi; hakushetumuka nakumwila owu demoni nindi, Nakuleji mwijina daYesu Kristu, nami mufumi. Amufuma nihohenohu.
19Anyanta jindi, chanamonuwu mwakuhwelelaŋawu leuheta munafumi dehi, hiyakukwata aPawulu naSilasi, hiyakuyikokela kuwulandilu, kumesu awanyuli. 20Chanayitwaluwu kudi ansompeshi, hiyakwila nawu, AYudeya awa hiyatuvuba adi nakukabisha nankashi ŋanda yetu. 21Hiyakutuleja yaaku, kuyitambula hela kuyovwahila kudetu aRoma chinjila. 22Izaza hidikuyilu ndumukila nandombu, ansompeshi hiyakutabula mahinawu, hiyakuleja mashidika nawu yetenu natubama. 23Chanayetuwu tubama twatuvulu hiyakuyinatila mukaleya; hiyakuleja mukwakuhemba kaleya, nawu ayihembi chachiwahi. 24Yena chanamulejuwu ochu, hakuyishinjikila mukatala kamukachi kakaleya, hakupata nyendu yawu mumpompa.
25Ilaŋa mukachi kawufuku, aPawulu naSilasi adiŋi nakulomba nakwimbila Nzambi tumina, iku antu amukaleya enda ayitiya. 26Kukasumuka himutentanshi waweni; chikuku chetala dakaleya hichikutenta nte-nte, yenzelu yejima yenzuluka nihohenohu, nyonji yawantu ejima amukaleya yisubuka nikusubuka. 27Mukwakuhemba kaleya hakubazumuka namutulu, hakumona kuyenzelu yakaleya kwachashi; hakuhola mpoku yindi yakabali, nindi adŋahi, muloŋa natoŋojoki nindi antu amukaleya anatemuki dehi. 28Ilaŋa Pawulu hakubidika nezu daŊovu nindi, Bayi wudikatishaku, yetu awa wejima wetu. 29Hakutambika antu aleti yimunyi, hakukilukilamu, iku wudi nikuzaala woma, hakudinata heseki kunyendu yaPawulu naSilasi. 30Hakuyiidishamu nindi, Enu anyanta, nukwila ŋahi nihandi? 31Wena nawu, Mukuhwelelenu Mwanta Yesu, wuhandi nineyi niakwetala deyi.
32Hiyakushimwina yena, niantu ejima amwitala dindi, mazu aMwanta.
33Yena hakuyitwala yoyena mpinji yawufuku oyu, hakukosakosa nyinkakambu yawu; amupapatisha niyena niayindi ejima hohenohu. 34Hakuyiŋa mwitala dindi, hakuyitulila yakudya. Hakuzaŋalala nankashi chanakuhweleliyi Nzambi niayindi ejima.
35Chelili kunachi dehi, ansompeshi hiyakutemesha atulama, nawu, Yilekenu amayala ayi tuhu. 36Mukwakuhemba kaleya hakulejamu Pawulu, nindi, Ansompeshi anatemeshi izu dakwila nawu, Yenu. Dichi dinu fumenumu muyi chachiwahi. 37Ilaŋa Pawulu hakuyila nindi, Kutweta anatweteli hatooka chakadi kutuhisha, kutoŋa etu tuyaRoma; hiyakutunatila mukaleya, atufumishumu kumbadi? Chinjila! Enzaŋa kwawu awenawu atufumishumu. 38Atulama hiyakuleja ansompeshi mazu awa. Chanatiyuwu nawu hiyaRoma, atiya niwoma. 39Hiyakwinza nakuyilembelela. Chanayifumishuwu hiyakulomba nawu, Fumenu mwani kuŋanda yetu. 40Hiyakufuma mukaleya hiyakuya kwaLidiya. Chanamonuwu ana kwetu nakuyikundeja, hiyakufuma kwenoku.
လက္ရွိေရြးခ်ယ္ထားမွု
Likezo 16: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 16
16
1Hakushika kuDeribi nikuLisitira. Kutala kudi kambanji wumu kwenoku, ijina dindi Timotewu, mwana kamumbanda wakaYudeya wetiya; hakwila tata yindi wadiŋi kaHeleni. 2Himuntu ahamekawu kudi ana kwindi adiŋi kuLisitira nakuIkoniyumu. 3Hiyakumukeŋa kudi Pawulu nindi ayaloŋa nindi. Chanamutambuliyi hakumwalamisha, kuchina aYudeya adiŋi munyikala yakwenoku, muloŋa antu ejima eluka dehi nawu tata yindi kaHeleni. 4Chayilaŋawu nakuhitahita munyikala, hiyakuyilejaleja yijila yayilejeluwu kudi apostolu nawawakulumpi kuYerusalema, nawu ayovwahili. 5Yipompelu hiyikudikolesha mukwitiya kwakukuhwelela, akwakwitiya hiyakuya nakusemwaŋana hefuku hefuku.
6Hiyakupandakana kuFwilipa nakuFwilipa, muloŋa Spiritu Wajila wayilekesha dehi kushimuna mazu muAsiya. 7Chanashikuwu kwatalaŋana naMisiya, nawu eseki kuya kuBitiniya, Spiritu yaYesu kuyiteja nehi. 8Hiyakupandakana haMisiya, akunkumukila nikuTirowasi. 9Pawulu hakumona chimwenu nawufuku; hakumona iyala wakuMasidoniya, nemani nakumulembelela nindi, Zambukilaku kunu kuMasidoniya, wutukwashuku. 10Chanamoniyi chimwenu ochu, hohenohu tukeŋa nikuya kuMasidoniya, tuneluki dehi netu Nzambi natutambiki, kulonda twakashimuni nsaŋu yayiwahi kudi antu akwenoku.
11Dichi hitukufuma kuTirowasi muwatu, twimakana zwa nikuSamotirasi; chikunachi tushika nikuNeyapoli. 12Tufuma nikwenoku tuya nikuFwilipi, yoŋanda yamuMasidoniya yalema, mwatuŋishawu dehi aRoma mashidikawu. Hitukulabila muŋandoyu mafuku amakwawu. 13Hitukwidika kuchisu chamuŋanda hasabata, hitukuya kuchi kumu chakaloŋa, kutwatoŋojokeli netu kwiji diku kwapompelaŋawu nakulomba. Hitukushakama nakuhoshahosha nawambanda apompeli kwenoku. 14Mumbanda wumu, ijina dindi Lidiya, wakumukala waTiyatira, mukwakulandisha mahina awusombu, mukwakuhameka Nzambi, hakututiya. Mwanta hakwenzulula mumuchima windi, kulonda atiyi nsaŋu yakuhoshayi Pawulu. 15Chanamupapatishuwu niyena niakwetala dindi, hakutulembelela nindi, Neyi munanmoni nenu netiyi Mwanta, iŋilenu mwitala dami tushakami nenu. Hakutushinjila chakutushinjila.
16Chelili hitukuya kwalombelaŋawu, hiyakutubulakana kudi chaŋadima chamumbanda, wazakukaŋa demoni wakuhoŋa; ŋombu yindi diyi yaheteshaŋayi nachu anyanta jindi. 17Yenowu hakulondaŋa Pawulu nanetu nakubidika nindi, Awa amayala hiyaloŋamba jaNzambi Mukwakubadika, hiyakuyishimwina njila yakuhandila. 18Hakwilaŋa mwenimu mwahita mafuku amavulu. Ilaŋa Pawulu hakutiya kumuchima bwi; hakushetumuka nakumwila owu demoni nindi, Nakuleji mwijina daYesu Kristu, nami mufumi. Amufuma nihohenohu.
19Anyanta jindi, chanamonuwu mwakuhwelelaŋawu leuheta munafumi dehi, hiyakukwata aPawulu naSilasi, hiyakuyikokela kuwulandilu, kumesu awanyuli. 20Chanayitwaluwu kudi ansompeshi, hiyakwila nawu, AYudeya awa hiyatuvuba adi nakukabisha nankashi ŋanda yetu. 21Hiyakutuleja yaaku, kuyitambula hela kuyovwahila kudetu aRoma chinjila. 22Izaza hidikuyilu ndumukila nandombu, ansompeshi hiyakutabula mahinawu, hiyakuleja mashidika nawu yetenu natubama. 23Chanayetuwu tubama twatuvulu hiyakuyinatila mukaleya; hiyakuleja mukwakuhemba kaleya, nawu ayihembi chachiwahi. 24Yena chanamulejuwu ochu, hakuyishinjikila mukatala kamukachi kakaleya, hakupata nyendu yawu mumpompa.
25Ilaŋa mukachi kawufuku, aPawulu naSilasi adiŋi nakulomba nakwimbila Nzambi tumina, iku antu amukaleya enda ayitiya. 26Kukasumuka himutentanshi waweni; chikuku chetala dakaleya hichikutenta nte-nte, yenzelu yejima yenzuluka nihohenohu, nyonji yawantu ejima amukaleya yisubuka nikusubuka. 27Mukwakuhemba kaleya hakubazumuka namutulu, hakumona kuyenzelu yakaleya kwachashi; hakuhola mpoku yindi yakabali, nindi adŋahi, muloŋa natoŋojoki nindi antu amukaleya anatemuki dehi. 28Ilaŋa Pawulu hakubidika nezu daŊovu nindi, Bayi wudikatishaku, yetu awa wejima wetu. 29Hakutambika antu aleti yimunyi, hakukilukilamu, iku wudi nikuzaala woma, hakudinata heseki kunyendu yaPawulu naSilasi. 30Hakuyiidishamu nindi, Enu anyanta, nukwila ŋahi nihandi? 31Wena nawu, Mukuhwelelenu Mwanta Yesu, wuhandi nineyi niakwetala deyi.
32Hiyakushimwina yena, niantu ejima amwitala dindi, mazu aMwanta.
33Yena hakuyitwala yoyena mpinji yawufuku oyu, hakukosakosa nyinkakambu yawu; amupapatisha niyena niayindi ejima hohenohu. 34Hakuyiŋa mwitala dindi, hakuyitulila yakudya. Hakuzaŋalala nankashi chanakuhweleliyi Nzambi niayindi ejima.
35Chelili kunachi dehi, ansompeshi hiyakutemesha atulama, nawu, Yilekenu amayala ayi tuhu. 36Mukwakuhemba kaleya hakulejamu Pawulu, nindi, Ansompeshi anatemeshi izu dakwila nawu, Yenu. Dichi dinu fumenumu muyi chachiwahi. 37Ilaŋa Pawulu hakuyila nindi, Kutweta anatweteli hatooka chakadi kutuhisha, kutoŋa etu tuyaRoma; hiyakutunatila mukaleya, atufumishumu kumbadi? Chinjila! Enzaŋa kwawu awenawu atufumishumu. 38Atulama hiyakuleja ansompeshi mazu awa. Chanatiyuwu nawu hiyaRoma, atiya niwoma. 39Hiyakwinza nakuyilembelela. Chanayifumishuwu hiyakulomba nawu, Fumenu mwani kuŋanda yetu. 40Hiyakufuma mukaleya hiyakuya kwaLidiya. Chanamonuwu ana kwetu nakuyikundeja, hiyakufuma kwenoku.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.