Likezo 15
15
1KuYudeya hikukufuma antu amakwawu hiyakuleja akwakwitiya nawu, Chiŋa akayalamisha mwaya chila chaMosi kulonda mwakahandi. 2Chanatadikuwu nawaPawulu naBaranaba tadike-e, nikudihujola nawu, hiyakukunjika aPawulu naBaranaba ni akwawu, akayi nansaŋu iyi kuYerusalema kudi apostolu nawawakulumpi. 3Dichi chipompelu hichikuyishinjikŋaku munjila yawu; hiyakuhita muFwenisiya nimuSamariya nakushimuna chanabalumukuwu aJentili; hiyakuyiluŋisha nankashi ana kwawu ejima. 4Chanashikuwu kuYerusalema, hiyakuyitambula kudi chipompelu nikudi apostolu nawawakulumpi, hiyakuyishimwina mwejima mwaneliyi Nzambi nawena. 5Hikukunyamuka akwachaaku chawaFwarisi amakwawu etiyili dehi, hiyakwila nawu, Chiŋa ayalamishi, ayileji nawa kuhemba nshimbi jaMosi.
6Apostolu nawawakulumpi hiyakupompa nakutoŋojoka nsaŋu iyi hamu. 7Chanadihujoluwu ihujole-e, Petulu hakwimana nakuyila nindi, Enu ana kwetu, enu aweni mweluka dehi chantondeluwu kudi Nzambi mukachi kenu hamafuku akusambila, kulonda aJentili atiyi mazu ansaŋu yayiwahi kukanwa kami, amoni kwitiya. 8Dichi Nzambi, weluka nyichima yawantu, washimuna dehi wunsahu wakuyinka Spiritu Wajila mwomwatwinkeleliyi etu. 9Kwambula mukachi kawena nanetu nehi, natookeshi dehi nyichima yawu nakukuhwelela. 10Enu munakeŋelidi kumweseka Nzambi, chakwiŋija nshiŋu jawatumbanji mumpanda yakaŋenyuwu kusenda hela ankakulula jetu hela etu aweni? 11Etu tunakuhweleli netu akatu handisha naluwi lwaMwanta Yesu, mwomwakayi handishilawu niwena nawa.
12Izaza dawantu dejima dimwena nizo. Hiyakutiyilila nsaŋu yadiŋi nakushimunawu aBaranaba naPawulu, jayinjikijilu nayihayamisha yanakoŋiyi Nzambi nawena mwawaJentili. 13Chanamwenuwu zo, Yakoba hakwakula nindi, Enu ana kwetu, ntiyililenu. 14Shimona nashimuni dehi chásambililiyi Nzambi kuhempula aJentili, kulonda kutambwilamu antu ambala ejina dindi; 15mwomwaya mazu awatuprofwetu asonekeluwu dehi, 16nawu, Hakulondela hayumiyi nakafunta, nakatuŋiulula cheŋi tabanaka yaDavidi yinashiwuki; nakajikajika munahumoki, nakayimika cheŋi; 17kulonda antu anashali akakeŋakeŋi Yehova, niaJentili ejima anatumbuwu ijina dami. 18Dichi chanahoshiyi Yehova welukishaŋa yuma yejimiyi kufumisha kushankulu. 19Dichi ami naketuli dehi nsaŋu, nami bayi tukabisha aJentili akubalumukila kudi Nzambuku; 20ilaŋa tukuminenu dakuyisonekela netu aleki yuma yakupesha nachu akishi, niwuvumbi, nianyama akushotomona, nimashi. 21Muloŋa kufumisha kushankulu Mosi wukweti akwakumushi muna munyikala yejima, enda ataŋa nyikanda yindi yajila mumashikola sabata jejima.
22Dichi apostolu nawawakulumpi, hamu nachipompelu chejima, hiyakutoŋojoka nawu, chachiwahi kutonda mukachi ketu amayala, tuyitemeshi kuAntiyoki naPawulu naBaranaba. Hiyakutonda Yuda atumbiluwu ijina di kwawu daBarasaba, niSilasi; adiŋi amayala alema mukachi kawana kwawu. 23Hiyakuyinka mukanda wakwila nawu, Etu apostolu nawana kwenu awakulumpi, tunayimwishi enu ana kwetu amudi aJentili mudi nikuAntiyoki, nimuSiriya, nimuSilisiya. 24Tunatiyi nawu kunu kudetu kunafumi antu amakwawu, anenzi nakuyikabisha namazu akuluwaŋesha nyichima yenu; etu kwetu hitwayilejeli mwoku. 25Tunatiyaloŋani namuchima wumu netu chachiwahi tutondi amayala, tuyitemeshi oku kudenu, hamu nawakwetu aBaranaba naPawulu twakeŋa a, 26amayala akeŋeli kufwa kukoola ijina daMwanta wetu Yesu Kristu. 27Dichi tunatemeshi Yuda naSilasi, awenawu akayileja mukanwa mwomumu. 28Muloŋa Spiritu Wajila ninetu tunatoŋojoki netu bayi tuyitwika chiteli chakubadika yumiyi yalemaku. 29Netu, chiŋa muleki yuma yakupesha nachu akishi, nimashi, nianyama akushotomona, niwuvumbi. Neyi mukudihemba kuyumiyi chikuwaha. Shalenu chachiwahi.
30Dichi wena chanayitambukishuwu, hiyakukunkumukila kuAntiyoki; hiyakupompesha chipompelu, ahana ninowu mukanda. 31Chanawutaŋuwu, hiyakuzaŋalala nakukundeja kwanayikunde juwu. 32Yuda naSilasi awenawu adiŋi atuprofwetu nawa, hiyakukundeja ana kwawu namazu amavulu, ayikolesha nikuyikolesha. 33Chanashakamuwu mpinji kwenoku, hiyakuyitambukisha chachiwahi kudi ana kwawu, 34afunti kudi akwawu ayitemesheli. 35APawulu naBaranaba hiyakulabila kuAntiyoki, nakuleja antu nakushimuna mazu aMwanta, hamu nawakwawu amavulu nawa.
36Chimunahiti mafuku, Pawulu hakumwila Baranaba nindi, Tufuntenu nakuhempula hempula ana kwetu amunyikala yejima mutwashimwini mazu aMwanta, twakatali chanashakamuwu. 37Baranaba hakwila nindi ayi naYowanu atenawu ijina di kwawu daMaku. 38Ilaŋa Pawulu hakutoŋojoka nindi chatama kuya nayenowu wayishiyili kuPamfwiliya, wabulili kuya nawu kumudimu. 39Kuvulumuka ntadi yayeni, hiyakwambuka; Baranaba hakusenda Maku hakuya kuKipirosi muwatu. 40Hakwila Pawulu hakutonda Silasi; chanamukunjikuwu kuluwi lwaMwanta kudi ana kwindi, hakuya munjila yindi. 41Hakuhita muSiriya nimuSilisiya, nakukolesha yipompelu.
လက္ရွိေရြးခ်ယ္ထားမွု
Likezo 15: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 15
15
1KuYudeya hikukufuma antu amakwawu hiyakuleja akwakwitiya nawu, Chiŋa akayalamisha mwaya chila chaMosi kulonda mwakahandi. 2Chanatadikuwu nawaPawulu naBaranaba tadike-e, nikudihujola nawu, hiyakukunjika aPawulu naBaranaba ni akwawu, akayi nansaŋu iyi kuYerusalema kudi apostolu nawawakulumpi. 3Dichi chipompelu hichikuyishinjikŋaku munjila yawu; hiyakuhita muFwenisiya nimuSamariya nakushimuna chanabalumukuwu aJentili; hiyakuyiluŋisha nankashi ana kwawu ejima. 4Chanashikuwu kuYerusalema, hiyakuyitambula kudi chipompelu nikudi apostolu nawawakulumpi, hiyakuyishimwina mwejima mwaneliyi Nzambi nawena. 5Hikukunyamuka akwachaaku chawaFwarisi amakwawu etiyili dehi, hiyakwila nawu, Chiŋa ayalamishi, ayileji nawa kuhemba nshimbi jaMosi.
6Apostolu nawawakulumpi hiyakupompa nakutoŋojoka nsaŋu iyi hamu. 7Chanadihujoluwu ihujole-e, Petulu hakwimana nakuyila nindi, Enu ana kwetu, enu aweni mweluka dehi chantondeluwu kudi Nzambi mukachi kenu hamafuku akusambila, kulonda aJentili atiyi mazu ansaŋu yayiwahi kukanwa kami, amoni kwitiya. 8Dichi Nzambi, weluka nyichima yawantu, washimuna dehi wunsahu wakuyinka Spiritu Wajila mwomwatwinkeleliyi etu. 9Kwambula mukachi kawena nanetu nehi, natookeshi dehi nyichima yawu nakukuhwelela. 10Enu munakeŋelidi kumweseka Nzambi, chakwiŋija nshiŋu jawatumbanji mumpanda yakaŋenyuwu kusenda hela ankakulula jetu hela etu aweni? 11Etu tunakuhweleli netu akatu handisha naluwi lwaMwanta Yesu, mwomwakayi handishilawu niwena nawa.
12Izaza dawantu dejima dimwena nizo. Hiyakutiyilila nsaŋu yadiŋi nakushimunawu aBaranaba naPawulu, jayinjikijilu nayihayamisha yanakoŋiyi Nzambi nawena mwawaJentili. 13Chanamwenuwu zo, Yakoba hakwakula nindi, Enu ana kwetu, ntiyililenu. 14Shimona nashimuni dehi chásambililiyi Nzambi kuhempula aJentili, kulonda kutambwilamu antu ambala ejina dindi; 15mwomwaya mazu awatuprofwetu asonekeluwu dehi, 16nawu, Hakulondela hayumiyi nakafunta, nakatuŋiulula cheŋi tabanaka yaDavidi yinashiwuki; nakajikajika munahumoki, nakayimika cheŋi; 17kulonda antu anashali akakeŋakeŋi Yehova, niaJentili ejima anatumbuwu ijina dami. 18Dichi chanahoshiyi Yehova welukishaŋa yuma yejimiyi kufumisha kushankulu. 19Dichi ami naketuli dehi nsaŋu, nami bayi tukabisha aJentili akubalumukila kudi Nzambuku; 20ilaŋa tukuminenu dakuyisonekela netu aleki yuma yakupesha nachu akishi, niwuvumbi, nianyama akushotomona, nimashi. 21Muloŋa kufumisha kushankulu Mosi wukweti akwakumushi muna munyikala yejima, enda ataŋa nyikanda yindi yajila mumashikola sabata jejima.
22Dichi apostolu nawawakulumpi, hamu nachipompelu chejima, hiyakutoŋojoka nawu, chachiwahi kutonda mukachi ketu amayala, tuyitemeshi kuAntiyoki naPawulu naBaranaba. Hiyakutonda Yuda atumbiluwu ijina di kwawu daBarasaba, niSilasi; adiŋi amayala alema mukachi kawana kwawu. 23Hiyakuyinka mukanda wakwila nawu, Etu apostolu nawana kwenu awakulumpi, tunayimwishi enu ana kwetu amudi aJentili mudi nikuAntiyoki, nimuSiriya, nimuSilisiya. 24Tunatiyi nawu kunu kudetu kunafumi antu amakwawu, anenzi nakuyikabisha namazu akuluwaŋesha nyichima yenu; etu kwetu hitwayilejeli mwoku. 25Tunatiyaloŋani namuchima wumu netu chachiwahi tutondi amayala, tuyitemeshi oku kudenu, hamu nawakwetu aBaranaba naPawulu twakeŋa a, 26amayala akeŋeli kufwa kukoola ijina daMwanta wetu Yesu Kristu. 27Dichi tunatemeshi Yuda naSilasi, awenawu akayileja mukanwa mwomumu. 28Muloŋa Spiritu Wajila ninetu tunatoŋojoki netu bayi tuyitwika chiteli chakubadika yumiyi yalemaku. 29Netu, chiŋa muleki yuma yakupesha nachu akishi, nimashi, nianyama akushotomona, niwuvumbi. Neyi mukudihemba kuyumiyi chikuwaha. Shalenu chachiwahi.
30Dichi wena chanayitambukishuwu, hiyakukunkumukila kuAntiyoki; hiyakupompesha chipompelu, ahana ninowu mukanda. 31Chanawutaŋuwu, hiyakuzaŋalala nakukundeja kwanayikunde juwu. 32Yuda naSilasi awenawu adiŋi atuprofwetu nawa, hiyakukundeja ana kwawu namazu amavulu, ayikolesha nikuyikolesha. 33Chanashakamuwu mpinji kwenoku, hiyakuyitambukisha chachiwahi kudi ana kwawu, 34afunti kudi akwawu ayitemesheli. 35APawulu naBaranaba hiyakulabila kuAntiyoki, nakuleja antu nakushimuna mazu aMwanta, hamu nawakwawu amavulu nawa.
36Chimunahiti mafuku, Pawulu hakumwila Baranaba nindi, Tufuntenu nakuhempula hempula ana kwetu amunyikala yejima mutwashimwini mazu aMwanta, twakatali chanashakamuwu. 37Baranaba hakwila nindi ayi naYowanu atenawu ijina di kwawu daMaku. 38Ilaŋa Pawulu hakutoŋojoka nindi chatama kuya nayenowu wayishiyili kuPamfwiliya, wabulili kuya nawu kumudimu. 39Kuvulumuka ntadi yayeni, hiyakwambuka; Baranaba hakusenda Maku hakuya kuKipirosi muwatu. 40Hakwila Pawulu hakutonda Silasi; chanamukunjikuwu kuluwi lwaMwanta kudi ana kwindi, hakuya munjila yindi. 41Hakuhita muSiriya nimuSilisiya, nakukolesha yipompelu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.