Likezo 11
11
1Apostolu niana kwawu amuYudeya, hiyakutiya nawu aJentili niwena nawa anatambuli dehi mazu aNzambi. 2Chanenziyi Petulu kuYerusalema, akwakwalama hiyakutadika nindi, 3nawu, Eyi wepilili mwawayidima, hiwukudya nawu. 4Petulu hakutachika kuyilumbulwila mwahitili nsaŋu yejima. 5Nindi, Chinadiŋi kumukala waYopa nakulomba, hinukwila neyi nukukeŋa kuya namutulu, hinukumona chimwenu, chuma kwiji chika, chidi neyi ihina deneni, hichikuzelumuka, hiyakuchizelumuna kwiwulu muchadiŋi kumawombu achu awana, chishi ka nikudami. 6Kushinshikamu hinukumona mudi anyama ahanu heseki, nianyama amumpata, niyuma yazalalaŋa, nitujila twahaluzwizu. 7Hinukutiya izu nawu, Eyi Petulu, nyamukaku, wujahi, wudyai. 8Ami hinukwila nami, Aha-a, Mwanta, kanda dehi nidyi chuma chatama hela chajilaku. 9Izu hidikwakula kwiwulu kamuchiyedi nawu, Chuma chanawahishiyi Nzambi, bayi wuchitena neyi chatamaku. 10Chanachiluwu kasatu ayikokela niyejima mwiwulu. 11Hohenohu kutala amayala asatu, anatemeshuwu dehi kudami kufuma kuKesareya, anemani dehi kwitala kutwadiŋi. 12Spiritu hakunleja nindi yaloŋa nawu, nindi bayi mudambulaku. Nayili hamu nanawa ana kwetu atanu nawumu; twiŋila nimwitala dayenowu iyala. 13Hakutuleja chamweniyi kaŋelu nemanimwitala dindi, nichamulejeluwu kudi owu kaŋelu nindi, Temeshaku antu kuYopa, akaleti Shimona atumbiluwu ijina di kwawu daPetulu; 14akakuleji mazu akukuhandisha nachu nineyi niakwetala deyi ejima. 15Chinadiŋi nakutachika kuhosha, Spiritu Wajila hakuholokela hadi wena, mwomwaholokeleliyi hadetu hakusambila. 16Hinukwanuka mazu aMwanta eliliyi nindi, Chalala Yowanu wapapatishili mumeji, hakwila enu akayipapatisha mudi Spiritu Wajila. 17Dichi dinu, Nzambi ayinka chamukunkulu chochimu chatwinkeliyi etu hitwetiyili Mwanta Yesu Kristu, yaminyi mwaka nimoni kudikaŋa naNzambi? 18Chanatiyuwu yumiyi, amwena nizo-o; hiyakumulemesha Nzambi nawu, Komana Nzambi neteji aJentili kubalumuka munyichima amoni wumi.
19Owu apalaŋesheluwu nekabisha dasaŋumukili hansaŋu yaSetefwanu, hiyakwenda chakushika nikuFwenisiya, nikuKipirosi, nikuAntiyoki, nakushimuna mazu kudi aYudeya hohu, bayi kudi acheŋuku. 20KuKipirosi nakuKireni kwadiŋi amayala amakwawu avwalikili kwenoku; wenawa chanashikuwu kuAntiyoki, hiyakuhoshahosha nawaYudeya awaHeleni nawa, nakushimuna nsaŋu yaMwanta Yesu. 21Chikasa chaMwanta hichikwikala nawena; amavulu nankashi hiyakwitiya, hiyakubalumuka nakutala kudi Mwanta. 22Nsaŋu yayumiyi yitiyakana nikudi akwachipompelu chadiŋi muYerusalema, hiyakutemeshaku Baranaba akashiki nikuAntiyoki. 23Yena chanashikiyi, chanamoniyi luwi lwaNzambi, hakutiya kuwaha; hakuyikonkomwena wejima wawu nindi akakakeli Mwanta chakutaku muchima. 24Muloŋa wadiŋi iyala wamuwahi, wenzala Spiritu Wajila nikukuhwelela. Antu amavulu adibombeli naMwanta. 25Baranaba hakuya nakukeŋa Sawulu kuTarusa. Chanamuwaniyi hakumuleta kuAntiyoki. 26Hiyakupompaŋa hamu nachipompelu mwaka wejima, nakuleja antu amavulu nankashi. KuAntiyoki diku kwásambilili kutenawu atumbanji ijina dawakwaKristu. 27Hamafuku owu, kuYerusalema hikukufuma atuprofwetu hiyakwinza kuAntiyoki. 28Hikukwimana muntu wumu, ijina dindi Aŋabusi, hakushimuna ŋahu dehi naSpiritu nindi kwakenza nzala yeneni mwahita mpata yamunu mwishina mwejima. Nzaloyu yaholokeli hamafuku adiŋiyi Kaludusa mwanta. 29Nochu atumbanji ejima hiyakwila nawu tukwashuku ana kwetu adi muYudeya. Hiyakuhanahana iwu mwanatwesheliyi, iwu mwanatwesheliyi. 30Chaneluwu, hiyakutemesha kudi awakulumpi yuma yapompesheluwu, kumakasa aBaranaba naSawulu.
လက္ရွိေရြးခ်ယ္ထားမွု
Likezo 11: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 11
11
1Apostolu niana kwawu amuYudeya, hiyakutiya nawu aJentili niwena nawa anatambuli dehi mazu aNzambi. 2Chanenziyi Petulu kuYerusalema, akwakwalama hiyakutadika nindi, 3nawu, Eyi wepilili mwawayidima, hiwukudya nawu. 4Petulu hakutachika kuyilumbulwila mwahitili nsaŋu yejima. 5Nindi, Chinadiŋi kumukala waYopa nakulomba, hinukwila neyi nukukeŋa kuya namutulu, hinukumona chimwenu, chuma kwiji chika, chidi neyi ihina deneni, hichikuzelumuka, hiyakuchizelumuna kwiwulu muchadiŋi kumawombu achu awana, chishi ka nikudami. 6Kushinshikamu hinukumona mudi anyama ahanu heseki, nianyama amumpata, niyuma yazalalaŋa, nitujila twahaluzwizu. 7Hinukutiya izu nawu, Eyi Petulu, nyamukaku, wujahi, wudyai. 8Ami hinukwila nami, Aha-a, Mwanta, kanda dehi nidyi chuma chatama hela chajilaku. 9Izu hidikwakula kwiwulu kamuchiyedi nawu, Chuma chanawahishiyi Nzambi, bayi wuchitena neyi chatamaku. 10Chanachiluwu kasatu ayikokela niyejima mwiwulu. 11Hohenohu kutala amayala asatu, anatemeshuwu dehi kudami kufuma kuKesareya, anemani dehi kwitala kutwadiŋi. 12Spiritu hakunleja nindi yaloŋa nawu, nindi bayi mudambulaku. Nayili hamu nanawa ana kwetu atanu nawumu; twiŋila nimwitala dayenowu iyala. 13Hakutuleja chamweniyi kaŋelu nemanimwitala dindi, nichamulejeluwu kudi owu kaŋelu nindi, Temeshaku antu kuYopa, akaleti Shimona atumbiluwu ijina di kwawu daPetulu; 14akakuleji mazu akukuhandisha nachu nineyi niakwetala deyi ejima. 15Chinadiŋi nakutachika kuhosha, Spiritu Wajila hakuholokela hadi wena, mwomwaholokeleliyi hadetu hakusambila. 16Hinukwanuka mazu aMwanta eliliyi nindi, Chalala Yowanu wapapatishili mumeji, hakwila enu akayipapatisha mudi Spiritu Wajila. 17Dichi dinu, Nzambi ayinka chamukunkulu chochimu chatwinkeliyi etu hitwetiyili Mwanta Yesu Kristu, yaminyi mwaka nimoni kudikaŋa naNzambi? 18Chanatiyuwu yumiyi, amwena nizo-o; hiyakumulemesha Nzambi nawu, Komana Nzambi neteji aJentili kubalumuka munyichima amoni wumi.
19Owu apalaŋesheluwu nekabisha dasaŋumukili hansaŋu yaSetefwanu, hiyakwenda chakushika nikuFwenisiya, nikuKipirosi, nikuAntiyoki, nakushimuna mazu kudi aYudeya hohu, bayi kudi acheŋuku. 20KuKipirosi nakuKireni kwadiŋi amayala amakwawu avwalikili kwenoku; wenawa chanashikuwu kuAntiyoki, hiyakuhoshahosha nawaYudeya awaHeleni nawa, nakushimuna nsaŋu yaMwanta Yesu. 21Chikasa chaMwanta hichikwikala nawena; amavulu nankashi hiyakwitiya, hiyakubalumuka nakutala kudi Mwanta. 22Nsaŋu yayumiyi yitiyakana nikudi akwachipompelu chadiŋi muYerusalema, hiyakutemeshaku Baranaba akashiki nikuAntiyoki. 23Yena chanashikiyi, chanamoniyi luwi lwaNzambi, hakutiya kuwaha; hakuyikonkomwena wejima wawu nindi akakakeli Mwanta chakutaku muchima. 24Muloŋa wadiŋi iyala wamuwahi, wenzala Spiritu Wajila nikukuhwelela. Antu amavulu adibombeli naMwanta. 25Baranaba hakuya nakukeŋa Sawulu kuTarusa. Chanamuwaniyi hakumuleta kuAntiyoki. 26Hiyakupompaŋa hamu nachipompelu mwaka wejima, nakuleja antu amavulu nankashi. KuAntiyoki diku kwásambilili kutenawu atumbanji ijina dawakwaKristu. 27Hamafuku owu, kuYerusalema hikukufuma atuprofwetu hiyakwinza kuAntiyoki. 28Hikukwimana muntu wumu, ijina dindi Aŋabusi, hakushimuna ŋahu dehi naSpiritu nindi kwakenza nzala yeneni mwahita mpata yamunu mwishina mwejima. Nzaloyu yaholokeli hamafuku adiŋiyi Kaludusa mwanta. 29Nochu atumbanji ejima hiyakwila nawu tukwashuku ana kwetu adi muYudeya. Hiyakuhanahana iwu mwanatwesheliyi, iwu mwanatwesheliyi. 30Chaneluwu, hiyakutemesha kudi awakulumpi yuma yapompesheluwu, kumakasa aBaranaba naSawulu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.