1 Makorinte 9
9
1Hinimwana wachisemwaku, tahindi? Hinikapostoluku, tahindi? Hinamumoni Mwanta wetu Yesu namesuku, tahindi? Enu himudimudimu wami wamudi Mwantaku, tahindi? 2Hela neyi nabuli kwikala kapostolu kumesu awantu acheŋi, hakwila kumesu enu nikapostolu chalala. Muloŋa enu yenu mufunda wawupostolu wami wamudi Mwanta.
3Dichi chinadihakwilaŋa kudi antu ansompeshaŋa, 4nami, nabuli Ŋovu yakudya hela yakunwa, tahindi? 5Nabuli Ŋovu yakusumbula mumbanda wetiya, niyaloŋa nindi mumajila, neyi chelaŋawu apostolu amakwawu, niana kwaMwanta, naPetulu, tahindi? 6Ami naBaranaba, yetu hohu tukubula kutwesha kuleka kukalakala nyidimu yakudikwasha nachu, tahindi? 7Mwamonahu dehi ishidika wakalakalaŋa, hakudifwetaŋa yomweni, tahindi? Hela muntu wakuminaŋa kwakudima itempa danyivinyu hohu, kudiilaku nyikabu nehi? Hela muntu wadiishaŋa nyikoku, abuli kunwinaku mayeli?
8Chinukuhosha mwenimu nahoshaŋa mwanlejaŋawu antu, tahindi? Hela nshimbi jahoshaŋa mwomumu; 9Muloŋa munshimbi jaMosi anasoneki nawu, Kukasa kukanwa kaŋombi hakuhulayi tidiku, chinjila.
10Nzambi waakamaŋa aŋombi, tahindi wahosheleli hansaŋu yetwetu? Eŋa, yetu asonekeleluwu, kulonda mukwakudima adimi nakuchiŋeja, nimukwakuhula achiŋeji kudi ilamu. 11Etu twayikuwilili yuma yaSpiritu, komana chikukala neyi tukudya yuma yenu yakumujimba, tahindi?
12Chatweshaŋa antu amakwawu kutambula yuma yenu, etu tubuli kubadikamu, tahindi?
Ilaŋa etu twabulili kutambula yuma yenu, twakumininaŋa dakwiteja yuma yejima, kulonda twakabuli kulabisha nsaŋu yaKristu yayiwahi.
13Mweluka dehi wena akalakalaŋa yuma yajila adyaloŋa yuma yakutembeli, niwena emanaŋa kukameŋa adyaloŋa hamu nakameŋa. 14Dimu nawa mwaloŋesheliyi Mwanta, nindi antu ashimunaŋa nsaŋu yayiwahi akadyi kunsaŋu yayiwahi.
15Ami kwami hinakwati kuyumiyuku, hela chinasoneki ichi hinasoneki nami akankwashuku. Ami nakeŋi nami chachiwahi nikumini dakufwa hohu, habuli kumwekana muntu wukunlekesha kudisamba kunadisambaŋa. 16Chinashimunaŋa nsaŋu yayiwahi, hichikweti hakudisambilaku; anankunjiki mudimu wakushimuna, chiŋa nishimuni hohu. O yihuŋu yinukumonami neyi nukubula kushimuna nsaŋu yayiwahi! 17Muloŋa neyi nachilaŋa chakufuma kumuchima wamami aweni, komana ni kweti wufwetu; ilaŋa neyi hichakumuchima wamami awenuku, anankunjiki mudimu wambala wakushimuna. 18Wufwetu wami wufwetwinyi? Wowu wakushimuna nsaŋu yayiwahi chakadi wuseya, kulonda nibuli kudya mwejima munatweshaŋa kudya kunsaŋu yayiwahi.
19Hela hininduŋu yawantuku, nadinki ami aweni wuduŋu wakushimwina antu ejima, kulonda nikokoli nachu amavulu. 20Kudi aYudeya nelili neyi nikaYudeya, kulonda nakakokoli nachu aYudeya; kudi antu adi kunshimbi nelili neyi nidi kunshimbi, kutoŋa ami hinidi kunshimbuku, kulonda nakakokoli nachu antu adi kunshimbi. 21Kudi antu abula nshimbi nelili neyi nabula nshimbi, kulonda nakakokoli nachu antu abula nshimbi; hinabula nshimbi kudi Nzambuku, nekala munshimbi jaKristu. 22Kudi antu azeya nelili muntu wazeya, kulonda nakakokoli nachu anlu azeya. Nekali dehi wesekana nawantu ejima muyuma yejima, kulonda mwejimimu nitweshi kuhandisha nachu amu. 23Yuma yejima yinelaŋa, nelilaŋa nsaŋu yayiwahi kulonda nidiiluku hamu nayu.
24Muneluki nenu antu adesekaŋa lufuchi lwawu atemukaŋa wejima wawu, kwinza kusomona, akusomona wumu hohu. Ninenu temukenu kulonda akayisomoni. 25Antu ejima ahemaŋa nakudipaka adihembaŋa muyuma yejima. Wena alondaŋa kutambula chibaaba chatokaŋa, hakwila etu twalondaŋa kutambula chakatokaŋa. 26Dichi ninami chinatemukaŋa mwenomu, hinatemukaŋa nakululutaku; chinalwaŋa hinetaŋa hampepelaku. 27Ilaŋa nafumbaŋa mujimba wami hakuwukofwola, kuchina kunkinjika ami aweni nashimwinaŋa antu acheŋi.
လက္ရွိေရြးခ်ယ္ထားမွု
1 Makorinte 9: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
1 Makorinte 9
9
1Hinimwana wachisemwaku, tahindi? Hinikapostoluku, tahindi? Hinamumoni Mwanta wetu Yesu namesuku, tahindi? Enu himudimudimu wami wamudi Mwantaku, tahindi? 2Hela neyi nabuli kwikala kapostolu kumesu awantu acheŋi, hakwila kumesu enu nikapostolu chalala. Muloŋa enu yenu mufunda wawupostolu wami wamudi Mwanta.
3Dichi chinadihakwilaŋa kudi antu ansompeshaŋa, 4nami, nabuli Ŋovu yakudya hela yakunwa, tahindi? 5Nabuli Ŋovu yakusumbula mumbanda wetiya, niyaloŋa nindi mumajila, neyi chelaŋawu apostolu amakwawu, niana kwaMwanta, naPetulu, tahindi? 6Ami naBaranaba, yetu hohu tukubula kutwesha kuleka kukalakala nyidimu yakudikwasha nachu, tahindi? 7Mwamonahu dehi ishidika wakalakalaŋa, hakudifwetaŋa yomweni, tahindi? Hela muntu wakuminaŋa kwakudima itempa danyivinyu hohu, kudiilaku nyikabu nehi? Hela muntu wadiishaŋa nyikoku, abuli kunwinaku mayeli?
8Chinukuhosha mwenimu nahoshaŋa mwanlejaŋawu antu, tahindi? Hela nshimbi jahoshaŋa mwomumu; 9Muloŋa munshimbi jaMosi anasoneki nawu, Kukasa kukanwa kaŋombi hakuhulayi tidiku, chinjila.
10Nzambi waakamaŋa aŋombi, tahindi wahosheleli hansaŋu yetwetu? Eŋa, yetu asonekeleluwu, kulonda mukwakudima adimi nakuchiŋeja, nimukwakuhula achiŋeji kudi ilamu. 11Etu twayikuwilili yuma yaSpiritu, komana chikukala neyi tukudya yuma yenu yakumujimba, tahindi?
12Chatweshaŋa antu amakwawu kutambula yuma yenu, etu tubuli kubadikamu, tahindi?
Ilaŋa etu twabulili kutambula yuma yenu, twakumininaŋa dakwiteja yuma yejima, kulonda twakabuli kulabisha nsaŋu yaKristu yayiwahi.
13Mweluka dehi wena akalakalaŋa yuma yajila adyaloŋa yuma yakutembeli, niwena emanaŋa kukameŋa adyaloŋa hamu nakameŋa. 14Dimu nawa mwaloŋesheliyi Mwanta, nindi antu ashimunaŋa nsaŋu yayiwahi akadyi kunsaŋu yayiwahi.
15Ami kwami hinakwati kuyumiyuku, hela chinasoneki ichi hinasoneki nami akankwashuku. Ami nakeŋi nami chachiwahi nikumini dakufwa hohu, habuli kumwekana muntu wukunlekesha kudisamba kunadisambaŋa. 16Chinashimunaŋa nsaŋu yayiwahi, hichikweti hakudisambilaku; anankunjiki mudimu wakushimuna, chiŋa nishimuni hohu. O yihuŋu yinukumonami neyi nukubula kushimuna nsaŋu yayiwahi! 17Muloŋa neyi nachilaŋa chakufuma kumuchima wamami aweni, komana ni kweti wufwetu; ilaŋa neyi hichakumuchima wamami awenuku, anankunjiki mudimu wambala wakushimuna. 18Wufwetu wami wufwetwinyi? Wowu wakushimuna nsaŋu yayiwahi chakadi wuseya, kulonda nibuli kudya mwejima munatweshaŋa kudya kunsaŋu yayiwahi.
19Hela hininduŋu yawantuku, nadinki ami aweni wuduŋu wakushimwina antu ejima, kulonda nikokoli nachu amavulu. 20Kudi aYudeya nelili neyi nikaYudeya, kulonda nakakokoli nachu aYudeya; kudi antu adi kunshimbi nelili neyi nidi kunshimbi, kutoŋa ami hinidi kunshimbuku, kulonda nakakokoli nachu antu adi kunshimbi. 21Kudi antu abula nshimbi nelili neyi nabula nshimbi, kulonda nakakokoli nachu antu abula nshimbi; hinabula nshimbi kudi Nzambuku, nekala munshimbi jaKristu. 22Kudi antu azeya nelili muntu wazeya, kulonda nakakokoli nachu anlu azeya. Nekali dehi wesekana nawantu ejima muyuma yejima, kulonda mwejimimu nitweshi kuhandisha nachu amu. 23Yuma yejima yinelaŋa, nelilaŋa nsaŋu yayiwahi kulonda nidiiluku hamu nayu.
24Muneluki nenu antu adesekaŋa lufuchi lwawu atemukaŋa wejima wawu, kwinza kusomona, akusomona wumu hohu. Ninenu temukenu kulonda akayisomoni. 25Antu ejima ahemaŋa nakudipaka adihembaŋa muyuma yejima. Wena alondaŋa kutambula chibaaba chatokaŋa, hakwila etu twalondaŋa kutambula chakatokaŋa. 26Dichi ninami chinatemukaŋa mwenomu, hinatemukaŋa nakululutaku; chinalwaŋa hinetaŋa hampepelaku. 27Ilaŋa nafumbaŋa mujimba wami hakuwukofwola, kuchina kunkinjika ami aweni nashimwinaŋa antu acheŋi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.