1 Makorinte 10
10
1Enu ana kwetu, hinakeŋenu kuyamba cheliluwu ankakulula jetuku; adiŋi mwishina devu wejima wawu; ahitili mukaluŋalwiji wejima wawu; 2ayipapatishili mudi Mosi nimwivu nimukaluŋalwiji wejima wawu;
3adiili yakudya yawuspiritu yoyimu wejima wawu; 4anwini yakunwa yawuspiritu yoyimu wejima wawu. Muloŋanwini kwilola dawuspiritu dayilondeli, ilolodu yowu Kristu. 5Hela chochu, Nzambi hatiyili akwawu amavulu kuwahaku; wayijilumwini mwisaŋa.
6Hiyuma yakutalilahu etu kulonda tubuli kufwila yuma yatama yafwililuwu wena. 7Bayi mwikala akwakupesha, neyi chapesheluwu wena amakwawuku; neyi chanasonekuwu nawu, Antu ashakamini nakudya nakunwa, hiyakunyamoka nakuhema. 8Bayi twila wuvumbi neyi cheliluwu wena amakwawuku; hiyakufwa makombakaji makumi ayedi namakombakaji asatu ifuku dawu dimu. 9Bayi tumweseka Mwanta neyi chamwesekeluwu wena amakwawuku; hiyakuyijilumuna kudi atupela. 10Bayi mutoba neyi chatobeluwu wena amakwawuku; hiyakuyijilumuna kudi mukwakujilumuna. 11Yumiyi dinu yayishikeneni wena kulonda etu tutaliluhu; ayisonekeli kulonda kutukonkomwena, etu tudi kunu kunsa yanyaka yamakonu. 12Dichi yowu natoŋojoki nindi nemani, ababali kuchina kudimbuka. 13Hikunayiwani kweseka kwabulaŋa kutweshawu antu ejimaku; ilaŋa Nzambi washinshika, hakwiteja kuyeseka chabadika muŊovu jenuku; chakuyesekawu wukubuzilaku njila yakupulukila, kulonda mutweshi kukakela.
14Dichi enu akwetu twakeŋa a, temukenu kupesha. 15Chinahoshaŋa nanenu nelaŋa nami muyakwamaana; shinshikenu munukuhosha. 16Nami ilu lupasa lwankisu lutwakisulana, hikutiyaloŋana mumashi aKristu hamu. Dinkendi idi ditwahumunaŋa, hikutiyaloŋana mumujimba waKristu hamu. 17Hela tunekali amavulu, tudi dinkendi dimu, tudi mujimba wumu; Muloŋa wejima wetu twatambulana dinkendi dimu, hamu. 18Talenu chelaŋawu aIsarela kumuchidi wawu. Wena adyaloŋa yimuna yaketulaŋawu hamu nakameŋa. 19Nukuhosha namidi? Nami, chimuna chaketwilaŋawu akishi hichuma, tahindi? Hela mukishi hichuma chalala, tahindi? 20Nehi, ami nami yimuna yaketulaŋawu ajentili aketwilaŋa ademoni, hiyamuketwilaŋa Nzambuku. Hinakeŋenu kutambula hamu nawademonuku. 21Himukutwesha kwila munwa mulupasa lwaMwanta, munwa nawa mulupasa lwawademonuku. Himukutwesha kwila mutambula kumesa yaMwanta, mutambula nawa kumesa yawademonuku. 22Tumutiyishi Mwanta mukawu, tahindi? Twamubadika Ŋovu, tahindi?
23Yuma yonsu yaloŋa; ilaŋa yuma yi kwawu hiyakwashanaŋaku. Yuma yonsu yaloŋa, ilaŋa yuma yi kwawu hiyakoleshaŋaaku. 24Bayi muntu alonda yakudiwahisha nachu yomwenuku, chiŋa yakuwahisha nachu mukwawu. 25Yuma yalandishaŋawu kwakulandila yejima, kuminenu dakudya chakadi kwihula, kuchina kuyibayisha kudi chinleji chamuchima. 26Maseki ejima ambala aYehova, niyuma yalumbamamu. 27Neyi muntu wabula kwitiya wukuyitambika kuya nakudya nindi, neyi munakeŋi kuya, ilukenu dakudya yakuyitentekelawu yejima, chakadi kwihula, hansaŋu yachinleji chamuchima. 28Kwinza neyi akuyileja kudi muntu wumu nindi, Iyi ayipeshela akishi; bayi mudyaku, hansaŋu yayenowu nakuleji, ninsaŋu yachinleji chamuchima. 29Ami nami chinleji chamukwenu chamuchima bayi cheyeyi awenuku. Muloŋanyi wakunsompeshelawu chuma chineteji nachinleji chamuntu wacheŋi? 30Neyi natambulaŋa nakusakilila, Muloŋanyi wakuntenenawu chatama nachuma chinasakililaŋa?
31Dichi dinu, hela mukudya hela mukunwa, mumwelaŋa mwejima ilenu kulonda kulemesha Nzambi. 32Bayi mwila chuma chakudimbwisha hela aYudeya, hela aHeleni, hela chipompelu chaNzambuku. 33Chochinatiyishaŋa ntu ejima kuwaha muyuma yejima, hinakeŋa kwami kudikwasha ami awenuku; chiŋa yowu kukwasha antu amavulu, kulonda ahandi.
လက္ရွိေရြးခ်ယ္ထားမွု
1 Makorinte 10: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
1 Makorinte 10
10
1Enu ana kwetu, hinakeŋenu kuyamba cheliluwu ankakulula jetuku; adiŋi mwishina devu wejima wawu; ahitili mukaluŋalwiji wejima wawu; 2ayipapatishili mudi Mosi nimwivu nimukaluŋalwiji wejima wawu;
3adiili yakudya yawuspiritu yoyimu wejima wawu; 4anwini yakunwa yawuspiritu yoyimu wejima wawu. Muloŋanwini kwilola dawuspiritu dayilondeli, ilolodu yowu Kristu. 5Hela chochu, Nzambi hatiyili akwawu amavulu kuwahaku; wayijilumwini mwisaŋa.
6Hiyuma yakutalilahu etu kulonda tubuli kufwila yuma yatama yafwililuwu wena. 7Bayi mwikala akwakupesha, neyi chapesheluwu wena amakwawuku; neyi chanasonekuwu nawu, Antu ashakamini nakudya nakunwa, hiyakunyamoka nakuhema. 8Bayi twila wuvumbi neyi cheliluwu wena amakwawuku; hiyakufwa makombakaji makumi ayedi namakombakaji asatu ifuku dawu dimu. 9Bayi tumweseka Mwanta neyi chamwesekeluwu wena amakwawuku; hiyakuyijilumuna kudi atupela. 10Bayi mutoba neyi chatobeluwu wena amakwawuku; hiyakuyijilumuna kudi mukwakujilumuna. 11Yumiyi dinu yayishikeneni wena kulonda etu tutaliluhu; ayisonekeli kulonda kutukonkomwena, etu tudi kunu kunsa yanyaka yamakonu. 12Dichi yowu natoŋojoki nindi nemani, ababali kuchina kudimbuka. 13Hikunayiwani kweseka kwabulaŋa kutweshawu antu ejimaku; ilaŋa Nzambi washinshika, hakwiteja kuyeseka chabadika muŊovu jenuku; chakuyesekawu wukubuzilaku njila yakupulukila, kulonda mutweshi kukakela.
14Dichi enu akwetu twakeŋa a, temukenu kupesha. 15Chinahoshaŋa nanenu nelaŋa nami muyakwamaana; shinshikenu munukuhosha. 16Nami ilu lupasa lwankisu lutwakisulana, hikutiyaloŋana mumashi aKristu hamu. Dinkendi idi ditwahumunaŋa, hikutiyaloŋana mumujimba waKristu hamu. 17Hela tunekali amavulu, tudi dinkendi dimu, tudi mujimba wumu; Muloŋa wejima wetu twatambulana dinkendi dimu, hamu. 18Talenu chelaŋawu aIsarela kumuchidi wawu. Wena adyaloŋa yimuna yaketulaŋawu hamu nakameŋa. 19Nukuhosha namidi? Nami, chimuna chaketwilaŋawu akishi hichuma, tahindi? Hela mukishi hichuma chalala, tahindi? 20Nehi, ami nami yimuna yaketulaŋawu ajentili aketwilaŋa ademoni, hiyamuketwilaŋa Nzambuku. Hinakeŋenu kutambula hamu nawademonuku. 21Himukutwesha kwila munwa mulupasa lwaMwanta, munwa nawa mulupasa lwawademonuku. Himukutwesha kwila mutambula kumesa yaMwanta, mutambula nawa kumesa yawademonuku. 22Tumutiyishi Mwanta mukawu, tahindi? Twamubadika Ŋovu, tahindi?
23Yuma yonsu yaloŋa; ilaŋa yuma yi kwawu hiyakwashanaŋaku. Yuma yonsu yaloŋa, ilaŋa yuma yi kwawu hiyakoleshaŋaaku. 24Bayi muntu alonda yakudiwahisha nachu yomwenuku, chiŋa yakuwahisha nachu mukwawu. 25Yuma yalandishaŋawu kwakulandila yejima, kuminenu dakudya chakadi kwihula, kuchina kuyibayisha kudi chinleji chamuchima. 26Maseki ejima ambala aYehova, niyuma yalumbamamu. 27Neyi muntu wabula kwitiya wukuyitambika kuya nakudya nindi, neyi munakeŋi kuya, ilukenu dakudya yakuyitentekelawu yejima, chakadi kwihula, hansaŋu yachinleji chamuchima. 28Kwinza neyi akuyileja kudi muntu wumu nindi, Iyi ayipeshela akishi; bayi mudyaku, hansaŋu yayenowu nakuleji, ninsaŋu yachinleji chamuchima. 29Ami nami chinleji chamukwenu chamuchima bayi cheyeyi awenuku. Muloŋanyi wakunsompeshelawu chuma chineteji nachinleji chamuntu wacheŋi? 30Neyi natambulaŋa nakusakilila, Muloŋanyi wakuntenenawu chatama nachuma chinasakililaŋa?
31Dichi dinu, hela mukudya hela mukunwa, mumwelaŋa mwejima ilenu kulonda kulemesha Nzambi. 32Bayi mwila chuma chakudimbwisha hela aYudeya, hela aHeleni, hela chipompelu chaNzambuku. 33Chochinatiyishaŋa ntu ejima kuwaha muyuma yejima, hinakeŋa kwami kudikwasha ami awenuku; chiŋa yowu kukwasha antu amavulu, kulonda ahandi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.