1 Makorinte 8
8
1Nsaŋu yayuma yakupesha nachu akishi. Tuneluki netu wejima wetu tweluka. Kwiluka kwaletaŋa kudinka wanta; hakwila kukeŋa kwakoleshaŋa. 2Muntu natoŋojoki nindi neluki, kanda eluki mwadi kwilukayuku. 3Muntu wakeŋa a Nzambi, diyi elukawu kudi Nzambi.
4Dichi hansaŋu yakudya yuma yanapeshuwu nachu akishi; etu tuneluki netu mukishi hichuma munu mwishinaku; hikudi Nzambi wacheŋi nawaku, chiŋa yowumu hohu. 5Hela mwiwulu hela hamaseki, kudi atenaŋawu nawu anzambi, Muloŋa kwekala amavulu alumbishawu neyi Nzambi, nianyanta amavulu; 6hakwinza etu twamonaŋa netu kudi Nzambi wumu hohu, diyi Tata; kudi yena diku kwafumaŋa yuma yejima, diyi twahandilaŋa. Kudi niMwanta wumu hohu, diyi Yesu Kristu, mudi yena dimu mwekala yuma yejima, dimu twahandilaŋa nawa.
7Antu amakwawu hiyeluka chenochuku; ilaŋa amu, enjilila dehi akishi, adyaloŋa yakudya yawu kafwampi neyi hichuma chanapeshuwu nachu akishi; hiyakutamisha nachu chinleji chawu chamuchima chazeya. 8Kudya hikwatuwahishaŋa kumesu aNzambuku. Neyi tukubula kudya hichikututamishaku; hela neyi tukudya nawa hichikutuwahishaku. 9Ilaŋa babalenu, Ŋovu yenu iyi yibuli kwikala chuma chakudimbwisha nachu akwenu akadi Ŋovu. 10Muloŋa neyi muntu wukukumona eyi weluka wunashakami mumalala amukishi nakudya, kwiji chinleji chindi chamuchima chikukwatilaku Ŋovu yakudya yuma yanapeshuwu nachu akishi. 11Kwiluka kweyi hikukunoŋesha mana kweyi wakadi Ŋovu, afwililiyi Kristu. 12Chimwavulumunaŋa ana kwenu nakukatisha chinleji chawu chamuchima chabula Ŋovu, mwavulumunaŋa Kristu. 13Dichi neyi yakudya yikudimbwisha mana kwami, nukuleka kudya mbiji chikupu haya nyaka, nakenda kadimbwisha mana kwami.
လက္ရွိေရြးခ်ယ္ထားမွု
1 Makorinte 8: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.