Markɩ Sɛbɛ 2
2
A GBƐR A JEEJU NA KPAAR
(Mat 9.1-8, Lu 5.17-26)
1A lɛ a bibie fɩ̃ɩ na tɔl baar, a *Jeeju lɛ bɔ̃w na wɩ a
Kapɛɛnam-tẽw go, ɩ̃ a ba wõ a ʋ be na a yir. 2A nɩ-yaw duo na taa pɔw a wɩɛr ʋ jaa, a vuo ma lɛ cãa be a dɔ̃dɔr teen wa, ɩ̃ a Jeeju ƴɛrɛ ba a ʋ ƴɛrɩ̃sɩ. 3Nɩbɛ ta na be ɩ̃ tɛrɛ gbɛr a nɩbɛ anaan na tuo. 4Ɩ̃-cɛ a nɩbɛ na nyɩrɩ̃ waa a lɛ, baa dãa tʋɔrɔ tara nɩ ʋ a Jeeju nii-sɔw wa. A lɛ, ba ŋmaa na a gar puo a Jeeju ju-sɔ̃w ɩ̃ na ba de a gbɛr nɩ a ʋ gãw ba na ɓɔw nɩ ʋ wa nɩ, tur a bɔw ʋlɔ pʋɔ. 5A lɛ a Jeeju na nyɛ a dabsɩ bala ƴɔ̃w-nyãa ʋ yelʼã a gbɛr:
“Ɩ̃ bie! Ɩ̃ yele fʋ na, a Naaŋmɩn de na a fʋ faar bar kʋ fʋ.”
6A *ƴɛr-kpɛn-bɔɔnbɔ ŋmɛɛ na jɛ a be, ba pɛrɛ na a ba sube pʋʋr ɩ̃ yele: 7“Mɩnɛ a daba na ꞌla kpɛ a Naaŋmɩn a nɔhɔ̃? Ala ɩ̃ na tʋɔ de a nɩrɛ maal-faar bar kʋ ʋ? Naaŋmɩn ʋ yẽ na tʋɔ maal a lɛ.” 8A jie naan a Jeeju bɔ̃w na a ala ba na pɛrɛ, ɩ̃ yel ba:
“Bõ ɩ̃ ɩ a nyɩ tɛrɛ a ana tɩɛrɩ̃sɩ a nyɩ sube pʋʋr? 9Buor ɩ̃ yɔw gãw a yelfʋ? A mɩnɛ ɩ̃ na yel a gbɛr áa Naaŋmɩn de na a ʋ maal-faar bar kʋ ʋ, mɩɩ a mɩnɛ ɩ̃ na yel á ú ir de a ʋ cẽcen cere nɩ? 10Ɩ̃-cɛ ɩ̃ bʋɔrɔ na nyɩ bɔ̃w ka a *Nɩbɛ Bie tɛrɛ na sɔr a ka a tẽw pʋɔ na de a nɩrɛ maal-fãa bar kʋ ʋ.” Ala-ɩ̃-sɔ ʋ yel a gbɛr:
11“A fʋ̃ʋ ɩ̃ yele. Ir de a fʋ cẽcen kule nɩ.” 12A jie naan, ʋ irʼã de a ʋ cẽcen a nɩbɛ ba jaa nii-sɔw cere nɩ, a ba jaa nɔɛ ko ba a ba pɛwrɛ a Naaŋmɩn yele nɩ:
“Saa dãa nyɛ bom lɛ sɛr wa.”
A LÃPO-DIERE A JEEJU NA BƲƆL
(Mat 9.9-13, Lu 5.27-32)
13A *Jeeju lɛ lɩɛbʼã cen a Galile man gbẽgbere nʋɔr, a nɩ-yaw wɩ a ʋ sɛ̃, ʋ mana ba a Naaŋmɩn ƴɛrɩ̃. 14A lɛ a Jeeju na tɔlɔ, ʋ nyɛ na a Alfe bie Levi, ʋ jɛ a lãpo defʋ jie, ʋ yel ʋ:
“Ir tuure ma,” a Levi ir tuure ʋ.
15A mɩnɛ a Jeeju na jɛ a dɩb par a Levi yir, a lãpo-dierbe nɩ a nɩ-faar yaw lãa na jɛ nɩ ʋ nɩ a ʋ *par-tuurbe, a-na-ɩ a bala na wɔ̃ a lɛ ɩ̃ tuure ʋ, ba waa na. 16A mɩnɛ a *Farɩsɩ nɩbɛ *ƴɛr-kpɛn-bɔɔnbɔ na nyɛ a Jeeju ʋ lãa dɩrɛ a dɩb nɩ a nɩ-faar nɩ a lãpo-dierbe, ba soorʼã a ʋ par-tuurbe:
“Bõ ɩ̃ ɩ ʋ lãa dɩrɛ a dɩb nɩ a lãpo-dierbe nɩ a nɩ-faar?” 17A Jeeju wonaa ɩ̃ yel ba:
“Aa ɩ a bala na kpɛmɛ ɩ̃ ma cen a dɔɔtɔrɔ yir wa, ɩ̃-cɛ a wʋlɩ̃sɩ deme, bala ma cen. Maa wa a nɩ-torisɩ bʋɔlfʋ ɩnɛ wa, ɩ̃-cɛ a nɩ-faar ɩnɛ ɩ̃ wa.”
A JEEJU NƖ A NƲƆR LŨFƲ ƳƐRƖ̃
(Mat 9.14-17, Lu 5.33-39)
18Daar kãw a Jã *par-tuurbe nɩ a *Farɩsɩ nɩbɛ lũ na a nʋɔr, a nɩbɛ wɩ soor a *Jeeju:
“Bõ ɩ̃ ɩ a Jã par-tuurbe nɩ a Farɩsɩ nɩbɛ par-tuurbe lũ a nʋɔr, ɩ̃ a fʋ par-tuurbe ma lũ wa?” 19A Jeeju yel ba:
“Nyɩ tɩɛrʼã bɔ̃w ka a bala ba na bʋɔl a pɔw kulfʋ fɛtɩ jie, ba na tʋɔ na lũ a nʋɔr a lɛdaar a sɩrɛ na cãa be a ba sɔ̃w mɩɩ? A daar ʋlɔ a sɩrɛ na cãa be nɩ ba, baa tʋɔrɔ luure a nʋɔr wa. 20Ɩ̃-cɛ a daar nɔɔ ta na a ba de a sɩrɛ a ba sɔ̃w cenʼɩ̃; a ʋna bibirʼãa pʋɔ ba nɔɔ lũ na a nʋɔr.
21“Nɩrɛ ma diere a cẽcen na ma nyʋr sɛr wa, sɛbɛ cowro a cẽcen kʋraa pʋɔ wa. A ʋlɔ ɩ̃ sɛ cow a lɛ, a cẽcen paalaa na taw na a cẽcen kʋraa ɓer, a ʋ gãw a korĩ-cɛ ɓerfʋ. 22Ɩ̃ a nɩrɛ ma diere a dã-tɔɔraa ƴɔnɔ dʋʋ bɛraa pʋɔ wa. A ʋlɔ ɩ̃ ƴɔ̃w a lɛ, a dãa na wɛlʼã a dʋʋ, a dãa nɩ a dʋʋ wɛ. Ɩ̃-cɛ ba sɛw na na ƴɔ̃w a dã-tɔɔraa a dʋʋ paalaa pʋɔ.”
A BIBI-CIIRAA ƳƐRƖ̃
(Mat 12.1-8, Lu 6.1-5)
23A *bibi-ciiraa dayen, a *Jeeju tɔlɔ na yi ci puo pʋɔ. A mɩnɛ a ʋ *par-tuurbe na de a sɔr, ba fɔrɔ na a ci, 24a *Farɩsɩ nɩbɛ yel a Jeeju:
“Je kãa! Bõ ɩ̃ ɩ a fʋ par-tuurbe maala a ala a sɩ ƴɛr-kpɛn na ma bʋɔrɔ ba maal a bibi-ciiraa dayen wa?” 25A Jeeju yel ba:
“Nyɩ kɔ̃ dãa ꞌwuor a sɛbɛ pʋɔ, nyɛ a ala a Davɩtɩ na maal wa? A lɛdaar ʋ na dãa be a nãw pʋɔ ɩ̃ a kɔ̃ mɩ nyɔw ʋ, ʋlɔ nɩ a bala na dãa lãa be nɩ ʋ, 26ʋ kpɛ na a Naaŋmɩn puor-yir kpɛ̃ɛ, de a buru ba na bin a Naaŋmɩn, ꞌwɔb. A ʋna daarʼãa, a Abiyataar ɩ̃ ɩ a Naaŋmɩn *baar-lo-nɩ-kpɛ̃ɛ, ɩ̃ a ana buru, nɩ-pɔrɔ ma sɛw na ꞌwɔb wa; a Naaŋmɩn baar-lorbo tɛw ɩ̃ ma ꞌwɔb, Ɩ̃-cɛ a Davɩtɩ ꞌwɔbʼã, ɩ̃ cɛ kʋ a bala ʋ na lãa be nɩ, a ba mɩ ꞌwɔb.”
27A mɩnɛ a Jeeju na ƴɛr a lɛ baar, ʋ yel ba na:
“A Naaŋmɩn ƴɔ̃w na a bibi-ciiraa a nɩbɛ ɩnɛ; ꞌwaa maal a nɩbɛ a bibi-ciiraa ɩnɛ wa. 28Ala-ɩ̃-sɔ, a *Nɩbɛ Bie mɩ ɩ na a bibi-ciiraa Nɩ-kpɛ̃ɛ mɩ.”
လက္ရွိေရြးခ်ယ္ထားမွု
Markɩ Sɛbɛ 2: BNT93
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Le Nouveau Testament en langue birifor © Alliance Biblique au Burkina Faso, 1993.
Markɩ Sɛbɛ 2
2
A GBƐR A JEEJU NA KPAAR
(Mat 9.1-8, Lu 5.17-26)
1A lɛ a bibie fɩ̃ɩ na tɔl baar, a *Jeeju lɛ bɔ̃w na wɩ a
Kapɛɛnam-tẽw go, ɩ̃ a ba wõ a ʋ be na a yir. 2A nɩ-yaw duo na taa pɔw a wɩɛr ʋ jaa, a vuo ma lɛ cãa be a dɔ̃dɔr teen wa, ɩ̃ a Jeeju ƴɛrɛ ba a ʋ ƴɛrɩ̃sɩ. 3Nɩbɛ ta na be ɩ̃ tɛrɛ gbɛr a nɩbɛ anaan na tuo. 4Ɩ̃-cɛ a nɩbɛ na nyɩrɩ̃ waa a lɛ, baa dãa tʋɔrɔ tara nɩ ʋ a Jeeju nii-sɔw wa. A lɛ, ba ŋmaa na a gar puo a Jeeju ju-sɔ̃w ɩ̃ na ba de a gbɛr nɩ a ʋ gãw ba na ɓɔw nɩ ʋ wa nɩ, tur a bɔw ʋlɔ pʋɔ. 5A lɛ a Jeeju na nyɛ a dabsɩ bala ƴɔ̃w-nyãa ʋ yelʼã a gbɛr:
“Ɩ̃ bie! Ɩ̃ yele fʋ na, a Naaŋmɩn de na a fʋ faar bar kʋ fʋ.”
6A *ƴɛr-kpɛn-bɔɔnbɔ ŋmɛɛ na jɛ a be, ba pɛrɛ na a ba sube pʋʋr ɩ̃ yele: 7“Mɩnɛ a daba na ꞌla kpɛ a Naaŋmɩn a nɔhɔ̃? Ala ɩ̃ na tʋɔ de a nɩrɛ maal-faar bar kʋ ʋ? Naaŋmɩn ʋ yẽ na tʋɔ maal a lɛ.” 8A jie naan a Jeeju bɔ̃w na a ala ba na pɛrɛ, ɩ̃ yel ba:
“Bõ ɩ̃ ɩ a nyɩ tɛrɛ a ana tɩɛrɩ̃sɩ a nyɩ sube pʋʋr? 9Buor ɩ̃ yɔw gãw a yelfʋ? A mɩnɛ ɩ̃ na yel a gbɛr áa Naaŋmɩn de na a ʋ maal-faar bar kʋ ʋ, mɩɩ a mɩnɛ ɩ̃ na yel á ú ir de a ʋ cẽcen cere nɩ? 10Ɩ̃-cɛ ɩ̃ bʋɔrɔ na nyɩ bɔ̃w ka a *Nɩbɛ Bie tɛrɛ na sɔr a ka a tẽw pʋɔ na de a nɩrɛ maal-fãa bar kʋ ʋ.” Ala-ɩ̃-sɔ ʋ yel a gbɛr:
11“A fʋ̃ʋ ɩ̃ yele. Ir de a fʋ cẽcen kule nɩ.” 12A jie naan, ʋ irʼã de a ʋ cẽcen a nɩbɛ ba jaa nii-sɔw cere nɩ, a ba jaa nɔɛ ko ba a ba pɛwrɛ a Naaŋmɩn yele nɩ:
“Saa dãa nyɛ bom lɛ sɛr wa.”
A LÃPO-DIERE A JEEJU NA BƲƆL
(Mat 9.9-13, Lu 5.27-32)
13A *Jeeju lɛ lɩɛbʼã cen a Galile man gbẽgbere nʋɔr, a nɩ-yaw wɩ a ʋ sɛ̃, ʋ mana ba a Naaŋmɩn ƴɛrɩ̃. 14A lɛ a Jeeju na tɔlɔ, ʋ nyɛ na a Alfe bie Levi, ʋ jɛ a lãpo defʋ jie, ʋ yel ʋ:
“Ir tuure ma,” a Levi ir tuure ʋ.
15A mɩnɛ a Jeeju na jɛ a dɩb par a Levi yir, a lãpo-dierbe nɩ a nɩ-faar yaw lãa na jɛ nɩ ʋ nɩ a ʋ *par-tuurbe, a-na-ɩ a bala na wɔ̃ a lɛ ɩ̃ tuure ʋ, ba waa na. 16A mɩnɛ a *Farɩsɩ nɩbɛ *ƴɛr-kpɛn-bɔɔnbɔ na nyɛ a Jeeju ʋ lãa dɩrɛ a dɩb nɩ a nɩ-faar nɩ a lãpo-dierbe, ba soorʼã a ʋ par-tuurbe:
“Bõ ɩ̃ ɩ ʋ lãa dɩrɛ a dɩb nɩ a lãpo-dierbe nɩ a nɩ-faar?” 17A Jeeju wonaa ɩ̃ yel ba:
“Aa ɩ a bala na kpɛmɛ ɩ̃ ma cen a dɔɔtɔrɔ yir wa, ɩ̃-cɛ a wʋlɩ̃sɩ deme, bala ma cen. Maa wa a nɩ-torisɩ bʋɔlfʋ ɩnɛ wa, ɩ̃-cɛ a nɩ-faar ɩnɛ ɩ̃ wa.”
A JEEJU NƖ A NƲƆR LŨFƲ ƳƐRƖ̃
(Mat 9.14-17, Lu 5.33-39)
18Daar kãw a Jã *par-tuurbe nɩ a *Farɩsɩ nɩbɛ lũ na a nʋɔr, a nɩbɛ wɩ soor a *Jeeju:
“Bõ ɩ̃ ɩ a Jã par-tuurbe nɩ a Farɩsɩ nɩbɛ par-tuurbe lũ a nʋɔr, ɩ̃ a fʋ par-tuurbe ma lũ wa?” 19A Jeeju yel ba:
“Nyɩ tɩɛrʼã bɔ̃w ka a bala ba na bʋɔl a pɔw kulfʋ fɛtɩ jie, ba na tʋɔ na lũ a nʋɔr a lɛdaar a sɩrɛ na cãa be a ba sɔ̃w mɩɩ? A daar ʋlɔ a sɩrɛ na cãa be nɩ ba, baa tʋɔrɔ luure a nʋɔr wa. 20Ɩ̃-cɛ a daar nɔɔ ta na a ba de a sɩrɛ a ba sɔ̃w cenʼɩ̃; a ʋna bibirʼãa pʋɔ ba nɔɔ lũ na a nʋɔr.
21“Nɩrɛ ma diere a cẽcen na ma nyʋr sɛr wa, sɛbɛ cowro a cẽcen kʋraa pʋɔ wa. A ʋlɔ ɩ̃ sɛ cow a lɛ, a cẽcen paalaa na taw na a cẽcen kʋraa ɓer, a ʋ gãw a korĩ-cɛ ɓerfʋ. 22Ɩ̃ a nɩrɛ ma diere a dã-tɔɔraa ƴɔnɔ dʋʋ bɛraa pʋɔ wa. A ʋlɔ ɩ̃ ƴɔ̃w a lɛ, a dãa na wɛlʼã a dʋʋ, a dãa nɩ a dʋʋ wɛ. Ɩ̃-cɛ ba sɛw na na ƴɔ̃w a dã-tɔɔraa a dʋʋ paalaa pʋɔ.”
A BIBI-CIIRAA ƳƐRƖ̃
(Mat 12.1-8, Lu 6.1-5)
23A *bibi-ciiraa dayen, a *Jeeju tɔlɔ na yi ci puo pʋɔ. A mɩnɛ a ʋ *par-tuurbe na de a sɔr, ba fɔrɔ na a ci, 24a *Farɩsɩ nɩbɛ yel a Jeeju:
“Je kãa! Bõ ɩ̃ ɩ a fʋ par-tuurbe maala a ala a sɩ ƴɛr-kpɛn na ma bʋɔrɔ ba maal a bibi-ciiraa dayen wa?” 25A Jeeju yel ba:
“Nyɩ kɔ̃ dãa ꞌwuor a sɛbɛ pʋɔ, nyɛ a ala a Davɩtɩ na maal wa? A lɛdaar ʋ na dãa be a nãw pʋɔ ɩ̃ a kɔ̃ mɩ nyɔw ʋ, ʋlɔ nɩ a bala na dãa lãa be nɩ ʋ, 26ʋ kpɛ na a Naaŋmɩn puor-yir kpɛ̃ɛ, de a buru ba na bin a Naaŋmɩn, ꞌwɔb. A ʋna daarʼãa, a Abiyataar ɩ̃ ɩ a Naaŋmɩn *baar-lo-nɩ-kpɛ̃ɛ, ɩ̃ a ana buru, nɩ-pɔrɔ ma sɛw na ꞌwɔb wa; a Naaŋmɩn baar-lorbo tɛw ɩ̃ ma ꞌwɔb, Ɩ̃-cɛ a Davɩtɩ ꞌwɔbʼã, ɩ̃ cɛ kʋ a bala ʋ na lãa be nɩ, a ba mɩ ꞌwɔb.”
27A mɩnɛ a Jeeju na ƴɛr a lɛ baar, ʋ yel ba na:
“A Naaŋmɩn ƴɔ̃w na a bibi-ciiraa a nɩbɛ ɩnɛ; ꞌwaa maal a nɩbɛ a bibi-ciiraa ɩnɛ wa. 28Ala-ɩ̃-sɔ, a *Nɩbɛ Bie mɩ ɩ na a bibi-ciiraa Nɩ-kpɛ̃ɛ mɩ.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Le Nouveau Testament en langue birifor © Alliance Biblique au Burkina Faso, 1993.