Isaías 8
8
Xanllon'nan llayal gapllo baran
1Xanllon gulle'e nada': Bxhi to bray, na bzojen kone da chejnie akre: Maher-salal-hasbaz. 2Natell guxh bxus Urías, na Zacarías xhi'nn Jeberequías be'nn nak be'nn lixhaj ake' nench'na se ake' wia ake'.
3Bdena gotrena noren llayixjwen, be'nnen nak xhoran, na boa xhi'nne, na bzu to bidao biew ke'e. Natell Xanllon gulle'e nada': Bsi ra bidao ko'on: Maher-salal-hasbaz. 4Le nike ne' gakse ne' bida'on xa, na xna, Damascon, na Samarian, koan aken, na wasa ake' yelwnia ke aken, na llajsan aken gan lli be'nnen llnebia Asirian. 5Natell gull Xanllon nada' dayubre:
6Kanaken lleb ake' be'nnen nzi Resín xhi'nn Remalíazen
be'nn ka bi llen akre nis ke Silóen
dan zajze lliteze,
7Xanllon gunee nench warabj ake'
kone nis yeo xhen ke Éufratezen,
ka walle nello be'nnen llnebia Asirian kone doxhente yelwak ke'en.
Na warabj yoyte gan nseij ake' nisen,
na llirjen doxhente llwarawen,
8na ten llinte Judán, na wkoajen, na warabjten len,
xte wallinten yenen.
Gake'e ke to ba zu xire ba llchirj xirban,
na wkoaje, Emanuel, doxhente yell-li'on kon.
9Le wadup, latj yell-liw ake', na le lleb,
le wzenay dani, yoytere latj yell-liw ake' zajzu zit:
lakse noxtere ya kere ka' wllebksre,
awa, lakse cha goxre ya kere ka' dekse de wcheben re'.
10Le gun xbab da llwiare gunre, da bi gaksen,
le ne' biteze da llenere gunre, bi gakse kan ba bzarallren,
le Diozen zerene neto'.
Xanllo nan llayal gapllo baran
11Xanllon bexe'e nada' war kwis kone taken, na gulle'e nada' bi nawa xnez be'nn ki. Gulle'e nada': 12Bi ne're ke yoyte di'll da llwe ake' de ngachen, da ne be'nn ka' naken di'll da llwe ake' de ngachzen. Bi llebre yoyte da ka' llcheb le aken. 13Xanllon nap doxhente yelwaken le'en wzoallo nake Xhirall, le'en llayal gapllo baran, le'en llayal llebllo. 14Le'e gake ke re' ke to ga dolre, gake'e ke to yaj ga lljachewre, na gunen nench'na yexhj llopte yel llnebia ke Israelen, gake ke to ga dol, na ga yexhj be'nn Jerusalén ka'. 15Be'nn zan lljachew ake', na yal ake', na kweyi ake', be'nn zan lljabix ake' gan dol ake', na yegan ake' gana'ze.
Isaíazen bdixjwere be'nn ka' naw leꞌen
16Le kuchaw di'll ni,
le wkoach dan yepa ren, dan wroe wsedra ren.
17Lakse Xanllon llkoachre yell ke Jacoben,
nada' nxenlalla le'e.
Leꞌen ba llbexha.
18Nada', na xhi'nna ka' ba ben Xanllon nada'
nakto da llroe yelwak raw Israelen,
da bzoa Xanton nap doxhente yelwaken
na zoe'e raw ya' Sión'na.
19Dali be'nn ka' ye ake' re':
Le lljanabe be'nn wat ka'
be'nn waneya ka' llwe di'll llilliteze.
¿Bi gak wnabe be'nn yellen dios ke ka' cha,
na wnab akre be'nn wat ka' kan nak ke be'nn ka' ne' de yelnban ken
20nench'na si' ake' to di'll da ye ake' le ake' cha?
Awa daliyan ka ne akte
axha di'll dan ne' aken naken di'll ke nxhie.
21Be'nn ka' lljata ake' gateze,
walleyraw ake', na tun ake',
na nike dan dun aken, wluken le ake'.
Gun ake' de'e be'nn wnebia ke ake' ka', na dios ke ake' ka'.
Wiate lloaraw aken rale
22na wayullen wia akte raw yu,
na tuze da re akre yel yiach, na da xchul,
na bej gasj xchulwi, na yel llalleyraw.
Doxhenten gasjen da xchulwi.
လက္ရွိေရြးခ်ယ္ထားမွု
Isaías 8: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Isaías 8
8
Xanllon'nan llayal gapllo baran
1Xanllon gulle'e nada': Bxhi to bray, na bzojen kone da chejnie akre: Maher-salal-hasbaz. 2Natell guxh bxus Urías, na Zacarías xhi'nn Jeberequías be'nn nak be'nn lixhaj ake' nench'na se ake' wia ake'.
3Bdena gotrena noren llayixjwen, be'nnen nak xhoran, na boa xhi'nne, na bzu to bidao biew ke'e. Natell Xanllon gulle'e nada': Bsi ra bidao ko'on: Maher-salal-hasbaz. 4Le nike ne' gakse ne' bida'on xa, na xna, Damascon, na Samarian, koan aken, na wasa ake' yelwnia ke aken, na llajsan aken gan lli be'nnen llnebia Asirian. 5Natell gull Xanllon nada' dayubre:
6Kanaken lleb ake' be'nnen nzi Resín xhi'nn Remalíazen
be'nn ka bi llen akre nis ke Silóen
dan zajze lliteze,
7Xanllon gunee nench warabj ake'
kone nis yeo xhen ke Éufratezen,
ka walle nello be'nnen llnebia Asirian kone doxhente yelwak ke'en.
Na warabj yoyte gan nseij ake' nisen,
na llirjen doxhente llwarawen,
8na ten llinte Judán, na wkoajen, na warabjten len,
xte wallinten yenen.
Gake'e ke to ba zu xire ba llchirj xirban,
na wkoaje, Emanuel, doxhente yell-li'on kon.
9Le wadup, latj yell-liw ake', na le lleb,
le wzenay dani, yoytere latj yell-liw ake' zajzu zit:
lakse noxtere ya kere ka' wllebksre,
awa, lakse cha goxre ya kere ka' dekse de wcheben re'.
10Le gun xbab da llwiare gunre, da bi gaksen,
le ne' biteze da llenere gunre, bi gakse kan ba bzarallren,
le Diozen zerene neto'.
Xanllo nan llayal gapllo baran
11Xanllon bexe'e nada' war kwis kone taken, na gulle'e nada' bi nawa xnez be'nn ki. Gulle'e nada': 12Bi ne're ke yoyte di'll da llwe ake' de ngachen, da ne be'nn ka' naken di'll da llwe ake' de ngachzen. Bi llebre yoyte da ka' llcheb le aken. 13Xanllon nap doxhente yelwaken le'en wzoallo nake Xhirall, le'en llayal gapllo baran, le'en llayal llebllo. 14Le'e gake ke re' ke to ga dolre, gake'e ke to yaj ga lljachewre, na gunen nench'na yexhj llopte yel llnebia ke Israelen, gake ke to ga dol, na ga yexhj be'nn Jerusalén ka'. 15Be'nn zan lljachew ake', na yal ake', na kweyi ake', be'nn zan lljabix ake' gan dol ake', na yegan ake' gana'ze.
Isaíazen bdixjwere be'nn ka' naw leꞌen
16Le kuchaw di'll ni,
le wkoach dan yepa ren, dan wroe wsedra ren.
17Lakse Xanllon llkoachre yell ke Jacoben,
nada' nxenlalla le'e.
Leꞌen ba llbexha.
18Nada', na xhi'nna ka' ba ben Xanllon nada'
nakto da llroe yelwak raw Israelen,
da bzoa Xanton nap doxhente yelwaken
na zoe'e raw ya' Sión'na.
19Dali be'nn ka' ye ake' re':
Le lljanabe be'nn wat ka'
be'nn waneya ka' llwe di'll llilliteze.
¿Bi gak wnabe be'nn yellen dios ke ka' cha,
na wnab akre be'nn wat ka' kan nak ke be'nn ka' ne' de yelnban ken
20nench'na si' ake' to di'll da ye ake' le ake' cha?
Awa daliyan ka ne akte
axha di'll dan ne' aken naken di'll ke nxhie.
21Be'nn ka' lljata ake' gateze,
walleyraw ake', na tun ake',
na nike dan dun aken, wluken le ake'.
Gun ake' de'e be'nn wnebia ke ake' ka', na dios ke ake' ka'.
Wiate lloaraw aken rale
22na wayullen wia akte raw yu,
na tuze da re akre yel yiach, na da xchul,
na bej gasj xchulwi, na yel llalleyraw.
Doxhenten gasjen da xchulwi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ