Isaías 7
7
Danell llixjwere Isaíazen be'nn wnebian nzi Ahaz
1Resín be'nnen llnebia Siria, na Pécah be'nn wnebia ke Israelen, xhi'nn Remalías, biaj ake' jatilren ake' Jerusalén'na, na gukrall ake' wlan aken, axha bi guk ake'. Dani guken kan Ahaz, xhi'nn Jotam, na xhasoa Ozías llnebie'e yell ke Judán. 2Na bzua ake' rson ke be'nn wnebian nzi Ahaz, na rente be'nn ka lla' lo yo' rillen: Be'nn sirios ka' ba nun ake' txhen yell ke Efraín'na. Na be'nn wnebian, na rente be'nn yell ka' bxhiz ake', kan xhistit yay ka' lla' raw ya' ka' keten da be xhen.
3Natell Xanllon gulle'e Isaíazen: Biajren xhi'nno Sear-iasub, na jatil be'nn wnebian nzi Ahaz gan llayoll yas gan llde nis dan zeyaj gan llayull nis xhen'na, nez dan zaj lix gan llyib ake' rall, 4na gulle'e:
Bdap kwino, axha bi llebo,
bi llebo, na bi gakchixe lo raxhdaon
ke chop bao ka' zu lleen'na,
Resín na rente be'nn sirios ke'e ka, na xhi'nn Remalíazen,
to llalnin ake' kanaken llruk aken.
5Be'nn sirios ka', kone be'nn yell ke Efraín'na, na xhi'nn Remalíazen,
ba ben ake' xbab gun ake' damar ko'o.
Na ba bnee ake':
6Le cho llajtilrenllo Judán, na kollo le ake' cheb,
wallajlanllon
na wzoatello xhi'nn Tabeelen nench wnebien.
7Axha Xanllon nee:
Chras bi gak kan zerall aken.
8-9Damascon naken dan llnebia Sirian,
na Resín na nake be'nnen llnebia Damascon,
Samarian naken dan llnebia Efraín'na,
na xhi'nn Remalíazen nake'e be'nnen llnebia Samarian,
axha ye wyon gay iz
Efraín'na bill gaken to latj yell-liw ga llnebia ake',
na chetka re' bi wxenlallre du yichj durallre,
leska bi sibiare.
Da wllope llixjwere: keten garj Emanuelen
10Xanllon leska gulle'e Ahazen: 11Bnabe'e Xano Dios ko'on to yelwak da wruere rwe' da gak ka to sen ko'o, da gak zitj lo yu o rale kwis.
12Na Ahazen ballie'e xtillen: Ka', nada' bi gak guna prueb Xanllon.
13Natell Isaíazen bnee:
Le wzenay re', be'nn lla' lo yo' rill ke Daviden.
¿Llakere ratzen llumbeyere be'nn nach ka',
na llentere gumbeyre Dios kian cha?
14Axha Xanllo nakse wroere re' to sen:
Bi nor weon ba noabe to bidao,
Na su to xhi'nnbe bi biew,
na wsi ake' ra'ben Emanuel.
15Raw yiz nell ke bidaꞌon,
gawbe'e nill da ba nak chaw, na bllindao.
16Axha ket bine' wayakwere bida'on nuxhan'na nak dawen na damar,
latj yell-liw gan llnebia llopte be'nn ka' llcheb rwen
wadach waranen.
17Xanllon wsele'e kone rwe',
na kone yell ko'on, na yo' brao ke be'nn wnebian,
lla da bine' gakse
xte kan Efraín'na babiye'e kwit Judán.
Danin zajen di'll ke be'nn wnebia ke Asirian.
18Ket llin lla'na Xanllon gune'e nench'na yed ake' kakse zak bia
be'nn ka' zajzu zit llwa yeo ke Egipton,
na gune nench'na yed ake' kakse beserr
be'nn ka' zajzu Asirian.
19Yoy akte yed ake' nench llajsu ake'
rach xhen ka' sjade nis
lo broj de yaj ka'
na gan lla' yay yiech ka'
na gan llaj bayix ka' nis.
20Ka lla'na Xanllon gunlene llin be'nnen llnebia Asirian
ka to nbakw da jaxi ake' yechla yeon nzi Éufrates,
na wchibe'e ke be'nn israelitas ka
yich yichj ake', na ruxh ake', na kon ga lliaze yich.
21Ket llin lla'na, be'nn ka' wasgur to bak, na chop xhir 22daxhen nill ke gat na gak gawe'e ches. Na be'nn ka' wara gan blleyi latj yell-li'on gak gaw ake' ches na bllindao.
23Ket llin lla'na gan guz ake' to mir lba uvas, na zaken to mir mell plat, wayaken to latj ga lla' yay yiech, na lo din war. 24Cha ba zaj ake' llajcho ake' gana' de gox ake' xhis waxit, na xhis raw latit da zen bayix, le doxhente latj yell-li'on wayaken ga lla' yay yiech, na lo din war. 25Rum ka' gan guz ake' batna kone wej, chan zan yay yiech, na wayaken lo din war, na nutno yenkse chaj gana'. Na gaken sre ga gat yix da gaw bell ka', na xhir ka'.
လက္ရွိေရြးခ်ယ္ထားမွု
Isaías 7: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Isaías 7
7
Danell llixjwere Isaíazen be'nn wnebian nzi Ahaz
1Resín be'nnen llnebia Siria, na Pécah be'nn wnebia ke Israelen, xhi'nn Remalías, biaj ake' jatilren ake' Jerusalén'na, na gukrall ake' wlan aken, axha bi guk ake'. Dani guken kan Ahaz, xhi'nn Jotam, na xhasoa Ozías llnebie'e yell ke Judán. 2Na bzua ake' rson ke be'nn wnebian nzi Ahaz, na rente be'nn ka lla' lo yo' rillen: Be'nn sirios ka' ba nun ake' txhen yell ke Efraín'na. Na be'nn wnebian, na rente be'nn yell ka' bxhiz ake', kan xhistit yay ka' lla' raw ya' ka' keten da be xhen.
3Natell Xanllon gulle'e Isaíazen: Biajren xhi'nno Sear-iasub, na jatil be'nn wnebian nzi Ahaz gan llayoll yas gan llde nis dan zeyaj gan llayull nis xhen'na, nez dan zaj lix gan llyib ake' rall, 4na gulle'e:
Bdap kwino, axha bi llebo,
bi llebo, na bi gakchixe lo raxhdaon
ke chop bao ka' zu lleen'na,
Resín na rente be'nn sirios ke'e ka, na xhi'nn Remalíazen,
to llalnin ake' kanaken llruk aken.
5Be'nn sirios ka', kone be'nn yell ke Efraín'na, na xhi'nn Remalíazen,
ba ben ake' xbab gun ake' damar ko'o.
Na ba bnee ake':
6Le cho llajtilrenllo Judán, na kollo le ake' cheb,
wallajlanllon
na wzoatello xhi'nn Tabeelen nench wnebien.
7Axha Xanllon nee:
Chras bi gak kan zerall aken.
8-9Damascon naken dan llnebia Sirian,
na Resín na nake be'nnen llnebia Damascon,
Samarian naken dan llnebia Efraín'na,
na xhi'nn Remalíazen nake'e be'nnen llnebia Samarian,
axha ye wyon gay iz
Efraín'na bill gaken to latj yell-liw ga llnebia ake',
na chetka re' bi wxenlallre du yichj durallre,
leska bi sibiare.
Da wllope llixjwere: keten garj Emanuelen
10Xanllon leska gulle'e Ahazen: 11Bnabe'e Xano Dios ko'on to yelwak da wruere rwe' da gak ka to sen ko'o, da gak zitj lo yu o rale kwis.
12Na Ahazen ballie'e xtillen: Ka', nada' bi gak guna prueb Xanllon.
13Natell Isaíazen bnee:
Le wzenay re', be'nn lla' lo yo' rill ke Daviden.
¿Llakere ratzen llumbeyere be'nn nach ka',
na llentere gumbeyre Dios kian cha?
14Axha Xanllo nakse wroere re' to sen:
Bi nor weon ba noabe to bidao,
Na su to xhi'nnbe bi biew,
na wsi ake' ra'ben Emanuel.
15Raw yiz nell ke bidaꞌon,
gawbe'e nill da ba nak chaw, na bllindao.
16Axha ket bine' wayakwere bida'on nuxhan'na nak dawen na damar,
latj yell-liw gan llnebia llopte be'nn ka' llcheb rwen
wadach waranen.
17Xanllon wsele'e kone rwe',
na kone yell ko'on, na yo' brao ke be'nn wnebian,
lla da bine' gakse
xte kan Efraín'na babiye'e kwit Judán.
Danin zajen di'll ke be'nn wnebia ke Asirian.
18Ket llin lla'na Xanllon gune'e nench'na yed ake' kakse zak bia
be'nn ka' zajzu zit llwa yeo ke Egipton,
na gune nench'na yed ake' kakse beserr
be'nn ka' zajzu Asirian.
19Yoy akte yed ake' nench llajsu ake'
rach xhen ka' sjade nis
lo broj de yaj ka'
na gan lla' yay yiech ka'
na gan llaj bayix ka' nis.
20Ka lla'na Xanllon gunlene llin be'nnen llnebia Asirian
ka to nbakw da jaxi ake' yechla yeon nzi Éufrates,
na wchibe'e ke be'nn israelitas ka
yich yichj ake', na ruxh ake', na kon ga lliaze yich.
21Ket llin lla'na, be'nn ka' wasgur to bak, na chop xhir 22daxhen nill ke gat na gak gawe'e ches. Na be'nn ka' wara gan blleyi latj yell-li'on gak gaw ake' ches na bllindao.
23Ket llin lla'na gan guz ake' to mir lba uvas, na zaken to mir mell plat, wayaken to latj ga lla' yay yiech, na lo din war. 24Cha ba zaj ake' llajcho ake' gana' de gox ake' xhis waxit, na xhis raw latit da zen bayix, le doxhente latj yell-li'on wayaken ga lla' yay yiech, na lo din war. 25Rum ka' gan guz ake' batna kone wej, chan zan yay yiech, na wayaken lo din war, na nutno yenkse chaj gana'. Na gaken sre ga gat yix da gaw bell ka', na xhir ka'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ