Isaías 6
6
Diozen llaxhe'e Isaíazen
1Yizen gut be'nn wnebian nzi Ozías, brera Xanllon llie'e gan llnebie'e ga nak sib kwis, na llwa rall ke'en nkoajen yoda'on. 2Txhonj da nak ka ankl de yi' ze ake' kulle'e. Toaj toaj ake' zu xop xhir ake'. Konen chop xhir ake' ka' llkoach raw aken, konen ye chopen llkoach chla llele kwerp ke aken, na konen ye chopen zu ake'. 3Na lle loellj ake':
Xhirall, xhirall, xhirall nak Xanllon nap doxhente yelwaken;
doxhente yell-li'on ballate llan yel zak xhen ke'en.
4Llak nen be'e xne'e ni, bxhiz reij ka' zu yoda'on, na yoda'on ballaten bllan lleen. 5Na bena xbab: Niachraz naken kia nada', nall kweyia. Le ba brera kone yej rawa ki, be'nnen llnebian, Xanllon nap doxhente yelwaken; nada', naka to be'nn nach be'nn wen daxhinj, na zoa radj yell ga lla' be'nn wen daxhinj.
6Na ke hor'na to da ka' nak ka ankl de yi' bzun gan zian. Na kone tenasen noxe'e to yi' barj da bxhie'e raw bkuyen, 7na bdanee llwan kone len, na gulle'e nada':
Bwiakero yi' barj ni ba bdanen yid llwaon.
Damar ko'on ba bagan kale,
na ba de yel wxhixhen ke dol ko'o ka'.
8Natell benla bellne' ke Xanllon, na nee:
¿Nuxha wsela cha?
¿Nuxhan gak be'nn kellon chixjoe?
Nada' ballia xtillen:
Gani' zia nada', bsel nada'.
9Na leꞌen gulle'e nada':
Biaj, na gull yell ni da ki:
Lakse llebraz yenere, bi chajniere,
lakse llebraz wiare, bi chazen lo yichjre.
10Benchixe yichj raxhdao be'nn yell ki,
bseij nay aken, na bkoach yej raw aken
nench'na bi gak re akre, na bi gak yen akre,
na nike gakse chajnie akre
nench'na bi wayed ake' kone nada'
na nada' bi wayuna le ake'.
11Nada' bnabre'e:
¿Arke sibia dan, Xana?
Na leꞌe ballie'e xtillan:
Llinte lla keten yell xhen ka' kweyi aken,
na ni to be'nn bi wagan,
llinte lla ket yo' ka' bill cha aken be'nn,
na lix ka' wayak aken latj dach yu bill,
12na Xanllon gune nench'na wallach be'nn ka' gana',
na yell xhen'na waganen da dach.
13Na chetka llagonrize ye to kwen raw chi kwen be'nn ka' lla' raw yellen,
leskakse kweyi ake',
kan llakse ket llchuy ake' to yay dan nzi roble o cha to yay zin,
na llagan to yay bchekw naze.
Axha raw yay bchekon lloj to xlipe da gak xhirall.
လက္ရွိေရြးခ်ယ္ထားမွု
Isaías 6: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ