Isaías 57
57
1Be'nn de baran ka' llat ake',
na nutno llakzede,
be'nn wen ka' llaran ake',
na nutno llajnie
ke yel guten llasran le ake' raw damar ka',
2Na ba lla' ake' nbaraz.
Bnao ake' to nez dan zaj lixhaj,
na na' ba llazirall ake' lo ba ke ake' ka'.
Llchuybie dan llwerao ake' loe lsak ka'
3Le da gawchoch re' xhi'nn nor walla,
re' gurjre konen to be'nn bi nak xa re', na kone nor ree:
4¿Nuxhan lltitje re' cha?
¿Na nuxhan llunere kaze ket llchuk llwaraoren?
¿Na nuxhan llroere're rullren cha?
Ren nakre xhi'nn damar, be'nn wxhiye ake',
5xhan yay da ka' nzi roble, na yoyte yay xhen ka'
llunre sre daxhinj,
na llutre bidao ake' kwit yeo ka',
radj yaj bdinj ka'.
6Israel,
rwe' llazrallo werawo yaj ller llib ka' zajnit llwa yeo ka',
le gana'n ba zu to latj da banak ko'o rwe'.
Na le aken ba boazjo zu ke uva da ba bazarallo,
na ba be'on nbas ake'.
¿Na llakro kone dani nada' soa nbaraz cha?
7To raw ya' sib da nak lta bzoaw to kam ko'o,
na lekse gana' ba byiepo, na beto bayix nench'na berawo.
8Kull reij yo' ko'on
bkoao loe lsak sral ko'o ka'.
Gulallo nada', na bze galyidzo,
na goto raw kam ray ko'on,
bchajllao diꞌll konen be'nn nach ka'
konen be'nn llazrallo gatreno,
na llwiateo loe lsaken.
9Bnawdo loe lsaken nzi Mélec, na bexteo seit
na da zan da la xhixh,
bselo be'nn zan be'nn jatixjwe zit kwis,
na beno ke betj ake' gan llnebia yel guten.
10To jachiero brow nez gateze,
na bi bazakro yoyte da ka' sjanaken da bibi zak.
Noxllaw dan llun rwe' waren,
kelen'na bi jachiero.
11¿Nuxhan nak dios ka' bllebo na bdapo baran,
nench'na bi guko be'nn wen dalixhaj kone nada'
na galallo nada' to chize cha?
Kan rwe' bi bdapo nada' baran,
nada' bzua lliteze na bena ke be'nn bi llakbe.
12Axha na' wruera kan llunon,
rwe' llakro nako be'nn wen dalixhaj.
13Keten gusiao llnabo gukre,
loe lsak ko'o ka' bi gakren aken rwe' nench waraw.
Ben wachachen yoyte loe lsak ka,
tuze wrub aken le waran akten.
Axha be'nnen nxenlall nadan
soe'e latj yell-li'on
na soe'e ya' xhirall kian.
Bxhakzi Israelen na bayake
14Natell yenle ne ake':
Le gun xnid to nez wen
le waka daka llumbey nench'na te yell kian.
15Le be'nnen ze chkwia ralten,
be'nnen zu ke chnaren
na re'en nzin xhirall, nee:
Nada' zoa chkwia ralte, na ga nak xhirall,
axha leskakse zurena be'nn nexjrallen, na be'nnen zu yiachen,
na llayundipralle, na llpere.
16Bi soa du tiemp wxoa dol kull yell kian,
na bi gaklla du tiemp,
le gunen be'nn nach ka' ba benan
wnit ake' dan llundiprall aken nadan.
17Xtol daxhinj ke Israelen
guklla to tiemp,
na bsakzian, na wiya kale,
axha le'en bayechje'e na benee kon kanezen ke'e.
18Ba brera kan llune
axha wayuna le'e na wia yel wxhirall ke'e,
nench'na sue wen kwis.
Nada' wayunxhena be'nn ka' zu yiachen,
19na yepa yoy akte:
Le su wen re' llare' zit,
na le su wen yoyte re' lla' gawchoch.
Nada' wayuna yell kian.
20Axha be'nn mar ka' nak ake' ka' to nistaw bi su lli,
da bi llak kwe chaw
na llonen benj na da bziw keten llasen nisen.
21Ke be'nn wen damar ka' bi de da wzoa le ake' wen
Kan ba bnee Diozen.
လက္ရွိေရြးခ်ယ္ထားမွု
Isaías 57: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ