Isaías 4
4
1Ka' lla'na yeratze be'nn biew yegan
na gall nor, gakdil ake' nench suren ake' tich be'nn,
na ye ake' le'e:
Neto' wiato akre gunto nench wayaj wadeto
na, sito rall xhato da gakto
axha bchuynaren neto',
na basra neto' nench bi gak yelsdo keto.
Yel nbaraz dan llchebe'e ke willjwani
2Ke lla'na,
Xanllon gune nench yarj dan wagan
na gaken yel nbaraz, na yel zak xhen
ke be'nn ka' yegan konen yel nban sjalla Israelen,
da ka' warap ake' dan we yell-li'on
gaken to yel baran, na yel zak xhen ke ake'.
3Be'nn ka' yegan konen yel nban gan nzi Sión'na,
na be'nn ka yegan konen yel nban gan nzi Jerusalén
na si' ake' banez su ake' gana',
ye ake' le ake' be'nn xhirall ke Xanllon.
4Keten Xanllon wchuybie'e
na wsakzie'e,
wayune'e yall Israelen ke llen'nan brarje nike xhia ka' ba benee
na wayibe'e bziw ke be'nn ka' lla' Sión'na.
5Raw doxhente gan nbane ya' Sión'na,
na raw be'nn yell ka' ba badup gana',
Xanllon wziee to bej gasj tellan,
na tllele beni, na yi' da llalnin.
Yichje gan lla' yoy akte sen yelwak xhen ke Xanllon,
6nench'na gape'e le ake', na wkueje'e le ake',
gaken ka to xhur ke ake' raw dazey ke tellan
na to da wkoej keten llak yejw be zban.
လက္ရွိေရြးခ်ယ္ထားမွု
Isaías 4: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ