NAPPIYAREEGERAK 15
15
Wone amburu mbanuwok nduk, o Yerutalem kuwak eereegwaarak wone
1Nogome wonogwe me, it Yureya mendek ando Andiyokiya wogo nogogwaarik, Yetut apuri yorogo logonet, ”At Muta nen, Aap inagabolo mbaniyak o, yo'niragagerak nogo ti ndak-ndak eekkinaka'lek kiinok, kinagap ndarigin lek o,” yinuk, yorogo mbareegwa, 2it Pawulut Mbaranabat imbirak it nogo inom wone nggwok wappunuk, ogoorak negen wonogwe me, it imbirak inom, it Andiyokiya mendek ando nogo inom, ”Kit Yerutalem nogo logomonggotik, it Yetut nappiyareegerak nogo inom, Ala apuri inarum menggaarak nogo inom, wone ti kinom kooni nanip o,” yinuk, yorogogwaarak.
3Yorogo nogogwaarik, it Ala apuri time nogo nen nappiyareegwaarak o Penitiya inom, Tamariya inom, yanggwagak eerit nogo logonet, it endekem mendek nen inomaluk mbo pereegwaarak wone nogo mbininogo yoranet nogo mbareegwa, it Ala apuri nogo nen iniki ale'nggen ambik agagerak. 4O Yerutalem unggwi nogo nogogwaarik, it Ala apuri inom, it Yetut nappiyareegerak inom, Ala apuri inarum menggaarak inom, keyage waganako mbareegwa, ”At Ala ninom ndogop eekoorak,” yinuk, mbininogo yorogogwaarak. 5Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, ”Lek o. It inagabolo mbanogo punuk, Ala wone lengganeegerak Muta liiru mbaneegerak nogo eeko logowak nduk yoroorak aret o,” yinuk, yereegwaarak.
6It Yetut leenogo nappiyareegerak inom, it Ala apuri inarum menggaarak inom, wone ti mbanuwok nduk kuwak eeppogo nogogwaarik, 7wone nogo koonggwi wonogogwaarik, at Peterut mi'nage nagagirik, ”Noreewi o. O maan at Ala nen, It endekem mendek obeelom wone konembunuk abet mbaruwak en, yoranet nege logowak nduk, leenogo mii'nabeegerak, kineenu nogo. 8At Ala nen aakumi iniki abok eenu me, nit Aberiniki wo'niragagerak kwak, it endekem mendek kunduk at apuri eeginakerak mbaruwak nduk, it Aberiniki wogoragagerak. 9It wogoraga'lek nit mban wo'niroorak ti lek o. Nit ambit aret me, iniki abet mbakwi paga inomaluk lek eerogo piigerak o. 10Togop me, nit inom, nit ninombomini inom, ninoba luurogo pinaneegwaarak aaninggin abu meek kogo nogogurak nogo, kit yogondak nonggop nduk inoba luurogo punuk, Ala nonggop eeppinanege kaamun? yinuk, abut mbanuwok nduk yogo ogotik? 11Lek o. Ninogoba Yetut ninabuwa nen obeelom eeppinanege menggerak ti paga nit ninagap ndake minggi kwak, it togop aret inagap ndake o, yinuk, abet aret mbako ogoorik,” yinuk, yoragagerak.
12Yorage mbareegi, it aap kuwak ogogwaarak nogo abok inoone lek puk ogo mbareegwa, it Mbaranabat Pawulut imbirak Ala inom logonet, it endekem mendek inenggela'me ineenu aruwak nduk inagabiti warak mendek eekwi, eerubok mendek eekwi, eereegwaarak wone nogo mbininggwi inaruk koneneegwaarak. 13It imbirak wone nogo yorogo mbareegwa, at Yakobut nen it yorage logonet, ”Noreewi o. Liirogon konenggo logonip o,” yorage nagagirik, 14”Aa'nduk at Ala nen it aap endekem mendek nogo nen at endage piyanggo logowak nduk, inabuwa nen kwaarogo miirinabeegerak wone at Timon nen mbininogo yo'niragaarak nogo o. 15Wone ti, it Ala wone yorogo nogogwaarak nabi-nabi nen liiru mbaneegwaarak nogo ndak-ndak aret yo'niraga o. It nen wone Ala yereegerak ambi yogo logonet.
16-17It aakumi endekem mendek,
An napuri aret o, yereegirak nogo ti,
aakumi ando abok inom inogoba an aret mu'neren nogo logowak nduk,
an peebi wage logominggirik,
Ndawut o wonagagenom mi-mi wambeegerak nogo,
obaane'me ogobakkigirogo wurigin o, yinuk,
18kineenu arubagip nduk, o maan nen yereegirak nogo,
an kinogoba endagembogut nen aret yokkiragi o,
yinuk, yereegerak nogo wone liiru mbaneegwaarak.
19Liiru togop mbaneegwaarak me, it endekem mendek iniki koombunuk wone waganggwi nogo, yi eekak ndi eekak eeko logonet, iniki aaninggin eerogo piyoorak lek o. 20We, wam kugi aanggo warak noorak mage o. Mbabi eeriyak mage o. Yi mendek ndi mendek amiya wungga'lek kagak warak kenok, noorak mage o. Amiya noorak mage o, yinuk, liiru mbanogo punuk wogoroorak o. 21Muta lengganeegerak wone nogo maan aa'nduk yi awi ndi awi it Yakuri tamban eekwi paga tamban eeko menggam lombok pekkagak agan nogwe yorogo menggaarak ineenu me, liiru togop aret mbanogo punuk, wogoroorak op aret mbaki o,” yinuk, yoragagerak.
Aakumi endekem mendek abet mbareegwaarak nogo inake liiru mbaneegerak wone
22Yorage mbareegi, it Yetut nappiyareegerak nogo inom, it Ala apuri inarum menggaarak nogo abok inom, ”Pawulut Mbaranabat imbirak nit yime mendek inom leenogo o Andiyokiya nappiyawok o,” yinuk, Ala apuri inoweewi ambi Yurat, endage peebi toonak Mbaranabat inom, aap Tilat inom, leenogo piinok, 23nappiyawok nduk, liiru mbanggo logonet,
”Ninoreewi wa. Nit kinoreewi Yetut apuri at leenogo nappinaneegerak inom, Ala apuri inarum monggoorak inom nogo nen ninoreewi kit endekem mendek Yetut apuri eekkinakerak o Andiyokiya mendek inom, o Tiriya mendek inom, o Kilikiya mendek inom, kit time wonogwe abok aret keyage wakkinako o. 24It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik agan nugwi ninaruk konenggoorak me, 25yogondak perak, nit nen kuwak eeppunuk, ninom monggoorak aap ando kinowagam woraawak nduk leenogo piinok, ninoreewi niniki kunik Pawulut Mbaranabat imbirak inom nappiya wogwe ti o. 26It nogo iniki nggaruk togon ninogoba Yetut Keritut wogogo nogogwaarik, Kambuurak kenok op aret, mba'nuk, inogogumbuk a'nuk, wone yoranet nogo nogogwaarak kenok, 27Yurat Tilat imbirak nappiya woramonggoorak nogo, liiru mbanggoorak yi ndak-ndak mbininogo yokkira wogwe ti o. 28Nit eeko logorak mbakoorak nogo ti, Aberiniki ninom nen aaninggin mendek ambinom kinoba luurogo pinaga'lek, we, eeriyak mendek kenok mban eeko logorak mbakoorak nogo yi o. 29Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi iinok, mbo piinok aret mbaganggo logonu o. Mbaganggwi kiinok, obeelom aret logomunggup o. Abu aret yokkirogo o. Ninoreewi wa,” yinuk, liiru mbanogo punuk, nappiyareegwaarak.
30Nappiigo mbareegwa, o Andiyokiya unggwi wogo nogogwaarik, it kuwak eeko menggaarak nogo kuwak eeppiinok, liiru mbanak ti wogorogogwaarak. 31Liiru mbanak nogo wogorogo mbareegwa, it nogo nen pekkogo nogogwaarik, iniki eyak warogo liiru mbanirogogwaarak kogo nogogwaarik, iniki ale'nggen ambik agagerak. 32It Yurat Tilat imbirak Ala wone yorogo menggaarak me, it inoreewi Yetut apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak. 33Time wonogo mbareegwa, it inoreewi time nen iniki ale'nggen agago piinok, iniyok paga it nappiya wogogwaarak nogo inowagam nappiyareegwaarak. 34Nappiyareegwaarak nogo wogwe iigak kwe, at Tilat perak, ”Puk arikit,” mba'nuk, time aret puk agagerak.
35It Pawulut Mbaranabat imbirak inom, aap ando ambik inom, o Andiyokiya wonogo logonet, ninogoba Yetut wone mamunirogwe, yorogwe, eeko nogogwaarak.
Pawulut Mbaranabat imbirak ogookkologogwaarak wone
36Nogome wonogogwaarik, ti'nuk, peebi at Pawulut nen, ”Yi awi ndi awi ninogoba Yetut wone yoranet nogo nogogum nogome Yetut apuri ogogwaarak nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak. 37Yoge mbareegi, at Mbaranabat nen, ”At Yaya endage peebi toonak Marakut nogo ninom nawok o,” yoreegerak kwe, 38at Pawulut nen oone panggok togon ari logonet, A! Nit o Pambiliya wonogo logonet, wone yoranet nawok o, yoreegurak mendek, An neebi o, yinuk, mbo pinaninuk mbaganeegerak me, yogondak ninom noorak lek o, yoreegerak. 39Yoge mbareegi, it wone nggwok wappunuk, imbirak ogookkologo nogogwaarik, at Mbaranabat nogo nen Marakut wonok yiiro paga o Tipurut aret nagagerak. 40Ndi, at Pawulut nogo perak, Tilat miike mbareegi, it Yetut apuri nen, ”Ala kinarum logogin o,” yinuk, yorogo mbareegwa, nogo nogogwaarik, 41o Tiriya inom, Kilikiya inom, yi awi ndi awi time yanggwagak nugu logonet, at Pawulut nogo nen it Ala apuri time iniki nu'lek logowak nduk, yoranet nege nagagerak.
လက္ရွိေရြးခ်ယ္ထားမွု
NAPPIYAREEGERAK 15: WNO
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
NAPPIYAREEGERAK 15
15
Wone amburu mbanuwok nduk, o Yerutalem kuwak eereegwaarak wone
1Nogome wonogwe me, it Yureya mendek ando Andiyokiya wogo nogogwaarik, Yetut apuri yorogo logonet, ”At Muta nen, Aap inagabolo mbaniyak o, yo'niragagerak nogo ti ndak-ndak eekkinaka'lek kiinok, kinagap ndarigin lek o,” yinuk, yorogo mbareegwa, 2it Pawulut Mbaranabat imbirak it nogo inom wone nggwok wappunuk, ogoorak negen wonogwe me, it imbirak inom, it Andiyokiya mendek ando nogo inom, ”Kit Yerutalem nogo logomonggotik, it Yetut nappiyareegerak nogo inom, Ala apuri inarum menggaarak nogo inom, wone ti kinom kooni nanip o,” yinuk, yorogogwaarak.
3Yorogo nogogwaarik, it Ala apuri time nogo nen nappiyareegwaarak o Penitiya inom, Tamariya inom, yanggwagak eerit nogo logonet, it endekem mendek nen inomaluk mbo pereegwaarak wone nogo mbininogo yoranet nogo mbareegwa, it Ala apuri nogo nen iniki ale'nggen ambik agagerak. 4O Yerutalem unggwi nogo nogogwaarik, it Ala apuri inom, it Yetut nappiyareegerak inom, Ala apuri inarum menggaarak inom, keyage waganako mbareegwa, ”At Ala ninom ndogop eekoorak,” yinuk, mbininogo yorogogwaarak. 5Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, ”Lek o. It inagabolo mbanogo punuk, Ala wone lengganeegerak Muta liiru mbaneegerak nogo eeko logowak nduk yoroorak aret o,” yinuk, yereegwaarak.
6It Yetut leenogo nappiyareegerak inom, it Ala apuri inarum menggaarak inom, wone ti mbanuwok nduk kuwak eeppogo nogogwaarik, 7wone nogo koonggwi wonogogwaarik, at Peterut mi'nage nagagirik, ”Noreewi o. O maan at Ala nen, It endekem mendek obeelom wone konembunuk abet mbaruwak en, yoranet nege logowak nduk, leenogo mii'nabeegerak, kineenu nogo. 8At Ala nen aakumi iniki abok eenu me, nit Aberiniki wo'niragagerak kwak, it endekem mendek kunduk at apuri eeginakerak mbaruwak nduk, it Aberiniki wogoragagerak. 9It wogoraga'lek nit mban wo'niroorak ti lek o. Nit ambit aret me, iniki abet mbakwi paga inomaluk lek eerogo piigerak o. 10Togop me, nit inom, nit ninombomini inom, ninoba luurogo pinaneegwaarak aaninggin abu meek kogo nogogurak nogo, kit yogondak nonggop nduk inoba luurogo punuk, Ala nonggop eeppinanege kaamun? yinuk, abut mbanuwok nduk yogo ogotik? 11Lek o. Ninogoba Yetut ninabuwa nen obeelom eeppinanege menggerak ti paga nit ninagap ndake minggi kwak, it togop aret inagap ndake o, yinuk, abet aret mbako ogoorik,” yinuk, yoragagerak.
12Yorage mbareegi, it aap kuwak ogogwaarak nogo abok inoone lek puk ogo mbareegwa, it Mbaranabat Pawulut imbirak Ala inom logonet, it endekem mendek inenggela'me ineenu aruwak nduk inagabiti warak mendek eekwi, eerubok mendek eekwi, eereegwaarak wone nogo mbininggwi inaruk koneneegwaarak. 13It imbirak wone nogo yorogo mbareegwa, at Yakobut nen it yorage logonet, ”Noreewi o. Liirogon konenggo logonip o,” yorage nagagirik, 14”Aa'nduk at Ala nen it aap endekem mendek nogo nen at endage piyanggo logowak nduk, inabuwa nen kwaarogo miirinabeegerak wone at Timon nen mbininogo yo'niragaarak nogo o. 15Wone ti, it Ala wone yorogo nogogwaarak nabi-nabi nen liiru mbaneegwaarak nogo ndak-ndak aret yo'niraga o. It nen wone Ala yereegerak ambi yogo logonet.
16-17It aakumi endekem mendek,
An napuri aret o, yereegirak nogo ti,
aakumi ando abok inom inogoba an aret mu'neren nogo logowak nduk,
an peebi wage logominggirik,
Ndawut o wonagagenom mi-mi wambeegerak nogo,
obaane'me ogobakkigirogo wurigin o, yinuk,
18kineenu arubagip nduk, o maan nen yereegirak nogo,
an kinogoba endagembogut nen aret yokkiragi o,
yinuk, yereegerak nogo wone liiru mbaneegwaarak.
19Liiru togop mbaneegwaarak me, it endekem mendek iniki koombunuk wone waganggwi nogo, yi eekak ndi eekak eeko logonet, iniki aaninggin eerogo piyoorak lek o. 20We, wam kugi aanggo warak noorak mage o. Mbabi eeriyak mage o. Yi mendek ndi mendek amiya wungga'lek kagak warak kenok, noorak mage o. Amiya noorak mage o, yinuk, liiru mbanogo punuk wogoroorak o. 21Muta lengganeegerak wone nogo maan aa'nduk yi awi ndi awi it Yakuri tamban eekwi paga tamban eeko menggam lombok pekkagak agan nogwe yorogo menggaarak ineenu me, liiru togop aret mbanogo punuk, wogoroorak op aret mbaki o,” yinuk, yoragagerak.
Aakumi endekem mendek abet mbareegwaarak nogo inake liiru mbaneegerak wone
22Yorage mbareegi, it Yetut nappiyareegerak nogo inom, it Ala apuri inarum menggaarak nogo abok inom, ”Pawulut Mbaranabat imbirak nit yime mendek inom leenogo o Andiyokiya nappiyawok o,” yinuk, Ala apuri inoweewi ambi Yurat, endage peebi toonak Mbaranabat inom, aap Tilat inom, leenogo piinok, 23nappiyawok nduk, liiru mbanggo logonet,
”Ninoreewi wa. Nit kinoreewi Yetut apuri at leenogo nappinaneegerak inom, Ala apuri inarum monggoorak inom nogo nen ninoreewi kit endekem mendek Yetut apuri eekkinakerak o Andiyokiya mendek inom, o Tiriya mendek inom, o Kilikiya mendek inom, kit time wonogwe abok aret keyage wakkinako o. 24It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik agan nugwi ninaruk konenggoorak me, 25yogondak perak, nit nen kuwak eeppunuk, ninom monggoorak aap ando kinowagam woraawak nduk leenogo piinok, ninoreewi niniki kunik Pawulut Mbaranabat imbirak inom nappiya wogwe ti o. 26It nogo iniki nggaruk togon ninogoba Yetut Keritut wogogo nogogwaarik, Kambuurak kenok op aret, mba'nuk, inogogumbuk a'nuk, wone yoranet nogo nogogwaarak kenok, 27Yurat Tilat imbirak nappiya woramonggoorak nogo, liiru mbanggoorak yi ndak-ndak mbininogo yokkira wogwe ti o. 28Nit eeko logorak mbakoorak nogo ti, Aberiniki ninom nen aaninggin mendek ambinom kinoba luurogo pinaga'lek, we, eeriyak mendek kenok mban eeko logorak mbakoorak nogo yi o. 29Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi iinok, mbo piinok aret mbaganggo logonu o. Mbaganggwi kiinok, obeelom aret logomunggup o. Abu aret yokkirogo o. Ninoreewi wa,” yinuk, liiru mbanogo punuk, nappiyareegwaarak.
30Nappiigo mbareegwa, o Andiyokiya unggwi wogo nogogwaarik, it kuwak eeko menggaarak nogo kuwak eeppiinok, liiru mbanak ti wogorogogwaarak. 31Liiru mbanak nogo wogorogo mbareegwa, it nogo nen pekkogo nogogwaarik, iniki eyak warogo liiru mbanirogogwaarak kogo nogogwaarik, iniki ale'nggen ambik agagerak. 32It Yurat Tilat imbirak Ala wone yorogo menggaarak me, it inoreewi Yetut apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak. 33Time wonogo mbareegwa, it inoreewi time nen iniki ale'nggen agago piinok, iniyok paga it nappiya wogogwaarak nogo inowagam nappiyareegwaarak. 34Nappiyareegwaarak nogo wogwe iigak kwe, at Tilat perak, ”Puk arikit,” mba'nuk, time aret puk agagerak.
35It Pawulut Mbaranabat imbirak inom, aap ando ambik inom, o Andiyokiya wonogo logonet, ninogoba Yetut wone mamunirogwe, yorogwe, eeko nogogwaarak.
Pawulut Mbaranabat imbirak ogookkologogwaarak wone
36Nogome wonogogwaarik, ti'nuk, peebi at Pawulut nen, ”Yi awi ndi awi ninogoba Yetut wone yoranet nogo nogogum nogome Yetut apuri ogogwaarak nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak. 37Yoge mbareegi, at Mbaranabat nen, ”At Yaya endage peebi toonak Marakut nogo ninom nawok o,” yoreegerak kwe, 38at Pawulut nen oone panggok togon ari logonet, A! Nit o Pambiliya wonogo logonet, wone yoranet nawok o, yoreegurak mendek, An neebi o, yinuk, mbo pinaninuk mbaganeegerak me, yogondak ninom noorak lek o, yoreegerak. 39Yoge mbareegi, it wone nggwok wappunuk, imbirak ogookkologo nogogwaarik, at Mbaranabat nogo nen Marakut wonok yiiro paga o Tipurut aret nagagerak. 40Ndi, at Pawulut nogo perak, Tilat miike mbareegi, it Yetut apuri nen, ”Ala kinarum logogin o,” yinuk, yorogo mbareegwa, nogo nogogwaarik, 41o Tiriya inom, Kilikiya inom, yi awi ndi awi time yanggwagak nugu logonet, at Pawulut nogo nen it Ala apuri time iniki nu'lek logowak nduk, yoranet nege nagagerak.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ