NAPPIYAREEGERAK 14
14
O Ikoniyum logonet, eeko nogogwaarak wone
1O Ikoniyum time o Andiyokiya eereegwaarak nogo ndak-ndak eereegwaarak. It Pawulut kunduk, Mbaranabat kunduk aap Yakuri tamban eeko menggam unggwogo nogogwaarik, wone abe liirogon yorogogwaarak paga Yakuri mendek inom, Yunani mendek inom, aakumi ambik aret iniki abet mbareegwaarak. 2Abet mbako mbareegwa, it Yakuri ando, ”Wone nineebi o,” yinuk, wagangga'lek nogo nen, it endekem mendek nen Yetut apuri inom ogooruwak nduk iniki nggagani nogo mbareegwa, 3at Pawulut Mbaranabat imbirak time elaambirik negen logonet, iniki ninogoba Yetut oba panggombunuk inagabiti lek logonet, wone yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak nen Ala omaawi wogoragagerak paga, inagabiti warak mendek eekwi, eerubok mendek eekwi, eeko nogogwaarak. 4It o tini time menggaarak nogo inom ogooppunuk logonet, it ando Yakuri inoone waganggwi, ndi, it ando it nappiyareegerak nogo inoone waganggwi, eereegwaarak.
5Eeko logonet, it endekem mendek nogo inom, it aap Yakuri mendek inom, it inoweewi nogo inom, Pawulut Mbaranabat imbirak ale-pale eerogo yugum paga toguurit inooruwok nduk eereegwaarak. 6Eeruwok nduk eekwi inaruk konembunuk, kole o Likawoniya nogo nogogwaarik, o tini Litera inom, o tini Nderebe inom, yi awi ndi awi time yanggwagak nogo nogogwaarik, 7wone obeelom wone time yoranet nugu nogogwaarak.
O Litera inom, Nderebe inom logonet, eereegwaarak wone
8O Litera time aap ambi endop maluk itok nda'nagagerak tu negeelik, iyok yunggunik mban menggerak nogo, 9at Pawulut wone yorage aruk konengge wonage me, at Pawulut nen enegen looge logonet, aap yi obeelom eeruwak nduk, iniki Ala oba panggombunuk abet mbake yelok kage nagagirik, 10”Kiyok nggik togon mi'naru o,” yinuk, oone nggwok paga yoge mbareegi, at nogo pilak togon mi'na'nuk, nege nagagerak. 11Mi'na'nuk nege kagak, it aakumi ambik nen at Pawulut eereegerak nogo inigen kogo nogogwaarik, it Likawoniya inoone paga, ”Kugi aakumi negen a'nuk, niya wambi waga o,” yinuk, ina'mit yereegwaarak. 12Ina'mit yogo nogogwaarik, at Mbaranabat endage Tewut toonggwi, ndi, at Pawulut wone mbangga kenok, endage Keremet toonggwi, eereegwaarak. 13Eeko mbareegwa, kugi Tewut awi wurik o tini endekem nggwe wonagagerak unde nogo nen, ”Aakumi ninom nen o tini tu unggwogo menggam ta'nogo it nappiyareegerak inaanggo warogo wogoraawok o,” yinuk, wam sapi inom, iri'ngga-kale'ngga laambu mendek inom, wonok wage nagagirik, wogoraawok nduk eekwi 14it nappiyareegerak Mbaranabat Pawulut imbirak inaruk konembogo nogogwaarik, inagabiti nen inambogoyum endekem nggwe mendek nibinogo punuk, puu'nuk aap ambik aago wonogwe me unggwi nogo nogogwaarik, 15”Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at Ala eenik menggerak nogo nen mbogut inom, nggween inom, yi nggwok yenggenak inom, yi mendek ndi mendek abok wakkagagerak nogo woge wabagip nduk, obeelom wone wonok yokkiraawok nduk wogoorak kwe, eeko ogotik o. 16O maan nen, yogondak kuli yi paga yi aakumi ndi aakumi iniki mba'nuk eerit nogwe iigak, Ala nen teppiige menggerak kwe, 17at nogo eebe yelok kaabagip nduk, eeppinagageelik ti lek o. Kinabuwa nen obeelom eeppinagage logonet, yi mendek ndi mendek kole eeruwak nduk, mbogut paga nen mayu wokkirage, kiniki ale'nggen mbaruwak nduk mbi ka'let eerogo wokkirage, eeke menggerak o,” yinuk, inoone omaawi paga yorogogwaarak kwe, 18kagak, inaanggo waruwok nduk, eereegwaarak mendek, mage nabenak yorogo mbareegwa, nggininogo teppereegwaarak.
19Teppogo mbareegwa, it aap Yakuri mendek o Andiyokiya inom, o Ikoniyum inom, time nen wogo nogogwaarik, it inom aruwak nduk, aakumi inikime manabi nogo mbareegwa, it aakumi nogo nen Pauwulut yugum toguurit wappogo nogogwaarik, ”Abu kanggi o,” yinuk, niigogo o tini endekem nggwe mbo wumbereegwaarak. 20Mbo wumbogo mbareegwa, it Yetut wone waganeegwaarak nogo nen at eebe oolo kagak, ninggippunuk wonogo mbareegwa, mi'nage nagagirik, o tini nogome unggwi nagagerak. Unggwage nagagirik, nogo yippunuk, ko'lu Mbaranabat imbirak o Nderebe wogogwaarak.
Iniyok paga o Andiyokiya wogogwaarak wone
21Aakumi o tini time mendek nogo obeelom wone yorogogwaarak paga abet mba'nuk Yetut wone waganeegwaarak. Waganggo mbareegwa, it wogogwam o Andiyokiya iniyok paga nogo logonet, o Litera unggwogwe, Ikoniyum unggwogwe, eerit o Andiyokiya unggwi nogogwaarak. 22O nogome yanggwagak nugu logonet, ”At Ala abu'me unggwi noorak ti, andi-pandi kagak unggwi noorak me, kit Yetut wone abet mbakotak kenok, nu'lek eeppunuk logonip,” yinuk, it iniki eyak wappiinet nugwi, 23ndi, Aal apuri kuwak eeko menggam lombok inarum logorak nduk, leenogo mippiigo nogogwaarik, mbi nengga'lek inambe mage negen logonet, ”Nogoba o. It aap yi iniki koba panggombunuk abet mbakaarak me, eerit nugwi iigak, liirogon inarum logomunggun o,” yinuk, nogogwaarak.
24Eerit nogo nogogwaarik, o Pitiriya yungguninuk, o Pambiliya unggwi wogogwaarak. 25O Perega nogome wone yorogo nogogwaarik, o Ataliya unggwi wogo nogogwaarik, 26time nen yiiro paga o Andiyokiya wunda wogogwaarak. ”Ala eyabu eeri nawak nduk, Ala kinom namunggup o,” yinuk, nappiyareegwaarak eerit nogo nogogwaarik, abu nggobok togon eeppunuk, nappiyareegwam nogome aret wogogwaarak.
27O Andiyokiya unggwi wogo nogogwaarik, it Ala apuri nogo kuwak eeppiinok, it Ala inom eeginabit nogogwaarak nogo inom, Ala nen it endekem mendek ninogoba Yetut wone abet mbaruwak nduk tu paarogo piyareegerak nogo inom, wone mbininogo yorogo nogogwaarik, 28it o Andiyokiya Yetut wone waganeegwaarak nogo inom logonet, nogo apit yereegwaarak.
လက္ရွိေရြးခ်ယ္ထားမွု
NAPPIYAREEGERAK 14: WNO
အေရာင္မွတ္ခ်က္
မၽွေဝရန္
ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
NAPPIYAREEGERAK 14
14
O Ikoniyum logonet, eeko nogogwaarak wone
1O Ikoniyum time o Andiyokiya eereegwaarak nogo ndak-ndak eereegwaarak. It Pawulut kunduk, Mbaranabat kunduk aap Yakuri tamban eeko menggam unggwogo nogogwaarik, wone abe liirogon yorogogwaarak paga Yakuri mendek inom, Yunani mendek inom, aakumi ambik aret iniki abet mbareegwaarak. 2Abet mbako mbareegwa, it Yakuri ando, ”Wone nineebi o,” yinuk, wagangga'lek nogo nen, it endekem mendek nen Yetut apuri inom ogooruwak nduk iniki nggagani nogo mbareegwa, 3at Pawulut Mbaranabat imbirak time elaambirik negen logonet, iniki ninogoba Yetut oba panggombunuk inagabiti lek logonet, wone yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak nen Ala omaawi wogoragagerak paga, inagabiti warak mendek eekwi, eerubok mendek eekwi, eeko nogogwaarak. 4It o tini time menggaarak nogo inom ogooppunuk logonet, it ando Yakuri inoone waganggwi, ndi, it ando it nappiyareegerak nogo inoone waganggwi, eereegwaarak.
5Eeko logonet, it endekem mendek nogo inom, it aap Yakuri mendek inom, it inoweewi nogo inom, Pawulut Mbaranabat imbirak ale-pale eerogo yugum paga toguurit inooruwok nduk eereegwaarak. 6Eeruwok nduk eekwi inaruk konembunuk, kole o Likawoniya nogo nogogwaarik, o tini Litera inom, o tini Nderebe inom, yi awi ndi awi time yanggwagak nogo nogogwaarik, 7wone obeelom wone time yoranet nugu nogogwaarak.
O Litera inom, Nderebe inom logonet, eereegwaarak wone
8O Litera time aap ambi endop maluk itok nda'nagagerak tu negeelik, iyok yunggunik mban menggerak nogo, 9at Pawulut wone yorage aruk konengge wonage me, at Pawulut nen enegen looge logonet, aap yi obeelom eeruwak nduk, iniki Ala oba panggombunuk abet mbake yelok kage nagagirik, 10”Kiyok nggik togon mi'naru o,” yinuk, oone nggwok paga yoge mbareegi, at nogo pilak togon mi'na'nuk, nege nagagerak. 11Mi'na'nuk nege kagak, it aakumi ambik nen at Pawulut eereegerak nogo inigen kogo nogogwaarik, it Likawoniya inoone paga, ”Kugi aakumi negen a'nuk, niya wambi waga o,” yinuk, ina'mit yereegwaarak. 12Ina'mit yogo nogogwaarik, at Mbaranabat endage Tewut toonggwi, ndi, at Pawulut wone mbangga kenok, endage Keremet toonggwi, eereegwaarak. 13Eeko mbareegwa, kugi Tewut awi wurik o tini endekem nggwe wonagagerak unde nogo nen, ”Aakumi ninom nen o tini tu unggwogo menggam ta'nogo it nappiyareegerak inaanggo warogo wogoraawok o,” yinuk, wam sapi inom, iri'ngga-kale'ngga laambu mendek inom, wonok wage nagagirik, wogoraawok nduk eekwi 14it nappiyareegerak Mbaranabat Pawulut imbirak inaruk konembogo nogogwaarik, inagabiti nen inambogoyum endekem nggwe mendek nibinogo punuk, puu'nuk aap ambik aago wonogwe me unggwi nogo nogogwaarik, 15”Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at Ala eenik menggerak nogo nen mbogut inom, nggween inom, yi nggwok yenggenak inom, yi mendek ndi mendek abok wakkagagerak nogo woge wabagip nduk, obeelom wone wonok yokkiraawok nduk wogoorak kwe, eeko ogotik o. 16O maan nen, yogondak kuli yi paga yi aakumi ndi aakumi iniki mba'nuk eerit nogwe iigak, Ala nen teppiige menggerak kwe, 17at nogo eebe yelok kaabagip nduk, eeppinagageelik ti lek o. Kinabuwa nen obeelom eeppinagage logonet, yi mendek ndi mendek kole eeruwak nduk, mbogut paga nen mayu wokkirage, kiniki ale'nggen mbaruwak nduk mbi ka'let eerogo wokkirage, eeke menggerak o,” yinuk, inoone omaawi paga yorogogwaarak kwe, 18kagak, inaanggo waruwok nduk, eereegwaarak mendek, mage nabenak yorogo mbareegwa, nggininogo teppereegwaarak.
19Teppogo mbareegwa, it aap Yakuri mendek o Andiyokiya inom, o Ikoniyum inom, time nen wogo nogogwaarik, it inom aruwak nduk, aakumi inikime manabi nogo mbareegwa, it aakumi nogo nen Pauwulut yugum toguurit wappogo nogogwaarik, ”Abu kanggi o,” yinuk, niigogo o tini endekem nggwe mbo wumbereegwaarak. 20Mbo wumbogo mbareegwa, it Yetut wone waganeegwaarak nogo nen at eebe oolo kagak, ninggippunuk wonogo mbareegwa, mi'nage nagagirik, o tini nogome unggwi nagagerak. Unggwage nagagirik, nogo yippunuk, ko'lu Mbaranabat imbirak o Nderebe wogogwaarak.
Iniyok paga o Andiyokiya wogogwaarak wone
21Aakumi o tini time mendek nogo obeelom wone yorogogwaarak paga abet mba'nuk Yetut wone waganeegwaarak. Waganggo mbareegwa, it wogogwam o Andiyokiya iniyok paga nogo logonet, o Litera unggwogwe, Ikoniyum unggwogwe, eerit o Andiyokiya unggwi nogogwaarak. 22O nogome yanggwagak nugu logonet, ”At Ala abu'me unggwi noorak ti, andi-pandi kagak unggwi noorak me, kit Yetut wone abet mbakotak kenok, nu'lek eeppunuk logonip,” yinuk, it iniki eyak wappiinet nugwi, 23ndi, Aal apuri kuwak eeko menggam lombok inarum logorak nduk, leenogo mippiigo nogogwaarik, mbi nengga'lek inambe mage negen logonet, ”Nogoba o. It aap yi iniki koba panggombunuk abet mbakaarak me, eerit nugwi iigak, liirogon inarum logomunggun o,” yinuk, nogogwaarak.
24Eerit nogo nogogwaarik, o Pitiriya yungguninuk, o Pambiliya unggwi wogogwaarak. 25O Perega nogome wone yorogo nogogwaarik, o Ataliya unggwi wogo nogogwaarik, 26time nen yiiro paga o Andiyokiya wunda wogogwaarak. ”Ala eyabu eeri nawak nduk, Ala kinom namunggup o,” yinuk, nappiyareegwaarak eerit nogo nogogwaarik, abu nggobok togon eeppunuk, nappiyareegwam nogome aret wogogwaarak.
27O Andiyokiya unggwi wogo nogogwaarik, it Ala apuri nogo kuwak eeppiinok, it Ala inom eeginabit nogogwaarak nogo inom, Ala nen it endekem mendek ninogoba Yetut wone abet mbaruwak nduk tu paarogo piyareegerak nogo inom, wone mbininogo yorogo nogogwaarik, 28it o Andiyokiya Yetut wone waganeegwaarak nogo inom logonet, nogo apit yereegwaarak.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ