NAPPIYAREEGERAK 12
12
Piyak-payak eerogo inoorit nagak mban eeko nogogwaarak wone
1Ira nogo nogogwaarik nogome wonogwe me, aap endagembogut Keroret nogo nen it Ala apuri ando mondok inoorikit nduk piginabit nage logonet, 2”At Yaya owe Yakobut nogo, tege wooluwak paga wa'nip o,” yinuk, yoragagerak wako mbareegwa, kambeegerak. 3Kangge mbareegi, it Yakuri iniki ale'nggen mbakwi iige nagagirik, at Peterut kunduk keele maarikit nduk mugurok nagagerak. (It roti mbi piika'lek mendek laago lakwi iigak aret eereegerak.) 4Mugurok piga nage nagagirik, keele maarogo mambiigo menggam mambunuk, ndomba wam Patika larak nenok, tena'me enggali wariyak mbake logonet, it aap yigin unde ineebe 4 aago arum logowak nduk piyareegerak. 5Keele maarogo mambiigo menggam nogome arum wonogwe iigak, it Ala apuri nen at ake tamban mban eeko nogogwaarak.
Peterut piinogo wumbi wagagerak wone
6At Keroret nen ko'lu enggali wariyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe iigak, 7mbogut paga mendek Ala yonggo nappiige menggerak melaikat ambi ko ogoorak it wonogwe me nogome, aberak lek me mi'nari wage nagagirik, eya abinak pindanggage nagagirik, uum paga eenggi puk-puk eeke logonet, ”Peterut wae. Mbet-mbet mi'naru,” yinuk, awo yoge kagak, eenggi mbuti keele paga maarak nogo piyok togon wambeegerak. 8Piyok togon wangge mbareegi, at mbogut paga mendek nogo nen, ”Mbogojum kebee'le enonggon wappunuk, kiyogogut yikkolet o,” yoge mbareegi, yikkolagagerak. Yikkolage mbareegi, ”Kambogoyum endekem mendek yikkolage logomenggendik, nimbirak nawok nduk nambokan nu'neren omok o,” 9yoge mbareegi, wundi nage nagagirik, ambokan mugurok nagagerak. Ndi, at melaikat nogo nen abet aret eeppege kagak, at Peterut iniki nen, ”We nabinggaanggo kage agarik kulik?” yinuk, mugurok wundi nagagerak. 10Koorok-koorok tum wakwi nogo iigak, nok-nok wundi nogo nogogwaarik, o tinime unggwogo menggam mbuti tu narak me ta'nogo wok yi nogwe iigak, abut aret paa'nagagerak. Abut aret paa'nage mbareegi, wundi nogo nogogwaarik, tu nggwok paga ari nanuk, at melaikat nogo ta'nen aret lek agagerak.
11Lek age mbareegi, at Peterut nogo iniki warak age nagagirik, ”Iye!” yinuk, ”It Yakuri mendek inom, Keroret nogo inom, ee'naburak mbakaarak nogo awo ee'naka'lek iigak, at Ala yonggo nappiige menggerak melaikat ambi nappi wage nagaarik, nagap ndakerak abet aret kagi o,” yinuk, mbareegerak.
12Togop mbake nagagirik, at Yaya endage peebi toonak Marakut nogo, agalo Mariya ame aakumi ambik kuwak eeppunuk, tamban eekwi wonogwe me iya nagagerak. 13Iya nage nagagirik, tu endekem nggwe narak eenggi puk-puk eeke mbareegi, at kolaga inayeloman endage Orore nogo, ”Ta nen wage nagaarik, eeke?” yinuk, pekka nagagerak. 14Pekka nage nagagirik, ”Peterut oone ari kagi,” yinuk, iniki ale'nggen nen, tu paakkaga'lek, ”Peterut endekem wonage,” yinuk, yora unggwagagerak. 15Yora unggwage mbareegi, it nogo nen, ”Kolaga yi kumili negen nonggop ari agandik?” yinuk, yogo mbareegwa, at nogo nen, ”Lek o. Abet aret wagaarak kagarak o,” yinuk, yoragak mban eeke mbareegi, ”Ti kenok, Ala yonggo nugu menggaarak melaikat ambi at arum logowak nduk nappi wagaarak kagandak kwa?”
16Yogwe iigak, at Peterut nogo tu puk-puk nabenak mban eeka mbareegi, tu paakkogo nogogwaarik, at eebe aret kenok, ”Iya!” yinuk, pi wareegwaarak. 17Pi wako mbareegwa, at nogo eenggi paga nen, ”Puk logonip o,” yorage nagagirik, Ala nen keele maarogo mambiigo menggam nen agap ndareegerak wone nogo mbininogo yoragagerak. Yorage nagagirik, ”At Yakobut inom, ninoreewi ando inom, wone ti yora nanip o,” yorage nagagirik, lambembiinok, o alik me nagagerak.
18Ko'lu o wege mbareegi, it aap yigin unde nogo nen, ”Peterut nonggop aga o?” yinuk, kwaarit-mbaarit nugu mbareegwa, 19at Keroret nen, ”Liirogon kwaari nanip o,” yorage mbareegi, kwaarit nogogwaarak mendek, lek kenok, we wogo mbareegwa, ”Eebe ngge o?” yoragagerak mendek, ”Abu lek kenok, wogo o,” yogo mbareegwa, Keroret nen, ”Ti kenok, kit aret kinoorogo pinagawak o,” yinuk, yorage mbareegi, inooruwak nduk wogoren nogwe iigak, at o Yureya nen o Kayitareya wage nagagirik, time wonagagerak.
At Keroret kambeegerak wone
20At Keroret nogo time wonage logonet, anini wu agan nage mbareegi, it aakumi o Tut mendek inom, Tiron mendek inom, mberirage nagagirik, inom ogoorak wonogwe me, it nogo inom lambunuwok nduk kuwak ari wogo nogogwaarik, at Keroret nogo yoruwok nduk, awot ambi yi eeriyak ndi eeriyak lengganinake menggerak endage Mbelatut nogo yogo mbareegwa, ”E o. Yori unggwinip o,” yorage mbareegi, yori unggogo nogogwaarik, yogo logonet, ”Mbi kinoba onggo pogo monggoorak me, ogooriyak lek o. Lambunuwok o,” yinuk, Keroret nogo yoreegwaarak.
21”O ti eyom kuwak eeruwok o,” yoragagerak nogo eyom at Keroret nogo mbogoyum inayuk warak eekkologo menggaarak mendek yikkolage nagagirik, wone amburu mbangge minggim ta'nogo kwi'nari lagangge nagagirik, wone iya lombok aret yoragagerak. 22Yorage mbareegi, it aakumi nogo nen, ”We, aap nen ari lek o. Ala nen negen ari kanip o,” yinuk, ”Wi!” yinuk, pi wako nogogwarak. 23Pi wako mbareegwa at nen Ala wogoppuulik, ”An iya neenok, yaga,” yinuk, wogoppake mbareegi, mbogut paga ninogoba Ala nen yonggo nappiige menggerak melaikat ambi abera'lek me wage nagagirik, wareegerak. Wake mbareegi, puron nen inikime nggebenogo nengge logonet, kambeegerak.
24Ninowe endagembogut wone nogo nggwok aret wiganinuk nage logonet, it aakumi ambik abet mba'nuk, waganggo nogogwaarak.
25Ndi, it Mbaranabat Tawulut imbirak it Yerutalem mendek inake pugu wogora nogo nogogwaarik, at Yaya endage peebi toonak Marakut nogo inom nogogwam iniyok paga aret wogogwaarak.
လက္ရွိေရြးခ်ယ္ထားမွု
NAPPIYAREEGERAK 12: WNO
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
NAPPIYAREEGERAK 12
12
Piyak-payak eerogo inoorit nagak mban eeko nogogwaarak wone
1Ira nogo nogogwaarik nogome wonogwe me, aap endagembogut Keroret nogo nen it Ala apuri ando mondok inoorikit nduk piginabit nage logonet, 2”At Yaya owe Yakobut nogo, tege wooluwak paga wa'nip o,” yinuk, yoragagerak wako mbareegwa, kambeegerak. 3Kangge mbareegi, it Yakuri iniki ale'nggen mbakwi iige nagagirik, at Peterut kunduk keele maarikit nduk mugurok nagagerak. (It roti mbi piika'lek mendek laago lakwi iigak aret eereegerak.) 4Mugurok piga nage nagagirik, keele maarogo mambiigo menggam mambunuk, ndomba wam Patika larak nenok, tena'me enggali wariyak mbake logonet, it aap yigin unde ineebe 4 aago arum logowak nduk piyareegerak. 5Keele maarogo mambiigo menggam nogome arum wonogwe iigak, it Ala apuri nen at ake tamban mban eeko nogogwaarak.
Peterut piinogo wumbi wagagerak wone
6At Keroret nen ko'lu enggali wariyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe iigak, 7mbogut paga mendek Ala yonggo nappiige menggerak melaikat ambi ko ogoorak it wonogwe me nogome, aberak lek me mi'nari wage nagagirik, eya abinak pindanggage nagagirik, uum paga eenggi puk-puk eeke logonet, ”Peterut wae. Mbet-mbet mi'naru,” yinuk, awo yoge kagak, eenggi mbuti keele paga maarak nogo piyok togon wambeegerak. 8Piyok togon wangge mbareegi, at mbogut paga mendek nogo nen, ”Mbogojum kebee'le enonggon wappunuk, kiyogogut yikkolet o,” yoge mbareegi, yikkolagagerak. Yikkolage mbareegi, ”Kambogoyum endekem mendek yikkolage logomenggendik, nimbirak nawok nduk nambokan nu'neren omok o,” 9yoge mbareegi, wundi nage nagagirik, ambokan mugurok nagagerak. Ndi, at melaikat nogo nen abet aret eeppege kagak, at Peterut iniki nen, ”We nabinggaanggo kage agarik kulik?” yinuk, mugurok wundi nagagerak. 10Koorok-koorok tum wakwi nogo iigak, nok-nok wundi nogo nogogwaarik, o tinime unggwogo menggam mbuti tu narak me ta'nogo wok yi nogwe iigak, abut aret paa'nagagerak. Abut aret paa'nage mbareegi, wundi nogo nogogwaarik, tu nggwok paga ari nanuk, at melaikat nogo ta'nen aret lek agagerak.
11Lek age mbareegi, at Peterut nogo iniki warak age nagagirik, ”Iye!” yinuk, ”It Yakuri mendek inom, Keroret nogo inom, ee'naburak mbakaarak nogo awo ee'naka'lek iigak, at Ala yonggo nappiige menggerak melaikat ambi nappi wage nagaarik, nagap ndakerak abet aret kagi o,” yinuk, mbareegerak.
12Togop mbake nagagirik, at Yaya endage peebi toonak Marakut nogo, agalo Mariya ame aakumi ambik kuwak eeppunuk, tamban eekwi wonogwe me iya nagagerak. 13Iya nage nagagirik, tu endekem nggwe narak eenggi puk-puk eeke mbareegi, at kolaga inayeloman endage Orore nogo, ”Ta nen wage nagaarik, eeke?” yinuk, pekka nagagerak. 14Pekka nage nagagirik, ”Peterut oone ari kagi,” yinuk, iniki ale'nggen nen, tu paakkaga'lek, ”Peterut endekem wonage,” yinuk, yora unggwagagerak. 15Yora unggwage mbareegi, it nogo nen, ”Kolaga yi kumili negen nonggop ari agandik?” yinuk, yogo mbareegwa, at nogo nen, ”Lek o. Abet aret wagaarak kagarak o,” yinuk, yoragak mban eeke mbareegi, ”Ti kenok, Ala yonggo nugu menggaarak melaikat ambi at arum logowak nduk nappi wagaarak kagandak kwa?”
16Yogwe iigak, at Peterut nogo tu puk-puk nabenak mban eeka mbareegi, tu paakkogo nogogwaarik, at eebe aret kenok, ”Iya!” yinuk, pi wareegwaarak. 17Pi wako mbareegwa, at nogo eenggi paga nen, ”Puk logonip o,” yorage nagagirik, Ala nen keele maarogo mambiigo menggam nen agap ndareegerak wone nogo mbininogo yoragagerak. Yorage nagagirik, ”At Yakobut inom, ninoreewi ando inom, wone ti yora nanip o,” yorage nagagirik, lambembiinok, o alik me nagagerak.
18Ko'lu o wege mbareegi, it aap yigin unde nogo nen, ”Peterut nonggop aga o?” yinuk, kwaarit-mbaarit nugu mbareegwa, 19at Keroret nen, ”Liirogon kwaari nanip o,” yorage mbareegi, kwaarit nogogwaarak mendek, lek kenok, we wogo mbareegwa, ”Eebe ngge o?” yoragagerak mendek, ”Abu lek kenok, wogo o,” yogo mbareegwa, Keroret nen, ”Ti kenok, kit aret kinoorogo pinagawak o,” yinuk, yorage mbareegi, inooruwak nduk wogoren nogwe iigak, at o Yureya nen o Kayitareya wage nagagirik, time wonagagerak.
At Keroret kambeegerak wone
20At Keroret nogo time wonage logonet, anini wu agan nage mbareegi, it aakumi o Tut mendek inom, Tiron mendek inom, mberirage nagagirik, inom ogoorak wonogwe me, it nogo inom lambunuwok nduk kuwak ari wogo nogogwaarik, at Keroret nogo yoruwok nduk, awot ambi yi eeriyak ndi eeriyak lengganinake menggerak endage Mbelatut nogo yogo mbareegwa, ”E o. Yori unggwinip o,” yorage mbareegi, yori unggogo nogogwaarik, yogo logonet, ”Mbi kinoba onggo pogo monggoorak me, ogooriyak lek o. Lambunuwok o,” yinuk, Keroret nogo yoreegwaarak.
21”O ti eyom kuwak eeruwok o,” yoragagerak nogo eyom at Keroret nogo mbogoyum inayuk warak eekkologo menggaarak mendek yikkolage nagagirik, wone amburu mbangge minggim ta'nogo kwi'nari lagangge nagagirik, wone iya lombok aret yoragagerak. 22Yorage mbareegi, it aakumi nogo nen, ”We, aap nen ari lek o. Ala nen negen ari kanip o,” yinuk, ”Wi!” yinuk, pi wako nogogwarak. 23Pi wako mbareegwa at nen Ala wogoppuulik, ”An iya neenok, yaga,” yinuk, wogoppake mbareegi, mbogut paga ninogoba Ala nen yonggo nappiige menggerak melaikat ambi abera'lek me wage nagagirik, wareegerak. Wake mbareegi, puron nen inikime nggebenogo nengge logonet, kambeegerak.
24Ninowe endagembogut wone nogo nggwok aret wiganinuk nage logonet, it aakumi ambik abet mba'nuk, waganggo nogogwaarak.
25Ndi, it Mbaranabat Tawulut imbirak it Yerutalem mendek inake pugu wogora nogo nogogwaarik, at Yaya endage peebi toonak Marakut nogo inom nogogwam iniyok paga aret wogogwaarak.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ