NAPPIYAREEGERAK 11
11
Endekem konenggulik mendek Ala wone waganeegwaarak nogo Ala apuri o Yerutalem mbininogo yoragagerak wone
1It Yetut leenogo nappiyareegerak inom, inoreewi o Yureya time mendek inom, it nogo nen aap endekem mendek kunduk Ala wone waganggwi inaruk koneneegwaarak me, 2at Peterut o Yerutalem nage mbareegi, it inagabolo mbanak mendek ando nen at Peterut yogo logonet, 3”Kat nonggop nduk it inagabolo mbanak lek mendek iya nage nagandik, kinom lambunik mbi nenggendak o?” yinuk, inom wone wareegwaarak. 4Wone wako mbareegwa, at Peterut nogo nen wone alom abok mbininogo yoragagerak.
5Yorage logonet, ”Lek o. An o tini nggwok Yope nogome tamban eeke wonage me, nabinggaanggo negen kage logonet, mbogoyum tabak mbogut paga nen irip peenok-peenok pigogo nowagam wuppi wogwe nenegen kagarak. 6Nenegen maloppege nagarik, towe-pagi inom, ndiimbu-nggwiya inom, weret-mbonon inom, abok aret yonggolak kagarak. 7Kage mbaki, oone yo'nege logonet, Peterut wae. Mi'na'nuk, yi ambi warogo namen o, yo'nege naruk konenggirak. 8Yo'nege naruk konenggirak kwe, A, lek, o, nogoba o. Nunggulik-nunggoorak yogop yi, an abu nenggeelik me, noorak neebi o, yoge mbaki, 9at mbogut paga nen peebi oone yo'nege logonet, At Ala ugun nonggo logorak nduk pereegerak nogo, kat nen noorak mage yugun o. 10Ne kenagan paga togop yo'nege nagaarik, yi mendek ndi mendek yonggolak nogo, yum ambe nggerok togon wonok mbogut paga laganggerak 11Wonok lagangge kagak, an oome wonage me, aap kenagan an mu'neren o Kayitareya nen nappiya wagaarak endekem iigak, 12Aberiniki nen, Kiniki yungguppegak eerugun o. Kat kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak. 13Unggwi nogo mbako, at nogo nen wone mbininogo yo'nirage logonet, Aap mbogut paga yonggo nege menggerak melaikat ambi an name unggugerak mi'ndak wonage nenegen kage mbaki, yo'nege logonet, Aap Timon endage peebi toonak Peterut woraawak nduk mugurok o Yope nappiyet o. Nappiyamenggendak yori nogwe iinok, wage logominggirik, 14kat kaakkapuri kinom kinagap ndaruwak nduk wone yokkira woraagin o, yogerak wone nogo an yo'negerak. 15Yo'nege mbaki, an yoraakit nduk eeke neegak, aa'nduk Aberiniki ninoba wuppinani wagagi kwak, it kunduk inoba wuppiya wage mbaki, 16ninogoba Yetut nen ari logonet, At Yaya yiime wuppiige nagagerak kwe, peebi an Aberiniki kinoba wuppinagi woraagin o, yereegerak wone nogo aret niniki abekirak. 17Nit niniki ninogoba Yetut Keritut oba panggombunuk abet mbako mbareegu, Aberiniki we aret wo'niragagi kwak, it nogo wogoragaarak me, Ala nen eeriyak koonggerak kagak, Wogoroorak mage o, yinuk, nonggop togon yoriyak mbakop?” yinuk, Peterut nen inagabolo mbanak mendek yoragagerak.
18Yorage nogo inaruk konembunuk, inoone lek puk aret wonogogwaarik, ”Ti kenok, Ala nen it endekem mendek nogo kunduk it maluk eeko menggaarak iniki koombunuk mbo pugwi iinok, ineenik logorak nduk koonogo piyareegerak kogo o,” yinuk, Ala wogoppereegwaarak.
Ala apuri o Andiyokiya eeko nogogwaarak wone
19At Tepanut yugum toguurit wako nogogwaarik, it ando inooruwok nduk ale-pale eeginabit nogo mbareegwa, ma'nogo nogogwaarik, o nda time yanggwagak nogo logonet, o Penitiya inom, Tipurut inom, Andiyokiya inom, it Yakuri mendek mban wone konenuwak nduk, yoranet nugu nogogwaarak kwe, 20it ando o Tipurut mendek inom, o Kirene mendek inom, o Andiyokiya unggwogo nogogwaarik, it aap Yakuri mendek kwe, Yunani inoone yogo menggaarak mendek nogo inom konenuwak nduk, ninowe endagembogut Yetut wone obeelom wone nogo yorogo nogogwaarak. 21Nogo, ninogoba omaawi paga yorogogwaarak me, aakumi ambik iniki koombunuk, abet mbako nogogwaarik, ninogoba Yetut wone waganggo nogogwaarak.
22It Ala apuri o Yerutalem kuwak aago nogo nen eereegwaarak nogo konembogo nogogwaarik, at Mbaranabat o Andiyokiya nappi wogogwaarak. 23-24Ndi, at Mbaranabat iniki kwi'ndak me, iniki abet mbake logonet, yungguppegak eeke logolik Aberiniki imbirak wonage me, nappi wogogwaarak wage nagagirik, at Ala inabuwa nen eeppiige nogo enegen kage nagagirik, iniki ale'nggen ambik a'nuk, ”Kit kiniki mondok nu'lek logonet, ninogoba Yetut oba abeko logonip o,” yinuk, inaruk wareegerak. Inaruk wappunuk, inom wonage me, ambi nabek unggwagak mban eeko logonet, Ala apuri ambik aret ogogwaarak.
25Ti'nuk, peebi, at Mbaranabat nogo nen at Tawulut kwaarikit nduk o Taratut nage nagagirik, 26kwaappunuk wonok, o Andiyokiya wagagerak. Wonok wage nagagirik, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut wone waganeegwaarak, ”Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.
27Time mamunirogwe iigak, it Ala wone yorogo menggaarak ando o Yerutalem nen o Andiyokiya lagi wogogwaarak. 28Lagi wogo nogogwaarik, aap ambi endage Agabut mi'nage nagagirik, ”Yi awi ndi awi mbi noogelo ambik arigin o,” yinuk, Aberiniki nen iniki nggaganogo yoge kagak, yoragagerak. (Ti yoragagerak nogo ti, at Kelawuriyut awo mi'ndak wonage kagak, a'me aret agagerak.) 29”Yi awi ndi awi mbi noogelo ambik arigin o,” yoragagerak kenok, it Yetut wone waganeegwaarak nogo nen iniki koonggo logonet, ”Nit ninalitak ninamendek wonage kenok, kuwak eeppunuk, ninoreewi Ala apuri o Yureya wonogwe nogo inake nappiyawok o,” 30yinuk, kuwak eerogo punuk, Mbaranabat Tawulut imbirak nappiigo mbareegwa, wonok, it Ala apuri o Yerutalem inarum menggaarak nogo ira nogogwaarak.
လက္ရွိေရြးခ်ယ္ထားမွု
NAPPIYAREEGERAK 11: WNO
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
NAPPIYAREEGERAK 11
11
Endekem konenggulik mendek Ala wone waganeegwaarak nogo Ala apuri o Yerutalem mbininogo yoragagerak wone
1It Yetut leenogo nappiyareegerak inom, inoreewi o Yureya time mendek inom, it nogo nen aap endekem mendek kunduk Ala wone waganggwi inaruk koneneegwaarak me, 2at Peterut o Yerutalem nage mbareegi, it inagabolo mbanak mendek ando nen at Peterut yogo logonet, 3”Kat nonggop nduk it inagabolo mbanak lek mendek iya nage nagandik, kinom lambunik mbi nenggendak o?” yinuk, inom wone wareegwaarak. 4Wone wako mbareegwa, at Peterut nogo nen wone alom abok mbininogo yoragagerak.
5Yorage logonet, ”Lek o. An o tini nggwok Yope nogome tamban eeke wonage me, nabinggaanggo negen kage logonet, mbogoyum tabak mbogut paga nen irip peenok-peenok pigogo nowagam wuppi wogwe nenegen kagarak. 6Nenegen maloppege nagarik, towe-pagi inom, ndiimbu-nggwiya inom, weret-mbonon inom, abok aret yonggolak kagarak. 7Kage mbaki, oone yo'nege logonet, Peterut wae. Mi'na'nuk, yi ambi warogo namen o, yo'nege naruk konenggirak. 8Yo'nege naruk konenggirak kwe, A, lek, o, nogoba o. Nunggulik-nunggoorak yogop yi, an abu nenggeelik me, noorak neebi o, yoge mbaki, 9at mbogut paga nen peebi oone yo'nege logonet, At Ala ugun nonggo logorak nduk pereegerak nogo, kat nen noorak mage yugun o. 10Ne kenagan paga togop yo'nege nagaarik, yi mendek ndi mendek yonggolak nogo, yum ambe nggerok togon wonok mbogut paga laganggerak 11Wonok lagangge kagak, an oome wonage me, aap kenagan an mu'neren o Kayitareya nen nappiya wagaarak endekem iigak, 12Aberiniki nen, Kiniki yungguppegak eerugun o. Kat kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak. 13Unggwi nogo mbako, at nogo nen wone mbininogo yo'nirage logonet, Aap mbogut paga yonggo nege menggerak melaikat ambi an name unggugerak mi'ndak wonage nenegen kage mbaki, yo'nege logonet, Aap Timon endage peebi toonak Peterut woraawak nduk mugurok o Yope nappiyet o. Nappiyamenggendak yori nogwe iinok, wage logominggirik, 14kat kaakkapuri kinom kinagap ndaruwak nduk wone yokkira woraagin o, yogerak wone nogo an yo'negerak. 15Yo'nege mbaki, an yoraakit nduk eeke neegak, aa'nduk Aberiniki ninoba wuppinani wagagi kwak, it kunduk inoba wuppiya wage mbaki, 16ninogoba Yetut nen ari logonet, At Yaya yiime wuppiige nagagerak kwe, peebi an Aberiniki kinoba wuppinagi woraagin o, yereegerak wone nogo aret niniki abekirak. 17Nit niniki ninogoba Yetut Keritut oba panggombunuk abet mbako mbareegu, Aberiniki we aret wo'niragagi kwak, it nogo wogoragaarak me, Ala nen eeriyak koonggerak kagak, Wogoroorak mage o, yinuk, nonggop togon yoriyak mbakop?” yinuk, Peterut nen inagabolo mbanak mendek yoragagerak.
18Yorage nogo inaruk konembunuk, inoone lek puk aret wonogogwaarik, ”Ti kenok, Ala nen it endekem mendek nogo kunduk it maluk eeko menggaarak iniki koombunuk mbo pugwi iinok, ineenik logorak nduk koonogo piyareegerak kogo o,” yinuk, Ala wogoppereegwaarak.
Ala apuri o Andiyokiya eeko nogogwaarak wone
19At Tepanut yugum toguurit wako nogogwaarik, it ando inooruwok nduk ale-pale eeginabit nogo mbareegwa, ma'nogo nogogwaarik, o nda time yanggwagak nogo logonet, o Penitiya inom, Tipurut inom, Andiyokiya inom, it Yakuri mendek mban wone konenuwak nduk, yoranet nugu nogogwaarak kwe, 20it ando o Tipurut mendek inom, o Kirene mendek inom, o Andiyokiya unggwogo nogogwaarik, it aap Yakuri mendek kwe, Yunani inoone yogo menggaarak mendek nogo inom konenuwak nduk, ninowe endagembogut Yetut wone obeelom wone nogo yorogo nogogwaarak. 21Nogo, ninogoba omaawi paga yorogogwaarak me, aakumi ambik iniki koombunuk, abet mbako nogogwaarik, ninogoba Yetut wone waganggo nogogwaarak.
22It Ala apuri o Yerutalem kuwak aago nogo nen eereegwaarak nogo konembogo nogogwaarik, at Mbaranabat o Andiyokiya nappi wogogwaarak. 23-24Ndi, at Mbaranabat iniki kwi'ndak me, iniki abet mbake logonet, yungguppegak eeke logolik Aberiniki imbirak wonage me, nappi wogogwaarak wage nagagirik, at Ala inabuwa nen eeppiige nogo enegen kage nagagirik, iniki ale'nggen ambik a'nuk, ”Kit kiniki mondok nu'lek logonet, ninogoba Yetut oba abeko logonip o,” yinuk, inaruk wareegerak. Inaruk wappunuk, inom wonage me, ambi nabek unggwagak mban eeko logonet, Ala apuri ambik aret ogogwaarak.
25Ti'nuk, peebi, at Mbaranabat nogo nen at Tawulut kwaarikit nduk o Taratut nage nagagirik, 26kwaappunuk wonok, o Andiyokiya wagagerak. Wonok wage nagagirik, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut wone waganeegwaarak, ”Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.
27Time mamunirogwe iigak, it Ala wone yorogo menggaarak ando o Yerutalem nen o Andiyokiya lagi wogogwaarak. 28Lagi wogo nogogwaarik, aap ambi endage Agabut mi'nage nagagirik, ”Yi awi ndi awi mbi noogelo ambik arigin o,” yinuk, Aberiniki nen iniki nggaganogo yoge kagak, yoragagerak. (Ti yoragagerak nogo ti, at Kelawuriyut awo mi'ndak wonage kagak, a'me aret agagerak.) 29”Yi awi ndi awi mbi noogelo ambik arigin o,” yoragagerak kenok, it Yetut wone waganeegwaarak nogo nen iniki koonggo logonet, ”Nit ninalitak ninamendek wonage kenok, kuwak eeppunuk, ninoreewi Ala apuri o Yureya wonogwe nogo inake nappiyawok o,” 30yinuk, kuwak eerogo punuk, Mbaranabat Tawulut imbirak nappiigo mbareegwa, wonok, it Ala apuri o Yerutalem inarum menggaarak nogo ira nogogwaarak.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ