VARUMI 9
9
1Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba. 2Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange, 3ndakayanzi Nyasaye yanaame kandi yanzavukanye kutura ku Kristo kigira avamwavo vange kandi aviiko vange. 4Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye; 5vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.
6Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba. 7Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.” 8Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali. 9Lisuuvirizwa lia Nyasaye liali ndi: “Ndirana ku ivi ing'inga idukanaa, na Sara alanyoola umwana muyaayi.”
10Si gaali yaga geng'ine, kigira avana va Rabeka vaviri vaali na baba mulala naye ni Isaka, guuga wiitu. 11Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie. 12Rabeka yavolerwa ndi, “Umunene alatumikira umukekeke.” 13Kuli Mang'oda Matakatifu gavoora, “Inzi ndayaanza Yakobo, navuzwa ndaduunyira Esau.”
14Kunangwa kovoole ki? Nyasaye siaveeye nuvulungi? Sigaveeye ndio mba! 15Kigira yavolera Musa,
“Ndakave nizimbavasi ki ku oyo wambeeye naye ni zimbavasi;
kandi ndakavelerere oyo wa inzi mbelerera.”
16Kunangwa vindu viosi siviveeye kigira vulaliri vwu mundu anoho vikolwa, navuzwa kigira zimbavasi zia Nyasaye. 17Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.” 18Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.
Vutima kandi zimbavasi zia Nyasaye
19Mulala ku munyi alandeeva, “Niiva gaveeye ndio, kigira ki Nyasaye yenyeleriza amahiolo mu vandu? Nivwaha unyala kuhingila uvulaliri vwa Nyasaye?” 20Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?” 21Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.
22Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa. 23Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe. 24Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri. 25Yaga nigo agaavoola mu kitabu cha Hosea:
“Yavo avaavura kuva vandu vange,
ndakavalange ‘Avandu vange.’
Ihiiri ya ndaavura kuyaanza,
ndakagilange ‘Muyanze wange.’
26Havundu yaho aha vavolerwa, ‘Simuveeye avandu vange,’ ahene yaho
valakalangirwi ho avana va Nyasaye oveeye mwoyo.”
27Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa; 28Mwami alanguhiza likalaga lilie liu kumaliriza ku vandu vosi vu mu lirova.” 29Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”
Lisaala lia Paolo ku Isiraeli
30Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira; 31lwa vandu va Nyasaye venyeleriza Lilaga liukuvakola vave vulungi na Nyasaye, sivalinyoola mba. 32Kigira ki? Kigira sivalonda lisuuvira mba, navuzwa valonda vikolwa viavo. Nandio vamali kwikigatira ku “Ligina liu kwikigitariza” 33ilia Mang'oda Matakatifu gamolomaa kulio;
“Henza, mbikaa ligina mu Ziyoni
ililikola avandu valikigitale,
ulwanda lulikola avandu vagwi.
Navuzwa oyo usuviraa muye sialiva esoni mba!”
လက္ရွိေရြးခ်ယ္ထားမွု
VARUMI 9: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VARUMI 9
9
1Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba. 2Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange, 3ndakayanzi Nyasaye yanaame kandi yanzavukanye kutura ku Kristo kigira avamwavo vange kandi aviiko vange. 4Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye; 5vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.
6Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba. 7Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.” 8Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali. 9Lisuuvirizwa lia Nyasaye liali ndi: “Ndirana ku ivi ing'inga idukanaa, na Sara alanyoola umwana muyaayi.”
10Si gaali yaga geng'ine, kigira avana va Rabeka vaviri vaali na baba mulala naye ni Isaka, guuga wiitu. 11Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie. 12Rabeka yavolerwa ndi, “Umunene alatumikira umukekeke.” 13Kuli Mang'oda Matakatifu gavoora, “Inzi ndayaanza Yakobo, navuzwa ndaduunyira Esau.”
14Kunangwa kovoole ki? Nyasaye siaveeye nuvulungi? Sigaveeye ndio mba! 15Kigira yavolera Musa,
“Ndakave nizimbavasi ki ku oyo wambeeye naye ni zimbavasi;
kandi ndakavelerere oyo wa inzi mbelerera.”
16Kunangwa vindu viosi siviveeye kigira vulaliri vwu mundu anoho vikolwa, navuzwa kigira zimbavasi zia Nyasaye. 17Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.” 18Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.
Vutima kandi zimbavasi zia Nyasaye
19Mulala ku munyi alandeeva, “Niiva gaveeye ndio, kigira ki Nyasaye yenyeleriza amahiolo mu vandu? Nivwaha unyala kuhingila uvulaliri vwa Nyasaye?” 20Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?” 21Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.
22Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa. 23Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe. 24Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri. 25Yaga nigo agaavoola mu kitabu cha Hosea:
“Yavo avaavura kuva vandu vange,
ndakavalange ‘Avandu vange.’
Ihiiri ya ndaavura kuyaanza,
ndakagilange ‘Muyanze wange.’
26Havundu yaho aha vavolerwa, ‘Simuveeye avandu vange,’ ahene yaho
valakalangirwi ho avana va Nyasaye oveeye mwoyo.”
27Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa; 28Mwami alanguhiza likalaga lilie liu kumaliriza ku vandu vosi vu mu lirova.” 29Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”
Lisaala lia Paolo ku Isiraeli
30Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira; 31lwa vandu va Nyasaye venyeleriza Lilaga liukuvakola vave vulungi na Nyasaye, sivalinyoola mba. 32Kigira ki? Kigira sivalonda lisuuvira mba, navuzwa valonda vikolwa viavo. Nandio vamali kwikigatira ku “Ligina liu kwikigitariza” 33ilia Mang'oda Matakatifu gamolomaa kulio;
“Henza, mbikaa ligina mu Ziyoni
ililikola avandu valikigitale,
ulwanda lulikola avandu vagwi.
Navuzwa oyo usuviraa muye sialiva esoni mba!”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019