VARUMI 10
10
1Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye! 2Nyara kukusuuviriza ndi vaveeye nu vuha vonene vwu kwenya kutumikira Nyasaye; navuzwa uvuha yivwo sivwayumbakwa ku limanya liagiligali mba. 3Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba. 4Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.
Ovohonyi voveeye ku vosi
5Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.” 6Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.” 7Anoho oteteeva: “Ivwaha uliika kuduuka musi mu lirova?” Nago ni koleta Kristo kutura mu likuza. 8Icha gavoora ni yiki: “Likuva lia Nyasaye liveeye ahimbi niivi, liveeye mu munwa gugwo, kandi mu mwoyo gugwo,” - nalio liveeye likuva lie lisuuvira lia kwilwazaa. 9Kunangwa, nuuva nuwiyama nu munwa gugwo ndi, Yeso aveeye Mwami, nu kusuuvira mu mwoyo gugwo ndi, Nyasaye yamusimugukiza kutura mu likuza ulahonywa. 10Gaveeye kigira lisuuvira lietu kokolwa valungi na Nyasaye, kandi gaveeye kigira lieyama niminwa jietu, kwahonywa. 11Mang'oda Matakatifu gavoora, “Ku vosi umusuuvira sialiduuka mu zisoni mba.” 12Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira. 13Mang'oda Matakatifu gavoora, “Ku vosi ulianira ku lieta liu Mwami mulienya vokonyi, alahonywa.”
14Avandu valanira ndi ku uyu wa vakikiri kusuuvira? Valamusuuvira ndi nivakikiri kuhulira amakuva geege? Valahulira ndi amakuva geege vugira umwilwazi? 15Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”
16Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?” 17Kunangwa lisuuvira liizaa kutura ku lihulira amakuva; kandi kuhuliraa amakuva kuvitira mu lilwaza Kristo.
18Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora:
“Lilangiliza liu mwoyo gwaavo liahulirika mu lirova liosi;
amakuva gaavo gaduukaa kokeheri chi lirova liosi.”
19Ndeva kandi: Avandu va Isiraeli vaali ni vakikiri kumanya? Musa mwene aveeye wu kutanga kutivula,
“Ndakamukole mukendekere avandu vataveeye ihiiri yiligali;
kandi ndatumikira ihiiri ya vandu vasiru
kumukola muve nuvutima.”
20Isaya aluvilira ligali kovora,
“Mali konyoolwa na yavo avaavura konyenyeriza;
mali kwivuula mwene ku yavo avaavura kondeeva.”
21Navuzwa ku Isiraeli avoora,
“Umbasu gwosi ndegomba kuhambana
na vandu vavura kuhulira kandi avibaali.”
Zimbavasi zia Nyasaye ku vandu va Isiraeli
လက္ရွိေရြးခ်ယ္ထားမွု
VARUMI 10: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
VARUMI 10
10
1Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye! 2Nyara kukusuuviriza ndi vaveeye nu vuha vonene vwu kwenya kutumikira Nyasaye; navuzwa uvuha yivwo sivwayumbakwa ku limanya liagiligali mba. 3Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba. 4Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.
Ovohonyi voveeye ku vosi
5Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.” 6Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.” 7Anoho oteteeva: “Ivwaha uliika kuduuka musi mu lirova?” Nago ni koleta Kristo kutura mu likuza. 8Icha gavoora ni yiki: “Likuva lia Nyasaye liveeye ahimbi niivi, liveeye mu munwa gugwo, kandi mu mwoyo gugwo,” - nalio liveeye likuva lie lisuuvira lia kwilwazaa. 9Kunangwa, nuuva nuwiyama nu munwa gugwo ndi, Yeso aveeye Mwami, nu kusuuvira mu mwoyo gugwo ndi, Nyasaye yamusimugukiza kutura mu likuza ulahonywa. 10Gaveeye kigira lisuuvira lietu kokolwa valungi na Nyasaye, kandi gaveeye kigira lieyama niminwa jietu, kwahonywa. 11Mang'oda Matakatifu gavoora, “Ku vosi umusuuvira sialiduuka mu zisoni mba.” 12Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira. 13Mang'oda Matakatifu gavoora, “Ku vosi ulianira ku lieta liu Mwami mulienya vokonyi, alahonywa.”
14Avandu valanira ndi ku uyu wa vakikiri kusuuvira? Valamusuuvira ndi nivakikiri kuhulira amakuva geege? Valahulira ndi amakuva geege vugira umwilwazi? 15Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”
16Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?” 17Kunangwa lisuuvira liizaa kutura ku lihulira amakuva; kandi kuhuliraa amakuva kuvitira mu lilwaza Kristo.
18Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora:
“Lilangiliza liu mwoyo gwaavo liahulirika mu lirova liosi;
amakuva gaavo gaduukaa kokeheri chi lirova liosi.”
19Ndeva kandi: Avandu va Isiraeli vaali ni vakikiri kumanya? Musa mwene aveeye wu kutanga kutivula,
“Ndakamukole mukendekere avandu vataveeye ihiiri yiligali;
kandi ndatumikira ihiiri ya vandu vasiru
kumukola muve nuvutima.”
20Isaya aluvilira ligali kovora,
“Mali konyoolwa na yavo avaavura konyenyeriza;
mali kwivuula mwene ku yavo avaavura kondeeva.”
21Navuzwa ku Isiraeli avoora,
“Umbasu gwosi ndegomba kuhambana
na vandu vavura kuhulira kandi avibaali.”
Zimbavasi zia Nyasaye ku vandu va Isiraeli
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019