JEPANYA 2
2
Iibode u mololaa mao̒ dusa
1Wuu bangusa tadiila motota moolito, pototaalo lou̒ tau 2tou̒ timongoli diipo mololante wau mohengu debo odelo bunga! Pongalatilo tou̒ diipo meidungga dulahee omuluka lo Eeya, wau timongoli odungga muluka lo Eeya uwali-walihuhu boito. 3Muli pohualingolo ode Eeya, wuu ngoa̒amila taa u dupadupapa lohilao to lipu botie, wau ngoa̒amila taa u modungohe totoonulalo palentaa-Lio. Pohutua mao̒ modudua̒ kahandaki lo Eeya, wau podupapaalo batangamu totalu-Lio. Otanu timongoli mamoo̒lahi monto polo hukuumani todulahu Eeya mopoi̒laalo mai omulukaa-Lio.
Laa̒nati ode babaa-ngusawalo topalito Isirai̒lu
4To kota Gasa diaaluo penu boli ngotaa mao̒ tapiloa̒ahu. Askeloni mamoliilo diila otualio. Ulipu lo Asdod mapolahiyolo ode delomo tuhua tuwau u tumahuo̒lo mola tou̒ dulahu totau̒ wau ulipu lo Ekron maa̒hulalio monao̒ monto kota limongolio. 5Malaa̒-laa̒anatilo timongoli, wuu bangusa lo Pilistin, bangusa tahi biluloa̒awa to ngohilayao̒ pentadu. Eeya malolantu mai hukuumani ode limongoli. Eeya mamopo binasa olimongoli, diaaluo penu boli ngotaa mao̒ monto olimongoli tamoo̒lahi. 6Lilii-puwaalo totili lodeheto mowali huta datahu wau luasi u pilobutua lohuo̒yoto; wowoo-mboheyala lodiiti wau lolaa-ntungaalo himba mabongulolio teto. 7Ulipu lo Yehuda tamoo̒ lopato, mamo tibiluloa̒ tomadalamu boito. Timongolio mamo himbala mao̒ bibiahe tohuta boito, wau tou̒ hui timongolio mamotuluhe to bebee-leyaalo taulo Askelon. Sababu Eeya, Allahu Taa̒ala limongolio mamoduo̒la olimongolio poli wau mopowali olimongolio muli maa̒mulu.
8 Eeya Taa Laba-labaalo kawasa lotahuda, “Mailo dungohe-U̒ babaa-ngusawalo Moab wau Amon hemohina wau hemohentea̒ umati-U̒. Timongolio hemolatabu mamoheehu huta lo umati-U̒. 9Domi Wau̒ tatumu-tumulo, Allahu Taa̒ala bangusa lo Isirai̒lu, Wau̒ mamopo belesi Moab wau Amon debo odelo Sodom wau Gomora. Lilii-puwaalo boito mamopolu wolo aa̒a-liyaalo watingo wau tutuu-wodeyaalo ohiheo-hiheolo mao̒ u pobutua lo aa̒a-yuwaalo kekeei̒ wau moopa. Labito lo umati-U̒ talo lapato mamoheehu ulipulio, wau mohama huta limongolio.”
10Odi-odieelo mola ulipu lo Moab wau Amon mahukuu-maniyolo sababu osombongi wau obatingga limongolio, wau olo kalana timongolio malohina umati lo Eeya Taa Laba-labaalo kawasa. 11Eeya mamohutu olimongolio moohe. Eeya mamongantulu dedeewaalo to dunia. Lapatao̒ totoonulalo bangusa mamotabia ode Eeya, ngota-ngota tolipulio lohihilao.
12Wau olo ulipu lo Sudan madehua lo Eeya hukuumani mate.
13Lapatao̒ uito Eeya mamopohuna kawasaa-Lio u mongantulu Asyur. Kota lo Niniwe mapo waliyolo moliilo daa̒ wau huta datahu wau luasi udiila mowali pobutua lo pilomulo. 14Mota teto himbala lo binatangi wau ngoa̒amila binatangi u hidala-dalaala mamo tibalata wau mohuheeli. Mamaa-luo̒waalo moluluwola mamo tibeelea to tutuu-wodeyaalo boito wau watia̒ao̒-watia̒ao̒ monto tutuu-lowaalo. Paao̒ mamokao-kao to kokoo-sengiyalo huhebu. Ayu woohu to huhuu-dunguwalo kota boito mamo pulito lopatolio. 15Ui-uitolo u mamotoduo tokota u meengahe boito wau u hemo ngangapu aamani wau dame. Ulipulio molantabe deu̒ kota limongolio boito kota u pulito udaa̒ todunia. Donggo boli moliilo madala boito, diaaa̒ ulipulio ngopohia bibii-natangiyalo oa̒ayua u lotibeelea teto. Timii̒du taa u lumaodeo̒ tokota boito maa ooheyalo wau molaasa timihela hapato.
လက္ရွိေရြးခ်ယ္ထားမွု
JEPANYA 2: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ