JAKARIA 3
3
Bibilohe pasali li Iimamu Daa̒
1Todelomo bibilohe uwewo poli, Eeya lopobilohei olaatia ti Iimamu Daa̒ Yosua donggo tihutihula totalu malai̒kati lo Eeya. To ambahu olei Yosua, tihutihula ibilisi umalei dapato u mopotulude olio. 2Malai̒kati lo Eeya loloi̒ya ode Ibilisi, ualio mao̒, “Pohileaala dua̒ Eeya mohukuumani mai olemu wuu Ibilisi! Pohileaala dua̒ Eeya tamomonu Yerusalemu mohukuumani mai olemu. Tau botie debo odelo punggulo ayu u bilantangai lonto lei̒to tulu.”
3Tei Yosua tihutihula teto pakepake pakeyangi u mokootolo daa̒. 4Yi malo loi̒ya malai̒kati boito ode tahi pomantua tosologa, “Tapilaalo pakeyangi kootolo u pilomake lotau botie.” Wau odelei Yosua tio loloi̒ya mao̒, “Dusaamu matilapiu̒, yio̒ mawohiya-U̒ pakeyangi u bohu.”
5Tio olo lomalentao̒ tahi pomantua olio u mopopake mao̒ sulubani ubelesi to lunggongee Yosua. Timongolio lodudua̒ wau lapatao̒ uito timongolio lopopake mao̒ pakeyangi u bohu boito to olio wolo ilomatoa lo malai̒kati lo Eeya.
6Lapatao̒ malai̒kati boito lopo tunggulao̒ tahuda lo Eeya odelei Yosua, 7“Wonu yio̒ modungoheo̒ bubuu-too̒o-U̒ wau mohutu tutuu-gasiyaalo uilohi-U̒ mai olemu, yi u mololaalaaita yio̒ mowali mali tau̒wa todelomo Belee-U̒ wau monguulusi palepelio. Wau̒ mamo dungohe duduua̒amu, debo odelo modungohe dua̒ lomongo malai̒kati tawoluo totilii-U̒. 8Dungohilo wuu Iimamu Daa̒ Yosua, olo timongoli mongo iimamu talowali mongo sahabatilio, timongoli ngoa̒amila yito bayahu monto dulahee momooli u mopiohe. To maasa boito Wau̒ mamolao mai wato-U̒ tai̒lunte ‘Sangi Tumbingo’. 9Podutuwo-U̒ totalu lei Yosua botu tuwau tutulio pitu u mapaisakaa-U̒ wolo tutuu-ladeyalo. To delomo tou̒ ngohui mola matapilo-U̒ dusa monto lipu botie. 10Wonubolo dulahee boito meidungga, timiidu tau mamoloduo tiheedio u monao̒ mai wau moo̒laasa dame wau beebasi monto totoonulalo usuukali wau baala tohuungo ii̒i-lengiyalo angguru wau bubuu-ngowaalo aramu.”
လက္ရွိေရြးခ်ယ္ထားမွု
JAKARIA 3: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ