MIKHA 2
2
Paladu lotau-tauwalo tahi podeehea taa mosikini
1Matilopotala tau-tauwala tahipo lanjanawa u moleeto tou̒ hibalata totambati potuluhelo towakutu hui, lapatao̒ moponao̒ tou̒ dumodupo sababu timongolio o olootolo u mopohutu mao̒. 2Wonu timongolio motohilaa halabolu ngopita, timongolio molambatao̒. Wonu timongolio motohilaa bele ngowale, timongolio mohama hakuulio lou̒ diila modudua̒ wuu̒du. Mopio halata meaambo ngaalaa̒, diaaluo u aamani.
3Sababu uito Eeya lotahuda, “Wau̒ molanjana mai baala hidala-dalaala ode limongoli, tilinggula timongoli diila moo̒lahi. To wakutu u marapo boito timongoli diilalo moo̒nao̒ wolo sombongi. 4Paladumu mapomake lotau odelo mopodalili, wau timongolio mamohutu lahu polotilimi botie,
‘Eeya maloheehu lipu lami botie
wau yilohilio ode tahe lolawalo olami.
Ami malo aantulu sama-samaata.’ ”
5Sababu uito, wonu bolo meidungga wakutuulio lipu boito, muli powalingo ode umati lo Eeya, diaaluo penu boli ngotaa mao̒ monto olimongoli mamololimo tayadio.
6Tau-tauwalo hipo hutubawa odelaatia, ualio mao̒, “Diila mao̒ pohutuba tomimbihu ngoa̒amilalo boito. Ami diila tamoo̒tapu mai wolito. 7Diila mao̒ polantobu deu̒ umati lo Isirai̒lu mailaa̒anati lo Eeya! Eeya diila tamohutu mai susuu-aliyaalo u odito. Eeya diila pee̒enta mao̒ yilooli osabalii-Lio. Wolo diila Tio tahe lobisala wolo molumboyoto ode tau-tauwalo tahi pohutua u otutu?”
8 Eeya lolametai, “Timongolilo taloluhu umati-U̒ debo odelo musu. Tau muli mohualingai monto polotuhua wolo halapani mamolaasa aamani tobelelio, lebe-lebe pomao̒ mola teto timongoli tumbao̒ hemohima u molambato belelio. 9Mongobua towolota lo umati-U̒ pilopolahi limongoli lonto bele u otolia̒ngio, wau yilambati mongoli u ohiheo-hiheolo mao̒ balakati uilohi-U̒ ode mongo walai̒ mongolio. 10Pobongulo wau ponao̒; teewe diilalo aamani. Dusaamu maloo̒ toduo mai baala hidala-dalaala u moo̒tihela hapato ode yitaato tambati botie.
11Timongoli mokahandaki mai nabi tao̒hilaa mongaakali wau mohimbulo boli molaamali deu̒ timongoli maa owooluo mai lo angguru wau minumani motoheeto daata-daatalo mao̒.”
Danti pasali lo oa̒ahu
12 Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.
13Wau̒ mamomuo̒ dalalo wau modelo olimongoli lumuala monto polayahu. Timongoli mamopo aantulu huhuu-hebuwaalo hulubangi wau monao̒ wolo beebasi. Wau̒, Eeya lohihilao, deu̒yito-yito Olongiaamu, wau Wau̒ mamodelo olimongoli lumualao.”
လက္ရွိေရြးခ်ယ္ထားမွု
MIKHA 2: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ