YEHESKIEL 36
36
Balakati lo Allahu Taa̒ala ode Isirai̒lu
1 Eeya lotahuda mai, “Wuu manusia panaa, pobisalaalo ode huhuu-ideyaalo Isirai̒lu wau ahuliilo timongolio modungohe tahuli lo Eeya Taa Laba-Labaalo molanggato, 2-6‘Tou̒ babaa-ngusawalo to palitio moluhu wau molambata olimongoli, timongolio malohina ngoilanggubu Isirai̒lu. Wolo hiweengahe timongolio loloi̒ya deu̒ masaatia huhuu-luduwaalo u muloloolio mai daa̒ boito lowali miliki limongolio. Sababu uito, wuu huhuu-ideyaalo wau huhuu-duwaalo, walao̒ dutulaa wau lumbaya, wuu kokoo-tawaalo u malowali toude wau u matilolaa lo ulipulio boli yilanbato wau hilenteo̒ lo babaa-ngusawalo topalitio, dungohiilo wolo u pilotahuda mai lo Eeya Taa Laba-Labaalo molanggato ode olemu: To delomo omulukaa-U̒ uwali-walihuhu Wau̒ lodini wolo moo̒ohuu̒ babaa-ngusawalo to palitumu wau tolomodulio Edom, sababu timongolio wolo sanangi wau owatade mohina, malohama lou̒ pakusa hutaa-U̒ wau lolambata huhuu-tawaalo luasi u pilobutua lo huo̒yoto. Botia Wau̒ mulika wau molilau sababu babaa-ngusawalo boito malohina daa̒ wau helo podupapa olimongoli. 7Wau̒, Eeya Taa Laba-Labaalo molanggato motadia mai deu̒ babaa-ngusawalo to palitumu laito mahinaalio olo. 8Bo ode olemu tahudaa-U̒ mai wuu huhuu-ideyaalo Isirai̒lu, bubuu-ngowaalo ayu mamo tumbingai wau muli momungo duo̒lo umati-U̒ Isirai̒lu tamahuaa̒ mohualingo. 9Wau̒ motiwambao̒ ode olemu wuu Isirai̒lu, wau molantu mai deu̒ hutaamu mamuli patiolio wau pomua̒yadelo bili. 10Wau̒ mamo duhengai jumulaa lo umati-U̒ Isirai̒lu. Timongolio mamoti biluloa̒ to kokoo-tawaalo wau muli momongu totoonulalo tuodio. 11Ulipu wau bibiiahumu maduhenga-U̒ mai, tilinggula mowali dadaata daa̒, lebe dadaata mao̒ wolo u bohulio mai, wau timongolio mamowali owalaa̒i wau owoombu dadaata. Timongolio matumumula mola teto debo odelo u bohu-bohulio mai wau powaliyo-U̒ maa̒amulu, debo odelo diipo pee̒enta mao̒ ilolaasawa limongoli. Yi bolo otaawalo limongolio deu̒ Wau̒ulo Eeya. 12Umati-U̒ Isirai̒lu, madeloo-U̒ mohualinga mola muli motibiluloa̒ to lipulio. Huta boito mamowali miliki limongolio lohihilao wau malaito mongohi tilapulio tilinggula mongo walai̒ mongolio diilalo mate lo polobiti.’
13Wau̒, Eeya Taa Laba-Labaalo molanggato motahuda mai: ‘Memangi otutu huta botie yilohia tanggulo mongaala manusia wau molambatawa tau̒kekeei̒ – bangusa tamoti-tomele mao̒. 14Bo tumulalo mai botia huta botie diilalo mongaa manusia meaalo molambata mongo walai̒ mongolio. Wau̒ Eeya Taa Laba-Labaalo molanggato malo tahuda mai. 15Diilalo palalu huta botie modungohe henteo̒ lo babaa-ngusawalo meaalo momanta polohina lotau. Huta botie diilalo mopobinasa sama-samata bangusa tamoti-tomele mao̒. Wau̒, Eeya Taa Laba-Labaalo molanggato malo tahuda mai.’ ”
Polobohua lo Isirai̒lu
16 Eeya lotahuda odelaatia, 17“Wuu manusia panaa, tou̒ tau-tauwalo Isirai̒lu bilu-biluloa̒ tolipu limongolio lohihilao, timongolio malo pokootolo wolo huhutu wau pii̒li limongolio. Wau̒ monganggapu pii̒li limongolio boito halaamu, debo odelo taabua tadonggo duladulahu. 18Pilopo dungga-U̒ mai omulukaa-U̒ ode limongolio sababu timongolio malohutu dadaata polomatea yila-yiteelo mao̒ tohuta boito wau helo pokootolo wolo babaa-laahalaalalo limongolio. 19Timongolio hilukuumani-U̒ lotuuu̒de wolo dudelo tutumulo wau pii̒li limongolio, lapatao̒ pilopo-bubuua̒yaa-U̒ mota ode lilii-puwaalo deli. 20Ode utoonu wambai̒o ponao̒wa limongolio, timongolio laito hemopo kootolo tanggulu-U̒ u mantali. Sababu tau-tauwalo hemoloi̒ya odie, ‘Bangusa botie yito umati lo Allahu Taa̒ala, bo timongolio musi mololaa huta u yiludu lo Allahu Taa̒ala ode limongolio.’ 21Wau̒ ilosuukali daa̒ lohilao sababu tanggulu-U̒ u mantali mapilopo kootolo lotau-tauwalo Isirai̒lu penu boli ode utoonu ponao̒wa limongolio.
22Masababu uito, potunggula mao̒ wolo u Wau̒ Eeya Taa Laba-labaalo molanggato lotahuda mai ode bangusa lo Isirai̒lu, ‘Wolo u de mapohutuwo-U̒ mai diila bo kalana timongoli, wuu tau-tauwulo Isirai̒lu, bo kalana tanggulu-U̒ u mantali, u mapilopo kootolo limongoli penu boli ode utoonu ponao̒wa limongoli. 23Wau̒ mamopo bilohei omantali lo tanggulu-U̒ u udaa̒ boito, tanggulo u mapilopo kootolo limongoli to huungo babaa-ngusawalo, yi bolo otaawalo limongoli deu̒ Wau̒ Eeya. Wau̒, Eeya Taa Laba-labaalo molanggato malo tahuda mai. Wau̒ mamomake olimongoli u mopobiloheo̒ ode babaa-ngusawalo deu̒ Wau̒ botie mantali, Eeya Taa Laba-labaalo mantali. 24Monto timii̒du bangusa wau lipu, timongoli maa̒mbuwo-U̒ wau powalingo-U̒ ode huta limongoli lohihilao. 25Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli. 26Yi timongoli mahiya-U̒ mai hale u bohu wau pikiilangi u bohu. Hilaamu u debo odelo toheeto botu boito matuloa̒a-U̒ mai wolo hilao u modungohe. 27Rohu-U̒ matuwato-U̒ mai ode delomo hilaamu wau timongoli madaahaa-U̒ alihu tumumula modudua̒ totoonulalo butoo̒o-U̒ boli modungohe totoonulalo palentaa-U̒. 28Yi timongoli mamoti tomele tohuta u mailudu-U̒ mai odeli nenemoyaamu. Timongoli mamowali umati-U̒ wau Wau̒ olo mamowali Allahu Taa̒ala limongoli. 29Timongoli malopato-U̒ monto totoonulalo okootolo limongoli. Wau̒ mamongohi palenta ode pale alihu mobutu wolo molomiodu tilinggula timongoli diilalo pee̒enta mao̒ odungga lo polobiti. 30Wau̒ mamo duhengai omolomiodu bungo lo huhuu-ngowaalo limongoli wau tilapulo hahaa-laboluwalo limongoli, tilinggula timongoli diilalo moo̒laasa sembo lo polobiti u mopobulilo tanggulumu towolota lo babaa-ngusawalo. 31Timongoli mamoe̒ela mola to pii̒limu u moleeto wau huhutumu udiila paatuti boito, lapatao̒ timongoli mowali molonuo̒ wolo batangamu lohihilao sababu duduu-sawaalo wau okootolomu boito. 32Eelai mao̒ wuu Isirai̒lu, deu̒ ngoa̒amila boito pilohutu-U̒ mai diila bo sababu timongoli. Timongoli musi molaasa moolito wau hina sababu pii̒limu. Wau̒ Eeya Taa Laba-labaalo molanggato malo tahuda mai.’ ”
33 Eeya Taa Laba-labaalo molanggato lotahuda mai, “Lapatao̒ timongoli pobelesiyo-U̒ monto totoonulalo dusaamu, timongoli maluasiya-U̒ muli motibiluloa̒ to kokootaamu, wau muli momongu mola tutuuodio. 34Muloololio mai tau-tauwalo tahinao̒wa lumaodeo̒ to huhuu-tawaalo u datahu wau luasi limongoli loo̒onto deu̒ donggo boli hengulio huta boito, bo Wau̒ mamuli mopoluasi mai olimongoli motolopani mao̒ huta boito. 35Yi ngoa̒amila tau mamowali molinggolabe, sababu u engontielio moliilo, loa̒antulu lowali tuodu, botia lowali kokoo-tawalo u motoheeta bintengilio wau modetoo̒ ulipulio. 36Yi babaa-ngusawalo to tiheedio tadonggo woluo, mamotota mao̒ deu̒ Wau̒, Eeya, maluli lomongu kokoo-tawaalo umalo aantulu, wau luli lokalaja mao̒ hahaa-labuwalo u mohengu daa̒. Wau̒, Eeya, malo tahuda mai wau tantuulo mamoponao̒ mao̒.”
37 Eeya Taa Laba-labaalo molanggato lotahuda mai, “Wuu bangusa lo Isirai̒lu, timongoli muli poluasiyo-U̒ mei̒ tulungi mai ola-U̒; Wau̒ mamo duhengai jumulaa limongoli debo odelo himbala lohimba. 38Kokoo-tawaalo u masaatia loa̒antulu, de mamopulu mai wolo tuangio debo odelo Yerusalemu tou̒ duduu-laheyaalo buka tou̒ yilaalu mola, polupolu wolo hihii-mbaawaalo u podewolo. Yi otaawalo mao̒ limongolio deu̒ Wau̒ulo Eeya.”
လက္ရွိေရြးခ်ယ္ထားမွု
YEHESKIEL 36: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 36
36
Balakati lo Allahu Taa̒ala ode Isirai̒lu
1 Eeya lotahuda mai, “Wuu manusia panaa, pobisalaalo ode huhuu-ideyaalo Isirai̒lu wau ahuliilo timongolio modungohe tahuli lo Eeya Taa Laba-Labaalo molanggato, 2-6‘Tou̒ babaa-ngusawalo to palitio moluhu wau molambata olimongoli, timongolio malohina ngoilanggubu Isirai̒lu. Wolo hiweengahe timongolio loloi̒ya deu̒ masaatia huhuu-luduwaalo u muloloolio mai daa̒ boito lowali miliki limongolio. Sababu uito, wuu huhuu-ideyaalo wau huhuu-duwaalo, walao̒ dutulaa wau lumbaya, wuu kokoo-tawaalo u malowali toude wau u matilolaa lo ulipulio boli yilanbato wau hilenteo̒ lo babaa-ngusawalo topalitio, dungohiilo wolo u pilotahuda mai lo Eeya Taa Laba-Labaalo molanggato ode olemu: To delomo omulukaa-U̒ uwali-walihuhu Wau̒ lodini wolo moo̒ohuu̒ babaa-ngusawalo to palitumu wau tolomodulio Edom, sababu timongolio wolo sanangi wau owatade mohina, malohama lou̒ pakusa hutaa-U̒ wau lolambata huhuu-tawaalo luasi u pilobutua lo huo̒yoto. Botia Wau̒ mulika wau molilau sababu babaa-ngusawalo boito malohina daa̒ wau helo podupapa olimongoli. 7Wau̒, Eeya Taa Laba-Labaalo molanggato motadia mai deu̒ babaa-ngusawalo to palitumu laito mahinaalio olo. 8Bo ode olemu tahudaa-U̒ mai wuu huhuu-ideyaalo Isirai̒lu, bubuu-ngowaalo ayu mamo tumbingai wau muli momungo duo̒lo umati-U̒ Isirai̒lu tamahuaa̒ mohualingo. 9Wau̒ motiwambao̒ ode olemu wuu Isirai̒lu, wau molantu mai deu̒ hutaamu mamuli patiolio wau pomua̒yadelo bili. 10Wau̒ mamo duhengai jumulaa lo umati-U̒ Isirai̒lu. Timongolio mamoti biluloa̒ to kokoo-tawaalo wau muli momongu totoonulalo tuodio. 11Ulipu wau bibiiahumu maduhenga-U̒ mai, tilinggula mowali dadaata daa̒, lebe dadaata mao̒ wolo u bohulio mai, wau timongolio mamowali owalaa̒i wau owoombu dadaata. Timongolio matumumula mola teto debo odelo u bohu-bohulio mai wau powaliyo-U̒ maa̒amulu, debo odelo diipo pee̒enta mao̒ ilolaasawa limongoli. Yi bolo otaawalo limongolio deu̒ Wau̒ulo Eeya. 12Umati-U̒ Isirai̒lu, madeloo-U̒ mohualinga mola muli motibiluloa̒ to lipulio. Huta boito mamowali miliki limongolio lohihilao wau malaito mongohi tilapulio tilinggula mongo walai̒ mongolio diilalo mate lo polobiti.’
13Wau̒, Eeya Taa Laba-Labaalo molanggato motahuda mai: ‘Memangi otutu huta botie yilohia tanggulo mongaala manusia wau molambatawa tau̒kekeei̒ – bangusa tamoti-tomele mao̒. 14Bo tumulalo mai botia huta botie diilalo mongaa manusia meaalo molambata mongo walai̒ mongolio. Wau̒ Eeya Taa Laba-Labaalo molanggato malo tahuda mai. 15Diilalo palalu huta botie modungohe henteo̒ lo babaa-ngusawalo meaalo momanta polohina lotau. Huta botie diilalo mopobinasa sama-samata bangusa tamoti-tomele mao̒. Wau̒, Eeya Taa Laba-Labaalo molanggato malo tahuda mai.’ ”
Polobohua lo Isirai̒lu
16 Eeya lotahuda odelaatia, 17“Wuu manusia panaa, tou̒ tau-tauwalo Isirai̒lu bilu-biluloa̒ tolipu limongolio lohihilao, timongolio malo pokootolo wolo huhutu wau pii̒li limongolio. Wau̒ monganggapu pii̒li limongolio boito halaamu, debo odelo taabua tadonggo duladulahu. 18Pilopo dungga-U̒ mai omulukaa-U̒ ode limongolio sababu timongolio malohutu dadaata polomatea yila-yiteelo mao̒ tohuta boito wau helo pokootolo wolo babaa-laahalaalalo limongolio. 19Timongolio hilukuumani-U̒ lotuuu̒de wolo dudelo tutumulo wau pii̒li limongolio, lapatao̒ pilopo-bubuua̒yaa-U̒ mota ode lilii-puwaalo deli. 20Ode utoonu wambai̒o ponao̒wa limongolio, timongolio laito hemopo kootolo tanggulu-U̒ u mantali. Sababu tau-tauwalo hemoloi̒ya odie, ‘Bangusa botie yito umati lo Allahu Taa̒ala, bo timongolio musi mololaa huta u yiludu lo Allahu Taa̒ala ode limongolio.’ 21Wau̒ ilosuukali daa̒ lohilao sababu tanggulu-U̒ u mantali mapilopo kootolo lotau-tauwalo Isirai̒lu penu boli ode utoonu ponao̒wa limongolio.
22Masababu uito, potunggula mao̒ wolo u Wau̒ Eeya Taa Laba-labaalo molanggato lotahuda mai ode bangusa lo Isirai̒lu, ‘Wolo u de mapohutuwo-U̒ mai diila bo kalana timongoli, wuu tau-tauwulo Isirai̒lu, bo kalana tanggulu-U̒ u mantali, u mapilopo kootolo limongoli penu boli ode utoonu ponao̒wa limongoli. 23Wau̒ mamopo bilohei omantali lo tanggulu-U̒ u udaa̒ boito, tanggulo u mapilopo kootolo limongoli to huungo babaa-ngusawalo, yi bolo otaawalo limongoli deu̒ Wau̒ Eeya. Wau̒, Eeya Taa Laba-labaalo molanggato malo tahuda mai. Wau̒ mamomake olimongoli u mopobiloheo̒ ode babaa-ngusawalo deu̒ Wau̒ botie mantali, Eeya Taa Laba-labaalo mantali. 24Monto timii̒du bangusa wau lipu, timongoli maa̒mbuwo-U̒ wau powalingo-U̒ ode huta limongoli lohihilao. 25Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli. 26Yi timongoli mahiya-U̒ mai hale u bohu wau pikiilangi u bohu. Hilaamu u debo odelo toheeto botu boito matuloa̒a-U̒ mai wolo hilao u modungohe. 27Rohu-U̒ matuwato-U̒ mai ode delomo hilaamu wau timongoli madaahaa-U̒ alihu tumumula modudua̒ totoonulalo butoo̒o-U̒ boli modungohe totoonulalo palentaa-U̒. 28Yi timongoli mamoti tomele tohuta u mailudu-U̒ mai odeli nenemoyaamu. Timongoli mamowali umati-U̒ wau Wau̒ olo mamowali Allahu Taa̒ala limongoli. 29Timongoli malopato-U̒ monto totoonulalo okootolo limongoli. Wau̒ mamongohi palenta ode pale alihu mobutu wolo molomiodu tilinggula timongoli diilalo pee̒enta mao̒ odungga lo polobiti. 30Wau̒ mamo duhengai omolomiodu bungo lo huhuu-ngowaalo limongoli wau tilapulo hahaa-laboluwalo limongoli, tilinggula timongoli diilalo moo̒laasa sembo lo polobiti u mopobulilo tanggulumu towolota lo babaa-ngusawalo. 31Timongoli mamoe̒ela mola to pii̒limu u moleeto wau huhutumu udiila paatuti boito, lapatao̒ timongoli mowali molonuo̒ wolo batangamu lohihilao sababu duduu-sawaalo wau okootolomu boito. 32Eelai mao̒ wuu Isirai̒lu, deu̒ ngoa̒amila boito pilohutu-U̒ mai diila bo sababu timongoli. Timongoli musi molaasa moolito wau hina sababu pii̒limu. Wau̒ Eeya Taa Laba-labaalo molanggato malo tahuda mai.’ ”
33 Eeya Taa Laba-labaalo molanggato lotahuda mai, “Lapatao̒ timongoli pobelesiyo-U̒ monto totoonulalo dusaamu, timongoli maluasiya-U̒ muli motibiluloa̒ to kokootaamu, wau muli momongu mola tutuuodio. 34Muloololio mai tau-tauwalo tahinao̒wa lumaodeo̒ to huhuu-tawaalo u datahu wau luasi limongoli loo̒onto deu̒ donggo boli hengulio huta boito, bo Wau̒ mamuli mopoluasi mai olimongoli motolopani mao̒ huta boito. 35Yi ngoa̒amila tau mamowali molinggolabe, sababu u engontielio moliilo, loa̒antulu lowali tuodu, botia lowali kokoo-tawalo u motoheeta bintengilio wau modetoo̒ ulipulio. 36Yi babaa-ngusawalo to tiheedio tadonggo woluo, mamotota mao̒ deu̒ Wau̒, Eeya, maluli lomongu kokoo-tawaalo umalo aantulu, wau luli lokalaja mao̒ hahaa-labuwalo u mohengu daa̒. Wau̒, Eeya, malo tahuda mai wau tantuulo mamoponao̒ mao̒.”
37 Eeya Taa Laba-labaalo molanggato lotahuda mai, “Wuu bangusa lo Isirai̒lu, timongoli muli poluasiyo-U̒ mei̒ tulungi mai ola-U̒; Wau̒ mamo duhengai jumulaa limongoli debo odelo himbala lohimba. 38Kokoo-tawaalo u masaatia loa̒antulu, de mamopulu mai wolo tuangio debo odelo Yerusalemu tou̒ duduu-laheyaalo buka tou̒ yilaalu mola, polupolu wolo hihii-mbaawaalo u podewolo. Yi otaawalo mao̒ limongolio deu̒ Wau̒ulo Eeya.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ