YEHESKIEL 24
24
Ulongo u taatolo
1To dulahu opululio, hulalo opululio, todelomo taunu otiolio tomaasa polayahu lami, Eeya lotahuda mai odelaatia, 2“Wuu manusia panaa, tuladee mao̒ taanggali to dulahee botie, sababu to dulahee botie ti olongia lo Babel mamomala Yerusalemu. 3Wau̒, Eeya, o pohumaya tuwau u potunggulolo ode umati-U̒ tamotohilaa momalakala:
Tuangi mao̒ taluhu ode delomo panji
lapatao̒ dutuwaalo toitaato tulu.
4Potuwota mola tapu ode delomio
tapu u mopiohe daa̒ mutulio;
tapu lo binggingo wau tapu lo bungolopa
wau tutuu-lalowaalo u dadaata yilontalio.
5Pakea mao̒ tapu lohimba u molingohu wau buboto
duhengi mao̒ polodapato ayu podiii̒yo.
Polulia mao̒ lumolombula wau molimbue̒i taluhio
laheaalo tapu boito wolo tutuu-laloolio.”
6 Eeya Taa Laba-labaalo molanggato lotahuda mai, “Matopotala kota u polupolu wolo tamoomatea mate-mateelo mao̒ boito! Kota boito debo odelo ulongo otaato u diila pee̒enta mao̒ ilii̒ita. Tapu u woluo to delomio yiluwalio ngoo̒longo domi ngoo̒longo tunggula diaaluo penu boli tuwau mao̒ u leitolaa. 7To kota boito lotoduo polomatea mate-mateelo mao̒, bo duhu lobakelio diila lohuwato ode huta, bo ode yitaato botu u motoheeto, tilinggula diila mowali tambulalo. 8Duhu boito hiluliya-U̒ teto tilinggula mowali oontonga wau mohile wolo moo̒ohuu̒ u molontuli.”
9 Eeya Taa Laba-labaalo molanggato lotahuda mai, “Matopotala kota u polupolu wolo tamoomatea mate-mateelo mao̒ boito! Wau̒ lohihilao tamamo powoludu lo ayu u podiii̒o. 10Duhengiilo ayulio! Ayabeelo tululio! Laheaalo tapulio! Tapilaalo tabulio. Tumbiliilo tutuu-laloolio! 11Botia podutuwalo ulongo lo polunggu udiila otua toitaato tulu wau hulii mao̒ tunggula meela bohuwalo. Lapatao̒ taatio mopobu, ulongo boito mamuli belesi modudua̒ wuu̒du lo agama. 12Bo diila ngoa̒amila taatio mameenggi maahu lotulu.
13Wuu Yerusalemu, ngoa̒amila huhutuumu u moruusa malo ponajisi batangamu. Wau̒ malo himontala lopobelesi olemu, bo diila ohunalio, sababu yio̒ debo najisi. Yio̒ diilalo mobelesi tunggula lopato-U̒ mai omulukaa-U̒ ode olemu. 14Wau̒, Eeya Taa Laba-labaalo molanggato malo tahuda mai. Malei dungga wakutuulio olemu u mohutu mao̒. Wau̒ diila tamo lipata dusaamu wau dila olo mongambungu mai meaambo momonu olemu. Yio̒ mahukuu-maniyo-U̒ motuuu̒de wolo totoonulalo huhutuumu. Wau̒ Eeya Taa Laba-labaalo molanggato malo tahuda mai.”
Opopate dile li nabi
15 Eeya lotahuda mai odelaatia, 16“Wuu manusia panaa, wolo tumahuo̒olo mola mahamaa-U̒ taa u ponuwo-U̒. Bo yio̒ diila mowali molapali hilimuta wau humoyongo, meaambo mopoluli mao̒ ponumu humeheeto. 17Diila bolo odungohe yio̒ mopotide-tideo̒ lonapasi usuusa! Diila mao̒ poonao̒ lou̒ diila obeleu̒to lunggongo, meaambo diila owaapidu oa̒ato, odelo taa u motilimi. Diila mao̒ olo beleu̒tamu bayamu, wau diila mao̒ polamela roti polotilimi.”
18Didimodupo watia helo bisala ode bangusa boito wau huilio mola dile lowatia yilate. Loombulio mola pilohutu lowatia wolo u piloa̒hulio odelaatia. 19U lipu helohintu, “Yilongola ti Paaa̒ helohutu odie? Wolo boliilio ode lamiaatia?”
20Lapatao̒ yiloi̒ya lowatia olimongolio, “Eeya lopoa̒hu mai olaatia 21mopo tunggulai tahuli boite ode limongoli: Timongoli hemopo mangga olootolo Bele lo Eeya. Timongoli ohilaa molontongao̒ wau mobiiloheo̒, bo Eeya mamopo kootolo mai Belee-Lio. Wau popoo-ngawaa̒lo lo ngaalaa̒mu tadonggo muda, talei tolaa to Yerusalemu, mapateelio mate-mateelo mao̒ todelomo popaatea. 22Lapatao̒ timongoli mamohutu mao̒ debo odelo u hepohutuwo lowatia masaatia botie. Timongoli diila tamolau̒ube bayamu meaambo molamela roti ilopatea. 23Timongoli diila tamonao̒ lou̒ diila otau̒ubu lunggongo meaambo owapidu oa̒ato, diila mohilimuta meaambo humoyongo. Timongoli maheelebe mohiheo mola mongongoto sababu duduu-sawaalo limongoli; timongoli mamopo ilaalo suusa ngota timongota. 24Yi watia, Yeheskiel mamowali tao̒baaya limongoli; timongoli mamohutu debo odelo u hepohutuo lowatia masaatia botie. Eeya lotahuda mai deu̒ wonu bolo sua̒li boito motoduo mai, mao̒taawa limongoli deu̒ Tioolo Eeya Taa Laba-labaalo molanggato.”
25 Eeya lotahuda mai odelaatia, “Naa, manusia panaa mahamaa-U̒ monto olimongolio Belee-U̒ u motoheeto boito, u malowali hepomangga wau osanangi limongolio, wau u hepandangia limongolio wau henao̒olo wolo hilaa sanangi. Lapatao̒ mahamaa-U̒ olo mongo walai̒ mongolio. 26To dulahee pohutuwo-U̒ mai sua̒li boito, ngotaalio tamoo̒ lopato monto obobinasa boito mamonao̒ mai, wau mopo tunggulao̒ habari boito ode olemu. 27To dulahulo boito yio̒ mamuli moo̒ bisala wau diilalo bubu. Lapatao̒ yio̒ mamobisala wolo tau boito. Odieelo mola yio̒ mamowali tuoto ode limongolio; yi mao̒taawa mao̒ limongolio deu̒ Wau̒ulo Eeya.”
လက္ရွိေရြးခ်ယ္ထားမွု
YEHESKIEL 24: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ