مقتطفات من الزبور 53
53
دعاء طلب الحكمة للنبي داود عليه السلام
1يا ربّ، بيرفض الجاهل الإعتراف بطرق الله،
وبصير يفسد، وما يعمل خير، وبالذنوب يتحلّى.
2ومن علاه، ربّ العالمين،
بيتطلّع عالبشر أجمعين،
تيشوف إذا فيهُن ناس عاقلين،
لربُّن طالبين.
3فالكلّ ضلّوا، والكلّ صاروا فاسدين،
ما حدا عم يعمل خير، ولا حدا.
4وهل بيعرفوا الأشرار لأيّ مدى،
عم بياكلوا قومي،
كأنن عم ياكلوا خبزن اليومي؟
وحتّى ما عم يدعوا لربُّن.
5لهيك رح يخافوا كتير، ويموتوا من رعبُن،
متل ما عمل الله من قبل وباد أعداء قومُه وكسَّر عضمُن،
فرح يخزيهُن ويرفضهُن.
6فهل يا الله من القدس منجّي لبني يعقوب ينصرهُن؟
وقتا بِردّ قومُه من سبيهُن لحريّتهُن؟
قومُه بني يعقوب، فبترجع سعادتهُن،
وبتكون فرحتهُن.
آمين.
လက္ရွိေရြးခ်ယ္ထားမွု
مقتطفات من الزبور 53: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media