مقتطفات من الزبور 139
139
دعاء الثقة بالله للنبي داود (عليه السلام)
1يا ربّ إنتَ اختبرت قلبي،
وعارِف بحالي،
2قَوْمْتي وقَعْدْتي وأفكاري كاشِف،
من مقامَك العالي،
3ترحالي وقعادي،
وكلّ أفعالي شايِف.
4قبل ما إحكي يا ربّ
بتعرِف كلّ أقوالي.
5بتِحرسني من كلّ الجّهات،
وإيديك بتحاوطني،
6عجيبة معرِفتك فاقِت كلّ التصوّرات، وأبهرتني.
7لوين بهرب من روحَك يا عليم؟
لوين بهرُب من وجَّك الكريم؟
8إن طلعت عسابِع سما بلاقيك،
وإن نزِلت عسابِع أرض أنتَ هونيك،
9وإن طلعلي جناحات وطرت عأقاصي الأرض بْمَشْرِقْها،
أو إن سكنت بآخر البحر وين الشّمس بْمَغرِبْها،
10حتّى هونيك رح بتكون، وإيدَك عالصراط تهديني،
ويمينَك بتقوّيني.
11ولو قلت لحالي إنُّه الظلام منَّك بخبّيني،
والنّور من حولي يصير عتمة،
12فالظلام ما بخبّي عنّك شي،
الّليل والنهار عندك نفس الشّي،
لأنّه عندك متل بعضُن النّور والعتمة.
13إنتَ يلّي خلقت كياني يا رحيم،
صوّرتني بأحشاء أمّي جنين،
14بِحِمدَك لأنَّك خلقتني بأحسن تقويم
وأنا أعلم هالشّي علم اليقين.
15مش خافي عنَّك لحظة تكويني بالخفاء،
من لمّا أبدعت وصوّرتني بالأحشاء.
16شفتني من قبل ما أولد،
وكتبت بسجلَّك كلّ إيّام حياتي،
حدّدتها حتّى قبل ما عيش يومياتي.
17اللهُمَّ سبحانَك أفكارَك عنّي عظيمة، ما أكثرها،
18إذا بدّي إحسبها، أكتر من الرّمل عددها،
ولو حسبتها، بعد أفكارك ما بفهَم عظمتها.
19اللهمَّ يا ريتَك بتقضي عالأشرار!
ابتعدوا عنّي يا سافكي الدماء!
20هيدول بيحكوا عنّك بالباطل لأنَّن أعداء،
وعن إسمَك بمِكر وإفتراء.
21يا ربّ أنا بكره كارهيك،
وبحتقر الثّائرين عليك،
22أكيد، بكرَهُن من كلّ قلبي،
أعداءك هنّ أعدائي يا ربّي.
23اللهُمَّ اختبر جوّاتي،
واكتشف قلق حياتي.
24شوف إذا فيني مسلك غير قويم،
واهديني عالصّراط المستقيم.
လက္ရွိေရြးခ်ယ္ထားမွု
مقتطفات من الزبور 139: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media