من الإنجيل – عن مرقُس 9
9
1وقلُّن كمان: "بالحقيقة، بعض الموجودين فيكُن مش رح يموتوا قبل ما يشوفوا قوّة ظهور المملكة الربّانية".
تجلّي السيّد المسيح ومجيء موسى والياس (عليهم السلام)
2وبعد 6 ست تيّام ما خبَّر سيِّدنا عيسى (سلامُهُ علينا) حوارييه عن موتُه، جمَع بطرس ويعقوب ويوحنّا، وطلَّعُن فوق جبل عالِ لوحدُه هوّ وياهُن، وهونيك تجلّى بهيئة بهيّة إدّامُن، 3بتياب بيضا متل التلج وَهْجَها بيبهِر العيون، ما في إنسان عوجّ الأرض بِبيَّضا هيك! 4وظهَرلُن النبي موسى ومعُه النبي الياس (عليهم السلام) وصاروا يحكوا مع سيّدنا عيسى، 5فقلُّه الحواري بطرس لسيِّدنا عيسى (سلامُهُ علينا): "يا فضيلة المعلّم، شو حلو نكون هون سوا! خلينا نعمل تلات مقامات، مقام إلَك ومقام للنبي موسى ومقام للنبي الياس" 6قال بطرس هيك لأنُّه ما كان عارف شو يحكي من كتر خوفُن! 7وإجِت فوقُن غيمة غطِّتُن، وطُلِع منها صوت وقال: "هيدا هوّ الحبيب، الإبن الرّوحي إلي، اسمعولُه وطيعوه!" 8وفجأة بس التفتوا الحواريين حوالَيُن ما شافوا غير سيِّدنا عيسى وحدُه!
9وهنّ ونازلين من الجبل، طلب منهُن سيِّدنا إنُّه ما يخبروا حدا عن يلّي شافوه، لحد ما يرجَع سيِّد البشر من الموت ويُبعَث حياً، وهون أشار لنفسُه. 10وهنّ عملوا متل ما قلُّن وما حكوا، بس موضوع "قيامة سيِّد البشر من الموت" خلّاهُن يسألوا بعض ويتناقَشوا عن معنى هالحكي.
11وسألوا سيَّدنا وقالولُه: "بقولوا عُلما التوراة إنُّه رجعة النبي إلياس من غيبتُه لازِم تصير قبل مجيء المسيح المنتظر، مَهيك؟" 12فجاوبَن وقال: "صحيح، إلياس من كلّ بد جاية بالأوَّل ورح يصلّح كلّ شي متل ما كان، بس مش مذكور بكتاب الله كمان إنّه سيِّد البشر رح يتعذَب ويِنهان كتير؟ 13عكلّ حال بخبِركُن إنّه إلياس فعلاً إجا، وعاملوه مش منيح، متل ما مكتوب عنُّه بالتّوراة".
ليه الحواريين ما قدروا يشفوا الصبيّ المسكون؟
14لمّا نزِل سيِّدنا عيسى (سلامُهُ علينا) هوّ وحوارييه بطرس، ويعقوب، ويوحنا من الجبل، شافوا عجقة ناس حوالي حوارييه الباقيين، وبعض عُلما التوراة عم يتجادَلوا معُن. 15وبس شافوه النّاس لسيِدنا جاية خوتوا وركضوا يسلّموا عليه، 16فسألُن: "عشو عم تتجادَلوا معُن؟" 17قام واحَد من النّاس وقال: "يا فضيلة المعلّم، جايِبلَك إبني، مسيطِر عليه جنّ خلّاه يصير أخرَس. 18وكلّ ما بيِتلبَّسُه، بتلاقيه بيوقَع عالأرض وبيِنزَل زبَد من تمُّه، وبكزّ عسنانُه، وبخشِّب، كلّه بيِبَس، طلبِت من حوارييك إنّه يطردوا الجنّ منُّه بس ما قِدروا!" 19فقلُّن سيِّدنا: "لأيمتى أنا باقي معكُن، يا شعب بلا إيمان كلكُن! أديّه بدّي ضلّ إتحمّلكُن، هاتوا الصبّي لقِلكُن!" 20فجابولُه الصبّي لسيّدنا عيسى، ولمّا شافُه الجنّ قام خبَط الولَد بلأرض، وصار الولد يتلوّى ويِطلَع الزبَد من تمِّه. 21وسأل سيِّدنا (سلامه علينا) بيّ الصبي: "من إيمتى بلَّش يصِرلُه هيك؟" جاوبُه البيّ: "من صغرُه، 22ياما وياما متأذّي من هالجنّ، شي بكبُّه بالنار وشي بالميّ عشان يموتُه! دخيلَك شفاق علينا، إذا قادِر تعمل أيّ شي تيساعِدنا!" 23فجاوَبُه سيِّدنا عيسى وقلُّه: "ليه عم تقول: "إذا قادِر؟" إذا وثقت فيّي، كل شي ممكِن ليلّي بآمن فيّي!" 24وهون دغري صرخ البيّ وهوّ عم يبكي وقلُّه: "أنا مؤمِن، ساعِدني زيد إيماني!" 25وبس شاف سيّدنا الناس جاية صوبُه ودغري تجمَّعِت، قام بهدَل الجنّ وقلُّه: "يا جنّ يا أخرَس، بُأُمْرَك تُضهَر من هالصبي هلّأ! وما تِرجَع لعندُه مرّة تانية!" 26قام صرخ الجنّ وخلّى الصبي يتلوّى عالأرض، وضَهر منّه، وصار شكلُه متل الميِّت وكتير من الناس قالوا "مات الصبي!" 27بس سيِّدنا عيسى مسك إيدُه وقوَّمُه عن الأرض، قام وِقِف معافى! 28وراح سيّدنا عيسى (سلامُهُ علينا) عالبيت وبس كان وحدُه هوّ وحوارييه، سألوه: "ليه ما قدِرنا نضهِّر الجنّ من الصبي؟" 29جاوبُن سيِّدنا: "جنّ من هالنوع ما بيِضهَر إلّا ما تتواضَعوا وتطلُبوا قوّة الله من خلال الدّعاء".
كيف يعني الأوَّل هو الآخر؟
30وضهَر سيِّدنا عيسى (سلامُهُ علينا) مع أتباعُه محل ما كان قاعِد ومرقوا بمنطقة الجليل، وما كان حابِب يعرف حدا بوجودُه، 31لأنّه كان بدُّه يمَضّي وقت مع أتباعُه عشان يعلِّمُن، قام قلُّن: "سيِّد البشر رح يِنخان ويِتسلَّم لإيدين أعداؤه، ورح يِنقَتَل، بس بعد تلات تيّام سيُبعَث حيّا". 32ولكن ما فهموا حوارييه هيدا الكلام، وخافوا يِسألوه شو يعني.
33ووصِل سيِّدنا عيسى مع حوارييه عكفرناحوم، وبس فاتوا عالبيت سأل حوارييه: "عشو كنتوا عم تتجادَلوا عالطريق؟" 34قاموا سكتوا كلُّن وما حدا ردّ، عشان كانوا عم يتجادلوا على مين الأوَّل والأفضَل بيناتُن؟ 35ساعِتا قَعَد سيّدنا عيسى، نادى التنعشر حواري لعندُه وقلُّن: "شوفوا! يلّي بدُّه يكون الأوَّل، لازِم يكون الآخر وخادِم الكلّ". 36وأخد طفل كان هونيك ووقَّفُه بيناتُن بالنصّ، بعدين حضنُه بين إيديه وقلُّن: 37يلّي بيِقبَل ولو حتّى ولد صغير إكراماً لإسمي، كأنُّه قِبِلني أنا، ويلّي بيِقبَلني، بيِقبَل الله يلّي أرسَلني".
يلّي مش ضدّنا فهوّ معنا
38وسأل الحواري يوحنّا سيّدنا عيسى (سلامُهُ علينا) وقال: "يا فضيلة المعلِّم، شفنا رجّال عم يطرد الشياطين بسلطان إسمَك بس نحنا منعناه لأنُّه مش من جماعتنا". 39ولكن ردّ سيّدنا وقال: "لا تمنعوه! طالما عم يعمل معجزة بسلطان إسمي، فَمِش رح يحكي عنّي شي عاطِل بعدين، 40لأنُّه يليّ مش ضدّنا فهوّ معنا. 41بالحقيقة بقلكُن، يلّي بيعمل معكُن معروف ولو شربة ميّ بسبب إنتماءكُن إلي أنا المسيح المنتظر، فأجرُه عند ربُّه مش رح يضيع أبداً".
أيمتى مندخُل عالجنّة مبتوري الأعضاء؟
42قال سيِدنا عيسى (سلامُهُ علينا): "يلّي بكون سبب تضليل أيّ واحَد مؤمِن فيِّ، ولو بعدُه بأوَل إيمانُه، أشرفلُه لو بيربط حجر طاحونة حوالي رقبتُه وبكبّ حاله بالبحر. 43-48إذا كانت إيدك أو إجرَك أو حتّى عينَك سبب خطية أو ذنب كبير أفضلَّك تقطع أيدَك أو إجرَك أو تقبَع عينَك! وتدخل عالجنة بإيد وحدة أو إجر وحدة أو عين وحدة على إنّك تدخل عجهنّم بجسم كامِل، جهنّم يلّي النار فيها ما بتنطفي والدود ما بموت! 49لأنُّه كلّ الضّالين رح يحترقوا بنار جهنّم ويتطهّروا فيها متل ما بتطّهر الدبيحة بالملح! 50بس وجود أتباعي بالدنيا متل وجود الملح والملح هوّ شي منيح، لكن هل ممكن الملح ما يعود يملِّح؟ طيب كيف منخلّيه يِرجَع يملِّح؟ كرمال هيك خلّيكن هالملح الصالح واحفظوا "الخبز والملح" يلّي أكلتوه سوا، وعيشوا بسلام مع بعض".
လက္ရွိေရြးခ်ယ္ထားမွု
من الإنجيل – عن مرقُس 9: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من الإنجيل – عن مرقُس 9
9
1وقلُّن كمان: "بالحقيقة، بعض الموجودين فيكُن مش رح يموتوا قبل ما يشوفوا قوّة ظهور المملكة الربّانية".
تجلّي السيّد المسيح ومجيء موسى والياس (عليهم السلام)
2وبعد 6 ست تيّام ما خبَّر سيِّدنا عيسى (سلامُهُ علينا) حوارييه عن موتُه، جمَع بطرس ويعقوب ويوحنّا، وطلَّعُن فوق جبل عالِ لوحدُه هوّ وياهُن، وهونيك تجلّى بهيئة بهيّة إدّامُن، 3بتياب بيضا متل التلج وَهْجَها بيبهِر العيون، ما في إنسان عوجّ الأرض بِبيَّضا هيك! 4وظهَرلُن النبي موسى ومعُه النبي الياس (عليهم السلام) وصاروا يحكوا مع سيّدنا عيسى، 5فقلُّه الحواري بطرس لسيِّدنا عيسى (سلامُهُ علينا): "يا فضيلة المعلّم، شو حلو نكون هون سوا! خلينا نعمل تلات مقامات، مقام إلَك ومقام للنبي موسى ومقام للنبي الياس" 6قال بطرس هيك لأنُّه ما كان عارف شو يحكي من كتر خوفُن! 7وإجِت فوقُن غيمة غطِّتُن، وطُلِع منها صوت وقال: "هيدا هوّ الحبيب، الإبن الرّوحي إلي، اسمعولُه وطيعوه!" 8وفجأة بس التفتوا الحواريين حوالَيُن ما شافوا غير سيِّدنا عيسى وحدُه!
9وهنّ ونازلين من الجبل، طلب منهُن سيِّدنا إنُّه ما يخبروا حدا عن يلّي شافوه، لحد ما يرجَع سيِّد البشر من الموت ويُبعَث حياً، وهون أشار لنفسُه. 10وهنّ عملوا متل ما قلُّن وما حكوا، بس موضوع "قيامة سيِّد البشر من الموت" خلّاهُن يسألوا بعض ويتناقَشوا عن معنى هالحكي.
11وسألوا سيَّدنا وقالولُه: "بقولوا عُلما التوراة إنُّه رجعة النبي إلياس من غيبتُه لازِم تصير قبل مجيء المسيح المنتظر، مَهيك؟" 12فجاوبَن وقال: "صحيح، إلياس من كلّ بد جاية بالأوَّل ورح يصلّح كلّ شي متل ما كان، بس مش مذكور بكتاب الله كمان إنّه سيِّد البشر رح يتعذَب ويِنهان كتير؟ 13عكلّ حال بخبِركُن إنّه إلياس فعلاً إجا، وعاملوه مش منيح، متل ما مكتوب عنُّه بالتّوراة".
ليه الحواريين ما قدروا يشفوا الصبيّ المسكون؟
14لمّا نزِل سيِّدنا عيسى (سلامُهُ علينا) هوّ وحوارييه بطرس، ويعقوب، ويوحنا من الجبل، شافوا عجقة ناس حوالي حوارييه الباقيين، وبعض عُلما التوراة عم يتجادَلوا معُن. 15وبس شافوه النّاس لسيِدنا جاية خوتوا وركضوا يسلّموا عليه، 16فسألُن: "عشو عم تتجادَلوا معُن؟" 17قام واحَد من النّاس وقال: "يا فضيلة المعلّم، جايِبلَك إبني، مسيطِر عليه جنّ خلّاه يصير أخرَس. 18وكلّ ما بيِتلبَّسُه، بتلاقيه بيوقَع عالأرض وبيِنزَل زبَد من تمُّه، وبكزّ عسنانُه، وبخشِّب، كلّه بيِبَس، طلبِت من حوارييك إنّه يطردوا الجنّ منُّه بس ما قِدروا!" 19فقلُّن سيِّدنا: "لأيمتى أنا باقي معكُن، يا شعب بلا إيمان كلكُن! أديّه بدّي ضلّ إتحمّلكُن، هاتوا الصبّي لقِلكُن!" 20فجابولُه الصبّي لسيّدنا عيسى، ولمّا شافُه الجنّ قام خبَط الولَد بلأرض، وصار الولد يتلوّى ويِطلَع الزبَد من تمِّه. 21وسأل سيِّدنا (سلامه علينا) بيّ الصبي: "من إيمتى بلَّش يصِرلُه هيك؟" جاوبُه البيّ: "من صغرُه، 22ياما وياما متأذّي من هالجنّ، شي بكبُّه بالنار وشي بالميّ عشان يموتُه! دخيلَك شفاق علينا، إذا قادِر تعمل أيّ شي تيساعِدنا!" 23فجاوَبُه سيِّدنا عيسى وقلُّه: "ليه عم تقول: "إذا قادِر؟" إذا وثقت فيّي، كل شي ممكِن ليلّي بآمن فيّي!" 24وهون دغري صرخ البيّ وهوّ عم يبكي وقلُّه: "أنا مؤمِن، ساعِدني زيد إيماني!" 25وبس شاف سيّدنا الناس جاية صوبُه ودغري تجمَّعِت، قام بهدَل الجنّ وقلُّه: "يا جنّ يا أخرَس، بُأُمْرَك تُضهَر من هالصبي هلّأ! وما تِرجَع لعندُه مرّة تانية!" 26قام صرخ الجنّ وخلّى الصبي يتلوّى عالأرض، وضَهر منّه، وصار شكلُه متل الميِّت وكتير من الناس قالوا "مات الصبي!" 27بس سيِّدنا عيسى مسك إيدُه وقوَّمُه عن الأرض، قام وِقِف معافى! 28وراح سيّدنا عيسى (سلامُهُ علينا) عالبيت وبس كان وحدُه هوّ وحوارييه، سألوه: "ليه ما قدِرنا نضهِّر الجنّ من الصبي؟" 29جاوبُن سيِّدنا: "جنّ من هالنوع ما بيِضهَر إلّا ما تتواضَعوا وتطلُبوا قوّة الله من خلال الدّعاء".
كيف يعني الأوَّل هو الآخر؟
30وضهَر سيِّدنا عيسى (سلامُهُ علينا) مع أتباعُه محل ما كان قاعِد ومرقوا بمنطقة الجليل، وما كان حابِب يعرف حدا بوجودُه، 31لأنّه كان بدُّه يمَضّي وقت مع أتباعُه عشان يعلِّمُن، قام قلُّن: "سيِّد البشر رح يِنخان ويِتسلَّم لإيدين أعداؤه، ورح يِنقَتَل، بس بعد تلات تيّام سيُبعَث حيّا". 32ولكن ما فهموا حوارييه هيدا الكلام، وخافوا يِسألوه شو يعني.
33ووصِل سيِّدنا عيسى مع حوارييه عكفرناحوم، وبس فاتوا عالبيت سأل حوارييه: "عشو كنتوا عم تتجادَلوا عالطريق؟" 34قاموا سكتوا كلُّن وما حدا ردّ، عشان كانوا عم يتجادلوا على مين الأوَّل والأفضَل بيناتُن؟ 35ساعِتا قَعَد سيّدنا عيسى، نادى التنعشر حواري لعندُه وقلُّن: "شوفوا! يلّي بدُّه يكون الأوَّل، لازِم يكون الآخر وخادِم الكلّ". 36وأخد طفل كان هونيك ووقَّفُه بيناتُن بالنصّ، بعدين حضنُه بين إيديه وقلُّن: 37يلّي بيِقبَل ولو حتّى ولد صغير إكراماً لإسمي، كأنُّه قِبِلني أنا، ويلّي بيِقبَلني، بيِقبَل الله يلّي أرسَلني".
يلّي مش ضدّنا فهوّ معنا
38وسأل الحواري يوحنّا سيّدنا عيسى (سلامُهُ علينا) وقال: "يا فضيلة المعلِّم، شفنا رجّال عم يطرد الشياطين بسلطان إسمَك بس نحنا منعناه لأنُّه مش من جماعتنا". 39ولكن ردّ سيّدنا وقال: "لا تمنعوه! طالما عم يعمل معجزة بسلطان إسمي، فَمِش رح يحكي عنّي شي عاطِل بعدين، 40لأنُّه يليّ مش ضدّنا فهوّ معنا. 41بالحقيقة بقلكُن، يلّي بيعمل معكُن معروف ولو شربة ميّ بسبب إنتماءكُن إلي أنا المسيح المنتظر، فأجرُه عند ربُّه مش رح يضيع أبداً".
أيمتى مندخُل عالجنّة مبتوري الأعضاء؟
42قال سيِدنا عيسى (سلامُهُ علينا): "يلّي بكون سبب تضليل أيّ واحَد مؤمِن فيِّ، ولو بعدُه بأوَل إيمانُه، أشرفلُه لو بيربط حجر طاحونة حوالي رقبتُه وبكبّ حاله بالبحر. 43-48إذا كانت إيدك أو إجرَك أو حتّى عينَك سبب خطية أو ذنب كبير أفضلَّك تقطع أيدَك أو إجرَك أو تقبَع عينَك! وتدخل عالجنة بإيد وحدة أو إجر وحدة أو عين وحدة على إنّك تدخل عجهنّم بجسم كامِل، جهنّم يلّي النار فيها ما بتنطفي والدود ما بموت! 49لأنُّه كلّ الضّالين رح يحترقوا بنار جهنّم ويتطهّروا فيها متل ما بتطّهر الدبيحة بالملح! 50بس وجود أتباعي بالدنيا متل وجود الملح والملح هوّ شي منيح، لكن هل ممكن الملح ما يعود يملِّح؟ طيب كيف منخلّيه يِرجَع يملِّح؟ كرمال هيك خلّيكن هالملح الصالح واحفظوا "الخبز والملح" يلّي أكلتوه سوا، وعيشوا بسلام مع بعض".
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media