من الإنجيل – عن مرقُس 10
10
الطلاق حلال ولاّ حرام؟
1ترك سيّدنا عيسى (سلامُهُ علينا)، بلدة كفرناحوم وراح صوب الجنوب عمنطقة يهوذا، بعدين عشرق نهر الأردن. وإجا لعندّه جماعات من النّاس، فاجتمعوا حولُه ومتل عادتُه صار يعلِّمن، 2وإجا لعندُه بعض المتشدّدين من جماعة التّوراة وسألوه سؤال حتّى يحرجوه وقالولُه: "هلّأ حلال الرجّال يطلِّق مرتُه؟" 3قام ردّ عليُن بسؤال: "وشو وصّاكُن النبي موسى بالتوراة؟" 4جاوبوه: "النبي موسى حلّلنا الطلاق وقال لازم الرجال يبعت ورقة الطلاق لمرتُه وهيك بتطَلّق". 5ساعتا قلُن سيّدنا عيسى: "حلَّلكن موسى الطلاق بسبب عنادكُن وعقلكُن الغليظ. 6مع إنّه، ما هيك لازم يكون لأنّه كمان مكتوب عندكُن بالتوراة إنّه:
الله تعالى ومن أوّل ما خلق الكون وعِملوا،
خلق الإنسان ذكر وأُنثى حتّى بعضُن يكملوا.
7لهالسبّب بيِترُك الرَجُل بيّه وإمُّه وبيتَّحِد بزوجتُه وبعدين،
8بصيروا متل شخص واحَد ومش تنين.
9ويلّي بيجمعه ربّ العالمين ما بجوز يفرقُه إنسان".
10ولمّا رجِع سيّدنا عيسى عالبيت، سألوه حوارييه مرّه تانية عن موضوع الطلاق. 11فجاوبُن: "يلّي بطلِّق مرتُه ويِتزوَّج مرة تانية، كأنُّه بالحقيقة عم بخون الأولى، 12ونفس الشّي المرة يلّي بتطلِّق وبتتزوَّج رجّال تاني مِتْلا متل الّي عم بتخون!
كيف مندخل عالمملكة الربّانيّة؟
13وبيوم إجوا بعض الأهالي لعند سيّدنا عيسى (سلامُهُ علينا) جايبينلُه ولادُن الصغار حتّى يلمِسُن ويباركُن، بس حوارييه صاروا يعيطوا عليُن ومنعوهُن عشان ما يزعجوا سيّدنا. 14بس شافُن سيِّدنا شو عم يعملوا عصَّب عليُن وقلُّن: "خلّوا الأطفال يجوا لعندي وما تمنعوهُن، لأنّه المملكة الربّانية هي ليلّي ما عندُن مكانة إجتماعية وبيِعتمدوا عربّ العالمين، 15بقلكُن الحقيقة، ما بنال المملكة الربّانيّة يلّي بيِنشغل بالمناصِب الأرضيّة، ويلّي ما بيِعتِمد عربّ العالمين، وما بكون متواضع". 16وبعدين حضن سيِّدنا عيسى الولاد وضمُّن وهوّ حاطِط إيديه عليُن وباركُن.
أدّيه سهل يدخل الغني عالمملكة الربّانية؟
17مرّة كان سيّدنا عيسى (سلامُهُ علينا) ضاهِر عالطريق، فإجا لعندُه واحد ركِض، وركَع إدّامُه وقلُّه: "يا مُعَلّم دخيلَك يا فاضِل، شوفيني أعمل تإربّح حياة الآخرة؟" 18جاوبُه سيّدنا: "ليه عم تناديني "معلّم فاضِل"؟ الفضيلة لربّ العالمين وحدُه! 19وإنتَ بتعرِف الوصايا:
لا تقتَل،
لا تزنِ،
لا تسرق،
لا تشهد زور
ولا تغشّ حدا،
وأكرِم أباك وأمّك."
20ردّ الرجّال وقال: "يا سيّدنا، من أنا وصغير بطبِّق كلّ هالوصايا". 21قام اتطلَّع فيه سيّدنا بنظرة كلّها محبّة وقلّه: "طيِّب إذا كان هيك لكَن بيِنقَصَك بعد شي واحد، روح بيع كلّ شي بتملكُه وعطيه المصريّات للفقرا. ساعِتا أَجرَك محفوظ عند ربّك كنز بالسما، ومن بعدا كون من أتباعي". 22هالخيار كان كتير صعب عالرجّال، قام ترَك ومشي وهو زعلان، لأنّه كان كتير غني. 23فالتفت سيّدنا عيسى حواليه وقال لحوارييه: "ما أصعب فوتة الأغنيا عالمملكة الربّانيّة." 24فاتعجّبوا الحواريين من هالحكي لأنّن كانوا مفكرين إنّه ربنا بيُنعم عالغني. ورِجِع قلُّن مرّة تانية: "يا حبايِب قلبي، كتير صعِب عصحاب المال إنّه يتركوا أموالُن ويطيعوا ربّ العالمين ويدخلوا عالمملكلة الرّبانيّة! 25يعني هالشّي أصعب من إنّه جمل يمرُق من فتحة إبرة". 26وقاموا استغربوا الحواريين أكتر وصاروا يسألوا بعض: "لكَن مين يلّي رح يكون من النّاجيين؟!" 27جاوبُن سيّدنا عيسى المسيح وقال: "يلّي مستحيل عند النّاس، مش مستحيل عند الله، فهو على كلّ شيءٍ قدير".
28وبلَّش بطرس يقول: "ما نحنا تركنا كلّ شي وتبعناك!" 29فقال سيِّدنا: "قلكُن الحقيقة، إنُّه ما حدا بيِترُك بيتُه أو إخواتُه، إمُّه، بيُّه أو ولادُه، أموالُه، محصولُه، حقولُه كرمالي وكرمال رسالتي، 30إلّا ما يعوضُه ربّ العالمين بحياة الدنيا 100 ميّة ضعف لكلّ شي تركُه من عيلة وأهل وأملاك ومحصول. صحيح هوّ رح يُضطَهَد ويِتعذَّب! ولكنّ رح يربح حياة الآخرة وينال جنّات الخلد. 31بس بقلكُن إنّه يلّي بْيُعْتَبَروا مهمّين هلأ بهالدنيا، رح بصيروا بعدين آخر العالم، ويلّي هلأ بْيُعْتَبَروا منبوذين هنّ يلّي رح يربحوا حياة الآخرة".
مرّة تانية المسيح بخبَّر عن موتُه وقيامتُه
32بين ما كان سيِّدنا عيسى (سلامُهُ علينا) مسافَر هوّ وحوارييه صوب القدِس، كان هوّ ماشي قدّامُن، حوارييه كانوا بهالوقت مستغربين، والناس الماشيين واره كانوا خايفين. فأخد سيّدنا الحواريين التنعش 12 وحدُن عجنب وصار يخبِّرُن شو رح يصير معُه بالأيّام الجاية، 33وقلُن: "انتبهوا منيح! هلأ نحنا رايحين عالقدس، سيّد البشر يلّي هوّ أنا، رح ينخان ويتسلَّم لكبار رجال الدّين وعُلما التوراة، ليحكموا عليه بالموت وبعدين يسلَّموه لغير اليهود حتى 34يتمهزأوا عليه، ويهينوه، ويبزقوا عليه، يجلدوه ويقتلوه، إلّا إنّه بعد تلات تيّام رح يقوم من الموت وسيُبعَث حيّاً".
مين رح يتنعَّم ويجلس عيمين المسيح؟
35وبعدين قرّب الحواريّان يعقوب ويوحنا ولاد زَبَدي من سيّدنا عيسى (سلامُه علينا) وطلبوا شي وقالوُله: "يا فضيلة المُعلِّم، بدنا نطلب منّك طلب وما تردنا خايبين". 36فقلُّن: "أيه وشو هوّ هالطلب؟" 37قالولُه: "خلّينا ننال شرف إنّه نقعُد واحَد عيمينَك وواحَد عشمالَك! بس تقوم مملكتك. 38فجاوبُن سيّدنا وقلُّن: "إنتو مش عارفين حالكُن شو عم تطلبوا! ليه قادرين تدوقوا من نفس كاس العذاب يلّي رح دوقّه؟ وتتوجّعوا نفس الوجع يلّي رح واجهُه؟" 39فجاوبوه: "إيه منقدَر"، فقلُّن سيّدنا: "ومع إنّه رح تدوقوا من نفس كاس العذاب ورح تتحمّلوا نفس الأوجاع، 40ما بقدَر أوعِدكُن إنّه تقعدوا عن يميني أو عن شمالي لأنّه هيدي المكانة بس ليلّي أختارُن الله".
كبير القوم خادمهن
41وبس سمِعوا الحواريين العشرة حكي يعقوب ويوحنّا (عن طلبُن بجلوسُن عيمين وشمال سيّدنا عيسى (سلامه علينا) عند قيام مملكتُه) قاموا بلّشوا يعصبوا منُن، 42فبعَت وراهُن سيّدنا عيسى وقلُّن: "إنتو ما بتعرفوا إنّه الّي بسيطر عالشعوب هنّ الرؤسا، والّي بيتسلطوا عليهُن هنّ العُظما تبعهُن! 43فإنتو ما تعملوا هيك! يلّي بدّه يكون عظيم فيكُن هوّ يلّي بيِخدُم ناسُه، كبير القوم خادمهن. 44ويلّي بدُه يكون المسؤول بيناتكُن، خلّيه يكون خادِم لكلّ الناس، 45لأنّه حتّى سيّد البشر نفسُه، إجا مش كرمال النّاس تخدمُه، كرمال هوّ يخدمُن ويضحّي بحياتُه تيفدي ناس كتير".
شو نادالُه الشحّاد الأعمى للمسيح؟
46عطريق القدس وهوّ وضاهر سيّدنا عيسى (سلامُهُ علينا) مع حوارييه وأتباعُه من مدينة أريحا، مع جمهور كبير، كان فيه رجّال أعمى إسمُه إبن تيماوي قاعِد عجنب الطّريق عم يشحَد. 47ولمّا سمِع إنّه لّي عالطريق هوّ عيسى النّاصريّ قام صرَخ: "يا عيسى، يا وريث عرش النبي داوود ارحمني!" 48فعيَّطوا عليه النّاس عشان يسكتوه. بس صار يصرِّخ أكتر ويقول: "يا وريث عرش النبي داوود ارحمني!" 49فوقِف سيدنا عيسى وطلَب يعيطولُه، فنادولُه يلّي كانوا واقفين حدُّه للأعمى وقالولُه: "تعا انبسِط قوم ما تخاف، عم بناديك!" 50وقام نطّ إبن تيماوي كبّ العباية عنّه وراح صوب السيّد المسيح بسرعة. 51فسألُه سيِدنا: "شو طلبَك؟" جاوَب الأعمى: "يا سيِّدنا! بدّي شوف!" 52فقلُّه سيّدنا عيسى (سلامُهُ علينا): "قوم روح، إيمانَك فيّي شفاك!" وبذات اللحظة شاف الأعمى وصار يتبَع سيّدنا كلّ الطريق.
လက္ရွိေရြးခ်ယ္ထားမွု
من الإنجيل – عن مرقُس 10: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من الإنجيل – عن مرقُس 10
10
الطلاق حلال ولاّ حرام؟
1ترك سيّدنا عيسى (سلامُهُ علينا)، بلدة كفرناحوم وراح صوب الجنوب عمنطقة يهوذا، بعدين عشرق نهر الأردن. وإجا لعندّه جماعات من النّاس، فاجتمعوا حولُه ومتل عادتُه صار يعلِّمن، 2وإجا لعندُه بعض المتشدّدين من جماعة التّوراة وسألوه سؤال حتّى يحرجوه وقالولُه: "هلّأ حلال الرجّال يطلِّق مرتُه؟" 3قام ردّ عليُن بسؤال: "وشو وصّاكُن النبي موسى بالتوراة؟" 4جاوبوه: "النبي موسى حلّلنا الطلاق وقال لازم الرجال يبعت ورقة الطلاق لمرتُه وهيك بتطَلّق". 5ساعتا قلُن سيّدنا عيسى: "حلَّلكن موسى الطلاق بسبب عنادكُن وعقلكُن الغليظ. 6مع إنّه، ما هيك لازم يكون لأنّه كمان مكتوب عندكُن بالتوراة إنّه:
الله تعالى ومن أوّل ما خلق الكون وعِملوا،
خلق الإنسان ذكر وأُنثى حتّى بعضُن يكملوا.
7لهالسبّب بيِترُك الرَجُل بيّه وإمُّه وبيتَّحِد بزوجتُه وبعدين،
8بصيروا متل شخص واحَد ومش تنين.
9ويلّي بيجمعه ربّ العالمين ما بجوز يفرقُه إنسان".
10ولمّا رجِع سيّدنا عيسى عالبيت، سألوه حوارييه مرّه تانية عن موضوع الطلاق. 11فجاوبُن: "يلّي بطلِّق مرتُه ويِتزوَّج مرة تانية، كأنُّه بالحقيقة عم بخون الأولى، 12ونفس الشّي المرة يلّي بتطلِّق وبتتزوَّج رجّال تاني مِتْلا متل الّي عم بتخون!
كيف مندخل عالمملكة الربّانيّة؟
13وبيوم إجوا بعض الأهالي لعند سيّدنا عيسى (سلامُهُ علينا) جايبينلُه ولادُن الصغار حتّى يلمِسُن ويباركُن، بس حوارييه صاروا يعيطوا عليُن ومنعوهُن عشان ما يزعجوا سيّدنا. 14بس شافُن سيِّدنا شو عم يعملوا عصَّب عليُن وقلُّن: "خلّوا الأطفال يجوا لعندي وما تمنعوهُن، لأنّه المملكة الربّانية هي ليلّي ما عندُن مكانة إجتماعية وبيِعتمدوا عربّ العالمين، 15بقلكُن الحقيقة، ما بنال المملكة الربّانيّة يلّي بيِنشغل بالمناصِب الأرضيّة، ويلّي ما بيِعتِمد عربّ العالمين، وما بكون متواضع". 16وبعدين حضن سيِّدنا عيسى الولاد وضمُّن وهوّ حاطِط إيديه عليُن وباركُن.
أدّيه سهل يدخل الغني عالمملكة الربّانية؟
17مرّة كان سيّدنا عيسى (سلامُهُ علينا) ضاهِر عالطريق، فإجا لعندُه واحد ركِض، وركَع إدّامُه وقلُّه: "يا مُعَلّم دخيلَك يا فاضِل، شوفيني أعمل تإربّح حياة الآخرة؟" 18جاوبُه سيّدنا: "ليه عم تناديني "معلّم فاضِل"؟ الفضيلة لربّ العالمين وحدُه! 19وإنتَ بتعرِف الوصايا:
لا تقتَل،
لا تزنِ،
لا تسرق،
لا تشهد زور
ولا تغشّ حدا،
وأكرِم أباك وأمّك."
20ردّ الرجّال وقال: "يا سيّدنا، من أنا وصغير بطبِّق كلّ هالوصايا". 21قام اتطلَّع فيه سيّدنا بنظرة كلّها محبّة وقلّه: "طيِّب إذا كان هيك لكَن بيِنقَصَك بعد شي واحد، روح بيع كلّ شي بتملكُه وعطيه المصريّات للفقرا. ساعِتا أَجرَك محفوظ عند ربّك كنز بالسما، ومن بعدا كون من أتباعي". 22هالخيار كان كتير صعب عالرجّال، قام ترَك ومشي وهو زعلان، لأنّه كان كتير غني. 23فالتفت سيّدنا عيسى حواليه وقال لحوارييه: "ما أصعب فوتة الأغنيا عالمملكة الربّانيّة." 24فاتعجّبوا الحواريين من هالحكي لأنّن كانوا مفكرين إنّه ربنا بيُنعم عالغني. ورِجِع قلُّن مرّة تانية: "يا حبايِب قلبي، كتير صعِب عصحاب المال إنّه يتركوا أموالُن ويطيعوا ربّ العالمين ويدخلوا عالمملكلة الرّبانيّة! 25يعني هالشّي أصعب من إنّه جمل يمرُق من فتحة إبرة". 26وقاموا استغربوا الحواريين أكتر وصاروا يسألوا بعض: "لكَن مين يلّي رح يكون من النّاجيين؟!" 27جاوبُن سيّدنا عيسى المسيح وقال: "يلّي مستحيل عند النّاس، مش مستحيل عند الله، فهو على كلّ شيءٍ قدير".
28وبلَّش بطرس يقول: "ما نحنا تركنا كلّ شي وتبعناك!" 29فقال سيِّدنا: "قلكُن الحقيقة، إنُّه ما حدا بيِترُك بيتُه أو إخواتُه، إمُّه، بيُّه أو ولادُه، أموالُه، محصولُه، حقولُه كرمالي وكرمال رسالتي، 30إلّا ما يعوضُه ربّ العالمين بحياة الدنيا 100 ميّة ضعف لكلّ شي تركُه من عيلة وأهل وأملاك ومحصول. صحيح هوّ رح يُضطَهَد ويِتعذَّب! ولكنّ رح يربح حياة الآخرة وينال جنّات الخلد. 31بس بقلكُن إنّه يلّي بْيُعْتَبَروا مهمّين هلأ بهالدنيا، رح بصيروا بعدين آخر العالم، ويلّي هلأ بْيُعْتَبَروا منبوذين هنّ يلّي رح يربحوا حياة الآخرة".
مرّة تانية المسيح بخبَّر عن موتُه وقيامتُه
32بين ما كان سيِّدنا عيسى (سلامُهُ علينا) مسافَر هوّ وحوارييه صوب القدِس، كان هوّ ماشي قدّامُن، حوارييه كانوا بهالوقت مستغربين، والناس الماشيين واره كانوا خايفين. فأخد سيّدنا الحواريين التنعش 12 وحدُن عجنب وصار يخبِّرُن شو رح يصير معُه بالأيّام الجاية، 33وقلُن: "انتبهوا منيح! هلأ نحنا رايحين عالقدس، سيّد البشر يلّي هوّ أنا، رح ينخان ويتسلَّم لكبار رجال الدّين وعُلما التوراة، ليحكموا عليه بالموت وبعدين يسلَّموه لغير اليهود حتى 34يتمهزأوا عليه، ويهينوه، ويبزقوا عليه، يجلدوه ويقتلوه، إلّا إنّه بعد تلات تيّام رح يقوم من الموت وسيُبعَث حيّاً".
مين رح يتنعَّم ويجلس عيمين المسيح؟
35وبعدين قرّب الحواريّان يعقوب ويوحنا ولاد زَبَدي من سيّدنا عيسى (سلامُه علينا) وطلبوا شي وقالوُله: "يا فضيلة المُعلِّم، بدنا نطلب منّك طلب وما تردنا خايبين". 36فقلُّن: "أيه وشو هوّ هالطلب؟" 37قالولُه: "خلّينا ننال شرف إنّه نقعُد واحَد عيمينَك وواحَد عشمالَك! بس تقوم مملكتك. 38فجاوبُن سيّدنا وقلُّن: "إنتو مش عارفين حالكُن شو عم تطلبوا! ليه قادرين تدوقوا من نفس كاس العذاب يلّي رح دوقّه؟ وتتوجّعوا نفس الوجع يلّي رح واجهُه؟" 39فجاوبوه: "إيه منقدَر"، فقلُّن سيّدنا: "ومع إنّه رح تدوقوا من نفس كاس العذاب ورح تتحمّلوا نفس الأوجاع، 40ما بقدَر أوعِدكُن إنّه تقعدوا عن يميني أو عن شمالي لأنّه هيدي المكانة بس ليلّي أختارُن الله".
كبير القوم خادمهن
41وبس سمِعوا الحواريين العشرة حكي يعقوب ويوحنّا (عن طلبُن بجلوسُن عيمين وشمال سيّدنا عيسى (سلامه علينا) عند قيام مملكتُه) قاموا بلّشوا يعصبوا منُن، 42فبعَت وراهُن سيّدنا عيسى وقلُّن: "إنتو ما بتعرفوا إنّه الّي بسيطر عالشعوب هنّ الرؤسا، والّي بيتسلطوا عليهُن هنّ العُظما تبعهُن! 43فإنتو ما تعملوا هيك! يلّي بدّه يكون عظيم فيكُن هوّ يلّي بيِخدُم ناسُه، كبير القوم خادمهن. 44ويلّي بدُه يكون المسؤول بيناتكُن، خلّيه يكون خادِم لكلّ الناس، 45لأنّه حتّى سيّد البشر نفسُه، إجا مش كرمال النّاس تخدمُه، كرمال هوّ يخدمُن ويضحّي بحياتُه تيفدي ناس كتير".
شو نادالُه الشحّاد الأعمى للمسيح؟
46عطريق القدس وهوّ وضاهر سيّدنا عيسى (سلامُهُ علينا) مع حوارييه وأتباعُه من مدينة أريحا، مع جمهور كبير، كان فيه رجّال أعمى إسمُه إبن تيماوي قاعِد عجنب الطّريق عم يشحَد. 47ولمّا سمِع إنّه لّي عالطريق هوّ عيسى النّاصريّ قام صرَخ: "يا عيسى، يا وريث عرش النبي داوود ارحمني!" 48فعيَّطوا عليه النّاس عشان يسكتوه. بس صار يصرِّخ أكتر ويقول: "يا وريث عرش النبي داوود ارحمني!" 49فوقِف سيدنا عيسى وطلَب يعيطولُه، فنادولُه يلّي كانوا واقفين حدُّه للأعمى وقالولُه: "تعا انبسِط قوم ما تخاف، عم بناديك!" 50وقام نطّ إبن تيماوي كبّ العباية عنّه وراح صوب السيّد المسيح بسرعة. 51فسألُه سيِدنا: "شو طلبَك؟" جاوَب الأعمى: "يا سيِّدنا! بدّي شوف!" 52فقلُّه سيّدنا عيسى (سلامُهُ علينا): "قوم روح، إيمانَك فيّي شفاك!" وبذات اللحظة شاف الأعمى وصار يتبَع سيّدنا كلّ الطريق.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media