من الإنجيل – عن لوقا 6
6
تطمينات وتحذيرات سيّدنا عيسى (سلامه علينا) لحوارييه
بعد ما سيّدنا عيسى (سلامه علينا) كان بين أتباعُه المؤمنين وجمهور كان جاية من القدس وساحل صيدا وصور وكلّ نواحي المنطقة، تيتسمّعوا عليه، ولأنّه كان فيه قوّة عم تطلع منُّه، بتشفي كلّ مين بيلمسُه.
20اتطلّع بحوّارييه وقال:
"هنيئاً للمتواضعين المساكين،
لأنُّه المملكة الربّانية من نصيبكُن.
21هنيئاً ليلّي اليوم جوعانين،
لأنّه بإذن الله رح تكونوا شبعانين.
هنيئاً للحزانى المقهورين،
لأنُّه الله رح يواسيكُن وتكونوا متعزّيين.
22هنيئاً إلكُن كلكُن لمّا الناس تكرهكُن،
وتعايِركُن وتشتمكُن،
لأنكُن أتباع سيّد البشر، فكفّار بتحسبكُن.
23ولمّا هيك يصير معكُن،
افرحوا كتير! لإنّه أجركُن عند ربكُن كبير،
فسبق وعملوا هيك آباؤن بالأنبياء من قبلكُن.
24أمّا إنتو يا عبيد المال، فالويل ثمّ الويل إلكُن،
لأنكُن أخدتوا بالدنيا أجركُن.
25ويا ويلكُن يلّي اليوم معبّايين بطونكُن،
لأنّه رح يجي يوم وتصيروا فيه جوعانين.
والويل إلكُن يلّي اليوم عم تضحكوا عالناس مستهزئين،
لأنّه رح يجي يوم تندبوا، وتبكوا فيه، محزونين.
26ويا ويلكُن إذا مدحوكُن الناس أجمعين،
لأنّه هيك عملوا آباؤن بمدّعين النبوّة الدجّالين.
حبّوا أعداءكُن
وكمّل سيّدنا عيسى (سلامه علينا) وقال:
27"وأمّا إنتو يلّي بتسمعوا بقلكُن:
حبّوا أعداءكُن،
عاملوا بالمنيح يلّي بيكرهوكُن،
28اطلبوا من الله يبارك يلّي بيلعنوكُن،
وإدعوا بالخير ليلّي بيغلطوا فيكُن.
29ويلّي بيضربَك عخدَّك برملُه الخدّ التاني.
ويلّي بياخد عبايتَك أعطيه توبَك كمان(ة).
30وإذا حدا طلَب منَّك شي عطيه،
بس إذا أخد لّي إلَك لا تطالب فيه.
31وعاملوا النّاس متل ما بتحبّوا إنّه يعاملوكُن.
32فأيّ فضل إلكُن إذا بس حبيتوا يلّي بحبّوكُن؟
ما الضّالين كمان بحبّوا يلّي بحبّوهُن.
33ووين فضلكُن إذا عملتوا منيح مع يلّي مناح معكُن؟
ما نفس الشّي بيعملوا الضّالين متلكُن.
34وإذا ديّنتوا بس يلّي بيقدروا يردّوا الدين، فضلكُن وين؟
ما الضّالين ذات الشّي بديّنوا يلّي بسّد الدّين.
35فيا أحبّائي، لهيك بقلكُن: حبّوا أعداءكُن،
وعاملوهُن بالمنيح، ودينوهُن وإنتو مش ناطرين يعوضوكُن،
وبكون أجركُن كبير عند ربكُن،
وهيك بتكونوا أحباب الله تعالى الصّالحين،
لأنّه فضل ربكُن كمان عالضّالين الغير شاكرين.
36فكونوا على الأرض رُحماء
كما يرحمكُم مَنْ في السماء،
الله وليكُن الرحمن الرحيم،
ربكُن، العليّ العظيم."
လက္ရွိေရြးခ်ယ္ထားမွု
من الإنجيل – عن لوقا 6: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media