من الإنجيل – عن لوقا 4
4
كيف إبليس جرَّب المسيح؟
1بعد ما اتطهّر سيّدنا عيسى (سلامُه علينا) بميّ نهر الأردن، ترك المنطقة بإلهام من روح الله واقتادُه صوب البريّة، 2وقعد هونيك أربعين يوم وكان بهالوقت إبليس عم بحاول إنّه يتشاطر عليه ويغوييه وعيسى (سلامه علينا) كان صايم كلّ الوقت ليل نهار لحد ما جاع عالآخر. 3وبلّش الشيطان يقلُّه: "ما إنت الإبن الروحي لألله! حوّل هالحجارة لخبز!" 4فرفض سيّدنا عيسى وقلّه: "مكتوب بالتوراة الشريفة: 'مش بالخبز وحدُه بعيش الإنسان'" 5وقام رفعُه الشيطان لعيسى عمحل عالي وفرجاه بلمح البصر كلّ ممالك الدنيا 6وقلُّه: "أنا مستعد خليك تصير سلطان عكلّ هالممالك وكلّ شي فيها من عز وجاه هو ملكي وأنا حرّ أعطيها لمين ما بدّي، 7وبعطيك ياها إذا بتركع لي". 8بس سيّدنا عيسى قلُّه: "أعوذ بالله منّك! مكتوب بالتوراة: سجود بس لربّك، ولا تكون من المشركين! 9بعدين أخدُه الشيطان عمدينة القدس ووقّفه عراس حرم بيت الله وقلُّه: "ما إنت إبن الروحيّ لالله! كِبّ حالَك من هون! 10لأنّه مكتوب بالزبور: "الله وصّى ملايكتُه فيك 11حتى يحملوك ويحموك إذا وقعت!" 12بس دُغري ردّ عليه سيّدنا وقلُّه: "إيه وكمان مكتوب بالتوراة إنّه لا تجرّب ربّك!" 13ووقتا عِجِز إبليس إنّه يغريه لعيسى بعد كلّ هالحِيَل يلّي جرّبا. قام تركُه وفلّ بس مش عطول!
လက္ရွိေရြးခ်ယ္ထားမွု
من الإنجيل – عن لوقا 4: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media