من الإنجيل – عن لوقا 3
3
دعوة النبي يحيي (عليه السلام)
1بالسنة الخمستعش 15 من حكم القيصر الرّوماني طيباريوس، 2وبالوقت يلّي كانوا حنّا وقَيافا كبار رجال الدّين، أوحى ربّ العالمين للنبي يحيى إبن النبيّ زكريا (عليهم السلام) يلّي كان ساكن بالبرّية. 3إنّه يروح عمنطقة نهر الأردن ويدعي الناس عشان يغتسلوا ويتطّهروا، وتكون علامة عتوبتهم وطَلَب الغفران من الله سبحانه. 4وهالشي كان تحقيق لنبوّة مكتوبة علسان النبيّ إشعيا (عليه السلام) بتقول: "رح يجي صوت ينادي بالبريّة ويدعي الناس يحضّروا حالُن للمولى، 5ويهيئوا الطريق لأنّه جاية ملك عظيم، كرمالُه علّوا الوديان ووطّوا الجبال، جَلّسوا الطرقات العوجة ومهّدوا الوعرة. 6وكلّ البشر رح تشوف كيف الله سبحانُه رح ينجّيهن." 7وبلّشوا يجوا الناس عالنهر لعند النبي يحيى (عليه السلام) كرمال يتطّهروا، بس نيّتُن ما كانت صافية! قام قلّن: "يا غشّاشين! يا مَلاعين! لوين رح تهربوا من غضب الله؟ 8توبوا توبة صالحة وما تفكروا إنكُن معفيين من غضب الله عليكُن بس لإنكن من "سلالة النبيّ إبراهيم"، بتكونوا غلطانين ومش رح تستفيدوا، فالله قادر يعمل من الحجارة ولاد لإبراهيم! 9لازم تعرفوا منيح إنّه غضب الله بينزل متل الفاس وبيقطع الشجر يلّي ما بتعطي ثمر من جذورُه، وإذا كنتو متل هالشجر فالله رح يقطعها ويرميها بنار جهنّم!" 10وقاموا الناس سألوه: "طب شو منعمل حتى الله يقبل توبتنا؟" 11ردّ عليهُن وقال: "مثلا، يلّي عندُه قطعتين تياب خلّيه يتصدّق ويعطي ليلّي ما عنده، ويلّي عنده أكل لازم يعمل ذات الشّي". 12وكمان إجوا يلّي بيجمعوا الضرايب للرومان عشان يتطّهروا وسألوه: "يا مُعَلّم ونحنا شو منعمل لنتوب؟" 13قام جاوبُن: "إنتو التزموا بالمبلغ يلّي أمروكُن الرومان أنكُن تلمّوه وما تاخدوا أكتر! 14وسألوه بعض الجنود يلّي كانوا واقفين هونيك: "ونحنا شو مفروض نعمل كرمال الله يتوب علينا وننال رضاه؟" ردّ عليهّن وقلُّن: "ما تهدّدوا الناس وتفتروا عليُن وكونوا قنوعين برزقتكُن". 15وبهيداك الوقت كانوا الناس ناطرين مجيء السيّد المسيح المنجّي على نار! وعقد ما مشتاقين يشوفوه صاروا يفكروا إنّه النبي يحيى هو ذاتُه المسيح المنتظر، 16بس جاوبُن يحيى (عليه السلام) وقلُّن: "أنا واجبي بس طهِّركُن بالميّ، يلّي رح يجي من بعدي هو حدا مقامُه أعلى منّي بكتير وأنا ما بوصل لمستوى كون خادمُه وفكّلُّه صندلُه! هوّ يلّي رح يطهّركُن بروح الله أو بحطكّن بالنار! 17ورح ينقّي الناس متل ما الفلّاح بنقّي القمح المنيح وبِحُطّه بالمخزن وبيحرق التبن والقشر بنار ما بتنطفي."
18ومتل هالحكي وأكتر منّه كان النبي يحيى يوصّل الرسالة يلّي الله عَطاه ياها، 19وكان يضلّ (عليه السلام) يوبّخ الحاكم أنتيباس إبن هيرودس، لأنّه كتير ظالم وفوق ظُلمُه اتجوّز مرت خيّه وهيدا كان ضد الشرع والدين! 20وفوق هيدا وكلّه وصلت فيه الجرأة أنّه يحبس النبي يحيى!
تغطيس سيّدنا عيسى (سلامه علينا) عإيدين النبي يحيى (عليه السلام)
21وبينما كان النبي يحيى عم بطهّر كلّ الناس بالميّ، وقتا إجا سيّدنا عيسى عشان يتطّهر متلُن، ولمّا قام يصلّي انشقِّت السما 22وحلّ روح الله عليه على هيئة حمامة ونادى صوت من السما بقول: "إنت الحبيب، الإبن الروحي إلي يلّي رضيت عليك كلّ الرضى".
نسب عيسى (سلامه علينا)
23لمّا صار عمر سيّدنا عيسى (سلامُه علينا) تقريبا تلاتين سنة بلّش ينشر دعوتُه. وكانوا كلّ الناس مفكرينُه إنّه إبن يوسف، بس بالحقيقة بيرجع نسبُه ل عالي إبن 24متّات إبن لاوي إبن ملكي إبن ينّا إبن يوسف. 25يوسف إبن متاتيا إبن عاموس إبن ناحوم إبن حسلي إبن نجّاي 26إبن مآت إبن متاتيا إبن شمعي إبن يوسف إبن يهوذا. 27يهوذا إبن يوحنّا إبن ريسا إبن زربابل إبن شالتيل إبن نيري 28إبن ملكي إبن أدّي إبن قوسام إبن المُدام إبن عايرَ 29إبن يشوع إبن عُزير إبن يوريمَ إبن متاتَ إبن لاوي. 30لاوي إبن شمعون إبن يهوذا إبن يوسف إبن يونس إبن إلياقيمَ 31إبن مَلَيا إبن منّا إبن متاتا إبن ناثان إبن داوود (عليه السلام). 32داوود إبن يسّى إبن عبيد إبن بوعَز إبن سالم إبن ناحش 33إبن عَميناداب إبن آرام إبن حاصِر إبن فارص إبن يهوذا 34إبن يعقوب (عليه السلام) إبن إسحاق (عليه السلام) إبن إبراهيم (عليه السلام) إبن تارح إبن ناحور 35إبن سَروج إبن راعو إبن فالج إبن عابِر إبن شالح 36إبن قينان إبن أرفَكْشاد إبن سام إبن نوح (عليه السلام) إبن لامِك 37إبن مَتوشالِح إبن إدريس (عليه السلام) إبن يارِد إبن مهْلَلَيل إبن قينان 38إبن أنوش إبن شيت إبن سيّدنا آدم (عليه لسلام) يلّي خلقُه الله سبحانه.
လက္ရွိေရြးခ်ယ္ထားမွု
من الإنجيل – عن لوقا 3: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من الإنجيل – عن لوقا 3
3
دعوة النبي يحيي (عليه السلام)
1بالسنة الخمستعش 15 من حكم القيصر الرّوماني طيباريوس، 2وبالوقت يلّي كانوا حنّا وقَيافا كبار رجال الدّين، أوحى ربّ العالمين للنبي يحيى إبن النبيّ زكريا (عليهم السلام) يلّي كان ساكن بالبرّية. 3إنّه يروح عمنطقة نهر الأردن ويدعي الناس عشان يغتسلوا ويتطّهروا، وتكون علامة عتوبتهم وطَلَب الغفران من الله سبحانه. 4وهالشي كان تحقيق لنبوّة مكتوبة علسان النبيّ إشعيا (عليه السلام) بتقول: "رح يجي صوت ينادي بالبريّة ويدعي الناس يحضّروا حالُن للمولى، 5ويهيئوا الطريق لأنّه جاية ملك عظيم، كرمالُه علّوا الوديان ووطّوا الجبال، جَلّسوا الطرقات العوجة ومهّدوا الوعرة. 6وكلّ البشر رح تشوف كيف الله سبحانُه رح ينجّيهن." 7وبلّشوا يجوا الناس عالنهر لعند النبي يحيى (عليه السلام) كرمال يتطّهروا، بس نيّتُن ما كانت صافية! قام قلّن: "يا غشّاشين! يا مَلاعين! لوين رح تهربوا من غضب الله؟ 8توبوا توبة صالحة وما تفكروا إنكُن معفيين من غضب الله عليكُن بس لإنكن من "سلالة النبيّ إبراهيم"، بتكونوا غلطانين ومش رح تستفيدوا، فالله قادر يعمل من الحجارة ولاد لإبراهيم! 9لازم تعرفوا منيح إنّه غضب الله بينزل متل الفاس وبيقطع الشجر يلّي ما بتعطي ثمر من جذورُه، وإذا كنتو متل هالشجر فالله رح يقطعها ويرميها بنار جهنّم!" 10وقاموا الناس سألوه: "طب شو منعمل حتى الله يقبل توبتنا؟" 11ردّ عليهُن وقال: "مثلا، يلّي عندُه قطعتين تياب خلّيه يتصدّق ويعطي ليلّي ما عنده، ويلّي عنده أكل لازم يعمل ذات الشّي". 12وكمان إجوا يلّي بيجمعوا الضرايب للرومان عشان يتطّهروا وسألوه: "يا مُعَلّم ونحنا شو منعمل لنتوب؟" 13قام جاوبُن: "إنتو التزموا بالمبلغ يلّي أمروكُن الرومان أنكُن تلمّوه وما تاخدوا أكتر! 14وسألوه بعض الجنود يلّي كانوا واقفين هونيك: "ونحنا شو مفروض نعمل كرمال الله يتوب علينا وننال رضاه؟" ردّ عليهّن وقلُّن: "ما تهدّدوا الناس وتفتروا عليُن وكونوا قنوعين برزقتكُن". 15وبهيداك الوقت كانوا الناس ناطرين مجيء السيّد المسيح المنجّي على نار! وعقد ما مشتاقين يشوفوه صاروا يفكروا إنّه النبي يحيى هو ذاتُه المسيح المنتظر، 16بس جاوبُن يحيى (عليه السلام) وقلُّن: "أنا واجبي بس طهِّركُن بالميّ، يلّي رح يجي من بعدي هو حدا مقامُه أعلى منّي بكتير وأنا ما بوصل لمستوى كون خادمُه وفكّلُّه صندلُه! هوّ يلّي رح يطهّركُن بروح الله أو بحطكّن بالنار! 17ورح ينقّي الناس متل ما الفلّاح بنقّي القمح المنيح وبِحُطّه بالمخزن وبيحرق التبن والقشر بنار ما بتنطفي."
18ومتل هالحكي وأكتر منّه كان النبي يحيى يوصّل الرسالة يلّي الله عَطاه ياها، 19وكان يضلّ (عليه السلام) يوبّخ الحاكم أنتيباس إبن هيرودس، لأنّه كتير ظالم وفوق ظُلمُه اتجوّز مرت خيّه وهيدا كان ضد الشرع والدين! 20وفوق هيدا وكلّه وصلت فيه الجرأة أنّه يحبس النبي يحيى!
تغطيس سيّدنا عيسى (سلامه علينا) عإيدين النبي يحيى (عليه السلام)
21وبينما كان النبي يحيى عم بطهّر كلّ الناس بالميّ، وقتا إجا سيّدنا عيسى عشان يتطّهر متلُن، ولمّا قام يصلّي انشقِّت السما 22وحلّ روح الله عليه على هيئة حمامة ونادى صوت من السما بقول: "إنت الحبيب، الإبن الروحي إلي يلّي رضيت عليك كلّ الرضى".
نسب عيسى (سلامه علينا)
23لمّا صار عمر سيّدنا عيسى (سلامُه علينا) تقريبا تلاتين سنة بلّش ينشر دعوتُه. وكانوا كلّ الناس مفكرينُه إنّه إبن يوسف، بس بالحقيقة بيرجع نسبُه ل عالي إبن 24متّات إبن لاوي إبن ملكي إبن ينّا إبن يوسف. 25يوسف إبن متاتيا إبن عاموس إبن ناحوم إبن حسلي إبن نجّاي 26إبن مآت إبن متاتيا إبن شمعي إبن يوسف إبن يهوذا. 27يهوذا إبن يوحنّا إبن ريسا إبن زربابل إبن شالتيل إبن نيري 28إبن ملكي إبن أدّي إبن قوسام إبن المُدام إبن عايرَ 29إبن يشوع إبن عُزير إبن يوريمَ إبن متاتَ إبن لاوي. 30لاوي إبن شمعون إبن يهوذا إبن يوسف إبن يونس إبن إلياقيمَ 31إبن مَلَيا إبن منّا إبن متاتا إبن ناثان إبن داوود (عليه السلام). 32داوود إبن يسّى إبن عبيد إبن بوعَز إبن سالم إبن ناحش 33إبن عَميناداب إبن آرام إبن حاصِر إبن فارص إبن يهوذا 34إبن يعقوب (عليه السلام) إبن إسحاق (عليه السلام) إبن إبراهيم (عليه السلام) إبن تارح إبن ناحور 35إبن سَروج إبن راعو إبن فالج إبن عابِر إبن شالح 36إبن قينان إبن أرفَكْشاد إبن سام إبن نوح (عليه السلام) إبن لامِك 37إبن مَتوشالِح إبن إدريس (عليه السلام) إبن يارِد إبن مهْلَلَيل إبن قينان 38إبن أنوش إبن شيت إبن سيّدنا آدم (عليه لسلام) يلّي خلقُه الله سبحانه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media