من الإنجيل – عن لوقا 18

صلاة المتشدّد بشريعة التوراة وجابي الضرايِب

9ضرب سيّدنا عيسى (سلامه علينا) مَتَل للناس يلّي بفكروا حالُن إنُّن صالحين، وبعاملوا التانيين بفوقيّة، 10وقلُّن:

"راح شخصين عبيت الله لإقامة الصلاة، واحد كان من جماعة المتشدّدين بالشريعة، والتاني جابي ضرايِب بيشتغل لحساب الرومان. 11فقام المتشدّد يصلّي وصار يقول بقلبُه:

"اللهُمّ يا ربّ، أنا بشكرَك لأنّك ما خلّيتني كون متل باقي الناس النصّابين، والظالمين، والزعران البلا أخلاق، ولا مِتِل هيدا الجابي. 12فأنا، يا ربّ، بصوم يومين بالأسبوع، وبدفع زكاة العُشر من مدخولي."

13وأمّا الجابي فوقِف من بعيد، خجلان من ربُّه، ما إلُه عين يرفع راسُه، وصار يضرب عصدرُه، تعبيراً عن حزنُه، ويقول:

"دخيلَك يا ربّ، رحمتَك عليّي اللهُمّ سامحني فأنا من الضّالين."

14وتابع سيّدنا عيسى (سلامُه علينا) كلامُه وقال: "يا أحبّائي، بأكِّدلكُن إنّه جابي الضرايب ومش المتشدّد بالشريعة يلّي رجِع عبيتُه، وهوّ وصلاتُه مقبولة والله راضي عنُّه، لأنّه كلّ مين بيرفَع مقامُه إدّام الله بيِنزَل قدرُه، وكلّ مين بيتواضَع بمقامُه بيِرتِفِع قدرُه."

လက္ရွိေရြးခ်ယ္ထားမွု

من الإنجيل – عن لوقا 18: LRT

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

الترجمة اللبنانية مع القافية အေၾကာင္းကို ပို၍ သင္ယူပါ။