من الوحي إلى النبي أشعيا 11
11
ملك السلام والعدل
1من جذع النبي داود (عليه السلام)، بفرّخ غصن جديد،
ومن أصولُه الملكيّة بيثمر مَلِك مجيد،
2وبحلّ عليه روح الله الحميد،
روح الحكمة والفهم،
روح المشورة وقوّة العزم،
روح المعرفة ومخافة الله،
3وفرح قلبُه بخوفه من ربّه مولاه،
وما بيحكُم عحدا حسب المظاهِر،
ولا بحاسِب حدا عشو بيسمع بالمخفي أو بالظاهِر.
4ولكن بالعدل بيحكم للمحتاجين،
وبينصف المستضعفين،
وكلمتُه متل حدّ السيف بتعاقب الظالمين،
وبكلمة وحدة بيقضي عالفاسدين.
5فالأمانة والإخلاص ملازمينُه ومحاوطينُه على الدوام،
وعلى عهدُه رح يعمّ أعظم سلام،
6فالذيب بيسكن مع الحملان،
والنمر بنام مع الجديان،
والعجل مع الشبل بياكلوا بأمان،
وهيك صبي صغير بيقدر يرعاهُن كمان.
7وحتّى الدبب بيرعوا جنب البقر،
وولادُن بناموا مع بعضُن بنفس المكان،
والأسود بياكلوا تبن متل الثيران.
8وبيلعب الطفل حدّ وكر الحيّة،
وبمدّ ايدُه الصغير بجحر الثعبان.
9فما في مخلوق بكل جبل الله المقدّس العظيم،
رح يأذي أو يضرّ لأنّه معرفة العليّ العظيم،
رح تغمُر الأرض متل ما الميّ معبية البحار أجمعين.
10وبهيداك الحين،
بقوم وريث مملكة النبي داود وبصير مكان تجمُّع للأمم التانيين،
وبتصير بلادُه محل مجد وتكريم للعالمين.
လက္ရွိေရြးခ်ယ္ထားမွု
من الوحي إلى النبي أشعيا 11: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media