أفاسوس 5
5
عيشوا بنور الله
1وبما إنّه فيكُن الطبيعة الجديدة، فخلّوا الله تعالى يكون مَثَلْكُن، كعيال الله الأحبّاء. 2يعني عيشوا من خلال المحبّة، متل ما حبّنا سيّدنا عيسى المسيح (سلامه علينا) وضحّى بنفسُه كرمالنا، وقدّمها كالذبحِ العظيم لّي ريحته طيبة، بترضي ربّ العالمين.
3فاتجنّبوا الزّنا وكلّ أنواع الفسق والطمع، ولا تسمحوا حتّى ينذكر إسمُن بيناتكُن، فهالشّي ما بليق بأحباب الله الصّالحين. 4ولا السفاهة ولا السخافة، ولا الكلام البذيء، بليق فيكُن، فالمفروض تبدّلوه بالشكر والحمد لربّ العالمين. 5واتأكّدوا إنّه أهل الزنا والفسق والطمع ما إلهُن نصيب بمملكة سيّدنا المسيح، حيث هي المملكة الربّانية، والطمّاع متلُه متل عابدي الأصنام. 6فما يغشكُن حدا بكلمات التبرير، لأنّه كلّ هالمفسقات بتخلّي غضب الله تعالى يحلّ عيلّي ما بطيعوه. 7ولهيك لا تشتركوا معُن. 8فإنتو من قبل، كنتو عايشين بالظلمة، بعاد عن الله، أمّا هلأ بعد ما صرتوا عايشين بالنور، بفضل سيّدنا عيسى المسيح، عيشوا بما يليق بأتباع هالنور، 9فالنور ما بينتج عنّه إلّا كلّ الخير والصدق والحقّ. 10وحاولوا تعرفوا شو يلّي بيرضي سيّدنا عيسى. 11وما تشتركوا بأعمال الظلمة الباطلة لّي ما بتنفع، بالعكس اكشفوها عحقيقتا. 12لأنّه الإشيا لّي بيعملوها بالسرّ، حتّى ذكرها بخجِّل. 13ولكن كلّ شي لمّا بينكشف بالنور، فبيظهر عحقيقتُه. 14وهيدا لأنه النور هوّ يلّي بخلّي كلّ شي يبيّن. ولهيك بقولوا: "قوم يا نايِم، تروك الطريق البودّي للموت، ونور المسيح يشعّ عليك."
15فانتبهوا منيح لطريقة عيشكُن، ما تكونوا متل البلا فهم، ولكن استعملوا الحكمة، 16بإستغلال كلّ فرصة متاحة لعمل الخير، لأنّه بهالإيّام كتران الشرّ. 17فلا تتصرّفوا بطيش، ولكن افهموا شو يلّي بيرضي سيّدي مولاي. 18وأكيد، لا تمتلئوا بالمشروبات الروحيّة لّي بتسكّركُن وبتاخدكُن عالأعمال المخلّة بالآداب، ولكن امتلئوا بروح الله القدّوس فيكُن. 19وهيك بتحكوا مع بعض من خلال أناشيد الزبور، وبتسبّحوا، وبترتّلوا لربّنا من كلّ قلبكُن. 20شاكرين حامدين الوليّ الرحمن، ربّ العالمين، كلّ ساعة وكلّ حين، على كلّ شي، من أجل أنّنا أتباع سيّدنا عيسى المسيح (سلامه علينا).
آمين.
လက္ရွိေရြးခ်ယ္ထားမွု
أفاسوس 5: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media