سيرة الحواريين 2
2
حلول روح الله
قيامة سيّدنا عيسى (سلامه علينا) من الموت وبُعِثُه حياً كانِت بعيد الفصح.
1وبيوم عيد الخمسين، يعني خمسين يوم بعد عيد الفصح، كان الحواريين وأتباع سيّدنا عيسى مجتمعين بمحل واحد. 2وفجأة سمعوا صوت قوي جاية من السما متل شي عاصفة، ملّا كلّ البيت يلّي كانوا مجتمعين فيه، 3ومع الصوت ظهرلُن أشكال كأنّا ألسنة من نار، توزَّعِت واستقرّت عراس كلّ الموجودين!
4ووقتا حلّ روح الله عليُن فامْتَلأوا كلُّن، وصاروا يحكوا بلغات تانية عن لغتُن وبحسب ما روح الله يقودُن إنّن يحكوا! 5وساقَبت بهيداك الوقت كان فيه كتير يهود متدينين جايين من كلّ أنحاء العالم يحجّوا بالقدس بعيد الخمسين، 6وبس سمعوا هيدا الصوت القويّ، تجمَّعوا كلُّن حوالي أتباع سيّدنا عيسى، محتارين لأنّن عم يسمعوا الأتباع عم بيحكوا كلّ واحد حسب لغتُه هوّ! 7وهنّ ومستغربين صاروا يتساءلوا: "مش هولة يلّي عم يحكوا هنّ من أهل الجليل؟ 8فكيف هيك عم نسمعُن عم يحكوا بلغتنا الأمّ؟ 9فيه منّنا ناس جايين من فَرْتِيّة ومادي وعيلام، وبين النهرين، ومن بلاد الشام ومن كَبدوكيَة وبُنطس ومقاطعة آسيا. 10وكمان من فَرِيجْيّة وبَمْفيليّة ومن مصر، وفيه ناس من نواحي ليبيا من مدينة قورينا، يعني الجايين من كلّ أماكِن الإمبراطوريّة الروّمانيّة، بالإضافة للزوّار من مدينة روما. 11في منّا ناس يهود أصليين وفيه معتنقين الدين اليهودي، وفيه كمان جايين من جزيرة كريت ومن بلاد العرب! ورغم هالشّي كلُّه سامعينُن عم يحكوا عن أعمال الله العظيمة بلغاتنا كلنا!" 12وهيك كانوا كلّ الموجودين مستغربين وعم بقولوا لبعضُن: "شو هوّ هالشي هيدا؟" 13ولكن كان في ناس تانيين صاروا يتمهزأوا ويقولوا: "هولة أكيد سكرانين تَ مطفيّين."
خطبة الحواري بطرس عن تحقيق نبوءة النبي يوئيل
14ووقِف الحواري بطرس مع الحواريين الحدعش 11 الباقيين، علّا صوتُه وخطَب بالناس وقال: "يا إخواني، يا بني يعقوب ويا كلّ الساكنين بمدينة القدس، انتبهوا واسمعوني منيح. 15هيدول مش سكرانين متل ما إنتو مفكرين، أساساً ما حدا بيسكَر الساعة تسعة الصبح. 16ولكن هيدا يلّي عم تشوفوه سبق وتنبّأ عنّه النبي يوئيل (عليه السلام) لمّا قال،
17قال الله تعالى:"بالإيّام الأخيرة رح فيض من روحي على كلّ البشر،
فصبيانكُن وبناتكُن بصيروا يتنبّأوا،
وبشوفوا شبابكن رؤى خلال النهار،
وكباركُن بالسن بشوفوا رؤى وهنّ ونايمين،
18حتّى عبادي من رجال ونساء،
فرح فيض عليهن من روحي بهيديك الإيّام
ورح ينتنبّأوا.
19ورح أعمل معجزات بالسما
وعجايِب وإشارات عن عمل الخالق عالأرض،
حيصير فيه دمّ ونار ودخّان كتير،
20ورح يختفي نور الشمس،
ويصير القمر بلون الدمّ،
وكلّ هيدا قبل مجيء يوم حكم الله، اليوم العظيم المُهيب.
21اليوم يلّي كلّ واحد بيدعي وبنادي فيه ربنا فبينجى."
خطبة الحواري بطرس عن قيامة سيّدنا عيسى وبعثه حيّاً
22"يا بني يعقوب اسمعوا كلامي منيح: برهنلكُن الله تعالى إنّه أيّد عيسى النّاصري (سلامُه علينا) بالمعجزات والعجايِب يلّي صارِت بيناتكُن عإيديه، وإنتو شاهدين عهالشي. 23ومع هيك، لمّا اتسلّم إلكُن وبإرادة الله، وحسب علمه السابق، صلبتوه وقتلتوه وساعدكُن الكفّار عهالشي. 24ولكن الله سبحانه شالُه من الموت، وبعَثُه حياً، فمن غير الممكن أبداً إنّه ينتصر الموت عليه، 25لأنُّه النبي داوود (عليه السلام) بقول عن سيّدنا عيسى وبوحي من الله:
لله دايماً معي، هوّ حاميني فما بخاف،
26 ولهيك قلبي فرحان ولساني عم يهلّل،
ورح عيش آخرتي بأمان
27 لأنّك مش رح تِتْرِكْني مع الميتين يا حنّان،
ولا عبدَك الصّالَح حيعَفِّن بالقبر كمان.
28 نَوِّرْني اللهُمَّ عالصّراط المستقيم،
بحضورك مَعي بِفْرح، يا رحمن يا رحيم."
29وكفي بطرس خطبتُه وقال: "فيا إخواني، خلّيني إحكيكُن بصراحة، النبي داوود (عليه السلام) مات واندفن وقبرُه بعدُه هون بالقدس من زمان لليوم، يعني ما كان عم يقصّد حالُه بهالحكي. 30فداوود كان نبي وكان عارف بوعد الله يلّي أقسملُه عليه، إنّه من نسلُه رح يجي المسيح المنتظر ويورَث عرشُه من بعدُه. 31وكشفلُه الله عن المستقبل فتنبّأ داوود متل ما ذُكِر بكتاب الزبور إنّه سيّدنا عيسى "مش رح يبقى بين الأموات وإنُّه جسدُه مش رح يعفِّن بالقبر."
خطبة الحواري بطرس عن رفع الله لسيّدنا عيسى إلى المقام العالي
32كمّل بطرس خطبتُه وقال: "فسيّدنا عيسى (سلامه علينا) هو المسيح المنتظر يلّي أقامه الله من الموت، وبعثُه حياً، وكلنا شهود عهالشي. 33ولمّا انرفَع عالمقام العالي، وجلس عن يمين الله، نال من الوليّ الرحمن روح الله حسب وعدُه، وسيّدنا أفاضها علينا. وهيدا هوّ يلّي عم تشوفوه هلأ وتسمعوه. 34فالنبي داوود (عليه السلام) ما رُفِع إلى السما بس هوّ نفسه قال بكتاب الزبور، عن سيّدنا عيسى:
"قال الله لسيّدي جلوس عن يميني، 35لحدّ ما أهزُم أعداءك وجيبُن تحت إجريك مذلولين."
36وكمَّل الحواري بطرس وقال: "ولهالسبب فليعلم كلّ بني يعقوب علم اليقين إنّه عيسى يلّي إنتو صلبتوه، الله جعلُه المسيح، الملك المختار، وسيّد البشر."
ختام خطبة الحواري بطرس
37فلمّا سمعوا الموجودين هالكلام، عذَّبُن ضميرُن، وصاروا يسألوا بطرس وباقي الحواريين: "طيّب يا إخوان شو لازم نعمُل هلّأ؟" 38فجاوبُن بطرس: "توبوا لربكُن، وخلّي كلّ واحد يتغطّس بالميّ عإيمان إنّه سيّدنا عيسى هو المسيح المنتظر وهيك بيغفرْلكُن الله سبحانه ذنوبكُن ومعاصيكُن، وبتنالوا روح الله القدّوس،" فالتغطيس رمز التطهّر. 39لأنّه الله وعد يوهب روحُه إلكُن ولولادكُن ولكلّ الناس بالأمم التانية، يعني لكلّ مين بيختارهُن الله ربنا."
40وكمّل بطرس خطبته وهوّ عم يشهد لسيّدنا عيسى (سلامه علينا) بالدليل والحجّة وصار ينصحهُن وينبِّههُن ويقول: "اطلبوا ربنا ينجّيكُن من عقابُه عهالناس الضّالين." 41وهيك يلّي قبلوا تعليم بطرس واستجابوا إلُه اتغطّسوا بالميّ، وبهيداك اليوم انضمّ لجماعة المؤمنين حوالي التلات تلاف نَفِس.
حياة أتباع سيّدنا عيسى الأوائل
42وصار المؤمنين يداوموا عالتعلُّم من الحواريين، وعالتواصل والإلفة بين بعض، والمشاركة بالأكل، والدعاء والصلاة جماعة. 43وبلّشِت الرهبة تدخُل عقلوب الناس بسبب المعجزات والعجايِب الكتيرة يلّي كانت عم بتصير عإيدين حواريي سيّدنا عيسى (سلامه علينا)، 44وكانوا المؤمنين كلّن متّحدين مع بعض، ويتشاركوا بكلّ شي، 45يبيعوا أراضيهُن وممتلكاتن ويوزعوا تَمنا عالمحتاجين بيناتُن. 46وكانوا يجتمعوا كل يوم بحرم بيت الله ويصلّوا بنيّة وقلب واحد، ويتشاركوا الوجبات وياكلوا سوا بتواضع، ببيت كلّ واحد فيهُن، هنّ وفرحانين،
47ويسبحوا الله ربّ العالمين،
والناس كانوا عنهُن راضيين،
ويزيد الله تعالى كلّ يوم من عدد جماعة المؤمنين،
يلّي أنعم عليهُن فصاروا من الناجيين.
လက္ရွိေရြးခ်ယ္ထားမွု
سيرة الحواريين 2: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
سيرة الحواريين 2
2
حلول روح الله
قيامة سيّدنا عيسى (سلامه علينا) من الموت وبُعِثُه حياً كانِت بعيد الفصح.
1وبيوم عيد الخمسين، يعني خمسين يوم بعد عيد الفصح، كان الحواريين وأتباع سيّدنا عيسى مجتمعين بمحل واحد. 2وفجأة سمعوا صوت قوي جاية من السما متل شي عاصفة، ملّا كلّ البيت يلّي كانوا مجتمعين فيه، 3ومع الصوت ظهرلُن أشكال كأنّا ألسنة من نار، توزَّعِت واستقرّت عراس كلّ الموجودين!
4ووقتا حلّ روح الله عليُن فامْتَلأوا كلُّن، وصاروا يحكوا بلغات تانية عن لغتُن وبحسب ما روح الله يقودُن إنّن يحكوا! 5وساقَبت بهيداك الوقت كان فيه كتير يهود متدينين جايين من كلّ أنحاء العالم يحجّوا بالقدس بعيد الخمسين، 6وبس سمعوا هيدا الصوت القويّ، تجمَّعوا كلُّن حوالي أتباع سيّدنا عيسى، محتارين لأنّن عم يسمعوا الأتباع عم بيحكوا كلّ واحد حسب لغتُه هوّ! 7وهنّ ومستغربين صاروا يتساءلوا: "مش هولة يلّي عم يحكوا هنّ من أهل الجليل؟ 8فكيف هيك عم نسمعُن عم يحكوا بلغتنا الأمّ؟ 9فيه منّنا ناس جايين من فَرْتِيّة ومادي وعيلام، وبين النهرين، ومن بلاد الشام ومن كَبدوكيَة وبُنطس ومقاطعة آسيا. 10وكمان من فَرِيجْيّة وبَمْفيليّة ومن مصر، وفيه ناس من نواحي ليبيا من مدينة قورينا، يعني الجايين من كلّ أماكِن الإمبراطوريّة الروّمانيّة، بالإضافة للزوّار من مدينة روما. 11في منّا ناس يهود أصليين وفيه معتنقين الدين اليهودي، وفيه كمان جايين من جزيرة كريت ومن بلاد العرب! ورغم هالشّي كلُّه سامعينُن عم يحكوا عن أعمال الله العظيمة بلغاتنا كلنا!" 12وهيك كانوا كلّ الموجودين مستغربين وعم بقولوا لبعضُن: "شو هوّ هالشي هيدا؟" 13ولكن كان في ناس تانيين صاروا يتمهزأوا ويقولوا: "هولة أكيد سكرانين تَ مطفيّين."
خطبة الحواري بطرس عن تحقيق نبوءة النبي يوئيل
14ووقِف الحواري بطرس مع الحواريين الحدعش 11 الباقيين، علّا صوتُه وخطَب بالناس وقال: "يا إخواني، يا بني يعقوب ويا كلّ الساكنين بمدينة القدس، انتبهوا واسمعوني منيح. 15هيدول مش سكرانين متل ما إنتو مفكرين، أساساً ما حدا بيسكَر الساعة تسعة الصبح. 16ولكن هيدا يلّي عم تشوفوه سبق وتنبّأ عنّه النبي يوئيل (عليه السلام) لمّا قال،
17قال الله تعالى:"بالإيّام الأخيرة رح فيض من روحي على كلّ البشر،
فصبيانكُن وبناتكُن بصيروا يتنبّأوا،
وبشوفوا شبابكن رؤى خلال النهار،
وكباركُن بالسن بشوفوا رؤى وهنّ ونايمين،
18حتّى عبادي من رجال ونساء،
فرح فيض عليهن من روحي بهيديك الإيّام
ورح ينتنبّأوا.
19ورح أعمل معجزات بالسما
وعجايِب وإشارات عن عمل الخالق عالأرض،
حيصير فيه دمّ ونار ودخّان كتير،
20ورح يختفي نور الشمس،
ويصير القمر بلون الدمّ،
وكلّ هيدا قبل مجيء يوم حكم الله، اليوم العظيم المُهيب.
21اليوم يلّي كلّ واحد بيدعي وبنادي فيه ربنا فبينجى."
خطبة الحواري بطرس عن قيامة سيّدنا عيسى وبعثه حيّاً
22"يا بني يعقوب اسمعوا كلامي منيح: برهنلكُن الله تعالى إنّه أيّد عيسى النّاصري (سلامُه علينا) بالمعجزات والعجايِب يلّي صارِت بيناتكُن عإيديه، وإنتو شاهدين عهالشي. 23ومع هيك، لمّا اتسلّم إلكُن وبإرادة الله، وحسب علمه السابق، صلبتوه وقتلتوه وساعدكُن الكفّار عهالشي. 24ولكن الله سبحانه شالُه من الموت، وبعَثُه حياً، فمن غير الممكن أبداً إنّه ينتصر الموت عليه، 25لأنُّه النبي داوود (عليه السلام) بقول عن سيّدنا عيسى وبوحي من الله:
لله دايماً معي، هوّ حاميني فما بخاف،
26 ولهيك قلبي فرحان ولساني عم يهلّل،
ورح عيش آخرتي بأمان
27 لأنّك مش رح تِتْرِكْني مع الميتين يا حنّان،
ولا عبدَك الصّالَح حيعَفِّن بالقبر كمان.
28 نَوِّرْني اللهُمَّ عالصّراط المستقيم،
بحضورك مَعي بِفْرح، يا رحمن يا رحيم."
29وكفي بطرس خطبتُه وقال: "فيا إخواني، خلّيني إحكيكُن بصراحة، النبي داوود (عليه السلام) مات واندفن وقبرُه بعدُه هون بالقدس من زمان لليوم، يعني ما كان عم يقصّد حالُه بهالحكي. 30فداوود كان نبي وكان عارف بوعد الله يلّي أقسملُه عليه، إنّه من نسلُه رح يجي المسيح المنتظر ويورَث عرشُه من بعدُه. 31وكشفلُه الله عن المستقبل فتنبّأ داوود متل ما ذُكِر بكتاب الزبور إنّه سيّدنا عيسى "مش رح يبقى بين الأموات وإنُّه جسدُه مش رح يعفِّن بالقبر."
خطبة الحواري بطرس عن رفع الله لسيّدنا عيسى إلى المقام العالي
32كمّل بطرس خطبتُه وقال: "فسيّدنا عيسى (سلامه علينا) هو المسيح المنتظر يلّي أقامه الله من الموت، وبعثُه حياً، وكلنا شهود عهالشي. 33ولمّا انرفَع عالمقام العالي، وجلس عن يمين الله، نال من الوليّ الرحمن روح الله حسب وعدُه، وسيّدنا أفاضها علينا. وهيدا هوّ يلّي عم تشوفوه هلأ وتسمعوه. 34فالنبي داوود (عليه السلام) ما رُفِع إلى السما بس هوّ نفسه قال بكتاب الزبور، عن سيّدنا عيسى:
"قال الله لسيّدي جلوس عن يميني، 35لحدّ ما أهزُم أعداءك وجيبُن تحت إجريك مذلولين."
36وكمَّل الحواري بطرس وقال: "ولهالسبب فليعلم كلّ بني يعقوب علم اليقين إنّه عيسى يلّي إنتو صلبتوه، الله جعلُه المسيح، الملك المختار، وسيّد البشر."
ختام خطبة الحواري بطرس
37فلمّا سمعوا الموجودين هالكلام، عذَّبُن ضميرُن، وصاروا يسألوا بطرس وباقي الحواريين: "طيّب يا إخوان شو لازم نعمُل هلّأ؟" 38فجاوبُن بطرس: "توبوا لربكُن، وخلّي كلّ واحد يتغطّس بالميّ عإيمان إنّه سيّدنا عيسى هو المسيح المنتظر وهيك بيغفرْلكُن الله سبحانه ذنوبكُن ومعاصيكُن، وبتنالوا روح الله القدّوس،" فالتغطيس رمز التطهّر. 39لأنّه الله وعد يوهب روحُه إلكُن ولولادكُن ولكلّ الناس بالأمم التانية، يعني لكلّ مين بيختارهُن الله ربنا."
40وكمّل بطرس خطبته وهوّ عم يشهد لسيّدنا عيسى (سلامه علينا) بالدليل والحجّة وصار ينصحهُن وينبِّههُن ويقول: "اطلبوا ربنا ينجّيكُن من عقابُه عهالناس الضّالين." 41وهيك يلّي قبلوا تعليم بطرس واستجابوا إلُه اتغطّسوا بالميّ، وبهيداك اليوم انضمّ لجماعة المؤمنين حوالي التلات تلاف نَفِس.
حياة أتباع سيّدنا عيسى الأوائل
42وصار المؤمنين يداوموا عالتعلُّم من الحواريين، وعالتواصل والإلفة بين بعض، والمشاركة بالأكل، والدعاء والصلاة جماعة. 43وبلّشِت الرهبة تدخُل عقلوب الناس بسبب المعجزات والعجايِب الكتيرة يلّي كانت عم بتصير عإيدين حواريي سيّدنا عيسى (سلامه علينا)، 44وكانوا المؤمنين كلّن متّحدين مع بعض، ويتشاركوا بكلّ شي، 45يبيعوا أراضيهُن وممتلكاتن ويوزعوا تَمنا عالمحتاجين بيناتُن. 46وكانوا يجتمعوا كل يوم بحرم بيت الله ويصلّوا بنيّة وقلب واحد، ويتشاركوا الوجبات وياكلوا سوا بتواضع، ببيت كلّ واحد فيهُن، هنّ وفرحانين،
47ويسبحوا الله ربّ العالمين،
والناس كانوا عنهُن راضيين،
ويزيد الله تعالى كلّ يوم من عدد جماعة المؤمنين،
يلّي أنعم عليهُن فصاروا من الناجيين.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media