سيرة الحواريين 1
1
الوعد بروح الله
وجَّه لوقا الطبيب رسالة لأخ عزيز إسمُه ثاوفيلُس وقال:
1"يا ثاوفِيلسُ خبّرتَك برسالتي الأولى عن كلّ أعمال وتعاليم سيّدنا عيسى (سلامه علينا) من بداية دعوتُه 2لليوم يلّي رُفِع فيه للسما، بعد ما علّم وصاياه بقدرة روح الله لحوارييه يلّي اختارُن.
3وبعد صلبُه، وموتُه، وبعثُه حياً، برهَن سيّدنا عيسى للحواريين والأتباع ببراهين كتيرة إنّه بعدُه حيّ، وهالشّي بظهورات امتدِّت لمدّة أربعين 40 يوم، خبَّرهُن فيها عن المملكة الربّانية.
4وبمرّة كان سيّدنا (سلامه علينا) عم ياكل هوّ والحواريين والأتباع،
فوصّاهُن وقلُّن: "ما تفلّوا من مدينة القدس، بس خلّيكُن فيها ناطرين
وعد الوليّ الرحمن ربّ العالمين،
بحلول روح الله فيكُن يلّي سبق وسمعتوه منّي،
5وإذا النبي يحيى كان يغطّس الناس بالميّ ويطهّرن، فإنتو بعد إيّام قليلة رح تِتطَهّروا بفيض من روح الله يلّي رح يحلّ عليكن.
6وبوقت تاني كانوا مجتمعين وقاموا سألوه: "يا سيّدنا هل بزمنّنا هيدا رح تردّ لبني يعقوب مملكتن تيحكموا أرضُن؟" 7فجاوبُن (سلامه علينا): "ما بصير تعرفوا الأوقات والمواعيد يلّي حدّدها الوليّ الرحمن، والعلم عند الله. 8بس لمّا يحلّ عليكُن روح الله وتاخدوا قوّة، وتصيروا إلي شهود، بتبلشوا بالقدس وبكلّ بلاد يهوذا والسامرة ولآخر الأرض."
رفِع عيسى (سلامُهُ علينا) إلى السّماء
9وبعد ما أنهى كلامُه معهُن وهنّ وحوارييه عم بشوفوه إجت غيمة وحاوطِتُه ورُفِعَ معها، واختفى عن عيونُن. 10وبين ما كانوا عم يتطلّعوا عالسما مدهوشين ومش مصدقين، قام ظهرلن ملاكان عهيئة رْجال لابسين أبيض بأبيض. 11وقالولن: "يا أهل الجليل ليش عم تتطلّعوا عالسما هيك؟ شايفين عيسى يلّي انرفَع من بيناتكُن عالسما! هو نفسه راجع وبنفس الطريقة متل ما شفتوه رايح لهونيك."
12ومن بعدا رجع الحواريين من الجبل المعروف بجبل الزيتون عالقدس، عمسافة أقل من كيلومتر تقريبا، 13ولمّا وصلوا عالمدينة، طلعوا عالأوضة بالطابق الفوقاني يلّي كانوا فيها ساكنين. والحواريين هن: بطرس ويوحنا ويعقوب وأندراوس وفيليب وتوما وإبن تلماي ومتى ويعقوب بن حلفي وسمعان الملقّب بالفدائي ويهوذا إبن يعقوب. 14وكانوا كلُّن بنيّة صلاة وحدة والكلّ عم يدعي بقلب واحد وبشكل مستمرّ مع بعض النساء، وستنا مريم (عليها السلام) أمّ سيّدنا عيسى (سلامُه علينا) وإخواته.
إختيار خلف ليهوذا
15وبيوم من هيديك الإيّام كان فيه جمِع حوالي ميّة وعشرين 120 مؤمن بسيّدنا عيسى (سلامه علينا)، فقام خطب فيهن الحواري بطرس وقال: 16"يا إخواني، كان لا بُدّ أنُّه يتحقَّق المكتوب بالزَّبور عن لسان النّبيِّ داود بوَحي من رُوح الله سبحانه وتَعالى، عَن يَهوذا الإسخريوطي الخاين يلّي دلّ على سيّدنا عيسى تيقبضوا عليه. 17مع إنُّه كان واحد منّا، وكان يخدُم معنا!" 18وبين قوصين كتب لوقا عن يهوذا وقال "من بعد ما قبض يهوذا المصريات من رجال الدين تمن خيانتُه، راح اشترى فيهن حقل، بس من بعدا عذّبه ضميره قام شنق حالُه بحقلُه، وانتفخت جثته ووقعت عالأرض وانشقّت بطنه وطلعوا مصارينه لبرّه، 19وانتشَر خبر هالحادثة بين أهل القدس فسمّوا الحقل 'حقل الدمّ.'"
20وكفّى بُطرُسُ خطبتُه وقال: "ومتل ما مكتوب بكتاب الزبور عن يهوذا وخيانتُه: "خلّيها ديارُه تصير خراب، وما يسكُن فيها حدا" مكتوب كمان إنّه: "لازم حدا تانِ ياخُد مكانُه". 21-22فإذن لازم نختار شاهِد معنا إنّه سيّدنا عيسى بُعِثَ حيًا وقام بيناتنا، ويكون كمان من الرجال يلّي رافقونا من وقت ما غطّس النبي يحيى سيّدنا عيسى بالميّ لحدّ ما ارتفع إدّام عيوننا عالسما."
23وهون اقترح الحواريين إسم تنين وقالوا: "فيه يوسف يلّي إسمُه بالآرامي إبن سابا كمان لقبُه الصدّيق، وَمّتِياس" 24وكرمال يعرفوا مشيئة الله بلشوا بالدعاء: "يا ربّ العالمين، إنت عالِم ما في الصدور وبقلب كلّ واحد فينا. ألهِمنا يا رب مين اخترت من بين إخواتنا التنين، 25حتى ينشُر الدعوة ويخدم معنا سيّدنا عيسى بدل يهوذا يلّي اتخلّى عن المهمّة وراح عالمحل يلّي بيستحقّه! آمين يا أرحم الراحمين." 26ومن بعدا سحبوا القرعة قام طلع إسم مَتِّياس، فضمّوه للحواريين الحدعش وهيك رجعوا اتنعشر حواري.
လက္ရွိေရြးခ်ယ္ထားမွု
سيرة الحواريين 1: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
سيرة الحواريين 1
1
الوعد بروح الله
وجَّه لوقا الطبيب رسالة لأخ عزيز إسمُه ثاوفيلُس وقال:
1"يا ثاوفِيلسُ خبّرتَك برسالتي الأولى عن كلّ أعمال وتعاليم سيّدنا عيسى (سلامه علينا) من بداية دعوتُه 2لليوم يلّي رُفِع فيه للسما، بعد ما علّم وصاياه بقدرة روح الله لحوارييه يلّي اختارُن.
3وبعد صلبُه، وموتُه، وبعثُه حياً، برهَن سيّدنا عيسى للحواريين والأتباع ببراهين كتيرة إنّه بعدُه حيّ، وهالشّي بظهورات امتدِّت لمدّة أربعين 40 يوم، خبَّرهُن فيها عن المملكة الربّانية.
4وبمرّة كان سيّدنا (سلامه علينا) عم ياكل هوّ والحواريين والأتباع،
فوصّاهُن وقلُّن: "ما تفلّوا من مدينة القدس، بس خلّيكُن فيها ناطرين
وعد الوليّ الرحمن ربّ العالمين،
بحلول روح الله فيكُن يلّي سبق وسمعتوه منّي،
5وإذا النبي يحيى كان يغطّس الناس بالميّ ويطهّرن، فإنتو بعد إيّام قليلة رح تِتطَهّروا بفيض من روح الله يلّي رح يحلّ عليكن.
6وبوقت تاني كانوا مجتمعين وقاموا سألوه: "يا سيّدنا هل بزمنّنا هيدا رح تردّ لبني يعقوب مملكتن تيحكموا أرضُن؟" 7فجاوبُن (سلامه علينا): "ما بصير تعرفوا الأوقات والمواعيد يلّي حدّدها الوليّ الرحمن، والعلم عند الله. 8بس لمّا يحلّ عليكُن روح الله وتاخدوا قوّة، وتصيروا إلي شهود، بتبلشوا بالقدس وبكلّ بلاد يهوذا والسامرة ولآخر الأرض."
رفِع عيسى (سلامُهُ علينا) إلى السّماء
9وبعد ما أنهى كلامُه معهُن وهنّ وحوارييه عم بشوفوه إجت غيمة وحاوطِتُه ورُفِعَ معها، واختفى عن عيونُن. 10وبين ما كانوا عم يتطلّعوا عالسما مدهوشين ومش مصدقين، قام ظهرلن ملاكان عهيئة رْجال لابسين أبيض بأبيض. 11وقالولن: "يا أهل الجليل ليش عم تتطلّعوا عالسما هيك؟ شايفين عيسى يلّي انرفَع من بيناتكُن عالسما! هو نفسه راجع وبنفس الطريقة متل ما شفتوه رايح لهونيك."
12ومن بعدا رجع الحواريين من الجبل المعروف بجبل الزيتون عالقدس، عمسافة أقل من كيلومتر تقريبا، 13ولمّا وصلوا عالمدينة، طلعوا عالأوضة بالطابق الفوقاني يلّي كانوا فيها ساكنين. والحواريين هن: بطرس ويوحنا ويعقوب وأندراوس وفيليب وتوما وإبن تلماي ومتى ويعقوب بن حلفي وسمعان الملقّب بالفدائي ويهوذا إبن يعقوب. 14وكانوا كلُّن بنيّة صلاة وحدة والكلّ عم يدعي بقلب واحد وبشكل مستمرّ مع بعض النساء، وستنا مريم (عليها السلام) أمّ سيّدنا عيسى (سلامُه علينا) وإخواته.
إختيار خلف ليهوذا
15وبيوم من هيديك الإيّام كان فيه جمِع حوالي ميّة وعشرين 120 مؤمن بسيّدنا عيسى (سلامه علينا)، فقام خطب فيهن الحواري بطرس وقال: 16"يا إخواني، كان لا بُدّ أنُّه يتحقَّق المكتوب بالزَّبور عن لسان النّبيِّ داود بوَحي من رُوح الله سبحانه وتَعالى، عَن يَهوذا الإسخريوطي الخاين يلّي دلّ على سيّدنا عيسى تيقبضوا عليه. 17مع إنُّه كان واحد منّا، وكان يخدُم معنا!" 18وبين قوصين كتب لوقا عن يهوذا وقال "من بعد ما قبض يهوذا المصريات من رجال الدين تمن خيانتُه، راح اشترى فيهن حقل، بس من بعدا عذّبه ضميره قام شنق حالُه بحقلُه، وانتفخت جثته ووقعت عالأرض وانشقّت بطنه وطلعوا مصارينه لبرّه، 19وانتشَر خبر هالحادثة بين أهل القدس فسمّوا الحقل 'حقل الدمّ.'"
20وكفّى بُطرُسُ خطبتُه وقال: "ومتل ما مكتوب بكتاب الزبور عن يهوذا وخيانتُه: "خلّيها ديارُه تصير خراب، وما يسكُن فيها حدا" مكتوب كمان إنّه: "لازم حدا تانِ ياخُد مكانُه". 21-22فإذن لازم نختار شاهِد معنا إنّه سيّدنا عيسى بُعِثَ حيًا وقام بيناتنا، ويكون كمان من الرجال يلّي رافقونا من وقت ما غطّس النبي يحيى سيّدنا عيسى بالميّ لحدّ ما ارتفع إدّام عيوننا عالسما."
23وهون اقترح الحواريين إسم تنين وقالوا: "فيه يوسف يلّي إسمُه بالآرامي إبن سابا كمان لقبُه الصدّيق، وَمّتِياس" 24وكرمال يعرفوا مشيئة الله بلشوا بالدعاء: "يا ربّ العالمين، إنت عالِم ما في الصدور وبقلب كلّ واحد فينا. ألهِمنا يا رب مين اخترت من بين إخواتنا التنين، 25حتى ينشُر الدعوة ويخدم معنا سيّدنا عيسى بدل يهوذا يلّي اتخلّى عن المهمّة وراح عالمحل يلّي بيستحقّه! آمين يا أرحم الراحمين." 26ومن بعدا سحبوا القرعة قام طلع إسم مَتِّياس، فضمّوه للحواريين الحدعش وهيك رجعوا اتنعشر حواري.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media