Utu 6
6
Uhakau wa vandu
1Vandu pevayonjosiki pamulima, na vasikana kuvelekewa, 2vangi va vana vagosi va Chapanga vavaweni vasikana va vandu avo kuvya vabwina, vakavagega vala vevavaganili na kuvya vadala vavi. 3Kangi Bambu akajova, “Mpungu wangu yati witama lepi na vandu magono goha, muni mundu ndi wa kufwa ndu. Hinu, yati itama lepi neju ya miyaka miya na ishilini.” 4Magono genago na hati magono ga palongolo, kwavili na mivandu jivaha pamulima vevakemiwi Vanefili. Mivandu jivaha, vavelekiwi na vasikana va vandu vevatoliwi na vana va Chapanga. Vanefili vamanyikini neju ndava vavii vakekesi na vandu va ngondo lukumbi lwenulo.
5Bambu akalola kuvya uhakau wa vandu wayonjosiki neju pamulima, na lukumbi lwoha mitima yavi yiholalela gahakau ndu. 6Chapanga akaviniswa neju mtima ndava amuwumbili mundu pamulima, Chapanga akaviniswa neju mumtima. 7Ndava yeniyo Bambu akajova, “Yati nikumuwusa mundu mwenimuwumbili akoto kuvya pamulima, yati niwusa hinyama pamonga na vyevikwava na videge vyevimbuluka. Muni niviniswa ndava kyani naviwumbili.” 8Nambu Chapanga aganiswi na Nuhu.
Nuhu
9Vyenivi ndi viveleku vya Nuhu. Nuhu avii mundu mweakumganisa Chapanga, mwene ndu na angahoka pagati ya vandu. Atamili cha kumsadika Chapanga. 10Nuhu avili na vana vagosi vadatu. Shemu na Hamu pamonga na Yafeti. 11Chapanga alolili mulima uhalabiki na umemili chitututu. 12Penapo, Chapanga akaulola mulima, akauwona uhalabiki njwee, muni kila mundu alandili njila yaki yihakau.
13Ndava yeniyo Chapanga akamjovela Nuhu, “Yati nikomekesa vandu voha, ndava muni vandu venavo vakohokisi chitututu pamulima. Yati nikomakesa vandu voha pamonga na mulima. 14Ujitendelekelayi watu uvaha kwa mbawu zezinonopa na uukemela Safina. Mugati gavanisa vyumba na uyipakayi lami mugati na kuvala. 15Chenichi ndi cheukuyitendelekela, utali mita miya yimonga na selasini na muhanu, upana waki mita ishilini na yivili, na utali kuhamba kunani mita kumi na mcheche. 16Safina yeniyo yivyai na golofa yidatu na mlyangu uvya kumuhana. Timayi, kangi leka fwasi mita yapinga pagati ya dali na chituvilu. 17Yati nimemesa manji gamahele pamulima ndava ya kukoma vyoha vyevii mumi. Kila chechivi mumi pamulima yati chifwa. 18Nambu yati nikita lilaganu na veve. Yati uyingila musafina, veve pamonga na mdala waku na vana vaku na vadala vavi. 19Yingisayi musafina kila chiumbi chechivi mumi, vivili vivili chigosi na chidala, muni vivya mumi pamonga na veve. 20Yati uyingisa videge ndalindali vigosi na vidala na hinyama ndalindali yigosi na yidala na kila chechikwava pandima chigosi na chidala, ndava ya kuvivika mumi. 21Mewa utola na vyakulya ndalindali vyeviliwa, uvivika ndava ya chakulya chinu na viumbi vyenivyo.” 22Nuhu akakita kila chindu ngati chealagiswi na Chapanga.
လက္ရွိေရြးခ်ယ္ထားမွု
Utu 6: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu 6
6
Uhakau wa vandu
1Vandu pevayonjosiki pamulima, na vasikana kuvelekewa, 2vangi va vana vagosi va Chapanga vavaweni vasikana va vandu avo kuvya vabwina, vakavagega vala vevavaganili na kuvya vadala vavi. 3Kangi Bambu akajova, “Mpungu wangu yati witama lepi na vandu magono goha, muni mundu ndi wa kufwa ndu. Hinu, yati itama lepi neju ya miyaka miya na ishilini.” 4Magono genago na hati magono ga palongolo, kwavili na mivandu jivaha pamulima vevakemiwi Vanefili. Mivandu jivaha, vavelekiwi na vasikana va vandu vevatoliwi na vana va Chapanga. Vanefili vamanyikini neju ndava vavii vakekesi na vandu va ngondo lukumbi lwenulo.
5Bambu akalola kuvya uhakau wa vandu wayonjosiki neju pamulima, na lukumbi lwoha mitima yavi yiholalela gahakau ndu. 6Chapanga akaviniswa neju mtima ndava amuwumbili mundu pamulima, Chapanga akaviniswa neju mumtima. 7Ndava yeniyo Bambu akajova, “Yati nikumuwusa mundu mwenimuwumbili akoto kuvya pamulima, yati niwusa hinyama pamonga na vyevikwava na videge vyevimbuluka. Muni niviniswa ndava kyani naviwumbili.” 8Nambu Chapanga aganiswi na Nuhu.
Nuhu
9Vyenivi ndi viveleku vya Nuhu. Nuhu avii mundu mweakumganisa Chapanga, mwene ndu na angahoka pagati ya vandu. Atamili cha kumsadika Chapanga. 10Nuhu avili na vana vagosi vadatu. Shemu na Hamu pamonga na Yafeti. 11Chapanga alolili mulima uhalabiki na umemili chitututu. 12Penapo, Chapanga akaulola mulima, akauwona uhalabiki njwee, muni kila mundu alandili njila yaki yihakau.
13Ndava yeniyo Chapanga akamjovela Nuhu, “Yati nikomekesa vandu voha, ndava muni vandu venavo vakohokisi chitututu pamulima. Yati nikomakesa vandu voha pamonga na mulima. 14Ujitendelekelayi watu uvaha kwa mbawu zezinonopa na uukemela Safina. Mugati gavanisa vyumba na uyipakayi lami mugati na kuvala. 15Chenichi ndi cheukuyitendelekela, utali mita miya yimonga na selasini na muhanu, upana waki mita ishilini na yivili, na utali kuhamba kunani mita kumi na mcheche. 16Safina yeniyo yivyai na golofa yidatu na mlyangu uvya kumuhana. Timayi, kangi leka fwasi mita yapinga pagati ya dali na chituvilu. 17Yati nimemesa manji gamahele pamulima ndava ya kukoma vyoha vyevii mumi. Kila chechivi mumi pamulima yati chifwa. 18Nambu yati nikita lilaganu na veve. Yati uyingila musafina, veve pamonga na mdala waku na vana vaku na vadala vavi. 19Yingisayi musafina kila chiumbi chechivi mumi, vivili vivili chigosi na chidala, muni vivya mumi pamonga na veve. 20Yati uyingisa videge ndalindali vigosi na vidala na hinyama ndalindali yigosi na yidala na kila chechikwava pandima chigosi na chidala, ndava ya kuvivika mumi. 21Mewa utola na vyakulya ndalindali vyeviliwa, uvivika ndava ya chakulya chinu na viumbi vyenivyo.” 22Nuhu akakita kila chindu ngati chealagiswi na Chapanga.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.