Utu 2
2
1Ndi kunani kwa Chapanga na mlima zamalisiki kuwumbwa, pamonga na vindu vyaki vyoha vyevivili mugati yaki. 2Pa ligono la saba Chapanga amalili mahengu geahengayi, ndi paligono la saba akapumulila ndava ya mahengu genago geahengili. 3Chapanga akalimotisa ligono la saba livyaa la Msopi. Muni ligono lenil Chapanga apumulili ndava ya amalili mahengu goha ga uwumbaji. 4Chenicho ndi cheyawumbiki kunani kwa Chapanga na mulima.
Lidimba la Edeni
5Lukumbi lwenulo gavili lepi manyahi gegamelili pandima amala mikongo yeyamelili, ndava Bambu Chapanga atonyisi lepi fula pamulima, mewa avi lepi mundu wa kulima. 6Nambu manji gahumalili pandima na kutepetesa ludaka.
7Kangi Bambu Chapanga akumuwumba mundu kwa muludaka, akampulila lukeka lwa wumi mumeng'elu, na mundu mwenuyo akavya mumi.
8Penapo Bambu Chapanga akamelesa mikongo mulidimba upandi walihumila lilanga ku Edeni, na akamuvika mundu mweamuwumbili mulidimba lenilo. 9Bambu Chapanga akamelesa pandima yeniyo mikongo yabwina yeyinogesa kuyilola ndalindali yeipambika matunda gegiganikiwa kwa chakulya. Pagati ya lidimba lenilo kwavili na mkongo wa wumi na mkongo wa kumanya gabwina na gahakau.
10Kwavili na mfuleni wewaletili manji na kuyitalila kulidimba, kuhumila penapo mfuleni wenuo wagavaniki mifuleni mcheche. 11Lihina la mfuleni wa kutumbula ndi Pishoni, ndi wewitindila mulima woha wa Havila na ndi kwekuvi na zahabu. 12Zahabu ya mulima wula yavili yabwina neju. Kwenuko mewa kuna mahuta geginungalila neju maganga ga feza gamahele. 13Lihina la mfuleni wa pili ndi Gihoni, ndi weutindila mulima woha wa Kushi. 14Lihina la mfuleni wa datu ndi Tigilisi, ndi weupita upandi welihumila lilanga wa mulima wa Ashulu, na lihina la mfuleni wa mcheche ndi Fulati.
15Ndi Bambu Chapanga akamtola mundu mgosi mwenuyo, akamuvika mulidimba la Edeni, aligaba na kuiyangalila. 16Bambu Chapanga akamlagiza mundu mgosi mwenuyo, akamjovela “Uhotola kulya matunda ga mkongo wowoha mulidimba, 17nambu matunda ga mkongo wa kumanya gabwina na gahakau, ukoto kulya, ndava muni ligono leulyayi matunda ga mkongo wenuwo, chakaka yati wifya.”
18Bambu Chapanga akajova, “Chabwina lepi mundu uyu kutama mwene. Yati nimkitila mundu mweawanini nayu.” 19Ndi Bambu Chapanga akakita kuhuma muludaka kila chinyama cha kudahi, na kila chidege cha kunani, akamletela Adamu nambu alola yati akuhikemela wuli, na mahina geahikemili Adamu ndi gavii mahina gavi. 20Adamu akahipela mahina gavi kila chinyama cha kudimwa, na ya kudahi na hidege, nambu awonikini lepi mundu mweawanini nayu.
21Bambu Chapanga akamletela Adamu lugono, ndi akagona tipitipi, peagonili akamuwusa luvafu lwaki lumonga na kupagubika kavili pandu pala kwa nyama. 22Kuhuma muluvafu lwenulo lwealuwusili kwa Adamu, Bambu Chapanga akamuwumba mundu mdala, na akamuleta kwa Adamu. 23Adamu akajova,
“Hinu mwenuyu ndi lihupa mumahupa gangu.
Na nyama munyama yangu.
Mwenuyo yati ikemelewa ‘mdala’ Muni ahumili muhiga ya mgosi.”
24Ndava yeniyo mgosi yati akumleka dadi waki na nyina waki na yati iwungana na mdala waki, na vene yati vivya higa yimonga.
25Adamu na mdala waki voha vavii waka, nambu vawonili lepi soni.
လက္ရွိေရြးခ်ယ္ထားမွု
Utu 2: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu 2
2
1Ndi kunani kwa Chapanga na mlima zamalisiki kuwumbwa, pamonga na vindu vyaki vyoha vyevivili mugati yaki. 2Pa ligono la saba Chapanga amalili mahengu geahengayi, ndi paligono la saba akapumulila ndava ya mahengu genago geahengili. 3Chapanga akalimotisa ligono la saba livyaa la Msopi. Muni ligono lenil Chapanga apumulili ndava ya amalili mahengu goha ga uwumbaji. 4Chenicho ndi cheyawumbiki kunani kwa Chapanga na mulima.
Lidimba la Edeni
5Lukumbi lwenulo gavili lepi manyahi gegamelili pandima amala mikongo yeyamelili, ndava Bambu Chapanga atonyisi lepi fula pamulima, mewa avi lepi mundu wa kulima. 6Nambu manji gahumalili pandima na kutepetesa ludaka.
7Kangi Bambu Chapanga akumuwumba mundu kwa muludaka, akampulila lukeka lwa wumi mumeng'elu, na mundu mwenuyo akavya mumi.
8Penapo Bambu Chapanga akamelesa mikongo mulidimba upandi walihumila lilanga ku Edeni, na akamuvika mundu mweamuwumbili mulidimba lenilo. 9Bambu Chapanga akamelesa pandima yeniyo mikongo yabwina yeyinogesa kuyilola ndalindali yeipambika matunda gegiganikiwa kwa chakulya. Pagati ya lidimba lenilo kwavili na mkongo wa wumi na mkongo wa kumanya gabwina na gahakau.
10Kwavili na mfuleni wewaletili manji na kuyitalila kulidimba, kuhumila penapo mfuleni wenuo wagavaniki mifuleni mcheche. 11Lihina la mfuleni wa kutumbula ndi Pishoni, ndi wewitindila mulima woha wa Havila na ndi kwekuvi na zahabu. 12Zahabu ya mulima wula yavili yabwina neju. Kwenuko mewa kuna mahuta geginungalila neju maganga ga feza gamahele. 13Lihina la mfuleni wa pili ndi Gihoni, ndi weutindila mulima woha wa Kushi. 14Lihina la mfuleni wa datu ndi Tigilisi, ndi weupita upandi welihumila lilanga wa mulima wa Ashulu, na lihina la mfuleni wa mcheche ndi Fulati.
15Ndi Bambu Chapanga akamtola mundu mgosi mwenuyo, akamuvika mulidimba la Edeni, aligaba na kuiyangalila. 16Bambu Chapanga akamlagiza mundu mgosi mwenuyo, akamjovela “Uhotola kulya matunda ga mkongo wowoha mulidimba, 17nambu matunda ga mkongo wa kumanya gabwina na gahakau, ukoto kulya, ndava muni ligono leulyayi matunda ga mkongo wenuwo, chakaka yati wifya.”
18Bambu Chapanga akajova, “Chabwina lepi mundu uyu kutama mwene. Yati nimkitila mundu mweawanini nayu.” 19Ndi Bambu Chapanga akakita kuhuma muludaka kila chinyama cha kudahi, na kila chidege cha kunani, akamletela Adamu nambu alola yati akuhikemela wuli, na mahina geahikemili Adamu ndi gavii mahina gavi. 20Adamu akahipela mahina gavi kila chinyama cha kudimwa, na ya kudahi na hidege, nambu awonikini lepi mundu mweawanini nayu.
21Bambu Chapanga akamletela Adamu lugono, ndi akagona tipitipi, peagonili akamuwusa luvafu lwaki lumonga na kupagubika kavili pandu pala kwa nyama. 22Kuhuma muluvafu lwenulo lwealuwusili kwa Adamu, Bambu Chapanga akamuwumba mundu mdala, na akamuleta kwa Adamu. 23Adamu akajova,
“Hinu mwenuyu ndi lihupa mumahupa gangu.
Na nyama munyama yangu.
Mwenuyo yati ikemelewa ‘mdala’ Muni ahumili muhiga ya mgosi.”
24Ndava yeniyo mgosi yati akumleka dadi waki na nyina waki na yati iwungana na mdala waki, na vene yati vivya higa yimonga.
25Adamu na mdala waki voha vavii waka, nambu vawonili lepi soni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.