Utu 17
17
Jandu ndi ulangisu wa Lilaganu
1Abulahamu peavii na miyaka tisini na tisa, Bambu akamuhumalila na kumjovela, “Nene ndi Chapanga mwenivi na Makakala. Landayi genijova na ukitayi gegiganikiwa. 2Nene yati nikita lilaganu na veve na kuvayonjokesa chiveleku chaku.” 3Abulahamu akagundama mbaka pahi, ndi Chapanga akamjovela, 4“Nivika lilaganu lenili na veve, yati uvya dadi wa vandu va milima yamahele. 5Yati ukemiwa lepi kavili lihina laku Abulahamu, nambu yati ukemelewa lihina laku Ibulahimu, muni nikukitili kuvya wa dadi wa vandu va milima yamahele. 6Yati nikukita uvya na chiveleku chamahele neju, kwa veve yati nikita vandu va milima yamahele na pagati yavi vangi vivya vankosi.”
7Yati nitimilisa lilaganu langu na veve, viveleku vyaku na viveveleku vyavi vyoha magono goha gangali mwishu, kavili yati nivya Chapanga waku na Chapanga wa viveleku vyaku. 8Yati nikuvapela mulima uwu wemwitama ngati vayehe uvya waku magono goha, ndi mulima woha wa Kanaani uvya waku magono goha gangali mwishu, na nene yati nivya Chapanga winu.
9Kangi Chapanga akamjovela Ibulahimu, “Veve yikugana ulikamula lilaganu langu, veve wamwene, na viveleku vyaku, pamonga ndava ya viveleku vyevibwela. 10Lenili ndi lilaganu leukulikamula pagati yangu na veve pamonga na viveleku vyaku. Kila mgosi pagati yinu yikumgana adumuliwa jandu. 11Yati mwidumuliwa jandu na yeniyo ndi yati yivya ulangisu wa lilaganu langu na nyenye. 12Kila mwana mgosi mweahikisi magono nane pagati yinu ndi yikumgana adumuliwa jandu. Kila mgosi pagati ya viveleku vinu, avya mvanda pamonga na mwevelekiwi panyumba yinu, pamonga na mweaguliwi kwa mashonga ginu kuhuma kwa myehe mweangavya chiveleku chaku. 13Ena, kila mmonga wavi mweavelekiwi munyumba yaku amala aguliwi kwa mashonga gaku, ndi yikumgana adumuliwa jandu. Lilaganu langu muhiga yaku, yati livya lilaganu la magono goha gangali na mwishu. 14Kila mgosi mweangadumuliwa jandu, yati iwusiwa muvandu, muni adenyili lilaganu langu.”
15Kangi Chapanga akamjovela Ibulahimu, “Kumvala mdala waki, yati ukumkemela lepi kavili Salai, nambu lihina laki yati livya Sala. 16Yati nikummotisa, namwene yati akuvelekela mwana mgosi. Yati nikummotisa Sala, namwene yati ivya nyina wa vandu va milima yamahele na vankosi va milima yati vihumila kwaki.”
17Penapo Ibulahimu akagundama mbaka pahi, akaheka na mutima waki kuhololela, “Wu, chakaka yihotoleka mwana kuvelekewa kwa mgogolo mweavi na miyaka miya yimonga? Wu, Sala mweavi na miyaka tisini, yati ihotola kuveleka mwana?” 18Hinu, Ibulahimu akamkota Chapanga, “Ngayivi chabwina lilaganu lenilo ngalivii kwa Ishimaeli!”
19Chapanga akamyangula, “Lepi! Mdala waku Sala yati akuvelekela mwana mgosi, na veve yati ukumkemela lihina laki Isaka. Yati nikamula lilaganu langu kwaki na viveleku vyaki, livya lilaganu la magono goha gangali na mwishu. 20Niyuwini luyupu lwaku kumvala Ishimaeli. Yati nikummotisa, yati nikumpela vana vamahele na kuvayonjokesa neju. Ishimaeli yati ivya dadi wa vatalalila kumi na vavii, na nene yati nikumukita avyayi dadi wa mulima uvaha. 21Nambu lilaganu langu yati nitimilisa kwa Isaka, ndi Sala yati akuvelekela mwaka mweibwela lusenje ngati lwenulu.” 22Hinu Chapanga peamalili kulongela na Abulahamu, akamleka akahamba kunani.
23Kangi, ligono lilalila Ibulahimu amyidakili Chapanga na akamutola Ishimaeli pamonga na voha vevavelekiwi munyumba yaki na voha vevaguliwi kwa mashonga gaki, vagosi voha va munyumba yaki akavadumula jandu ngati chealagaziwi na Chapanga. 24Ibulahimu avii na miyaka tisini na tisa peadumuliwi jandu, 25mewa Ishimaeli mwana waki peadumuliwi jandu avii na miyaka kumi na yidatu. 26Ibulahimu na pamonga na Ishimaeli mwana waki vadumuliwi jandu ligono lilalila, 27pamonga na vagosi voha va nyumba yaki na vavanda voha vevavelekiwi munyumba yaki na vevaguliwi kwa mashonga gaki, vadumuliwi jandu ligono lilolo.
လက္ရွိေရြးခ်ယ္ထားမွု
Utu 17: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu 17
17
Jandu ndi ulangisu wa Lilaganu
1Abulahamu peavii na miyaka tisini na tisa, Bambu akamuhumalila na kumjovela, “Nene ndi Chapanga mwenivi na Makakala. Landayi genijova na ukitayi gegiganikiwa. 2Nene yati nikita lilaganu na veve na kuvayonjokesa chiveleku chaku.” 3Abulahamu akagundama mbaka pahi, ndi Chapanga akamjovela, 4“Nivika lilaganu lenili na veve, yati uvya dadi wa vandu va milima yamahele. 5Yati ukemiwa lepi kavili lihina laku Abulahamu, nambu yati ukemelewa lihina laku Ibulahimu, muni nikukitili kuvya wa dadi wa vandu va milima yamahele. 6Yati nikukita uvya na chiveleku chamahele neju, kwa veve yati nikita vandu va milima yamahele na pagati yavi vangi vivya vankosi.”
7Yati nitimilisa lilaganu langu na veve, viveleku vyaku na viveveleku vyavi vyoha magono goha gangali mwishu, kavili yati nivya Chapanga waku na Chapanga wa viveleku vyaku. 8Yati nikuvapela mulima uwu wemwitama ngati vayehe uvya waku magono goha, ndi mulima woha wa Kanaani uvya waku magono goha gangali mwishu, na nene yati nivya Chapanga winu.
9Kangi Chapanga akamjovela Ibulahimu, “Veve yikugana ulikamula lilaganu langu, veve wamwene, na viveleku vyaku, pamonga ndava ya viveleku vyevibwela. 10Lenili ndi lilaganu leukulikamula pagati yangu na veve pamonga na viveleku vyaku. Kila mgosi pagati yinu yikumgana adumuliwa jandu. 11Yati mwidumuliwa jandu na yeniyo ndi yati yivya ulangisu wa lilaganu langu na nyenye. 12Kila mwana mgosi mweahikisi magono nane pagati yinu ndi yikumgana adumuliwa jandu. Kila mgosi pagati ya viveleku vinu, avya mvanda pamonga na mwevelekiwi panyumba yinu, pamonga na mweaguliwi kwa mashonga ginu kuhuma kwa myehe mweangavya chiveleku chaku. 13Ena, kila mmonga wavi mweavelekiwi munyumba yaku amala aguliwi kwa mashonga gaku, ndi yikumgana adumuliwa jandu. Lilaganu langu muhiga yaku, yati livya lilaganu la magono goha gangali na mwishu. 14Kila mgosi mweangadumuliwa jandu, yati iwusiwa muvandu, muni adenyili lilaganu langu.”
15Kangi Chapanga akamjovela Ibulahimu, “Kumvala mdala waki, yati ukumkemela lepi kavili Salai, nambu lihina laki yati livya Sala. 16Yati nikummotisa, namwene yati akuvelekela mwana mgosi. Yati nikummotisa Sala, namwene yati ivya nyina wa vandu va milima yamahele na vankosi va milima yati vihumila kwaki.”
17Penapo Ibulahimu akagundama mbaka pahi, akaheka na mutima waki kuhololela, “Wu, chakaka yihotoleka mwana kuvelekewa kwa mgogolo mweavi na miyaka miya yimonga? Wu, Sala mweavi na miyaka tisini, yati ihotola kuveleka mwana?” 18Hinu, Ibulahimu akamkota Chapanga, “Ngayivi chabwina lilaganu lenilo ngalivii kwa Ishimaeli!”
19Chapanga akamyangula, “Lepi! Mdala waku Sala yati akuvelekela mwana mgosi, na veve yati ukumkemela lihina laki Isaka. Yati nikamula lilaganu langu kwaki na viveleku vyaki, livya lilaganu la magono goha gangali na mwishu. 20Niyuwini luyupu lwaku kumvala Ishimaeli. Yati nikummotisa, yati nikumpela vana vamahele na kuvayonjokesa neju. Ishimaeli yati ivya dadi wa vatalalila kumi na vavii, na nene yati nikumukita avyayi dadi wa mulima uvaha. 21Nambu lilaganu langu yati nitimilisa kwa Isaka, ndi Sala yati akuvelekela mwaka mweibwela lusenje ngati lwenulu.” 22Hinu Chapanga peamalili kulongela na Abulahamu, akamleka akahamba kunani.
23Kangi, ligono lilalila Ibulahimu amyidakili Chapanga na akamutola Ishimaeli pamonga na voha vevavelekiwi munyumba yaki na voha vevaguliwi kwa mashonga gaki, vagosi voha va munyumba yaki akavadumula jandu ngati chealagaziwi na Chapanga. 24Ibulahimu avii na miyaka tisini na tisa peadumuliwi jandu, 25mewa Ishimaeli mwana waki peadumuliwi jandu avii na miyaka kumi na yidatu. 26Ibulahimu na pamonga na Ishimaeli mwana waki vadumuliwi jandu ligono lilalila, 27pamonga na vagosi voha va nyumba yaki na vavanda voha vevavelekiwi munyumba yaki na vevaguliwi kwa mashonga gaki, vadumuliwi jandu ligono lilolo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.