Utu 16
16
Hajili na Ishimaeli
1Hinu, Salai, mdala wa Abulahamu amvelekili lepi vana. Nambu avii na mvanda mdala wa ku Misili mweikemiwa Hajili. 2Hinu Salai akamjovela Abulahamu, “Bambu anipeli lepi vana. Gona na Hajili mvanda wangu, pangi yati nipata vana kwa mwenuyo.” Abulahamu akayidakila malovi ga Salai. 3Ndi Salai akampela Abulahamu Hajili, mvanda waki mweavii Mmisili, hawala. Genago gahumalili lukumbi Abulahamu atamili ku Kanaani miyaka kumi. 4Abulahamu akagona na Hajili, na Hajili akavya na ndumbu. Nambu penapo ndu peajiwene avii na ndumbu, Hajili akatumbula kumuvevesa Salai.
5Ndi Salai akamjovela Abulahamu, “Gahakau gangu gavya ga kwaku. Nene nakupelili mvanda wangu, nambu hinu apatili ndumbu, ndi akunivevesa nene. Chapanga na ahamulayi pagati yaku na nene!”
6Abulahamu akamjovela Salai, “Mvanda waku avii mumawoko gaku, umukitayi chewigana.” Hinu, Salai akamung'aisa Hajili mbaka akatila.
7Mtumu wa kunani kwa Bambu akamukolela Hajili pepavi na chinyepa cha manji kulugangatu, chinyepa chechivii munjila yeyihamba ku Shuli. 8Mtumu wa kunani kwa Bambu akamkota, “Hajili, mvanda wa Salai! Wihuma kwoki na wihamba kwoki?”
Ndi akamyangula, “Nikumutila mkulu wangu Salai.”
9Penapo mtumu wa kunani kwa Bambu akamjovela, “Wuya kwa mkulu waku na ukamtopesa.” 10Mtumu wa kunani kwa Bambu akamjovela Hajili, “Yati nikupela viveleku vyamahele hati vangavalangika.” 11Mewa mtumu wa kunani kwa Bambu akayongesa kujova, “Veve uvi na ndumbu ndi yati wiveleka mwana, mgosi, ndi yati ukumkemela Ishimaeli, muni Bambu ayuwini mang'aiso gaku. 12Nambu mwana waku yati itama changali kuyuwanila mundu yoyoha, yati ikomana na kila mundu, na kila mundu yati ikomana naku. Yati itama ngati likoko na valongo vaki nambu yati akuvahotola.”
13Hinu, Hajili akampela lihina Bambu mwealongili nayu kula, “Veve ndi Chapanga mweukuniwona nene,” Ndava aholalili, “Chakaka penapa nimuweni mwene mweaniweni.” 14Ndava yeniyo chiliva chila chakemiliwi Belai Loi, mana yaki chiliva cha mwene mweavi mumi mweakuniwona. Chiliva ichi chivii pagati ya Kadeshi na Beledi.
15Hajili akamvelekela Abulahamu mwana mgosi. Abulahamu akamkemela mwana yula Ishimaeli. 16Lukumbi Hajili akumveleka Ishimaeli, Abulahamu avii na miyaka semanini na sita.
လက္ရွိေရြးခ်ယ္ထားမွု
Utu 16: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu 16
16
Hajili na Ishimaeli
1Hinu, Salai, mdala wa Abulahamu amvelekili lepi vana. Nambu avii na mvanda mdala wa ku Misili mweikemiwa Hajili. 2Hinu Salai akamjovela Abulahamu, “Bambu anipeli lepi vana. Gona na Hajili mvanda wangu, pangi yati nipata vana kwa mwenuyo.” Abulahamu akayidakila malovi ga Salai. 3Ndi Salai akampela Abulahamu Hajili, mvanda waki mweavii Mmisili, hawala. Genago gahumalili lukumbi Abulahamu atamili ku Kanaani miyaka kumi. 4Abulahamu akagona na Hajili, na Hajili akavya na ndumbu. Nambu penapo ndu peajiwene avii na ndumbu, Hajili akatumbula kumuvevesa Salai.
5Ndi Salai akamjovela Abulahamu, “Gahakau gangu gavya ga kwaku. Nene nakupelili mvanda wangu, nambu hinu apatili ndumbu, ndi akunivevesa nene. Chapanga na ahamulayi pagati yaku na nene!”
6Abulahamu akamjovela Salai, “Mvanda waku avii mumawoko gaku, umukitayi chewigana.” Hinu, Salai akamung'aisa Hajili mbaka akatila.
7Mtumu wa kunani kwa Bambu akamukolela Hajili pepavi na chinyepa cha manji kulugangatu, chinyepa chechivii munjila yeyihamba ku Shuli. 8Mtumu wa kunani kwa Bambu akamkota, “Hajili, mvanda wa Salai! Wihuma kwoki na wihamba kwoki?”
Ndi akamyangula, “Nikumutila mkulu wangu Salai.”
9Penapo mtumu wa kunani kwa Bambu akamjovela, “Wuya kwa mkulu waku na ukamtopesa.” 10Mtumu wa kunani kwa Bambu akamjovela Hajili, “Yati nikupela viveleku vyamahele hati vangavalangika.” 11Mewa mtumu wa kunani kwa Bambu akayongesa kujova, “Veve uvi na ndumbu ndi yati wiveleka mwana, mgosi, ndi yati ukumkemela Ishimaeli, muni Bambu ayuwini mang'aiso gaku. 12Nambu mwana waku yati itama changali kuyuwanila mundu yoyoha, yati ikomana na kila mundu, na kila mundu yati ikomana naku. Yati itama ngati likoko na valongo vaki nambu yati akuvahotola.”
13Hinu, Hajili akampela lihina Bambu mwealongili nayu kula, “Veve ndi Chapanga mweukuniwona nene,” Ndava aholalili, “Chakaka penapa nimuweni mwene mweaniweni.” 14Ndava yeniyo chiliva chila chakemiliwi Belai Loi, mana yaki chiliva cha mwene mweavi mumi mweakuniwona. Chiliva ichi chivii pagati ya Kadeshi na Beledi.
15Hajili akamvelekela Abulahamu mwana mgosi. Abulahamu akamkemela mwana yula Ishimaeli. 16Lukumbi Hajili akumveleka Ishimaeli, Abulahamu avii na miyaka semanini na sita.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.