Utu 12
12
Chapanga akumkemela Abulahamu
1Bambu akamjovela Abulahamu, “Wuka pamulima waku, leka valongo vaku na nyumba ya dadi wako, hamba ku mulima yenikukulangisa. 2Yati nikukita veve kuvya mulima uvaha, yati nikumotisa na yati nikukita umanyikana neju, na veve yati uvya mota.
3Yati nikuvamotisa vala vevakumotisa, na mundu yeyoha mweakupela likoto yati nikumpela likoto, na kupitila kwaku vandu voha va milima yoha yati vimotisiwa.”
4Ndi Abulahamu akawuka ngati cheajoviwi na Bambu, namwene Lutu akahamba pamonga nayu. Lukumbi Abulahamu peawukili ku Halani, avili na miyaka sabini na mhanu. 5Abulahamu akamtola Salai mdala waki pamonga na Lutu mwana wa mlongo waki, vakagega vindu vyavi vyoha pamonga na vandu voha vevavapatili ku Halani, vakagenda mbaka mulima wa Kanaani, ndi vakahika kwenuko.
6Abulahamu akagenda pagati ya mulima wenuwo akahika ku Shekemu, pepavi na mkongo uvaha wa Mole. Lukumbi lwenulo Vakanaani vavi vakolonjinji va mumulima wenuwo. 7Bambu amuhumalili Abulahamu akamjovela, “Yati nikuvapela viveleku vyaku mulima uwu.” Ndi penapo Abulahamu akamjengela pandu pa kuwusila teta Bambu mweamuhumalili. 8Mwanakandahi Abulahamu akawuka penapo, akahamba kuchitumbi chechivili upandi wa kwelihumila lilanga wa Beseli akajenga lindanda pagati ya muji wa Beseli na Ai yeyivii ku kwelitipama lilanga. Mewa penapo akamjengela Bambu pandu pa kuwusila teta kutiyisa na akamuyupa Bambu. 9Kangi Abulahamu akayendelela na lugendu kuhamba upandi wa kusini.
Abulahamu ku Misili
10Lukumbi lwenulo yikahumila njala pamulima. Njala yeniyo yavi yivaha, ndi Abulahamu akahamba ku Misili kutama kwenuko kwa lukumbi. 11Peahegalili kuyingila ku Misili, Abulahamu amjovili Salai mdala waki, “Nimanyili kuvya veve wamdala mweunyambili. 12Vamisili pevakulola, ‘Ndi yati vijova mwenuyu mdala waki.’ Ndi yati vakunikoma nene nambu veve yati vakukuleka mumi. 13Hinu vajovelayi veve ndi mlumbu wangu muni vanikitila gabwina, ndava yaku vanilekayi nitama mumi.” 14Hinu, Abulahamu peahikili kumulima wa Misili, kwenuko vakolonjinji vamuwene Salai kuvya mdala mweanyambili neju. 15Vatumisi va Falao pevamuwene Salai, vakamulumbalila palongolo ya Falao. Hinu, Salai vakampeleka kunyumba ya Falao. 16Ndava ya Salai, Falao akamkitila Abulahamu gabwina, akampela mambelele na ng'ombi, lipunda, ngamiya na vatumisi vachigosi na vachidala.
17Nambu Bambu akamng'aisa Falao na vandu voha va munyumba yaki kwa matamu gavaha ndava ya Salai mdala wa Abulahamu. 18Falao akamkemela Abulahamu, akamkota, “Ndava kyani unikitili naha? Ndava kyani wanijovili lepi kuvya Salai mdala waku? 19Ndava kyani wanijovili kuvya mlumbu waku hati nikamtola kuvya mdala wangu? Hinu mdala waku ndi uyu, umtola uhamba nayu!” 20Kangi Falao akavalagiza vandu vaki vamuhindikila Abulahamu na mdala waki pamonga na vindu vyaki vyoha vawukayi pamulima wa Misili.
လက္ရွိေရြးခ်ယ္ထားမွု
Utu 12: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu 12
12
Chapanga akumkemela Abulahamu
1Bambu akamjovela Abulahamu, “Wuka pamulima waku, leka valongo vaku na nyumba ya dadi wako, hamba ku mulima yenikukulangisa. 2Yati nikukita veve kuvya mulima uvaha, yati nikumotisa na yati nikukita umanyikana neju, na veve yati uvya mota.
3Yati nikuvamotisa vala vevakumotisa, na mundu yeyoha mweakupela likoto yati nikumpela likoto, na kupitila kwaku vandu voha va milima yoha yati vimotisiwa.”
4Ndi Abulahamu akawuka ngati cheajoviwi na Bambu, namwene Lutu akahamba pamonga nayu. Lukumbi Abulahamu peawukili ku Halani, avili na miyaka sabini na mhanu. 5Abulahamu akamtola Salai mdala waki pamonga na Lutu mwana wa mlongo waki, vakagega vindu vyavi vyoha pamonga na vandu voha vevavapatili ku Halani, vakagenda mbaka mulima wa Kanaani, ndi vakahika kwenuko.
6Abulahamu akagenda pagati ya mulima wenuwo akahika ku Shekemu, pepavi na mkongo uvaha wa Mole. Lukumbi lwenulo Vakanaani vavi vakolonjinji va mumulima wenuwo. 7Bambu amuhumalili Abulahamu akamjovela, “Yati nikuvapela viveleku vyaku mulima uwu.” Ndi penapo Abulahamu akamjengela pandu pa kuwusila teta Bambu mweamuhumalili. 8Mwanakandahi Abulahamu akawuka penapo, akahamba kuchitumbi chechivili upandi wa kwelihumila lilanga wa Beseli akajenga lindanda pagati ya muji wa Beseli na Ai yeyivii ku kwelitipama lilanga. Mewa penapo akamjengela Bambu pandu pa kuwusila teta kutiyisa na akamuyupa Bambu. 9Kangi Abulahamu akayendelela na lugendu kuhamba upandi wa kusini.
Abulahamu ku Misili
10Lukumbi lwenulo yikahumila njala pamulima. Njala yeniyo yavi yivaha, ndi Abulahamu akahamba ku Misili kutama kwenuko kwa lukumbi. 11Peahegalili kuyingila ku Misili, Abulahamu amjovili Salai mdala waki, “Nimanyili kuvya veve wamdala mweunyambili. 12Vamisili pevakulola, ‘Ndi yati vijova mwenuyu mdala waki.’ Ndi yati vakunikoma nene nambu veve yati vakukuleka mumi. 13Hinu vajovelayi veve ndi mlumbu wangu muni vanikitila gabwina, ndava yaku vanilekayi nitama mumi.” 14Hinu, Abulahamu peahikili kumulima wa Misili, kwenuko vakolonjinji vamuwene Salai kuvya mdala mweanyambili neju. 15Vatumisi va Falao pevamuwene Salai, vakamulumbalila palongolo ya Falao. Hinu, Salai vakampeleka kunyumba ya Falao. 16Ndava ya Salai, Falao akamkitila Abulahamu gabwina, akampela mambelele na ng'ombi, lipunda, ngamiya na vatumisi vachigosi na vachidala.
17Nambu Bambu akamng'aisa Falao na vandu voha va munyumba yaki kwa matamu gavaha ndava ya Salai mdala wa Abulahamu. 18Falao akamkemela Abulahamu, akamkota, “Ndava kyani unikitili naha? Ndava kyani wanijovili lepi kuvya Salai mdala waku? 19Ndava kyani wanijovili kuvya mlumbu waku hati nikamtola kuvya mdala wangu? Hinu mdala waku ndi uyu, umtola uhamba nayu!” 20Kangi Falao akavalagiza vandu vaki vamuhindikila Abulahamu na mdala waki pamonga na vindu vyaki vyoha vawukayi pamulima wa Misili.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.