Zẹfanaya 1
1
Ẹdẹ rẹ Ophu rẹ Ọrovwohwo
1Ota rẹ Ọrovwohwo ro bru Zẹfanaya rhe ọmọ ri kushi, ọmọ ri Gẹdalaya, ọmọ rẹ Amaraya, rẹ ọmọ ri Hẹzikaya, vwẹ ọke ri Jọsaya ọmọ rẹ Amọn, ovie ri Juda.
2Mi che hwerhe kemu kemu ejobi re kakare
nẹ enu rẹ akpọ na, eriyin Ọrovwohwo na tare.
3Mi hwerhe ohwo vẹ eranvwe kufia;
mi hwerhe emephran rẹ obenu kufia
kugbe eri rẹ abadi na.
Me guọghọ ohwo umwemwu fiọtọ kakare,
me nyavwẹ ohwo rẹ akpọ kufia
nẹ enu rẹ akpọ na, eriyin Ọrovwohwo na tare.
4Ke me riẹn obọ mẹ kpahe Juda,
vwọ kpahe ihwo re dia Jerusalẹm;
ke me nyavwẹ umuku ri Baal ro chekọ nẹ etinẹ
kugbe odẹ rẹ irherẹn re gọ edjọ na.
5Otu ri diguẹ phihọ ọkpọ rẹ uwevwi
vwọ kẹ otu rẹ obenu,
otu ri diguẹ ayen mie duvwe iyori kẹ Ọrovwohwo
ye ayen je vwẹ ode ri Milkọn duvwẹ Iyori.
6Otu ri chuko ku ri gbi nene Ọrovwohwo-o,
re gbe guọnọ Ọrovwohwo-ọ eyẹ ri gbi duotọ rẹ emu vwẹ
obọ rọye-e.
7Rhurhu unu vwẹ obaro rẹ Ọrovwohwo Ọghẹnẹ!
Kidie ẹdẹ rẹ Ọrovwohwo na te otọ re;
Ọrovwohwo rhuẹrẹ izobo kpahe
Ọ nabọ ru erhorha rọye fuanfon.
8Vwẹ ẹdẹ rẹ izobo rẹ Ọrovwohwo na–
Ki mi che hwe inotu na vẹ emọ rẹ ovie na
kugbe ayen otu re vwẹ emwa erhorha vwo rhuo.
9Vwẹ ẹdẹ yena ki mi hwe
kohwo kohwo ro pho wan ugana vrẹn,
kugbe ayen otu re ghwẹ ozighi vẹ ọghware vọn
uwevwi rẹ onini rọye.
10Vwẹ ẹdẹ yena, Eriyin Ọrovwohwo na tare,
ke che nyo unuebo vwẹ obo Anurhoro rẹ Eri na,
oviẹ ko che nẹ ubro rẹ orho rivẹ rhe,
edo gbragada ko nẹ obo ugbenu na rhe.
11Beroma, E ihwo re dia obo Maktesh!
Kidie ineki na ejobi gbe herọ-ọ;
ihwo re vwanvwẹ idọnọ efuanfon ejobi a nyavwẹ ayen kufia.
12Vwẹ ọke yena kẹ urhukpẹ me vwọ guọnọ Jerusalẹm,
ki mi hwe eshare na
otu re kerhọn rẹ uyono esiri ọkpokpo na-a,
otu re ta vwẹ udu rayen nẹ,
Ọrovwohwo se ruẹ obo ri yoma-a,
eyẹ o ji se ruẹ ọbo ri miovwiri-i.
13E che gborho ekuakua rayen reyọ,
ka kua iwevwi rẹ ayen fiotọ.
Owene ayen bọn iwevwi dede,
ayen cha sa dia aye-en;
owenẹ ayen kọn ogba ri vain,
ayen cha sa da udi ro hwẹ no rhe-e.
14Ẹdẹ rode rẹ Ọrovwohwo na si kẹri re
ọ kẹrire ọ cha vẹ ọkpakpa;
edọ rẹ ẹdẹ rẹ Ọrovwohwo o muenu korokoro,
ọgba rode na kperẹ phia vwẹ etiyin.
15Ẹdẹ yena ẹdẹ rẹ ophu,
ẹdẹ rẹ ọdjorho vẹ ivuemiovwo,
ẹdẹ rẹ ẹghwọrọ vẹ ekua fiotọ,
ẹdẹ rẹ ebri vẹ okuku hwi,
ẹdẹ rẹ egho vẹ ebri gbae.
16Ẹdẹ rẹ owanre ehworo vẹ unuebo rẹ ofovwi
vwọ so irere ra gba ogba riariẹ
ogba ri kpenu ra gba hẹrhẹ ofovwi.
17Me cha vwẹ omaẹghwọrọ vwọ ihwo na,
ọtiọye na ayen ke yan divwi divwi kerẹ irhuẹro,
fikiridie ayen ru imwemwu kpahe Ọrovwohwo;
ka mwavwe ọbara rayen kuotọ kerẹ iwurhie,
uvwo rayen kerẹ isọn.
18Idọnọ efuanfọn rayen eyẹ iro rayen
che se sivwi aye-en
vwẹ ẹdẹ rẹ ophu rẹ Ọrovwohwo na-a.
Vwẹ erhanre rẹ ophu rẹ omaẹriọ rọye,
otọ na ejobi ke torhẹ muotọ. Rọ vwọ gba, kpregede ọye ọ che vwo oba
kẹ ọtiọye otu re dia otọ na ejobi cha dia.
လက္ရွိေရြးခ်ယ္ထားမွု
Zẹfanaya 1: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Zẹfanaya 1
1
Ẹdẹ rẹ Ophu rẹ Ọrovwohwo
1Ota rẹ Ọrovwohwo ro bru Zẹfanaya rhe ọmọ ri kushi, ọmọ ri Gẹdalaya, ọmọ rẹ Amaraya, rẹ ọmọ ri Hẹzikaya, vwẹ ọke ri Jọsaya ọmọ rẹ Amọn, ovie ri Juda.
2Mi che hwerhe kemu kemu ejobi re kakare
nẹ enu rẹ akpọ na, eriyin Ọrovwohwo na tare.
3Mi hwerhe ohwo vẹ eranvwe kufia;
mi hwerhe emephran rẹ obenu kufia
kugbe eri rẹ abadi na.
Me guọghọ ohwo umwemwu fiọtọ kakare,
me nyavwẹ ohwo rẹ akpọ kufia
nẹ enu rẹ akpọ na, eriyin Ọrovwohwo na tare.
4Ke me riẹn obọ mẹ kpahe Juda,
vwọ kpahe ihwo re dia Jerusalẹm;
ke me nyavwẹ umuku ri Baal ro chekọ nẹ etinẹ
kugbe odẹ rẹ irherẹn re gọ edjọ na.
5Otu ri diguẹ phihọ ọkpọ rẹ uwevwi
vwọ kẹ otu rẹ obenu,
otu ri diguẹ ayen mie duvwe iyori kẹ Ọrovwohwo
ye ayen je vwẹ ode ri Milkọn duvwẹ Iyori.
6Otu ri chuko ku ri gbi nene Ọrovwohwo-o,
re gbe guọnọ Ọrovwohwo-ọ eyẹ ri gbi duotọ rẹ emu vwẹ
obọ rọye-e.
7Rhurhu unu vwẹ obaro rẹ Ọrovwohwo Ọghẹnẹ!
Kidie ẹdẹ rẹ Ọrovwohwo na te otọ re;
Ọrovwohwo rhuẹrẹ izobo kpahe
Ọ nabọ ru erhorha rọye fuanfon.
8Vwẹ ẹdẹ rẹ izobo rẹ Ọrovwohwo na–
Ki mi che hwe inotu na vẹ emọ rẹ ovie na
kugbe ayen otu re vwẹ emwa erhorha vwo rhuo.
9Vwẹ ẹdẹ yena ki mi hwe
kohwo kohwo ro pho wan ugana vrẹn,
kugbe ayen otu re ghwẹ ozighi vẹ ọghware vọn
uwevwi rẹ onini rọye.
10Vwẹ ẹdẹ yena, Eriyin Ọrovwohwo na tare,
ke che nyo unuebo vwẹ obo Anurhoro rẹ Eri na,
oviẹ ko che nẹ ubro rẹ orho rivẹ rhe,
edo gbragada ko nẹ obo ugbenu na rhe.
11Beroma, E ihwo re dia obo Maktesh!
Kidie ineki na ejobi gbe herọ-ọ;
ihwo re vwanvwẹ idọnọ efuanfon ejobi a nyavwẹ ayen kufia.
12Vwẹ ọke yena kẹ urhukpẹ me vwọ guọnọ Jerusalẹm,
ki mi hwe eshare na
otu re kerhọn rẹ uyono esiri ọkpokpo na-a,
otu re ta vwẹ udu rayen nẹ,
Ọrovwohwo se ruẹ obo ri yoma-a,
eyẹ o ji se ruẹ ọbo ri miovwiri-i.
13E che gborho ekuakua rayen reyọ,
ka kua iwevwi rẹ ayen fiotọ.
Owene ayen bọn iwevwi dede,
ayen cha sa dia aye-en;
owenẹ ayen kọn ogba ri vain,
ayen cha sa da udi ro hwẹ no rhe-e.
14Ẹdẹ rode rẹ Ọrovwohwo na si kẹri re
ọ kẹrire ọ cha vẹ ọkpakpa;
edọ rẹ ẹdẹ rẹ Ọrovwohwo o muenu korokoro,
ọgba rode na kperẹ phia vwẹ etiyin.
15Ẹdẹ yena ẹdẹ rẹ ophu,
ẹdẹ rẹ ọdjorho vẹ ivuemiovwo,
ẹdẹ rẹ ẹghwọrọ vẹ ekua fiotọ,
ẹdẹ rẹ ebri vẹ okuku hwi,
ẹdẹ rẹ egho vẹ ebri gbae.
16Ẹdẹ rẹ owanre ehworo vẹ unuebo rẹ ofovwi
vwọ so irere ra gba ogba riariẹ
ogba ri kpenu ra gba hẹrhẹ ofovwi.
17Me cha vwẹ omaẹghwọrọ vwọ ihwo na,
ọtiọye na ayen ke yan divwi divwi kerẹ irhuẹro,
fikiridie ayen ru imwemwu kpahe Ọrovwohwo;
ka mwavwe ọbara rayen kuotọ kerẹ iwurhie,
uvwo rayen kerẹ isọn.
18Idọnọ efuanfọn rayen eyẹ iro rayen
che se sivwi aye-en
vwẹ ẹdẹ rẹ ophu rẹ Ọrovwohwo na-a.
Vwẹ erhanre rẹ ophu rẹ omaẹriọ rọye,
otọ na ejobi ke torhẹ muotọ. Rọ vwọ gba, kpregede ọye ọ che vwo oba
kẹ ọtiọye otu re dia otọ na ejobi cha dia.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.