Habakọk 3
3
Ẹrhovwo rẹ Habakọk
1Ẹrhovwo ri Habakọk rẹ ọmraro na,
kirobo ri Shigiọnot siro.
2E Ọrovwohwo, mi nyo iyẹnrẹ wẹn,
iruo wẹn, E Ọrovwohwo, me djẹ oshọ rọye.
Vwẹ uherevie rẹ ukpe na gba rhiọ;
vwẹ uherevie rẹ ukpe na gba vwọ phia re a riẹn,
vwẹ evun rẹ ophu biko karohọ arodọvwẹ.
3Ọghẹnẹ nẹ Teman rhe,
Ọfuanfon Ọvuọvo na nẹ Ugbenu ri Paran rhe.
Urinrin rọye rhurhu odjuvwu na,
akpọ na ejobi da vọn vẹ ejiro rọye.
4Elo rọye kerẹ urhukpẹ
ọ rọ sa edada nẹ abọ rọye cha;
kẹ etiyin ọ da vwẹ ogangan rọye nẹ.
5Ọtiekọ ka obaro kẹ,
edagbo-dagbo re nene ukuko.
6O mudia ọ da vwanvwẹ akpọ na;
o niro o de mu ẹgborho na kpogho;
etiyin igbenu ri bẹdẹ na da hra,
igbenu itete re rhabae na de she divwi.
Idjerhe rọye je herọ kirobo rọ epha nẹ awanre rhe.
7Me da mrẹ itughẹ ri Kushan re hẹ ukpokpogho,
emwa rẹ inurhoro rẹ otọ ri Midian ki muẹ phariẹ.
8Irhie na wo muẹ ophu kpahe, E Ọrovwohwo?
ku wo muẹ ophu kpahe irhie na,
ghenẹ ivun miovwo uwe vwọ kpahe abadi na,
ọke ru wọ da gua vwẹ enu rẹ iyesi wẹn,
vwẹ enu rẹ ekpẹrẹ rẹ obọ ẹkparọ wẹn?
9Wo yoro umurhabọ wẹn nẹ evun rẹ akọ rọye,
wọ da vwẹ edada na te ufi na.
Wọ da vwẹ irhie na gbanẹ otọ na.
10Igbenu na mrẹ wẹ, ki muẹ oma chahe,
ame rọ họnra na ra djẹ phihọ obaro,
asan ikokodo na de kperi urhuru phia,
ọ kpare obọ rọye kpenu.
11Ọnre vẹ emeranvwe de mudia fọ vwẹ ẹdia rayen
vwẹ urhukpẹ rẹ edada wẹn ra sa yanran na,
vwẹ asan rẹ ubiri wẹn da nyavwaro.
12Wẹ re zagha otọ na vwẹ ivuemiovwo wẹn,
wọ da vwẹ ọphu wẹn chiyi ẹgborho na muotọ.
13Fiki rẹ esivwo rẹ ihwo wẹn wọ vwọ yan phia,
fiki rẹ esivwo rẹ ohwo ru wọ vwẹ evwri ghworo.
Wọ guọghọ uyovwi rẹ ohwo umwemwu na,
wọ da ghwiẹ emwa no nẹ ekpoghowọ ri te ohọre.
14Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi,
re rhere kere ogiribo rhe hra vwẹ,
rọ ghọghọ kerẹsiẹ ra da bẹbẹ mu ovwiọgbere rọ.
15Wọ vwẹ iyesi wẹn muẹ abadi chiyẹ,
ọgbogho rẹ ame rode.
16Mi vwo nyo, oma me kọ phariẹ,
ẹbẹrunu mẹ ko muẹ phariẹ;
ibeku mẹ ki di muẹ gbo, awọ mẹ ki di muẹ phariẹ.
Mi mudia gbiẹi herhẹ ẹdẹ rẹ ukpokpogho
che vwo she vwa ihwo re kparẹ ofovwi bru avwanre rhe.
17Owenẹ urhe ri fig rha kpa ipho dede-e,
eyẹ ibi gbe hẹ enu ri vai-in,
rẹ urhe rẹ oliv gbe mọ-ọ
re idju na gbi yovwi emu-u ro gbi vwo ekru rẹ eranvwe vwẹ erhu-u,
18ye me je ghọghọ vwẹ oma rẹ Ọrovwohwo ghene,
mi vwo aghọghọ vwẹ oma rẹ Ọghẹnẹ rẹ esivwo mẹ.
19Ọghẹnẹ, Ọrovwohwo ọye ogangan mẹ,
ọye re ma awọ mẹ kerẹ awọ rẹ uzọ,
ọye re nẹrhẹ ovwẹ chiyi asan ro kpenu.
လက္ရွိေရြးခ်ယ္ထားမွု
Habakọk 3: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Habakọk 3
3
Ẹrhovwo rẹ Habakọk
1Ẹrhovwo ri Habakọk rẹ ọmraro na,
kirobo ri Shigiọnot siro.
2E Ọrovwohwo, mi nyo iyẹnrẹ wẹn,
iruo wẹn, E Ọrovwohwo, me djẹ oshọ rọye.
Vwẹ uherevie rẹ ukpe na gba rhiọ;
vwẹ uherevie rẹ ukpe na gba vwọ phia re a riẹn,
vwẹ evun rẹ ophu biko karohọ arodọvwẹ.
3Ọghẹnẹ nẹ Teman rhe,
Ọfuanfon Ọvuọvo na nẹ Ugbenu ri Paran rhe.
Urinrin rọye rhurhu odjuvwu na,
akpọ na ejobi da vọn vẹ ejiro rọye.
4Elo rọye kerẹ urhukpẹ
ọ rọ sa edada nẹ abọ rọye cha;
kẹ etiyin ọ da vwẹ ogangan rọye nẹ.
5Ọtiekọ ka obaro kẹ,
edagbo-dagbo re nene ukuko.
6O mudia ọ da vwanvwẹ akpọ na;
o niro o de mu ẹgborho na kpogho;
etiyin igbenu ri bẹdẹ na da hra,
igbenu itete re rhabae na de she divwi.
Idjerhe rọye je herọ kirobo rọ epha nẹ awanre rhe.
7Me da mrẹ itughẹ ri Kushan re hẹ ukpokpogho,
emwa rẹ inurhoro rẹ otọ ri Midian ki muẹ phariẹ.
8Irhie na wo muẹ ophu kpahe, E Ọrovwohwo?
ku wo muẹ ophu kpahe irhie na,
ghenẹ ivun miovwo uwe vwọ kpahe abadi na,
ọke ru wọ da gua vwẹ enu rẹ iyesi wẹn,
vwẹ enu rẹ ekpẹrẹ rẹ obọ ẹkparọ wẹn?
9Wo yoro umurhabọ wẹn nẹ evun rẹ akọ rọye,
wọ da vwẹ edada na te ufi na.
Wọ da vwẹ irhie na gbanẹ otọ na.
10Igbenu na mrẹ wẹ, ki muẹ oma chahe,
ame rọ họnra na ra djẹ phihọ obaro,
asan ikokodo na de kperi urhuru phia,
ọ kpare obọ rọye kpenu.
11Ọnre vẹ emeranvwe de mudia fọ vwẹ ẹdia rayen
vwẹ urhukpẹ rẹ edada wẹn ra sa yanran na,
vwẹ asan rẹ ubiri wẹn da nyavwaro.
12Wẹ re zagha otọ na vwẹ ivuemiovwo wẹn,
wọ da vwẹ ọphu wẹn chiyi ẹgborho na muotọ.
13Fiki rẹ esivwo rẹ ihwo wẹn wọ vwọ yan phia,
fiki rẹ esivwo rẹ ohwo ru wọ vwẹ evwri ghworo.
Wọ guọghọ uyovwi rẹ ohwo umwemwu na,
wọ da ghwiẹ emwa no nẹ ekpoghowọ ri te ohọre.
14Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi,
re rhere kere ogiribo rhe hra vwẹ,
rọ ghọghọ kerẹsiẹ ra da bẹbẹ mu ovwiọgbere rọ.
15Wọ vwẹ iyesi wẹn muẹ abadi chiyẹ,
ọgbogho rẹ ame rode.
16Mi vwo nyo, oma me kọ phariẹ,
ẹbẹrunu mẹ ko muẹ phariẹ;
ibeku mẹ ki di muẹ gbo, awọ mẹ ki di muẹ phariẹ.
Mi mudia gbiẹi herhẹ ẹdẹ rẹ ukpokpogho
che vwo she vwa ihwo re kparẹ ofovwi bru avwanre rhe.
17Owenẹ urhe ri fig rha kpa ipho dede-e,
eyẹ ibi gbe hẹ enu ri vai-in,
rẹ urhe rẹ oliv gbe mọ-ọ
re idju na gbi yovwi emu-u ro gbi vwo ekru rẹ eranvwe vwẹ erhu-u,
18ye me je ghọghọ vwẹ oma rẹ Ọrovwohwo ghene,
mi vwo aghọghọ vwẹ oma rẹ Ọghẹnẹ rẹ esivwo mẹ.
19Ọghẹnẹ, Ọrovwohwo ọye ogangan mẹ,
ọye re ma awọ mẹ kerẹ awọ rẹ uzọ,
ọye re nẹrhẹ ovwẹ chiyi asan ro kpenu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.