Nahum 3
3
1Ekan kẹ orere rẹ ọbara na,
rọ vọnre vẹ efian kugbe emu rẹ uji–
ugborho na rhe vwo oba-a!
2Edo rẹ uphiẹphiẹ, kugbe edo rẹ adjugẹ,
iyesi ri pho kugbe hwrogho hwrogho rẹ akpẹrẹ!
3Otu re dia enu rẹ iyesi da nyavwẹ oda,
oda re djuẹ vẹ ibiri ri lo wrowro,
otu re hweri vẹ otọ gbidi,
irivwi rẹ ihwo re do koko,
irivwi rẹ ihwo ri vwo oba-a,
ayen mia yẹghrẹ she teyọ irivwi na!
4Ena ejobi kẹ fiki rẹ ọfanrhie rẹ igberadja na,
vẹ erhuvwu kugbe inehweri ọbrabra,
rọ vwẹ ọfanrhie rọye shẹ ẹgborho,
ọ me rha vwẹ inehweri rọye se ihwo.
5Nighe ki mi mu kpahe owẹ,
eriyin Ọrovwohwo rẹ otuofovwi na tare,
ke me ghwiẹ abọ rẹ ewun wẹn rhurhu uwe opharo;
uvie ke mrẹ ophọphọvwe wẹn.
6Ke me ghwẹ ikueku ku we, ke me vwẹ owẹ jehwẹ,
ihwo ke cha tọn ẹro vi we.
7Ihwo re mrẹ we ejobi ki che sioma reyọ tanẹ,
A ghwọrẹ Ninivẹ kufia; kono ri muomahọ kẹ?
ki tivọ a da mrẹ obruche vwọ kẹ?
8Wo yovwi nọ Tib
ro tidia vwẹ orhoma ri Nile,
rẹ ame riariẹ phihọ,
rọ ghwrọrọ phihọ abadi
rẹ ame da rhuọrhuọ igbẹhẹ rọye?
9Itiọpia ọye ogangan rọye,
Ijipt rhe, ọyena ji vwo oba-a;
Ihwo ri Put vi Libya eye kẹ ichuko rọye.
10Dede na ye muro yanran ghẹnẹ,
e muro kpo ighuvwu;
imitete rọye na a da vwẹ ayen fotọ yẹyẹghẹ
vwẹ obo oba rẹ urhuvwu ọvuọvo;
ka vwi fiki rẹ ihwo ride re herọ duvwu itẹ,
ihwo ride re herọ ejobi a da vwẹ ojọnrọn gba ayen.
11Udi ko che mu we rhe,
ku wo che ni asan ọvo kei;
wọ cha guọnọ asan wọ de sioma nu kẹ ovweghrẹ.
12Asan odjahọ wẹn kọ họhọ irhe ri fig
rẹ ibi rẹ ọtomọ rọye vware–
e de kpogho ki she phihọ unu rẹ ọriemu.
13Gbe nighe otuofovwi wẹn
ke họhọ eya vwẹ uherevie wẹn.
Echẹ rẹ otọ wẹn na
rhie phihọ ghwroro kẹ ivwighrẹ wẹn;
erhanre tọrhẹ ibregba wẹn re.
14We vo ame nene oma kpo imu na,
wa nabọ gba ọgba rẹ ovwan gan,
wa ra tọn ophiẹn,
re we chiyi ema na suesun,
reyọ ekpeti ra vwọ ma ikọrekpẹn na!
15Etiyin erhanre da cha torhẹ owẹ,
oda cha nyavwe owẹ fia.
Ọ cha re wẹ kerẹ igurube.
Gbe ru oma wẹn buphiyọ kerẹ igurube,
buebu kerẹ ebaka!
16Wo ru ineki wẹn buebu
i bunọ isio rẹ obenu na.
Igurube na bẹre ibekpe rọye ọ da rhan yanran.
17Isun wẹn họhọ ebaka
isiẹbe wẹn kerẹ ekru rẹ igurube
re rhan mu ogba
vwẹ ẹdẹ rẹ ekpahe–
rẹ uvo da bẹre rhe, e me rhan yanran;
ohwo ọvuọvo gbe riẹn asan rẹ epha-a.
18Isuigodẹ wẹn ra vwerhẹ,
E Ovie rẹ Asiria,
ehọnvwọre we re gọ ovwerhẹ.
Ihwo wẹn hra nene enu rẹ igbenu
o rhe vwo ohwo ro se ayen koko-o.
19O rhe vwo ohwo ro bruche rẹ odjadja wẹ-ẹn
ora wẹn na ọrhuarho
ihwo ri nyo ikun wẹn ejobi
ke teyọ abọ ghwẹ phihọ owẹ.
Kono ọnana je bro cha, rẹ
uvumwemwu wẹn jẹ oma e te?
လက္ရွိေရြးခ်ယ္ထားမွု
Nahum 3: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Nahum 3
3
1Ekan kẹ orere rẹ ọbara na,
rọ vọnre vẹ efian kugbe emu rẹ uji–
ugborho na rhe vwo oba-a!
2Edo rẹ uphiẹphiẹ, kugbe edo rẹ adjugẹ,
iyesi ri pho kugbe hwrogho hwrogho rẹ akpẹrẹ!
3Otu re dia enu rẹ iyesi da nyavwẹ oda,
oda re djuẹ vẹ ibiri ri lo wrowro,
otu re hweri vẹ otọ gbidi,
irivwi rẹ ihwo re do koko,
irivwi rẹ ihwo ri vwo oba-a,
ayen mia yẹghrẹ she teyọ irivwi na!
4Ena ejobi kẹ fiki rẹ ọfanrhie rẹ igberadja na,
vẹ erhuvwu kugbe inehweri ọbrabra,
rọ vwẹ ọfanrhie rọye shẹ ẹgborho,
ọ me rha vwẹ inehweri rọye se ihwo.
5Nighe ki mi mu kpahe owẹ,
eriyin Ọrovwohwo rẹ otuofovwi na tare,
ke me ghwiẹ abọ rẹ ewun wẹn rhurhu uwe opharo;
uvie ke mrẹ ophọphọvwe wẹn.
6Ke me ghwẹ ikueku ku we, ke me vwẹ owẹ jehwẹ,
ihwo ke cha tọn ẹro vi we.
7Ihwo re mrẹ we ejobi ki che sioma reyọ tanẹ,
A ghwọrẹ Ninivẹ kufia; kono ri muomahọ kẹ?
ki tivọ a da mrẹ obruche vwọ kẹ?
8Wo yovwi nọ Tib
ro tidia vwẹ orhoma ri Nile,
rẹ ame riariẹ phihọ,
rọ ghwrọrọ phihọ abadi
rẹ ame da rhuọrhuọ igbẹhẹ rọye?
9Itiọpia ọye ogangan rọye,
Ijipt rhe, ọyena ji vwo oba-a;
Ihwo ri Put vi Libya eye kẹ ichuko rọye.
10Dede na ye muro yanran ghẹnẹ,
e muro kpo ighuvwu;
imitete rọye na a da vwẹ ayen fotọ yẹyẹghẹ
vwẹ obo oba rẹ urhuvwu ọvuọvo;
ka vwi fiki rẹ ihwo ride re herọ duvwu itẹ,
ihwo ride re herọ ejobi a da vwẹ ojọnrọn gba ayen.
11Udi ko che mu we rhe,
ku wo che ni asan ọvo kei;
wọ cha guọnọ asan wọ de sioma nu kẹ ovweghrẹ.
12Asan odjahọ wẹn kọ họhọ irhe ri fig
rẹ ibi rẹ ọtomọ rọye vware–
e de kpogho ki she phihọ unu rẹ ọriemu.
13Gbe nighe otuofovwi wẹn
ke họhọ eya vwẹ uherevie wẹn.
Echẹ rẹ otọ wẹn na
rhie phihọ ghwroro kẹ ivwighrẹ wẹn;
erhanre tọrhẹ ibregba wẹn re.
14We vo ame nene oma kpo imu na,
wa nabọ gba ọgba rẹ ovwan gan,
wa ra tọn ophiẹn,
re we chiyi ema na suesun,
reyọ ekpeti ra vwọ ma ikọrekpẹn na!
15Etiyin erhanre da cha torhẹ owẹ,
oda cha nyavwe owẹ fia.
Ọ cha re wẹ kerẹ igurube.
Gbe ru oma wẹn buphiyọ kerẹ igurube,
buebu kerẹ ebaka!
16Wo ru ineki wẹn buebu
i bunọ isio rẹ obenu na.
Igurube na bẹre ibekpe rọye ọ da rhan yanran.
17Isun wẹn họhọ ebaka
isiẹbe wẹn kerẹ ekru rẹ igurube
re rhan mu ogba
vwẹ ẹdẹ rẹ ekpahe–
rẹ uvo da bẹre rhe, e me rhan yanran;
ohwo ọvuọvo gbe riẹn asan rẹ epha-a.
18Isuigodẹ wẹn ra vwerhẹ,
E Ovie rẹ Asiria,
ehọnvwọre we re gọ ovwerhẹ.
Ihwo wẹn hra nene enu rẹ igbenu
o rhe vwo ohwo ro se ayen koko-o.
19O rhe vwo ohwo ro bruche rẹ odjadja wẹ-ẹn
ora wẹn na ọrhuarho
ihwo ri nyo ikun wẹn ejobi
ke teyọ abọ ghwẹ phihọ owẹ.
Kono ọnana je bro cha, rẹ
uvumwemwu wẹn jẹ oma e te?
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.