Habakọk 1
1
Habakọk Vwerhe Oma rẹ Eku
1Epha rẹ Ọghẹnẹ ri Habakọk rẹ ọmraro na bọre.
2E Ọrovwohwo, mavọ o krite ri mi vwo kperi se ọchuko,
yu wo nyo-o?
Eyẹrẹ kperi se we nẹ Ozighi,
yu wo se sivwẹ-ẹ?
3Die wọ vwọ nẹrhẹ ovwẹ mrẹ oruchọ
re me vwọ kparo nẹ ukpokpogho?
Eghwọrọ vẹ ozighi gbere obaro kẹ vwẹ;
ẹghwọ vẹ aphro vwọ kpahe ovwẹ chachacha.
4Ọtiọye na urhi na kọ doghobọ
ọsoso gbe vwẹ oma phia-a.
Kidie ohwo umwemwu sogodogo riariẹ ọvwata na,
e de ku ọsoso na rhẹriẹ.
Ihwo ri Kaldia na Che Hwe Juda
5Ni ohri rẹ ẹgborho na, re wọ mrẹ;
jo gbe we unu re ofu dje we.
Kidie mi re ru iruo vwẹ ọke wẹn
ra da ta kẹ wẹ wọ che segbuyota-a.
6Kidie nighere, me kpare ihwo ri Kaldia cha,
ẹgborho gudugudu ro muenu,
ri nẹ udje wan asan rẹ otọ na hẹri te ejobi,
ri gborho ẹdia rẹ ihwo efa.
7Ihwo ri mu udidi ri mu oshọ;
ọsoso rayen kugbe ọrho yoro nẹ ayen oma cha.
8Iyesi rayen djẹ onẹ phẹre nọ edjanakpo,
i muoshọ nẹ ikpohrokpo rẹ ovwọnvwọn;
otu re gua iyesi rayen ra gọlọ hẹ obaro.
Uyota, otu re gua iyesi rayen ogboko i nurhe,
e rhan kerẹ ugo rọ mrẹ obo ro re fru.
9Fiki rẹ ozighi ayen vwọ rhe;
uguegue rẹ ayen ka obaro kẹ ayen.
Ayen mu ighuvwu ka obaro kẹ ayen.
10Ayen mienu phihọ ivie,
ayen ke vwẹ otu rẹ isun na jehwẹ,
ayen ke vwẹ ogba ogangan rẹ ayen gbare jehwẹ,
kidie ayen mu ekpẹn nyẹ ayen da ruọ.
11Etiyin ayen de hwerhe vrẹn kerẹ odju ayen da yan he obaro,
ihwo re re abe, rẹ ẹgba rayen hirhe phihọ ọghẹnẹ kẹ ayen.
Habakọk re Vwerhe Oma kẹ Ọrovwohwo
12Ọ dia owẹ re herọ rhiri bẹdẹ,
E Ọrovwohwo Ọghẹnẹ mẹ, Ọfuanfọn Ọvuọvo mẹ na?
Avwanre che ghwu-u,
E Ọrovwohwo, wẹ re vwẹ ayen mu kerẹ ẹdjọeguo;
Wẹ, E Oragha, wẹ re vwẹ ayen mu vwọ kẹ efafa.
13Wẹ rẹ ẹro rọye fon nọ o rhe ju we vwo ni umiovwo-o,
o rhe ju we vwo ni obo re chọre-e,
kidie wo rhe nẹ ihwo ri je segbuyota,
ru wọ vwọ fọ rẹ ihwo umwemwu vwo mu vwe rọ
ohwo rọ dia ọvwata nọ?
14Kidie wọ ma ihwo rẹ akpọ kerẹ eri rẹ abadi,
kerẹ eravwọ ri kpono ri vwo osu-un.
15Ọ da vwẹ oghọre sa ayen ejobi,
ọ da vwẹ ariri kpono ayen rhe,
ugodo rẹ ariri na da jẹ phihọ ayen;
ọtiọye na kọ ghọghọ ko mu oma kpenu.
16Fiki rẹ ọtiọye na ko ze izobo kẹ ariri rọye
kọ tọrhẹ insẹns kẹ ugodo rẹ ariri rọye,
kidie ayen ọ vwọ re akpọ,
emu rọ ria pha tẹgbẹ yoyovwi.
17Ọ gba vwi kẹdẹ kẹdẹ siẹ iyeri nẹ ariri rọye,
o gbe di hwe ẹgborho na ekueku bẹdẹ?
လက္ရွိေရြးခ်ယ္ထားမွု
Habakọk 1: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Habakọk 1
1
Habakọk Vwerhe Oma rẹ Eku
1Epha rẹ Ọghẹnẹ ri Habakọk rẹ ọmraro na bọre.
2E Ọrovwohwo, mavọ o krite ri mi vwo kperi se ọchuko,
yu wo nyo-o?
Eyẹrẹ kperi se we nẹ Ozighi,
yu wo se sivwẹ-ẹ?
3Die wọ vwọ nẹrhẹ ovwẹ mrẹ oruchọ
re me vwọ kparo nẹ ukpokpogho?
Eghwọrọ vẹ ozighi gbere obaro kẹ vwẹ;
ẹghwọ vẹ aphro vwọ kpahe ovwẹ chachacha.
4Ọtiọye na urhi na kọ doghobọ
ọsoso gbe vwẹ oma phia-a.
Kidie ohwo umwemwu sogodogo riariẹ ọvwata na,
e de ku ọsoso na rhẹriẹ.
Ihwo ri Kaldia na Che Hwe Juda
5Ni ohri rẹ ẹgborho na, re wọ mrẹ;
jo gbe we unu re ofu dje we.
Kidie mi re ru iruo vwẹ ọke wẹn
ra da ta kẹ wẹ wọ che segbuyota-a.
6Kidie nighere, me kpare ihwo ri Kaldia cha,
ẹgborho gudugudu ro muenu,
ri nẹ udje wan asan rẹ otọ na hẹri te ejobi,
ri gborho ẹdia rẹ ihwo efa.
7Ihwo ri mu udidi ri mu oshọ;
ọsoso rayen kugbe ọrho yoro nẹ ayen oma cha.
8Iyesi rayen djẹ onẹ phẹre nọ edjanakpo,
i muoshọ nẹ ikpohrokpo rẹ ovwọnvwọn;
otu re gua iyesi rayen ra gọlọ hẹ obaro.
Uyota, otu re gua iyesi rayen ogboko i nurhe,
e rhan kerẹ ugo rọ mrẹ obo ro re fru.
9Fiki rẹ ozighi ayen vwọ rhe;
uguegue rẹ ayen ka obaro kẹ ayen.
Ayen mu ighuvwu ka obaro kẹ ayen.
10Ayen mienu phihọ ivie,
ayen ke vwẹ otu rẹ isun na jehwẹ,
ayen ke vwẹ ogba ogangan rẹ ayen gbare jehwẹ,
kidie ayen mu ekpẹn nyẹ ayen da ruọ.
11Etiyin ayen de hwerhe vrẹn kerẹ odju ayen da yan he obaro,
ihwo re re abe, rẹ ẹgba rayen hirhe phihọ ọghẹnẹ kẹ ayen.
Habakọk re Vwerhe Oma kẹ Ọrovwohwo
12Ọ dia owẹ re herọ rhiri bẹdẹ,
E Ọrovwohwo Ọghẹnẹ mẹ, Ọfuanfọn Ọvuọvo mẹ na?
Avwanre che ghwu-u,
E Ọrovwohwo, wẹ re vwẹ ayen mu kerẹ ẹdjọeguo;
Wẹ, E Oragha, wẹ re vwẹ ayen mu vwọ kẹ efafa.
13Wẹ rẹ ẹro rọye fon nọ o rhe ju we vwo ni umiovwo-o,
o rhe ju we vwo ni obo re chọre-e,
kidie wo rhe nẹ ihwo ri je segbuyota,
ru wọ vwọ fọ rẹ ihwo umwemwu vwo mu vwe rọ
ohwo rọ dia ọvwata nọ?
14Kidie wọ ma ihwo rẹ akpọ kerẹ eri rẹ abadi,
kerẹ eravwọ ri kpono ri vwo osu-un.
15Ọ da vwẹ oghọre sa ayen ejobi,
ọ da vwẹ ariri kpono ayen rhe,
ugodo rẹ ariri na da jẹ phihọ ayen;
ọtiọye na kọ ghọghọ ko mu oma kpenu.
16Fiki rẹ ọtiọye na ko ze izobo kẹ ariri rọye
kọ tọrhẹ insẹns kẹ ugodo rẹ ariri rọye,
kidie ayen ọ vwọ re akpọ,
emu rọ ria pha tẹgbẹ yoyovwi.
17Ọ gba vwi kẹdẹ kẹdẹ siẹ iyeri nẹ ariri rọye,
o gbe di hwe ẹgborho na ekueku bẹdẹ?
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.