Nahum 2
2
1Otu re guọghọ na bru we rhire.
Se ihwo rhe re hwa hẹrhẹ;
rhere idjerhe na;
chobiẹ amwa wẹn;
Rhanre oma vi.
2Kidie Ọrovwohwo rhoma vwẹ ọrho ri Jekọp cha
kerẹ ọrho rẹ Izrẹl,
kidie igbunegbu gborho ayen
ayen da guọghọ eghọn rayen.
3Ekpọfia rẹ egba na ra vwara,
otuofovwi rọye vwẹ isene rhuo
ẹkpẹrẹ na ke nyavwaro kerẹ erhanre
vwẹ ọke rẹ ayen da karedje rẹ ofovwi;
ayen ghwa họrhọ ruọ
4ẹkpẹrẹ na ra yangha vwẹ evun rẹ irhuvwu
ayen djẹ kpo obonẹ kpo oboyi vwẹ evun rẹ ọsuere;
i re lo ghẹrẹ ghẹrẹ kerẹ imwẹrhanre,
e rọ nyavwaro kerẹ enu.
5E se inotu na rhe,
ayen gele je ayen yanran,
ayen re broma kpo obo igbẹhẹ,
dohwo dọlọkọ rọye garivi enu.
6Echẹ rẹ urhie na e rhiẹ ayen phihọ,
ighẹn rẹ ovie na shẹ ọyangha;
7Aye ro vwo ighẹn na e choro yanran,
emẹtẹ rọye ra viẹ,
i ro beroma kerẹ ilekuku,
ayen ra teyẹ udu rayen.
8Ninivẹ da họhọ oku
rẹ amẹ rọye djẹ yanran.
Daji! Daji!, ayen de kperi;
ẹkẹvuọvo ọvuọvo rhivwi rhe-e.
9Gborho idọnọ ẹfuanfon na, gborho iro na!
o vwo efe ro vwo oba-a
yẹrẹ efe rẹ emu ọghaghare ro vwo oba-a.
10Kua! ẹkuafiotọ vẹ ẹghwọrọ!
Udu nẹ ẹdia, igbo ra phariẹ,
uvweri vọn oma ejobi hwe,
epharo ejobi ki phurẹn phurẹn!
11Tivọ unu rẹ okpohrokpo na epha
emwa rẹ emọ rẹ okpohrokpo na,
asan rẹ okpohrokpo muẹ obo rọ ria cha,
asan rẹ emọ rọye epha, yẹ ohwo djobọ te aye-en?
12Okpohrokpo na chẹghẹn emu vọn otọ kẹ emọ rọye.
O de hwe eranvwe kẹ oni rọye;
o hwe eranvwe vọn emwa na
eranvwe ra chẹghẹre vọn unu rọye.
Ninivẹ Ghwọrọ re Tototo
13Nighe mi mu kpahe owẹ, eriyin Ọrovwohwo rẹ otuofovwi na tare, ke me cha torhẹ ekpẹrẹ wẹn na, ivwirhi ki bru rhe, ka cha vwẹ ọlọkọ nyavwẹ imikpohrokpo wen na; ke me cha nyavwẹ eranvwe wẹn nẹ otọ na, e gbi che nyo urhuru rẹ iyinkọn wẹn ọfa-a.
လက္ရွိေရြးခ်ယ္ထားမွု
Nahum 2: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.