Nahum 1
1
Ophu rẹ Ihri rẹ Ọrovwohwo
1Epha ra bọ kpahe Ninivẹ.
Ọbe rẹ emramrẹ ri Nahum ohwo rẹ Ẹlkosh.
2Ọrovwohwo Ọghẹnẹ rọ rioma rọ reihri,
Ọrovwohwo na reihri o ki ji mu ophu;
Ọrovwohwo reihri vwẹ obọ rẹ ihwo
ri mu kpahọ
o ji mu ophu kpahe ivwighrẹ rọye.
3Ọrovwohwo na fobọ mu ophu-u
yo vwo ẹgba rhuarho,
Ọrovwohwo na ri brorhiẹ hwe ohwo rọ re abe.
Idjerhe rọye ọ hẹ evun rẹ ogiribo vẹ urhie rọ họnra,
egho rẹ obenu eye hẹ ekpẹn re tamu awọ rọye.
4Ọ ghwọ ku abadi ọ da kpọ yamu,
ọ da nẹrhẹ irhie na ejobi kpọ yamu;
Beshan kugbe Karmẹl de vwioro,
ẹbe djidji ri Lebanọn ejobi fare.
5Igbenu na ki kpogho vwẹ obaro rọye,
igbenu rẹ itete de mu wran;
otọ na ejobi kẹ ofefe vwẹ obaro rọye,
akpọ na kugbe obo re dia evun rọye ejobi.
6Ono ri se mudia hẹrhẹ ophu rọye?
Ono se chirako rẹ ọrhorho rẹ ivuemiovwo rọye?
Ọ kpare ophu rọye ku kerẹ erhanre,
o de hwe eragha na ibribro.
7Ọrovwohwo na yoma,
asan odjahọ vwẹ ẹdẹ rẹ ukpokpogho;
ọ riẹn ihwo re djẹ sioma nu vwẹ evun rọye.
8Ẹkẹvuọvo ọ cha vwẹ oghwe ro kuẹ
vwo furhie otu ri mu kpahọ,
kọ cha djẹ ivwighrẹ rọye ra ro evun rẹ ebri.
9Die wa vwọ jẹ iroro umwemwu kpahe Ọrovwohwo?
O che furhie re kakare,
ọ cha reihri rẹ
ivwighrẹ rọye wan obọvo-o.
10Kerẹ inwe re gba phihọ eriyin a cha ghwọrọ ayen,
kerẹ ehẹbe eyaya.
11Ohwo ọvuọvo rhe ne obọ me rhe,
rọ jẹ iroro umwemwu kpahe Ọrovwohwo,
rọ jẹ orharhe rẹ iroro?
12Enẹ Ọrovwohwo tare,
Owenẹ ayen ganre eyẹ ayen buru,
a cha nyavwẹ ayen ghwẹ kufia.
Owene mi kpokpo uwe jovwo,
mi gbi kpokpo uwe ọfa-a.
13Asakiephana ki mi vwirhi urhekpe rọye nẹ uwe oma
ke me sanvwẹ ifi wẹn vwrẹn.
14Ọrovwohwo ji urhi kpahe owẹ:
O gbi che vwo ohwo ra vwọ karohọ odẹ wẹ-ẹn;
ke mi cha nyavwẹ owẹ kufia nẹ uwevwi rẹ edjọ wẹn,
oma ra kare kugbe oma ra wranre.
Ke me tọn ushi wẹn, kidie orharhe wo ruẹ.
Ikun rẹ Eshe ri Ninivẹ
15Nighe, vwẹ obenu rẹ ugbenu na gbe ni awọ rẹ
ihwo re ghwa ikun esiri na cha;
ri ghwoghwo ufuoma!
Re ore wẹn, E Juda, gbe ru ive wẹn gba,
kidie ohwo umwemwu gbe cha vwo so wẹ bẹdẹ-ẹ
a nyavwerọ kufia tototo.
လက္ရွိေရြးခ်ယ္ထားမွု
Nahum 1: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Nahum 1
1
Ophu rẹ Ihri rẹ Ọrovwohwo
1Epha ra bọ kpahe Ninivẹ.
Ọbe rẹ emramrẹ ri Nahum ohwo rẹ Ẹlkosh.
2Ọrovwohwo Ọghẹnẹ rọ rioma rọ reihri,
Ọrovwohwo na reihri o ki ji mu ophu;
Ọrovwohwo reihri vwẹ obọ rẹ ihwo
ri mu kpahọ
o ji mu ophu kpahe ivwighrẹ rọye.
3Ọrovwohwo na fobọ mu ophu-u
yo vwo ẹgba rhuarho,
Ọrovwohwo na ri brorhiẹ hwe ohwo rọ re abe.
Idjerhe rọye ọ hẹ evun rẹ ogiribo vẹ urhie rọ họnra,
egho rẹ obenu eye hẹ ekpẹn re tamu awọ rọye.
4Ọ ghwọ ku abadi ọ da kpọ yamu,
ọ da nẹrhẹ irhie na ejobi kpọ yamu;
Beshan kugbe Karmẹl de vwioro,
ẹbe djidji ri Lebanọn ejobi fare.
5Igbenu na ki kpogho vwẹ obaro rọye,
igbenu rẹ itete de mu wran;
otọ na ejobi kẹ ofefe vwẹ obaro rọye,
akpọ na kugbe obo re dia evun rọye ejobi.
6Ono ri se mudia hẹrhẹ ophu rọye?
Ono se chirako rẹ ọrhorho rẹ ivuemiovwo rọye?
Ọ kpare ophu rọye ku kerẹ erhanre,
o de hwe eragha na ibribro.
7Ọrovwohwo na yoma,
asan odjahọ vwẹ ẹdẹ rẹ ukpokpogho;
ọ riẹn ihwo re djẹ sioma nu vwẹ evun rọye.
8Ẹkẹvuọvo ọ cha vwẹ oghwe ro kuẹ
vwo furhie otu ri mu kpahọ,
kọ cha djẹ ivwighrẹ rọye ra ro evun rẹ ebri.
9Die wa vwọ jẹ iroro umwemwu kpahe Ọrovwohwo?
O che furhie re kakare,
ọ cha reihri rẹ
ivwighrẹ rọye wan obọvo-o.
10Kerẹ inwe re gba phihọ eriyin a cha ghwọrọ ayen,
kerẹ ehẹbe eyaya.
11Ohwo ọvuọvo rhe ne obọ me rhe,
rọ jẹ iroro umwemwu kpahe Ọrovwohwo,
rọ jẹ orharhe rẹ iroro?
12Enẹ Ọrovwohwo tare,
Owenẹ ayen ganre eyẹ ayen buru,
a cha nyavwẹ ayen ghwẹ kufia.
Owene mi kpokpo uwe jovwo,
mi gbi kpokpo uwe ọfa-a.
13Asakiephana ki mi vwirhi urhekpe rọye nẹ uwe oma
ke me sanvwẹ ifi wẹn vwrẹn.
14Ọrovwohwo ji urhi kpahe owẹ:
O gbi che vwo ohwo ra vwọ karohọ odẹ wẹ-ẹn;
ke mi cha nyavwẹ owẹ kufia nẹ uwevwi rẹ edjọ wẹn,
oma ra kare kugbe oma ra wranre.
Ke me tọn ushi wẹn, kidie orharhe wo ruẹ.
Ikun rẹ Eshe ri Ninivẹ
15Nighe, vwẹ obenu rẹ ugbenu na gbe ni awọ rẹ
ihwo re ghwa ikun esiri na cha;
ri ghwoghwo ufuoma!
Re ore wẹn, E Juda, gbe ru ive wẹn gba,
kidie ohwo umwemwu gbe cha vwo so wẹ bẹdẹ-ẹ
a nyavwerọ kufia tototo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.