Maika 7
7
Uruemu rẹ Izrẹl Gbori
1Ekan kẹ vwẹ! Kidie me rhe họhọ
ọke ra da kọrọ emamọ rẹ ọkeuvo nu,
kerẹ ọke ra da kọrọ ibi ri vain ejobi nu:
rẹ erheghe ọvuọvo gbe herọ ra ria-a,
o gbi vwo ubi ri fig rẹ ẹsosuọ rọ vware rẹ erhi mẹ guọnọre-e
2Ohwo esiri na ghwu nẹ otọ na re,
o rhe vwo ọvwata ọvuọvo vwẹ ohri rẹ ihwo-o;
ayen ejobi fiọnko hẹrhẹ ọbara
dohwo doniọvo rọye tan ariri hẹrhẹ.
3Obo rayen hẹ emu umwemwu eruo,
ayen nabọ ruo dẹndẹn;
te osun te oguẹdjọ ra nọ ekpẹn rẹ udi,
ohwo rode ra ta ota umwemwu rẹ erhi rọye guọnọre;
kẹ enẹ ayen rhuo koko.
4Ọ ro me yovwi vwẹ usun rẹ ayen họhọ ebẹn,
ọ rọ ma dia ọvwata vwẹ ohri rẹ ayen họhọ ogba rẹ inwe.
Ẹdẹ rẹ ọrhẹrotọ rayen, ẹdẹ rẹ ehwe rayen, o te nure;
Asakiephana ozighi rayen kẹrẹ otọ re.
5Wọ vwẹ ẹro so ọrivẹ-ẹ,
wọ vwẹ udu kpahe ugbeya-an;
sẹro rẹ ẹchẹ rẹ ugbunu wẹn
kẹ aye rọ vwẹ uyovwi kpahe owẹ udu;
6Kidie ọmọshare na ni ọsẹ rọye saka,
ọmọtẹ na ghwe mukpahe oni rọye,
aye-orọvwe mukpahe oniorọvwe rọye;
uwevwi rẹ obọ rẹ ohwo ọye ọvweghre epha.
Ọrovwohwo re vwẹ Urhukpẹ vẹ Esivwo Cha
7Ẹkẹvuọvo vwọ kẹ vwẹ Ọrovwohwo mi che ni,
me hẹrhẹ Ọghẹnẹ rẹ esivwo mẹ;
Ọghẹnẹ mẹ che nyo vwẹ.
8Wọ ghọghọ ovwẹ-ẹ, E ọvweghrẹ mẹ.
mi de she, mi ji che vrẹn;
ọke mi de tidia vwẹ evun rẹ ebri,
Ọrovwohwo cha dia urhukpẹ kẹ vwẹ
9Ki mi chiri ophu rẹ Ọrovwohwo na
fikiridie mi ru umwemwu kpahọ,
bẹsiẹ ro vwo mie vwẹ unu vwo gu
ro de brorhiẹ kẹ vwẹ.
kọ vwẹ ovwẹ kpo asan rẹ urhukpẹ epha;
ke me mrẹ esivwo rọye vughe.
10Etiyin ọvweghrẹ mẹ kọ mrẹ,
oma kọ vo ohwo rọ ta kẹ vwẹ
Tivọ Ọrovwohwo re Ọghẹnẹ wẹn epha?
Ki mi ghorie ẹro no,
asakiephana ke chiyo te otọ kerẹ ibehre rẹ urhuvwu.
11Ẹdẹ ọvo cha ra cha vwọ ma igbẹhẹ wẹn!
Vwẹ ẹdẹ yena ke bi ughwru na shesheri
12Vwe ẹdẹ yena ayen ki che bru we rhe,
nẹ Asiria re te Ijipt,
nẹ Ijipt rhe re te Urhie na,
nẹ abadi re te abadi nẹ ugbenu re te ugbenu.
13Ẹkẹvuọvo ọto na kọ cha dia ofefe
fiki re ihwo re dia,
fiki rẹ emamọ rẹ uruemu rayen .
Ọrovwohwo re Ehrọre rẹ Izrẹl
14Vwẹ ọkpọ wẹn sun ihwo wẹn,
igegede re wọ vwọ reuku,
rẹ ayen ọvo dia evun rẹ egbo ọvo sogolo
vwẹ ohri rẹ okogbe;
jẹn ayen ghẹrẹ oma vwo Bashan vi Gilẹad
kerẹ ọke rẹ awanre.
15Kẹrẹ ọke rẹ ovwan vwo nẹ otọ rẹ Ijipt rhe na
ke Me vwẹ emu rẹ igbunu buebu nẹ ayen.
16Ẹgborho na ke mrẹ oma rẹ ẹgba rayen,
ayen ke vwẹ abọ rayen rhurhu unu rayen;
erhọn rayen ki che di;
17ayen ke cha rare ekpẹn kerẹ ọrọdekọ,
kerẹ erọvwọ ri kpono vwẹ otọ na;
ayen ki yoro nẹ asan ọgangan rayen rhe vẹ oma ẹpharie,
ayen ki che rhivwi bru Ọrovwohwo Ọghẹnẹ rayen rhe vẹ udidi,
oshọ kọ mu ayen fiki wẹ.
18Ono Ọghẹnẹ rọ họhọ owẹ, rọ vwẹ orukuruku vwọ ghovwo
ro mi gbobọnye ogbeku
vwi fiki rẹ umuku rẹ ihwo rọye ri chekọ?
O phiẹ ophu rọye phihọ evun bẹdẹ-ẹ
fikiridie ẹguọnọ ro jẹrhẹriẹ ri je.
19Ọ je rhoma re ehrọre rẹ avwanre,
o che chiyi orukuruku rẹ avwanre muotọ.
We re cha kpare imwemwu rẹ avwanre ejobi phihọ evun rẹ abadi.
20Wọ vwẹ evun esiri nẹ Jekọp
ẹguọnọ esiri wẹn na kẹ Ebraham,
kirobo wo ruru kẹ esẹ rẹ avwanre nẹ ọke awanre rhe.
လက္ရွိေရြးခ်ယ္ထားမွု
Maika 7: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Maika 7
7
Uruemu rẹ Izrẹl Gbori
1Ekan kẹ vwẹ! Kidie me rhe họhọ
ọke ra da kọrọ emamọ rẹ ọkeuvo nu,
kerẹ ọke ra da kọrọ ibi ri vain ejobi nu:
rẹ erheghe ọvuọvo gbe herọ ra ria-a,
o gbi vwo ubi ri fig rẹ ẹsosuọ rọ vware rẹ erhi mẹ guọnọre-e
2Ohwo esiri na ghwu nẹ otọ na re,
o rhe vwo ọvwata ọvuọvo vwẹ ohri rẹ ihwo-o;
ayen ejobi fiọnko hẹrhẹ ọbara
dohwo doniọvo rọye tan ariri hẹrhẹ.
3Obo rayen hẹ emu umwemwu eruo,
ayen nabọ ruo dẹndẹn;
te osun te oguẹdjọ ra nọ ekpẹn rẹ udi,
ohwo rode ra ta ota umwemwu rẹ erhi rọye guọnọre;
kẹ enẹ ayen rhuo koko.
4Ọ ro me yovwi vwẹ usun rẹ ayen họhọ ebẹn,
ọ rọ ma dia ọvwata vwẹ ohri rẹ ayen họhọ ogba rẹ inwe.
Ẹdẹ rẹ ọrhẹrotọ rayen, ẹdẹ rẹ ehwe rayen, o te nure;
Asakiephana ozighi rayen kẹrẹ otọ re.
5Wọ vwẹ ẹro so ọrivẹ-ẹ,
wọ vwẹ udu kpahe ugbeya-an;
sẹro rẹ ẹchẹ rẹ ugbunu wẹn
kẹ aye rọ vwẹ uyovwi kpahe owẹ udu;
6Kidie ọmọshare na ni ọsẹ rọye saka,
ọmọtẹ na ghwe mukpahe oni rọye,
aye-orọvwe mukpahe oniorọvwe rọye;
uwevwi rẹ obọ rẹ ohwo ọye ọvweghre epha.
Ọrovwohwo re vwẹ Urhukpẹ vẹ Esivwo Cha
7Ẹkẹvuọvo vwọ kẹ vwẹ Ọrovwohwo mi che ni,
me hẹrhẹ Ọghẹnẹ rẹ esivwo mẹ;
Ọghẹnẹ mẹ che nyo vwẹ.
8Wọ ghọghọ ovwẹ-ẹ, E ọvweghrẹ mẹ.
mi de she, mi ji che vrẹn;
ọke mi de tidia vwẹ evun rẹ ebri,
Ọrovwohwo cha dia urhukpẹ kẹ vwẹ
9Ki mi chiri ophu rẹ Ọrovwohwo na
fikiridie mi ru umwemwu kpahọ,
bẹsiẹ ro vwo mie vwẹ unu vwo gu
ro de brorhiẹ kẹ vwẹ.
kọ vwẹ ovwẹ kpo asan rẹ urhukpẹ epha;
ke me mrẹ esivwo rọye vughe.
10Etiyin ọvweghrẹ mẹ kọ mrẹ,
oma kọ vo ohwo rọ ta kẹ vwẹ
Tivọ Ọrovwohwo re Ọghẹnẹ wẹn epha?
Ki mi ghorie ẹro no,
asakiephana ke chiyo te otọ kerẹ ibehre rẹ urhuvwu.
11Ẹdẹ ọvo cha ra cha vwọ ma igbẹhẹ wẹn!
Vwẹ ẹdẹ yena ke bi ughwru na shesheri
12Vwe ẹdẹ yena ayen ki che bru we rhe,
nẹ Asiria re te Ijipt,
nẹ Ijipt rhe re te Urhie na,
nẹ abadi re te abadi nẹ ugbenu re te ugbenu.
13Ẹkẹvuọvo ọto na kọ cha dia ofefe
fiki re ihwo re dia,
fiki rẹ emamọ rẹ uruemu rayen .
Ọrovwohwo re Ehrọre rẹ Izrẹl
14Vwẹ ọkpọ wẹn sun ihwo wẹn,
igegede re wọ vwọ reuku,
rẹ ayen ọvo dia evun rẹ egbo ọvo sogolo
vwẹ ohri rẹ okogbe;
jẹn ayen ghẹrẹ oma vwo Bashan vi Gilẹad
kerẹ ọke rẹ awanre.
15Kẹrẹ ọke rẹ ovwan vwo nẹ otọ rẹ Ijipt rhe na
ke Me vwẹ emu rẹ igbunu buebu nẹ ayen.
16Ẹgborho na ke mrẹ oma rẹ ẹgba rayen,
ayen ke vwẹ abọ rayen rhurhu unu rayen;
erhọn rayen ki che di;
17ayen ke cha rare ekpẹn kerẹ ọrọdekọ,
kerẹ erọvwọ ri kpono vwẹ otọ na;
ayen ki yoro nẹ asan ọgangan rayen rhe vẹ oma ẹpharie,
ayen ki che rhivwi bru Ọrovwohwo Ọghẹnẹ rayen rhe vẹ udidi,
oshọ kọ mu ayen fiki wẹ.
18Ono Ọghẹnẹ rọ họhọ owẹ, rọ vwẹ orukuruku vwọ ghovwo
ro mi gbobọnye ogbeku
vwi fiki rẹ umuku rẹ ihwo rọye ri chekọ?
O phiẹ ophu rọye phihọ evun bẹdẹ-ẹ
fikiridie ẹguọnọ ro jẹrhẹriẹ ri je.
19Ọ je rhoma re ehrọre rẹ avwanre,
o che chiyi orukuruku rẹ avwanre muotọ.
We re cha kpare imwemwu rẹ avwanre ejobi phihọ evun rẹ abadi.
20Wọ vwẹ evun esiri nẹ Jekọp
ẹguọnọ esiri wẹn na kẹ Ebraham,
kirobo wo ruru kẹ esẹ rẹ avwanre nẹ ọke awanre rhe.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.