Maika 1
1
A Viẹ kẹ Sameria Kugbe Jerusalẹm
1Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.
2Nyo, ihwo na, ovwan ejobi;
kerhọn E otọ na, vẹ obo re herọ ejobi;
gbe jẹn Ọrovwohwo Ọghẹnẹ na se iseri hwe we,
Ọrovwohwo rọ dia uwevwi ọfuanfọn rọye na
3Gbe nighe, Ọrovwohwo wotọ nẹ ẹdia rọye rhe,
ko che wotọ rhe rhi chiyi
asan ri kpenu vwẹ akpọ na.
4Igbenu na ke cha wran vwẹ obotọ rọye
iyara na ki vwo egbogho,
kerẹ erhan vwẹ oma rẹ erhanre,
kerẹ ame re ku phihọ ọghwrọrọ.
5Enana ejobi ki fiki rẹ ogbeku ri Jekọp
kugbe fiki rẹ umwemwu rẹ uwevwi rẹ Izrẹl.
Die tobọ hẹ ogbeku ri Jekọp vwọ?
Ọ dia Sameria-a?
Die tobọ rha hẹ imwemwu rẹ uwevwi ri Juda?
Ọ dia Jerusalẹm vworẹ?
6Fiki rẹ ọtiọye na ki mi vwi Sameria ru erhurhu
vwẹ obo uphẹphẹ rẹ orho na,
asan ra kọn vain phihọ,
ki mi ku ibieragha rọye phihọ evun rẹ iyara,
ka fa ichivwo rọye rhiephihọ.
7Ema rọye ejobi ke che hwe ayen vworovworo,
otu ro durhieri ejobi ka vwẹ erhanre torhẹ ayen,
ẹdjọ rọ kare ejobi ka guọghọ ayen kufia,
kidie igho rẹ igberadja rọ mrẹre ọye ọ vwọ dẹ ayen,
obọ rẹ igberadja ayen ji che rhivwi ra.
8Fiki rẹ ọnana Me vwọ viẹ beroma;
ke Me ghwiẹ amwa nu Me ba phihọ;
ke Me viẹ kerẹ erha,
mi muomahọ kerẹ ogomugoro.
9Kidie ora rọye na e se sivwo-o;
o te Juda re,
o te anurhoro rẹ ihwo mẹ rẹ,
o te Jerusalẹm rẹ.
10Wo gbe ikun rọye vwi Gat rẹ
wọ viẹ kakaka-a;
vwi Bẹtlẹ-afra-a
vwẹ oma wẹn ghworo iwurhie.
11Yan kpo obo wọ ra,
ihwo re dia Shafir,
vwẹ ẹbẹba vẹ omaẹvuọ,
Ihwo re dia Zaanan
cha ro uphephẹ-ẹ;
ọmaebere ri Betezẹl
cha reyọ asan ro mudia na mie we.
12Kidie ihwo re dia Marọt
ra rua ẹnwan hẹrhẹ erhuvwu rọ cha,
kidie emu umwemwu neẹ obọ rẹ Ọrovwohwo rhire
rhi te anurhoro ri Jerusalẹm re.
13Nabọ rhuẹrẹ asan re tidia vwẹ akpẹrẹ na,
ihwo re dia Lakish;
ovwan ẹtuọhọ rẹ umwemwu
kẹ emetẹ ri Zayọn,
kidie evun wẹ a da mrẹ
ogbeku rẹ Izrẹl.
14Fiki rẹ ọtiọye gbe ru ẹse rẹ ukpukpo
kẹ Mọreshet-gat;
uwevwi rẹ Akzib kọ dia emu rẹ ophiẹvwe
kẹ ivie rẹ Izrẹl.
15Ki mi se ihwo ri phi we kua rhe we,
ihwo re dia Maresha,
urinrin rẹ Izrẹl ke cha rhe Adulam
16Gbe oma wẹn akpan re wo bru ẹton wẹn nu,
fiki rẹ emọ re vwerhe owẹ oma;
gbe gbe oma wẹn akpan kerẹ ugo,
kidie ayen che vrẹn nẹ uwe oma kpo ighuvwu.
လက္ရွိေရြးခ်ယ္ထားမွု
Maika 1: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Maika 1
1
A Viẹ kẹ Sameria Kugbe Jerusalẹm
1Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.
2Nyo, ihwo na, ovwan ejobi;
kerhọn E otọ na, vẹ obo re herọ ejobi;
gbe jẹn Ọrovwohwo Ọghẹnẹ na se iseri hwe we,
Ọrovwohwo rọ dia uwevwi ọfuanfọn rọye na
3Gbe nighe, Ọrovwohwo wotọ nẹ ẹdia rọye rhe,
ko che wotọ rhe rhi chiyi
asan ri kpenu vwẹ akpọ na.
4Igbenu na ke cha wran vwẹ obotọ rọye
iyara na ki vwo egbogho,
kerẹ erhan vwẹ oma rẹ erhanre,
kerẹ ame re ku phihọ ọghwrọrọ.
5Enana ejobi ki fiki rẹ ogbeku ri Jekọp
kugbe fiki rẹ umwemwu rẹ uwevwi rẹ Izrẹl.
Die tobọ hẹ ogbeku ri Jekọp vwọ?
Ọ dia Sameria-a?
Die tobọ rha hẹ imwemwu rẹ uwevwi ri Juda?
Ọ dia Jerusalẹm vworẹ?
6Fiki rẹ ọtiọye na ki mi vwi Sameria ru erhurhu
vwẹ obo uphẹphẹ rẹ orho na,
asan ra kọn vain phihọ,
ki mi ku ibieragha rọye phihọ evun rẹ iyara,
ka fa ichivwo rọye rhiephihọ.
7Ema rọye ejobi ke che hwe ayen vworovworo,
otu ro durhieri ejobi ka vwẹ erhanre torhẹ ayen,
ẹdjọ rọ kare ejobi ka guọghọ ayen kufia,
kidie igho rẹ igberadja rọ mrẹre ọye ọ vwọ dẹ ayen,
obọ rẹ igberadja ayen ji che rhivwi ra.
8Fiki rẹ ọnana Me vwọ viẹ beroma;
ke Me ghwiẹ amwa nu Me ba phihọ;
ke Me viẹ kerẹ erha,
mi muomahọ kerẹ ogomugoro.
9Kidie ora rọye na e se sivwo-o;
o te Juda re,
o te anurhoro rẹ ihwo mẹ rẹ,
o te Jerusalẹm rẹ.
10Wo gbe ikun rọye vwi Gat rẹ
wọ viẹ kakaka-a;
vwi Bẹtlẹ-afra-a
vwẹ oma wẹn ghworo iwurhie.
11Yan kpo obo wọ ra,
ihwo re dia Shafir,
vwẹ ẹbẹba vẹ omaẹvuọ,
Ihwo re dia Zaanan
cha ro uphephẹ-ẹ;
ọmaebere ri Betezẹl
cha reyọ asan ro mudia na mie we.
12Kidie ihwo re dia Marọt
ra rua ẹnwan hẹrhẹ erhuvwu rọ cha,
kidie emu umwemwu neẹ obọ rẹ Ọrovwohwo rhire
rhi te anurhoro ri Jerusalẹm re.
13Nabọ rhuẹrẹ asan re tidia vwẹ akpẹrẹ na,
ihwo re dia Lakish;
ovwan ẹtuọhọ rẹ umwemwu
kẹ emetẹ ri Zayọn,
kidie evun wẹ a da mrẹ
ogbeku rẹ Izrẹl.
14Fiki rẹ ọtiọye gbe ru ẹse rẹ ukpukpo
kẹ Mọreshet-gat;
uwevwi rẹ Akzib kọ dia emu rẹ ophiẹvwe
kẹ ivie rẹ Izrẹl.
15Ki mi se ihwo ri phi we kua rhe we,
ihwo re dia Maresha,
urinrin rẹ Izrẹl ke cha rhe Adulam
16Gbe oma wẹn akpan re wo bru ẹton wẹn nu,
fiki rẹ emọ re vwerhe owẹ oma;
gbe gbe oma wẹn akpan kerẹ ugo,
kidie ayen che vrẹn nẹ uwe oma kpo ighuvwu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.